الاثنين، 11 أغسطس 2008

إنتهت حرب 73 وتحررت الأراضى المصرية والآن نعيش فى إحتلال من نوع آخر

فى حقيقة الأمر عند تحدثنا عن إحتلال الأراضى المصرية فنجد أن آخر احتلال إنتهى بالفعل عام 73 ولكننا الآن نعيش فى إحتلال من نوع آخر ،، ولكن السؤال الذى يطرح نفسه الآن ما هذا الإحتلال الذى نقصده وكيف إنتهينا بالفعل من الإحتلال عام 73 وعاد إلينا إحتلال من نوع آخر ، فالسؤال قد طرح نفسه ويمكننا الآن الرد عليه ونقول أن الإحتلال الذى نعيشه الآن هو إحتلال الشعب الأجنبى والعربى والهندى والصينى للأراضى المصرية ، فتعالى معى لنتحقق من هذا الكلام ، تعالى معى لنندب حظنا ولنبكى على حالنا ، فالآن وإذا نظرت حولك فى كل مكان فستجد هنا رجل صينى بجوارك وهناك رجل هندى وفى ناحية آخرى تجد إمراة عربية وهذه إمراة اجنبية ، فالآن وفى اى مكان تخطوه قدمك ستجد رجل او إمراة غير مصريين بجوارك وليتهم يقفوا بجوارك صامتين ويعيشون فى حالهم ولا يشاركونك ارضك بل الواقع غير ذلك تماما ، فهؤلاء الدخلاء على الأراضى المصرية يشاركونا جميعا فى مصر واصبحوا يمتلكوا شركات واراضى والشعب المصرى يعيش فى حالة فقر شديدة جدا ، فالآن وفى جميع المحافظات وفى جميع المعارض التى تفتح لعرض الملابس او الادوات المنزلية او غيره نجد ان اكثر من 50 % من البائعين غير مصريين ولكن نجدهم من الشعب الصينى فلهذا نتسائل لماذا ياتى الشعب الصينى الى مصر ويأخذوا حق الشعب المصرى والمصريين هم الاولى فى ان يبيعوا فى هذه المعارض بدلا من الصينيين ، وايضا إذا نظرنا لاحوال المصانع فسنجد ان نسبة كبيرة من العمالة بها من الهنود والصينيين وهذا ايضا نجد فيه نوع من الظلم للشعب المصرى فلماذا اصحاب المصانع يجعلوا صينيين وهنود يعملون فى املاكهم وفى الوقت نفسه يوجد نسبة كبيرة من الشباب تبحث عن العمل وتعانى من البطالة فالمصريين هم الاحق بالعمل فى المصانع بدلا من الهنود والصينيين ، ولكن المشكلة الكبرى التى تواجهنا الآن هى أن معظم العرب والاجانب عندما ياتوا إلى مصر لإستثمار اموالهم فيذهبوا لشركة ما او لمصنع ما او لمحلات ذات فروع او للمولات الضخمة او للعقارات ويقوموا بشراء اى مصنع او اى شركة او عدد كبير من الافدنة او العمارات الضخمة او المحلات الكبيرة ومرة فى مرة فى الآخرى سنجد ان جميع اراضينا ومصانعنا وشاركاتنا تسربت الى الاجانب والعرب ، فهذا هو الإحتلال الذى نعيش فيه وإذا لم نتكاتف ولم نتعاون فسيزداد الامر سوءا وبعد فترة من الوقت سنجد ان الشعب المصرى لا يمتلك اى شئ وسيضيع آخر حق لنا فى ارضنا مصر ، فجميع المصانع والاراضى والشركات والمحلات والمولات ستتسرب الى هؤلاء الدخلاء وسينتشروا فى جميع المناطق التى نذهب اليها ، فنحن الآن ليس فقط نعيش فى احوال سيئة من حكومتنا وفى إرتفاع اسعار فى كل شئ وسوء معاملة و .. و... وغيره وغيره بل جميع الممتلكات تتسرب الى اشخاص غير مصريين ، فنحن الآن نواجه ازمات شرسة واحوال سيئة ولعل المصريين يتكاتفوا ويتعاونوا لمواجهة هؤلاء الدخلاء ولعل اصحاب المصانع والشركات والمحلات والمولات يمنعوا بيع ممتلكاتهم لهؤلاء الدخلاء وان يجعلوا من يعملوا فى ممتلكاتهم مصريين فقط لانهم الاحق بهذا ، ولعل هذا يتحقق!!!
.....................................

هناك 6 تعليقات:

مواطن مصرى نايم يقول...

لا يا ندى فى حاجة تايهه منك فى البوست
للعلم الصينى مش بيشتغل لحسابة
دول كلهم بيشتغلوا مع كفيل صينى و كفيل مصرى
بياخد اجرة عن العمل اليومى 10 جنية
تخيلى التعب ده و الحاجات اللى بيشيلوها طول اليوم و باخد الواحد فيهم 10 جنية
فى حد مصرى حيرضى بكده

بوست جميل يا ندا

تحياتى
اسلام

ندا منير يقول...

اه فى كتير يرضوا بكدة ودا هيبقى شغل بجانب شغل تانى
وبرده فيه مش هيرضوا بس المهم اننا هنلاقى ناس كتير يرضوا بكدة
وبعدين يا اسلام الصينين كتروا قوى وبقيت كل لما اشوف حد فيهم اتحسر علينا وعلى حالنا
واشكرك على تعليقك وعلى معلوماتك اللى دايما بتفيدنى بيها

غير معرف يقول...

بصى يا ندى هو فعلا مصر فيها جنسيات كتير اوى بس دة يردو بيدعم اقتصادنا .اة فى مصريين كتير اوى عاطلين عن العمل بس الى معاهم فلوس خايفين يشغلوها عشان ما تخسرش فى السوق فبيجوا هما العرب والغرب والصينين والهنود ويفتحوا مشاريع هنا فبيقيدونا وكمان بيستفيدوا دة غير انى اعتقد انهم بيتفضلوا فى العمالة عن المصريين عشان للاسف عند اغلبهم زمة وضمير وانت فاهمة قصدى كويس .بوست جميل يا ندى

ندا منير يقول...

نيرة
..........
اشكرك يا نيرة على المتابعة
وعايزة اقولك ان الصينيين او غيرهم لما يشتغلوا مكان المصريين دا مفهوش فايدة لينا لان الاشخاص دول بياخدوا حق المصريين وتانى حاجة بيمتلكوا املاك المصريين وبعد شوية هيبقى مصيرنا زى الفلسطنيين فضلوا يبيعوا فى اراضيهم لحد لما احتلوا
وبدل لما اصحاب الشركات او المصانع يشغلوا غير مصريين فيبقى اولى انهم يشغلوا مصريين وبعدين انتى بتقولى ان المصريين مش عندهم زمة ولا ضمير يعنى هو يا نيرة الصينيين دول او العرب او الاجانب هما اللى عندهم زمة وضمير او حتى خايفين على مصلحتنا هو طبعا فى مصريين معندهمش زمة ولا ضمير بس فى كتير اوى بيخافوا ربنا
عموما احنا مش قدمنا غير اننا ندعى ربنا

Zanooba (Zeinab sab9n) يقول...

السلام عليكم
إزيك يا ندى عاملة إيه يا رب تكوني بخير ....

أنا متربية في الخليج فحرد عليكي من منظور تاني العامل الآسيوي بيرده يشتغل تحت أي ظروف , و ياخد مرتب ضئيل لكن مفيش أي عامل مصري أو حتى عربي يرضى بالكلام ده و العامل الآسيوي مش بيتنازل بكده يعني حقلك على حاجة إحنا كان عندنا شاغلة إندنوسية و كانت بانية في بلادها فيلا على البحر ...ما نحلمش بيها و ده بسبب فرق العملة...و حقولك حاجة تانية أمريكا مثلاً أكبر مستثمر فيها السعودية !! و في فيلم وثائقي أتعمل عن 11 سبتمبر أسمه فهرانيت أتكلم بالتفصيل عن الموضوع ده .. هو ده الإقتصاد العالمي الجديد ...أنت عارفة إحنا مشكلتنا إيه ؟ أن فيه فساد فالشركات بتخسر فيبيعوها بتراب الفلوس و مش حقولك على السمسرة ...و لا عزاء للشعب
مستنية جديدك

ندا منير يقول...

انا الحمدلله كويسة يا زينب اشكرك على سؤالك وعلى متابعتك للمدونة
برده انا هقولك نفس الكلام اللى قولته لاسلام ان فى مصريين هيرضوا انهم يشتغلوا بمرتب قليل لانهم بيبقوا عايزين اى حاجة تعيشهم لانهم بيبقوا مش لاقيين اى شغل فالاولى للمصريين من العرب او غير المصريين
والحاجة التانية انك بتقولى ان فيه شركات بتخصر فعشان كدة بيبيعوها هو طبعا مش كل اللى بيتباع بيكون فيه خسارة فى الشركة فى مصريين بيفرحوا لما حد عربى او جنبى بيجى يشترى شركته بسعر عالى ويقول اهو الفلوس احسن
يعنى فى كتير قوى بيبيعوا ممتكاتهم عشان الفلوس مش الخسارة

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...