الخميس، 25 ديسمبر 2008

بسطاء يحاربون البطالة

بجد وحشتونى جدا جدا جدا وكنت مفتقداكم جدا وبعتذر على المدة الطويلة دى بس كان لظروف كتيرة قوى
وحشتنى مواضيعكم وان شاء الله هدخل المدونات كلها واقرا الجديد فيها
وميرسى قوى على تشجيعكم ليا
بسطاء يحاربون البطالة
.................
كثيرا ما نظلم ونظلم ؛ فكثيرا ما تظلمنا الحكومة وكثيرا ما نظلمها ، ومع ذلك فنجد ان هناك شئ مشترك نكون فيه فى موقف الظالمين والمظلومين ، فالبطالة التى يعيش فيها عدد كبير من الشعب المصرى مسئول عنها الحكومة والشعب نفسه ، فدائما يلقى الشعب اللوم على الحكومة وحدها دون النظر الى جميع الاسباب التى تؤدى الى البطالة ، فنجد ان عدد سكان مصر يزيد عن السبعين مليون فكيف توفر الحكومة وظائف لهذا الكم المهول ؟؟؟
واغلب الذين يريدون وظائف يريدونها فى مجال تخصصهم فكيف يحدث هذا ؟
فهنا نجد ان الشعب المصرى يصر حتى الآن على عدم تنظيم الاسرة وانجاب عدد كبير من الاطفال وهذا يؤدى الى عدم توافر وظائف لجميع خريجى الجامعات فى تخصصهم ومع هذا نجد ان اول ما يفعله الشعب المصرى هو ذم الحكومة دون النظر الى جميع الاسباب او دون المحاولة الى حل هذه المشكلة بالعمل فى اى وظيفة كبائع مثلا فهذا الظلم الذى قد يكون واقع على الحكومة ، اما ظلم الحكومة لنا هو عدم ترك البائعة الجائرين يبحثون عن وظيفة للمعيشة فدائما شرطة البلدية تهاجمهم فهذا ظلم كبير لهم لان هذا سيترتب عليه زيادة الفقر والبطالة وحدوث سرقات والموت جوعا ، ولهذا نجد ان مشكلة البطالة اسبابها متفرعة ربما يكون من اسبابها زيادة عدد السكان ، رغبة خريجى الجامعات العمل فى مجالهم فقط ، بعض الاشخاص يستحيون من العمل فى الوظائف البسيطة كبائع مثلا ، وربما توجد اسباب اخرى .

وكان راى محمد عبدلله 40 سنة بائع لكروت الشحن ولتحويل رصيد و يحضر عدة موبايلات ليتحدث الطلاب فيهم ، ان الحكومة ليست مسئولة عن كل شئ ، والوظيفة التى يعمل بها الان لم تكن وظيفته الاساسية ولحدوث اصابة له فى عمله حيث كان يعمل فى المعمار فلجأ لهذه الوظيفة وبذل مجهود فى البداية الى ان تمكن من تحديد مكان للوقف فيه ويقول ان هذه الوظيفة تمكنه من ان يكفى مصاريف معيشته وانها وظيفة للحد من البطالة واضاف اخيرا ان اى شاب يسعى للبحث عن عمل فسيحصل على اى وظيفة تكفى مصاريفه وهذا يحتاج فقط صبر .













اما راى نجاح محمد على 35 سنة بائعة فطائر عند بعض محطات المترو تقول ان وظيفتها هذه وظيفة للحد من البطالة وافضل من التسول ولكنها تبحث عن وظيفة اخرى لان هذه الوظيفة لم تمكنها من ان تكفى مصاريف معيشتها .

اما راى سامح علاء عمرو 23 سنة بائع ادوات واقلام وكتب وكراسات مدرسية عند احد محطات المترو ويقول انه لم يجد وظيفة افضل من هذه لانه يستطيع ان يكفى مصاريف معيشتها منها ويتبقى منها جزء من المال وانه لم يحصل على هذه المبلغ من اى وظيفة اخرى ويقول انها وسيلة للحد من البطالة واخيرا قال انه لم يبحث عن وظيفة اخرى .













واخيرا كريم محمد على 25 سنة بائع اكسسوارات ونظارات شمس وغيره فى احدى محطات المترو يقول يقول ان هذه الوظيفة افضل من الوظيفة فى مجاله وانها تكفى مصاريفه وانها وسيلة للحد من البطالة ولكن بشرط ان شرطة البلدية يتركوهم فى حالهم وانه لم يبحث عن اى وظيفة اخرى



اما راى الدكتور ابراهيم نصار اليمانى استاذ الاقتصاد المساعد بكلية التجارة جامعة عين شمس ، ان هناك بالفعل بطالة فى مصر وان معدلات البطالة مرتفعة بالقياس الى وضعها فى الكثير من الدول كما توجد بطالة مقنعة فى القطاع الحكومى والزراعى ، ويقول ان اسباب البطالة ترجع الى سياسة التعليم وسياسات التوظيف والسياسة السكانية ففى التعليم يتم التركيز على الجانب النظرى واهمال الجانب العملى مما ادى الى وجود بطالة بين خريجى الجامعة وفى التوظيف توسعت الحكومة سابقا فى تشغيل العديد من الافراد دون الحاجة لهم وظهرت البطالة المقنعة كما يقول ان الزيادة الكبيرة فى معدلات المواليد ادت الى وجود زيادة كبيرة فى البطالة ، ويرى ان الشعب المصرى شعب مستهلك جدا وهناك مظاهر كبيرة جدا فى الاسراف الاستهلاكى وتظهر فى المناسبات المختلفة وذلك بعكس الدول المتقدمة وبهذا نجد ان معدلات الادخار ضعيفة واقل من معدلات الاستثمار وبالتالى تاخر عملية التنمية ، ويقول ان الشخص الذى يعانى من البطالة عليه ان يبحث على اى عمل ، واخيرا يرى انه يمكن القضاء على البطالة عن طريق زيادة التوظيف والاستثمار وتشجيع الشباب على ممارسة العمل الحر والقيام بالمشروعات الصغيرة.

واخيرا نطلب من الحكومة المصرية ان يضعوا حل لمطاردة شرطة البلدية للبائعة الجائرين وان يتركوهم يعملوا مقابل مثلا تاجير المكان اللذين يعملون فيه بمبلغ قليل من المال
.

الخميس، 13 نوفمبر 2008

ياريت تعذرونى

الاول انا بتاسف ليكم انى مقدرتش ادخل الاسبوع اللى فات لانى كنت مشغولة جدا
لكن الاسبوع دا
مخنوقة جدا
ومش قادرة اعمل اى حاجة ومش عارفة افكر ولا عارفة اخد قرار وعليا ضغط كبير قوى فى الشغل يمكن لما الناس اللى براسلها عرفت انى جادة جدا فى الصحافة وانى نفسى اوصل لمركز كويس فانتهزت الفرصة بس برده مش كل الناس
فبيطلبوا منى حاجات فوق طاقتى وفوق قدراتى ومش بيراعوا انى لسة فى اولى وحاجات مش مسموحلى عشان سنى انى اعملها
يعنى ابسط حاجة امبارح كنت بعمل تحقيق وصورت و اتبهدلت فى التحيقيق دا وكنت هضرب وفى ناس اتلمت عليا وظابط لمحنى وجالى وكانت شغلانة
بجد مش عارفة اعمل ايه
استمر ولا لاة
هو كل اللى يهمنى فى حياتى ان دا ميجيش على حساب دراستى والحمدلله لحد دلوقتى انا كويسة فى الدراسة لكن بالاسلوب دا وبكتر الشغل اللى بيطلب منى
حاسة انه هيجى على دراستى
مش عارفة ابعد عن شغل الصحافة دلوقتى
ولا لاة
بس انا مقدرش ابعد دلوقتى
ولا بعد كدة
فعلا مش عارفة اعمل ايه
مطلوب منى دلوقتى شغل صعب جدا ولما هينزل باسمى ممكن يعملى مصيبة والمفروض اسلم الشغل دا الاسبوع الجاى
مش عارفة اعمل ايه
اعمل الشغل دا
ولا لاة
ومش عارفة هل هقدر اتحمل المشاكل اللى ممكن تحصلى بسببه ولو معملتهوش يبقى كدة انا بديهم فى الجرنان صورة غلط عنى
لانى لسة داخلة فى الجرنان ودا هيبقى اول حاجة هتنزل
يعنى لازم اعمله
عشان استمر فى الجرنان
بجد مش عارفة اوصل لحل

وغير كدة ورايا شغل عملى كتير مطلوب منى فى الكلية ، وبرده بنظم حاليا مع مجموعة من الناس اسرة هنعملها فى العاشر عشان هنضمها للجمعية فبرده هى شغلانى جدا لاننا عايزين نجهز كل حاجة قبل نصف السنة عشان نشاطها هيبدا ان شاء الله فى نصف السنة فمشغولة قوى
والمفروض كنت انزل التحقيق اللى عملته وان شاء الله هنزله
بس عشان لسة مكتبتهوش على الكمبيوتر فان شاء الله اول ما هدخل المدونة تانى هنزله عشان انتم عارفين بحب اخد رايكم فى اللى بكتبه
ومعلش انا دوشتكم بس حبيت اوضح سبب انى مش هقدر ادخل المدونة شوية لحد ما هعرف انا هعمل ايه بالظبط
وبجد انا اسفة جدا
ونفسى ادخل مدوناتكم اشوف اخر مواضيعكم
بس فعلا مش قادرة
لانى مش عارفة اركز فى حاجة خالص
لكن مش هتاخر عليكم اسبوع اتنين بالكتير قوى
وهتلاقونى تانى معاكم
بس ادعولى


الخميس، 30 أكتوبر 2008

تاج متاخر قوى قوى قوى

طبعا فى البداية انا بعتذر بجد لاسلام صاحب مدونة قهوة نام يا مصرى ولخالد صاحب مدونة رقصنى يا جدع على تاخر التاج دا والتاجين كانوا واحد
وثانيا احب اعلن عن رواية رومانسية كتبها صحفى اسمه ماجد ابراهيم ودلوقتى فى اجزاء من الرواية موجودة على مدونته عشان اللى يحب ياخد فكرة عن الرواية يقراها ولو عجبته ممكن يبقى يشتريها لما تنزل السوق وهى اسمها حكايتى مع ش
وملخص الرواية كلها بدرو حول ( ش ) وحكايتها مع سمير ذلك الشاب الخجول الذى لم يستطع طوال عمره ان يكون اى علاقة ناجحة مع اى فتاة ، وكيف اوقعته ش فى حبها ثم تخلت عنه لاسباب غريبة وغير منطقية لتكن واحدة ضمن 3 فتيات تعرف عليهن سمير على فترات متلاحقة يحملن نفس الاسم الذى يبدا بحرف ال ش ووقع فى حبهن دون ان يكون له نصيب بالارتباط بهن حتى مل من هذا الاسم ومن كل من تحمله لفشل علاقته معهن ولسوء حظه مع كل الفتيات اللواتى يحملن هذا الاسم وربما لقدره الغريب من هذا الاسم .
ودا لينك المدونة
ودا الاميل عشان اللى يحب يقول رايه قبل توزيع الرواية الرسمى
معلش انا طولت عليككم جدا جدا ياريت محدش يتخنق منى
هههههههههههههه
خلاص اخر حاجة وهجاوب التاج
بجد اخر حاجة
هههههههههههههه
انا طبعا لظروف سفرى ودراستى ومراسلتى للجرايد فبجد مش بقدر ادخل غير يوم واحد بس فى الاسبوع واول ما بدخل بشوف كل التعليقات وكل المواضيع الجديدة اللى نزلت فى المدونات اللى ضيفاها عندى فاحيانا بلاقى مدونة منزلة خلال اسبوع واحد موضوعين او اكتر فطبعا انا بعتذر انى مش بقدر اقرا كل المواضيع الجديدة اللى نزلت فى المدونة دى لكن بدخل على كل المدونات وبقرا اخر موضوع بس
التاج اهو بقى
.............
س1 : بدات تدون امتى ودخلت العالم دا ازى ؟
.....
بدات التدوين من بداية شهر 7 عام 2008 ، واللى خلانى الجأ للتدوين هو انى بحب الصحافة جدا وبحب الكتابة فكنت عايزة اوصل كتباتى لناس كتير قوى عشان اعرف رايهم ونقدهم ونصايحهم واحسن من اسلوبى دايما فقررت انى اعمل مدونة عشان هى اللى هتساعدنى على كدة
.........................
س2 : ايه كان انطباعك فى البداية ؟
..........
كنت حابة جدا نظام المدونة ونظام المحاورات ونقد الناس ليا والمدونات عموما بحس انها وسيلة للتعارف على الافكار الجديدة وانى بتعلم من المدونين حاجات كتير قوى .
..................
س3 : مين اكتر واحد بتهتم بتعليقه على بوستك الجديد ؟
.............
طبعا بهتم بكل الناس وخصوصا الاشخاص اللى مدوناتهم ضيفاها عندى وطبعا اى شخص جديد يعلق عندى لانى عاملة المدونة عشان اعرف راى كل اناس حتى لو كان نقد ليا
يعنى مفيش شخص معين
...............
س4 : ايه اكتر حاجة اتعلمتها من عالم التدوين ؟..........
ثقتى فى اللى بكتبه زادت قوى لما لاقيت تشجيع من ناس كتير واتعلمت برده انى لازم اتقبل اى نقد مهما كان عشان اعرف انجح ................
س5 : ايه اكتر حاجة كرهتها ؟
......
بصراحة لحد دلوقتى مفيش حاجة كرهتها
.......
س6 : حاسس ان التدوين ليه تاثير ؟
......
طبعا له تاثير واضح جدا
ثقتى فى نفسى زادت
ومبقتش بضيع وقتى غير فى حاجات مفيدة
بقرا مواضيع كتير من المدونات بتفدنى وبتزود معلوماتى
والجو دا انا بحبه جدا
.....................
س7 : تهدى التاج لمين؟
..........
سؤال كل مرة اللى مش بحب اجاوبه عشان مضايقش حد
عموما انا بهديه لكل المدونات اللى ضيفاها عندى ولكل الناس الجديدة اللى هتعلق عندى
.......................

الخميس، 16 أكتوبر 2008

رجال بسطاء ولكن يستحقون العقاب

رجال بسطاء ولكنهم يستحقون العقاب .
.......................
هل كل من لا يجد وظيفة يتخذ معاكسة النساء والبنات وسيلة للتسلية بدلا من الوظيفة ؟؟؟
سؤال يطرح نفسه ويفرض علينا الاجابة عليه ،
ففى كل محافظة او مدينة يوجد فئة من الناس تعانى من البطالة ، وهى فئة بسيطة جدا
تعانى من الحياة القاسية وظروف معيشتهم المتدنية ،فرضت ظروف المجتمع عليهم هذه الحياة القاسية وهؤلاء الناس يتخذوا من ارصفة الشوارع حلا للبطالة التى يعانون منها وبحثا عن وظيفة ، ومثال على ذلك مدينة العاشر من رمضان فيوجد فيها بعض من الناس يعانون من البطالة ، فهؤلاء الناس ذهبوا إلى بعض المناطق فى المدينة ليجلسوا فيها منتظرين اى شخص ياتى لهم يحتاج لمساعدتهم ، سواء كان هذا الشخص يريد اى فرد منهم للقيام بنظافة منزله ، او لحمل اشياء ثقيلة ، او لدهان منزله ، او لاى عمل شاق ، ومقابل هذا يأخذون بعض من الاموال التى تعينهم على معيشتهم ، وفى مدينة العاشر من رمضان نخص بالذكر منطقة الاردنية او موقف العاشر وايضا المجاورة الخامسة وبالتحديد عند شبكة المياه ، ففى هاتين المنطقتين يجلس عدد كبير جدا من الرجال منتظرين تردد الناس عليهم ، وهذا ليس عيبا او حراما طالما يبحثون عن وظيفة تعينهم على معيشتهم ، ولكن ما يدعو للاسف ان اغلب هؤلاء الرجال يقضون يومهم كله فى معاكسة السيدات والبنات وذلك لعدم تردد الناس عليهم كثيرا فيكون لديهم وقت فراغ كبير وهذا هو تفسير بعضا منهم ، وايضا يبرروا معاكستهم هذه بملابس البنات وهيئتهن وطريقة سيرهن السيئة فى الطريق ، فهذا بالتاكيد تفسير ومبرر ليس له اى منطق والواقع ان هؤلاء العمال لا يتركون اى سيدة او اى بنت إلا وان يضايقوها بكلمات سيئة للغاية حتى إذا كانت هذه السيدة كبيرة فى السن او هذه البنت ترتدى النقاب او ملابس واسعة ، فهم لا يختاروا هيئة البنت او السيدة التى يعاكسونها ولكنهم يعاكسون جميع المارات امامهم ، فهذا هو العيب والحرام لانهم إذا خرجوا للبحث عن وظيفة يجب ان يراعوا هذا لكن الذى يفعلونه هذا يجب ان يعاقبوا عليه لإنهم يأذوا كل السيدات والبنات ، فنحن جميعا نتعجب من هذا فهؤلاء يحتاجون الى اى وظيفة كى يستطيعوا ان يعيشوا منها ، فلماذا يلجأون الى المعاكسة بالرغم من إنه من الممكن ان يكون الرجل الذى يعاكس رجل متزوج ولديه ابناء ،
فمن المؤسف ان نقول ان المعاكسة اصبحت مثل الوباء لا يمكننا القضاء عليها بسهولة ، والحل الذى فى ايدينا الآن هو ان نناشد المسئولين فى مدينة العاشر من رمضان حتى ينقلوا هؤلاء الرجال الى منطقة خاصة بهم بعيدا عن الناس ويتم عمل إعلانات توضح المنطقة التى سيتواجد بها هؤلاء الرجال وذلك حتى يتم معرفة مكانهم لدى الناس الذين يحتاجون لمساعدتهم وايضا لنرحم السيدات والبنات من المعاكسة ومن الإيذاء الذى يتعرضن له ،
وكلامنا هذا بناءا على كثرة شكاوى السيدات والبنات اللاتى تتعرضن لمشاكل عديدة من هؤلاء الرجال .
ولعل كلامنا هذا يصل إلى المسئولين ؟؟؟؟؟؟؟

الجمعة، 3 أكتوبر 2008

المصريون يصرخون

قبل ما اتكلم عن الموضوع عايزة بس اقولكم ان الدراسة خلاص بدات ومش هقدر افتح الا مرة فى الاسبوع عشان معطلش نفسى فى المذاكرة
لكن باذن الله اول ما هدخل هرد على كل تعليقاتكم وهدخل على كل المدونات اللى متسجلة عندى وهقرا الجديد اللى نازل فيها
وبرده هدخل على اى مدونة جديدة
وادعولى بقى دى اول سنة ليا فى الجامعة ادعولى كدة اجيب امتياز
.............


المصريون يصرخون
........
الصرخة تلى الصرخة والبكاء مستمر وحالة الحزن تسود العديد من المنازل المصرية ، فالآن نسمع صرخات متتالية من المصريين من جميع الاعمار ومن جميع الفئات فالمصريون الآن يواجهون أزمات متتالية لا يعرفون كيف يواجهونها ، ونقصان بنزين 80 يعد من اكبر الأزامات التى يواجها المصريون ، وهذه الأزمة تعانى منها عدة محافظات بل تقريبا جميع محافظات جمهورية مصر تعانى منها ، والآن نجد ان مدينة العاشر من رمضان تعانى ايضا من هذه الأزمة ، فيوجد بمدينة العاشر محطتين بنزين 80 فقط ، فهذه هى المعاناة الحقيقية ، ففى العاشر يوجد الآلاف من السكان لديهم سيارات ويحتاجون لتموين سياراتهم بإستمرار ، ويلجأون لبنزين 80 لإنه اوفر بكثير من بنزين 90 وبنزين 92 ، فبنزين 80 بتسعين قرشا ، أما بنزين 90 بمائة وخمسة وسبعين قرشا ، وبنزين 92 بمائة وخمسة وثمانين قرشا ، فهنا نجد ان الفرق كبير جدا ولذلك فمعظم اهالى مدينة العاشر من رمضان يفضلون بنزين 80 ، ولكنهم يعانون معاناة شديدة جدا للحصول عليه بسبب وجود محطتين فقط ، ويتوافر البنزين فيهما على فترات متباعدة ، فأحيانا يتوافر مرة فى الاسبوع فقط واحيانا مرتين واحيانا ثلاثة مرات ، ولذلك عندما يتوافر البنزين فنجد زحام شديد جدا وطوابير عديدة من السيارات ، فاحيانا نجد ان عدد السيارات تصل الى خمسين او ستين سيارة واحيانا اكثر واحيانا اقل وفى كلتا الحالتين فنجد ان معاناة هؤلاء الناس كبيرة جدا ، فيخرج اى فرد من منزله لتموين سيارته يعود لمنزله بعد ساعتين او ثلاثة او اكثر بسبب الزحام الشديد على المحطة فيخرج اى فرد لعمله فى الصباح واحيانا بعد عودته يذهب لعمل آخر ليكفى احتياجاته وبعد عودته من العمل الآخر يذهب الى طابور بنزين 80 ، فهكذا نجد ان المواطن المصرى يعيش فى دائرة من المعاناة وحياته كلها تحولت لطوابير ، طابور على افران الخبز ، طابور على البنزين ، طابور فى اى مصلحة حكومية لإتمام مصلحة ما ، طابور على شراء اللبن ، وغيره من الطوابير ، فالآن نجد ان السؤال يطرح نفسه ، فإلى متى ستظل هذه المعاناة وهذه الأزمة ؟ وإلى متى ستظل حياة المصريون كلها طوابير ؟ ،
فلعل صوتنا هذا يصل الى المسئولين ، ولعلهم يهتمون بهذا الامر ويزودوا
مدينة العاشر من رمضان بمحطتين او ثلاثة او اكثر ويوفرون فيهم بنزين 80 وذلك حتى يحدوا من هذه الازمة ويخففوا عن المصريين تلك الازمة
فالآن لا أجد من الكلمات ما أقوله سوى الله معنا ..وربما نحن الآن لا نملك سوى الدعاء إلى الله ليساعدنا ويخرجنا من هذه الأزمة الخانقة لكن يجب أن نتذكر أن السماء لا تمطر ذهبا والدعاء لا يستجاب إلا بالعمل ..!!
فماذا نحن فاعلون ..؟؟
............................

الخميس، 25 سبتمبر 2008

تحقيق (( كشف الاسرار وسقوط القناع ))

قبل ما اتكلم عن التحقيق دا احب اقولكم ان الفريق القومى للعاشر من رمضان فريق النساجون الشرقيون صعد للدور النهائى ولكن لم يتم الفوز فى الدور النهائى ولكنه حصل على المركز الثانى فى الدورة الرمضانية العاشرة واخذ المركز الثانى لانه فاز وصعد للدور النهائى .


..................


ودا بقى التحقيق وياريت تقولولى رايكم بصراحة عشان دا اول تحقيق اعمله بنظام التحقيق الصح


................


عندما يرتكب شخص ما جريمة فنجده يرتدى قناع يخفى خلفه حقيقته ، ولكن يأتى يوم ويسقط هذا القناع وعند سقوطه نرى خلفه الغش والكذب والخداع والنصب ، وهذه الكلمات لم نستغرب من سماعها لأن أذاننا إعتادت على سماعهما ، والآن نرى أن هذا واضحا وبشكل كبير فى فئة من المجتمع المصرى ، وهى الفئة التى تدعى الفقر ولكنها فى الحقيقة فئة ليست فقيرة بل تكون فئة غنية ، ونجد الآن أن هذا الكلام فيه نوع من الغموض فلهذا نجد أن السؤال يطرح نفسه ، فماذا نقصد بهذا الكلام ؟ وماذا يعنى وجود فئة فى المجتمع المصرى تدعى الفقر وتقبل على نفسها هذا وهى لا تحتاج إلى الأموال ؟ ، فيمكننا ان نقول أن هؤلاء الناس يدعون الفقر ونجدهم يعيشون فى منازل غير صالحة إطلاقا للمعيشة فيها ، وأحيانا نجد اربعة أو خمسة أسر يعيشون معا فى منزل واحد ، ويقسموا المنزل إلى غرف على عددهم ، وكل أسرة منهم تعيش فى غرفة واحدة ، والمناطق التى يعيشون فيها عشوائية جدا تضم اللصوص والمتسولين وقطاعى الطرق ، وهذه المناطق تكون فى جميع محافظات جمهورية مصر العربية ، وكل هذا حتى يقنعوا الناس إنهم بالفعل فقراء ويحتاجون للمساعدة ، وأيضا نجد ان هؤلاء الناس يخرجون فى الشوارع ويتسولون ممن يمر أمامهم ، ويقنعوا الناس إنهم فقراء وراتبهم الشهرى لا يزيد مثلا عن الثلثمائة أو الربعمائة جنيها ويعولون اسرة بأكملها ويوجد أشخاص مريضة بهذه الأسرة ويحتاجون للعلاج ويريدون ان يعلموا اولادهم فى المدارس والجامعات وهم لا يستطيعون تحمل هذا ، ثم يبداون فى البكاء حتى يقتنع الناس تماما بهذا ، ثم يتفق الناس معهم بإنهم سوف يساعدونهم براتب شهرى إما بمساعدات فى المناسبات ، ولكن فى حقيقة الأمر يكون هؤلاء الناس من الطبقة الغنية أو المتوسطة ، واحيانا نجدهم اصحاب املاك وعقارات ومحلات وراتبهم الشهرى يكون مرتفع ، ولا يوجد أى شخص مريض بالأسرة ، ولهذا نصفهم بأنهم لديهم قدرة خارقة على إقناع الناس بأنهم فقراء ، ومع كل هذا نجد أن بعض الناس يغفل عنهم وجود مثل هذه الفئة فى المجتمع المصرى ، ولهذا فقد كونا فريق ونزلنا الشوارع المصرية وذهبنا الى المناطق العشوائية ، وتعايشنا مع سكان تلك المناطق واجرينا البحوث إلى ان اوضحت النتائج صدق هذا الكلام ، وأن هذه الفئة توجد بالفعل فى المجتمع المصرى ، وليست كل منطقة عشوائية نصفها بهذا ، ولكننا نقول أن هذه الفئة تعيش غالبا فى المناطق العشوائية ، وكان هذا نوع من انواع التسول ، ونوع من أنواع الفئات التى تعيش بالمجتمع المصرى .
...............................
واليكم الآن صور لنماذج من البيوت التى يعيش فيها هؤلاء الفئة من الناس ، وهذه الصور تم اخذها من شوارع مصرية لاشخاص يسكنوا فيها ويدعوا الفقر ، وإليكم الآن ان تتخيلو شكل هذه البيوت من الداخل اذا كان هذا شكلها من الخارج وكل هذا ليقنعوا الناس بانهم فقراء وليحصلوا على اكبر عدد من المساعدات .................
...........................
كان فى صور هنا صورتها من الشوارع اللى عملت عليها التحقيق بس للاسف الصور مش راضية تنزل بقالى يومين بحاول انزلها مش راضية بس هحاول تانى
..............
وكان رأى احمد محمود محمد ، 20 سنة ، طالب فى كلية هندسة ميكانيكا فى المعهد التكنولوجى بمدينة العاشر من رمضان ، فى هذه الفئة من الناس إنه ياكد هذا الكلام ويقول انها موجودة بالفعل فى مجتمعنا وسبق له التعامل مع هؤلاء الناس على انهم فقراء وكان يساعدهم كثيرا ثم اكتشف حقيقة كذبهم ، ويقول إنه توصل لهذا عندما بدأ يلاحظ عليهم تصرفات غريبة ، فعندما كان يذهب إليهم كانوا يأخذوه ويذهبوا الى مكان بعيد عن جيرانهم حتى لا يظهر كذبهم ، وطول فترة تعامله معهم لم يقولوا له المكان الاصلى الذين يعيشون فيه ، وكلامهم بدا يشعر فيه بحيرة شديدة وكانوا يحاولوا إقناعه إنهم فقراء بطريقة غريبة جدا وبعد كل هذا ذهب وسال عنهم جيدا وتاكد انهم يكذبوا عليه ، ثم قال ان السبب الذى يدفعهم الى فعل هذا فربما يكون بسبب مرض نفسى والشعور بالنقص ، إما لإنهم يصفون بالطمع ويريدوا ان يزودوا اموالهم ، إما لانهم يريدوا ان يأمنوا مستقبلهم ومستقبل اولادهم ، ويقول ان هؤلاء الناس يستخدموا التسول كنوع من الإستثمار ، واخير قال إنه من الممكن ان نقضى على هذه الظاهرة عن طريق ان الاشخاص الاغنياء يتولوا امر الاشخاص الفقراء وذلك عن طريق مؤسسة تتولى هذا الامر وتتولى جمع التبرعات وذلك بعد التاكد ان هؤلاء الناس فقراء فعلا ويحتاجون المساعدة .
.....................................................................
أما آية على جابر ، 19 سنة ، طالبة فى كلية علوم بيولوجى جامعة الزقازيق ، فايضا سبق لها التعامل مع هذه الفئة وذلك عن طريق عمل ابحاث عليهم للتاكد انهم فقراء وبعد عمل الابحاث تاكدت انهم ليسوا فقراء وقد اتضح لها هذا عن طريق كلامهم معها فكلامهم كله كان متناقض مع بعضه البعض وايضا سالت عنهم ، وترى ان السبب الذى يدفعهم لهذا هو شعورهم بالنقص ، وذلك عندما ينظروا لمن حولهم فيريدوا الحصول على اى شئ حتى يزودوا مستواهم المادى واخيرا قالت انه من الممكن القضاء على هذه الظاهرة عن طريق عمل بحث للتاكيد ان هذه الحالة تحتاج فعلا للمساعدة عن طريق التاكد من جيرانهم .
..................................
وعمرو زكريا احمد طالب فى اولى كلية هندسة جامعة عين شمس يقول ان هؤلاء الناس يظهر كذبهم من كثرة البكاء حين التحدث مع الناس ومع كثرة البكاء والاستمرار فى الحديث يقولون الحق وهم غير مدركين ، ويقول انهم يفعلون هذا لعدة اسباب اهمها الخوف من الاحتياج فى يوم من الايام بسبب الحالة المادية الغير مستقرة ، ويقول ايضا اننا لا نمكن القضاء على هذه الظاهرة ........................
اما شيماء سليمان عامر ، 20 سنة طالبة فى رابعة كلية صحافة واعلام جامعة الازهر
ان هؤلاء الناس يظهر عليهم كذبهم من طريقة كلامهم ومن هيئة المنزل من الداخل ، وتقول انهم يفعلون هذا بسبب الطمع ، واخيرا قالت اننا لا يمكن انى نقضى على هذه الظاهرة لانها لا تمثل مشكلة لنا او بمعنى آخر لا يشتكى شخص ما من هذه المشكلة .
.....................
واخيرا منيرة ايمن الرفاعى 16 سنة طالبة فى تانية ثانوى فى معهد فتيات العاشر الثانوى تقول انها تعرضت لهذا الموقف وتاكدت من كذب كلامهم بعد التحدث مع جيرانهم ، وتقول انهم يفعلوا هذا بسبب الطمع وخوفا من الحسد ، ولا تعتقد انه يوجد اقتراح للقضاء على هذه الظاهرة .
.......................
وكان راى المتخصص فى هذا الموضوع الدكتورة ، أستاذة الصحة النفسية ، وتقول إنهم يفعلون هذا بسبب الشعور الزائف الناتج عن شعورهم بالإحتياج وهى تعتبرهم شخصيات غير سوية ومبرراتهم غير سوية ، وذلك لأنهم يدعون الفقر ، وتقول ليس كل من يطلب المساعدة فقير او محتاج ، ولكنهم يدعون الإحتياج واحيانا يلجأون الى اوراق رسمية لإثبات انهم فقراء ولسلب حق ليس من حقهم ، وأخيرا قالت إننا يمكن القضاء عليها عن طريق دور الجمعيات الخيرية فى كل مكان وهذه الجمعيات عليها ان تقوم بالآتى :
اولا : تحرى الدقة عن هذه الحالات عن طريق فريق ينزل الشوارع المصرية دون تحديد معاد مع الناس ويتاكد من صحة او كذب كلامهم .
ثانيا : يجلسوا معهم فى ندوات ويعطوهم توعية ويحركوا الجانب الانسانى الخفى لديهم كى لا يدعون الفقر مرة آخرى وعدم سلب حق ليس من حقهم .
ثالثا : توفير طاقة هؤلاء الأفراد وتوظيفها فى اى عمل بدلا من التسول والفقر الذي يدعونه .
....................................
وبعد ما اخذنا الآراء وراى المتخصص فنجد أن هذه الفئة يمكن القضاء عليها بس بعد مجهود مننا وهى مسألة تحتاج الى ضمير ، وللاسف الآن نجد ان الضمير أصبح شئ معدوم فلهذا نتوقع أن هذه الفئة ستزداد مع مرور الايام وسيزداد معها النصب والتسول ولهذا فندعو الله ان يضع الضمير فى قلوب هؤلا الناس لعلهم يبعدوا عن النصب والتسول ويرضوا بما قسمه الله لهم ، ولعل هذا يتحقق ؟؟؟
.......................






الخميس، 18 سبتمبر 2008

مصر والروتين

منذ فترة طويلة من الزمن ونحن نعيش فى نظام روتينى سئ او بمعنى آخر نحن نعيش فى إستفزاز حكومى ، إلى ان تحولت حياتنا إلى حياة روتينية كل شئ فيها روتينى ، ولكنه نظام روتينى سئ للغاية فالحكومة المصرية فرضت وما زالت تفرض على شعبها هذا النظام ، فلا نعرف نتنفس ولا نتكلم والآن نجد أن الطلاب يعانوا من هذا الروتين ، فنظام التعليم سئ والمناهج التعليمية سيئة وغير مجدية على الإطلاق ، وبعد كل هذه المعاناة فلا يتمكنوا من الإلتحاق بالكلية التى يرغبون فى الإلتحاق بها وذلك ليس بسبب ان مجموعهم لا يناسبها ولكن شروطها لا تناسبهم ، والشروط هى اللغات التى درسها الطالب فى الثانوية ، فمعظم الكليات الادبية تكون من اهم شروطها لغة معينة من التى تدرس فى الثانوية وإذا لم يدرسها الطالب فى الثانوية فلا يمكنه الإلتحاق بهذه الكلية بالرغم إنه من الممكن ان يكون مجموع الطالب أعلى من هذه الكلية بكثير ، فهذا هو الروتين الحكومى ، فبعد المجهود الكبير الذى يبذله الطلاب فى الثانوية لا يتمكنوا من الإلتحاق بالكلية الى يتمنوها بسبب الروتين الحكومى ، ومن أمثلة هذه الكليات كلية لغات وترجمة فورية وهى كلية ازهرية وهى الكلية الازهرية الوحيدة التى مسموح لطلاب الثانوية العامة الإلتحاق بها ، وشرط الإلتحاق بها أن يكون الطالب قد درس اللغة الفرنسية فى الثانوية العامة اما إذا كان قد درس اللغة الالمانية فى الثانوية العامة فلا يستطيع الإلتحاق بها بالرغم إنه من الممكن ان يكون مجموعه اكبر من مجموع هذه الكلية ، فهذا هو الروتين والإستفزاز الحكومى على حد القول ، والذى يزيد من إستفزازنا أن الطالب الحاصل على الثانوية من مدرسة ازهرية وليست ثانوية عامة فمن حقه الإلتحاق بكلية لغات وترجمة حتى إذا كان هذا الطالب قد درس لغة المانية ولسيت فرنسية ، فالآن نتسائل لماذا وزارة التربية والتعليم تسمح للطالب الأزهرى الذى درس لغة المانية او فرنسية الإلتحاق بهذه الكلية ولا تسمح لطالب الثانوية العامة الذى درس لغة المانية الإلتحاق بها ؟ ، فلماذا هذا التعقيد ؟ ، وما ذنب طالب الثانوية العامة الذى درس لغة المانية لا يتمكن من الإلتحاق بكلية لغات وترجمة ؟ الى متى سنظل نعيش فى هذا الروتين السئ ؟ إلى متى سنظل نعانى من هذه الاحوال السيئة ؟ ، فنحن الآن لا نستطيع فعل اى شئ سوى مقولة فليصبرنا الله ويعطينا الصبر ، وايضا توجيه رسالة الى وزارة التربية والتعليم لتغير من القرارت التى تتخذها بشأن الإلتحاق بالكليات وان تتخذ القرارت التى تكون فى مصلحة الطلاب وايضا تضع المناهج الدراسية التى تكون فى مصلحة الطلاب وتساعدهم على تكوين عقولهم بطريقة صحيحة وعند إنتهائهم من المرحلة الجامعية تكون لديهم حصيلة من التعليم كافية للعمل فى مجالهم حتى نستطيع تكوين جيل ناضج يمكننا ان نطلق عليه جيل المستقبل على حد القول ، ولعل هذه القرارت تتغير !!!!!! ، ولعل صوتنا يصل إلى وزارة التربية والتعليم !!!!!!!

الجمعة، 12 سبتمبر 2008

نجاح الفريق القومى للعاشر من رمضان...

هنونا يا جماعة فريقنا القومى فاز امبارح وادعوا بقى انه يفوز انهاردة كمان
......................
قد اقيمت الدورة الرمضانية العاشرة فى إستاد القاهرة فى الصالة المغطاه فى تمام الساعة التاسعة والنصف مساءا يوم الاربعاء الموافق العاشر من سبتمبر وينظم هذه الدورة نادى جيل المستقبل برئاسة صفيد الخربوش ، وحضر فى هذا اليوم العديد من الفرق اهمهم ، فريق الفنانين ضد فريق الرياضيين وهم الذين نزلوا إلى أرض الملعب اولا والذين إفتتحوا اليوم ، وتلاهم فريق النساجون الشرقيون ضد فريق الزهور ، وفريق النساجون الشرقيون يعد الفريق القومى التابع لمدينة العاشر من رمضان ومنظم هذا الفريق العميد عبد العاطى وهو مسئول كبير فى مؤسسة محمود خميس للتنمية بمدينة العاشر من رمضان وهو مسئول عن الشباب الاعضاء فى جمعية شباب الفجر الجديد التى تعد إحدى روافد مؤسسة محمود خميس أما رئيس الفريق فهو الكابتن خالد مرزوق ، ومذيع هذا اليوم هو محسن نوح ، وبدأ اليوم أولا بعرض وتعريف للفرق الذين سيلعبون ، ثم بعد ذلك دخلت فرقة للفنون الشعبية ، وكانت رائعة للغاية وبدأوا فى الحركة والرقص الجميل الذى نحبه ونستمتع به ، وكان وسطهم رجل يغنى غناء شعبى بطريقة جذابة للغاية ثم خم اغنيته وذهبت الفرقة :

















وبعد قليل نزل فريق الفنانين والرياضيين إلى ارض الملعب ولاعبى الفريقان هم المطرب هيثم شاكر وإبراهيم عبد القادر و سامح يسرى وعصام كاريكا ، والممثل علاء معروف وصبحى خليل ورامى وحيد وشريف حلمى والمخرج هانى سلامة وايضا كان من باقى لاعبى هذان الفريقان احمد الشافعى وعمرو طاحون ، وقبل بدء المبارة غنى الفنان سامح يسرى اغنية رائعة جذب جمهوره له وشجع فريقه على اللعب ، ثم بداو اللعب وكانت المبارة جميلة جدا وزادت تشويقا فى شوطها الثانى ، وكان المطرب عصام كاريكا متألق جدا والمطرب سامح يسرى بذل اقصى جهده للفوز وكانت نتيجة الماتش خمسة اربعة لصالح فريق الفنانين ، والفنان صبحى خليل احرز هدف واحد ، وعمرو طاحون أحرز هدفين والممثل علاء معروف احرز ايضا هدفين وذلك لصالح فريق الفنانين ، اما المطرب سامح يسرى احرز هدفين ، والمطرب عصام كاريكا احرز ايضا هدفين وذلك لصالح فريق الرياضيين ،













وبعد إنتهاء الماتش نزلت فرقة شعبية آخرى اشد جذبا من الفرقة السابقة لها وكانوا يرقصون على اغنية للفنان عبد الحليم ،













ثم نزل فريق النساجون الشرقيون وبدأوا يستعدون للمبارة











واثناء هذا نزل المطرب احمد عايش وهو يغنى ومتالق جدا ويشجع الفريقين قبل الماتش













واثناء غناؤه نزل فريق الزهور وايضا بدأوا يستعدوا للماتش













وبعد انتهاء المطرب احمد عايش من الغناء بدا الماتش ، وبدا بحماس شديد من فريق الزهور ثم إزداد فريق النساجون حماسا ، واهم من حضر بفريق الزهور اللاعب سيكا ومحمد فرج واسلام محمد وشوشة ، اما اللذين حضروا من فريق النساجون الشرقيون
احمد شرف حارس المرمة ، واحمد محمود ووليد اليمانى وعادى حجازى وهانى نجيب ومحمد عبدلله ونعيم اشرف واحمد سعيد ورجب شعبان ومحمد على محمد محمود ومحمد جابر












وكان فريق النساجون الشرقيون متالقون للغاية وخاصة ووانهم وجدوا تشجيع عظيم جدا من المشجعين لهم واهم من شجعوا الفريق اعضاء جمعية شباب الفجر الجديد وكان عددهم كبير جدا وكانوا يهتفون ويهللون ويصفقون فرحا بفريقهم القومى





























































وفى بداية الماتش احرز اللاعب شوشة هدف واحد وحماس فريق الزهور زاد جدا بعد هذا الهدف ، ثم زاد حماس فريق النساجون لان اللاعب احمد محمود احرز هدف ثم احرز شوشة هدف آخر فهذا اعطى لفريق النساجون دافع اكثر وحماس اكثر للفوز ومع تشجيع شاب الفجر الجديد لهم احرز محمد محمود هدف آخر
وبعد قليل احرز رجب شعبان هدف وبعده احرز احمد سعيد هدف وذلك لصالح فريق النساجون الشرقيون












احمد سعيد ومحمد محمود ورجب شعبان الذين احرزوا الاهداف
واحمد شرف حارس المرمة















بذلك انتهى الماتش لصالح فريق النساجون وانتهى بفوز فريق النساجون الشرقيون اربعة اتنين ، وعند انتهاء الماتش فرح الفريق والمشجعين فرحا كبيرا جدا وعاد مشجعى النساجون الى العاشر من رمضان فى سعادة كبيرة جدا لفوز فريهم القومى
والآن لاعبى فريق النساجون فى انتظار ان يلعبوا ماتش آخر يوم الجمعة الموافق الاثنىعشر من سبتمبر وسوف يلعبوا ضد فريق مانشية القناطر وإذا فازوا فسيلعبوا ضد فريق الكهرباء واذا فازوا فسوف يصعدوا الى الدور قبل النهائى واذا فازوا فسوف يلعبوا الدور النهائى واذا فازوا فسوف يحصلوا على المركز الاول فى هذه الدورة وسيفوزون باربعين الف جنيه
وكم نتمنى ان يفوز فريقنا القومى لمدينة العاشر من رمضان ، فريق النساجون الشرقيون
..........................

الخميس، 4 سبتمبر 2008

كشف بعض من اسرارى

دول تاجين كانوا مبعوتيلى من زمان قوى وتاخير الرد غصبن عنى جدا وارجو تقبل الاعتذار ويمكن انا مش اهديته لحد عشان اولا منساش حد وثانيا لان فى ناس بتتخنق من التاج فمحبتش اضايق حد
.....................................
دا تاج من زينب صاحبة مدونة زنوبة
.................................................
س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟
.....................................
1 – طبعا كان نفسى اجيب مجموع اعلى من اللى جبته فى الثانوية العامة وانا جبت 92 % هو مش وحش قوى بس كنت اتمنى لو اجيب اكتر .
2 _ كان نفسى ادخل كلية مضمون مستقبلها ولو اتخرجت منها يبقى مسموحلى اشتغل فى كذا مكان وطبعا الكلية اللى كنت عايزة ادخلها السن وبما انى مش لحقتها قلت هدخل كلية لغات وترجمة وهى بتتساوى مع السن وشغلها كتير جدا بس طبعا منفعش ادخلها عشان انا درست المانى فى الثانوية العامة وهى شرطها انى اكون درست فرنساوى مع ان مجموعى اعلى من مجموعها ب 7 % وطبعا دا غباء حكومى واستفزاز حكومى جدا .
3 _ كان نفسى اعيش طفولتى فى مصر وسط اصحابى وانا كنت عايشاها فى السعودية ودا طبعا كونلى تفكير وشخصية مختلفة شوية عن الاطفال فى مصر وكان شئ صعب عليا قوى لانى مكنتش لاقية حد نفس تفكيرى عشان يفهمنى ولحد دلوقتى مش لايقة .
4 _ كان نفسى اكون صداقات كتير قوى بس لحد دلوقتى معنديش غير 4 اصحاب بس اصحاب بجد وبحبهم قوى ( ريهام ، نيرة ، منة ، رنا ) وبتهيالى انى صعب الاقى حد تانى زيهم وكويس زيهم .
5 _ بحاول دايما وبفكر ازاى ارضى ربنا وازاى اكون قريبة منه .
...................................................................................................
س 2-أذكر 5 أحلام على الأقل تخص مستقبلك ؟
.......................
1 - بحلم انى اكون شخصية ناجحة ومحبوبة ومشهورة ومحدش يكرهنى ابدا والكل يحبنى ويثق فيا وميكنش ليا اعداء والحمدلله فى احلام من دى اتحققت فاضل حاجة واحدة منهم او اتنين .
2 _ نفسى انجح فى كلية اداب اعلام واجيب تقدير عالى واتعين معيدة .
3 _ بتمنى من ربنا انه يوفقنى فى الصحافة والكتابة واكتب فى جرنان كبير له اسمه ووضعه .
4 _ بتمنى على طول انى اكون فى طاعة ربنا ويكون راضى عنى دايما وبرده بابا وماما نفسى مزعلهومش ابدا .
5 _ بتمنى انى بعد الجامعة اطلع بعثة واسافر اى مكان برة مصر .
6 _ يارب ودا اكتر حاجة بتمناها انى متجوزش صغيرة ،ههههههههههه ، بجد دا حلم من احلامى يعنى عايزة كدة مرتبطش بحد خالص لحد لما اعدى ،ممممممم ، مممممممممم ، 24 او 25 .
................................................................................................

س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
..........................................
1 _ استاذى اللى كان بيدرسلى لغة عربية فى اعدادى ، بجد كنت اتمنى انه يظهر فى حياتى قبل فترة اعدادى ، والاستاذ دا انا مديوناله بكل حاجة وصلتلها لحد دلوقتى واللى لسة هوصلها .
2 _ الصحفى استاذ ماجد ابراهيم كنت اتمنى انى اتعرف عليه من بدرى شوية لانى من زمان بكتب وبحب الكتابة بس مكنتش لايقة الى يساعدنى ويشجعنى وهو صحفى جدع قوى قوى قوى وبجد هو اللى بيساعدنى انى اكتب وعلمنى حاجات كتير قوى فى الكتابة وبجد مش عارفة اشكره ازاى على كل حاجة عملهالى . وبتمناله كل توفيق فى حياته .
.............................................................................
س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
......
.11_ طبعا رسول الله صلى الله عليه وسلم عشان هو مثال جميل قوى للاسلام ودلوقتى احنا بقينا فى زمن لا يعلم به غير الله بجد محتاجين حد يصلحه ..
22_ سيدنا ابو بكر الصديق.
3 _ سيدنا عمر بن الخطاب ....................................
4 _ جمال عبد الناصر او انور السادات رحمهم الله وهما اللى يمسكوا مصر .

......................................................................................


التاج التانى ::
من ارسله لك
اذكر قوانين الواجباذكر ست اسرار لا يعرفها من يقابلك للمرة الاولياهدي الواجب لمن تحب 6 اشخاص
اذكر 16 صفة
.................
اولا ارسله لى صاحب مدونة afew good men
ثانيا : الست اسرار هم :
1 – عندى ثقة فى نفسى جامدة قوى .
2 _ متفائلة لحياتى العملية جدا .
3 _ طموحة وبحاول اعمل المستحيل عشان احقق احلامى .
4 _ قريبة من ربنا وبحاول دايما اكون فى طاعته وابعد عن ارتكاب الذنوب .
5 _ مبثقش فى اى حد ودا من قريب مش من زمان .
6 _ جادة قوى فى دراستى وحياتى العملية بمعنى آخر ببقى جادة فى اوقات الجد وببقى مجنونة وطفلة جدا فى اوقات الهزار .
....................
ثالثا : ال 16 صفة هم :
1 – عصبية جدا ومحبش اللى بيستفزنى وخلقى ضيق .
2 _ اغلب الاوقات ببقى متسرعة جدا فى القرارات اللى بقررها .
3 _ بحب التعاون ومساعدة الناس .
4 _ بحب الاشتراك فى الانشطة الخيرية والاجتماعية .
5 _ بيضحك عليا كتير قوى .
6 _ بحب الشهرة والنجاح .
7 _ مش بزعل من اى حد الا فى 3 حالات بزعل فيهم قوى وصعب انى اسامح بسرعة اللى هما الخيانة والكدب وحد ياذينى ويضرنى .
8 _ بهتم بمظهرى جدا .
9 _ مش بسمع اغانى ولا بتفرج على التليفزيون الا كل فين وفين .
10 _ بحب المذاكرة قوى والقراءة .
11 _ بقدر اتوقع واتخيل باللى هيحصل يعنى زى ما بيقولوا قلبى دليلى وعمر ماا حساسى خيبنى .
12 _ اجتماعية وبتحب بسرعة .
13 _ عاقلة واحيانا الناس بتتخنق من كدة ولانى كدة فبيكون ليا المقدرة انى احل كل مشاكلى دون اللجوء لشخص ما الا فى الضرورة او شدة الموقف .
14 _ مش بحب زن الاطفال خالص ومش بحب حد يزن عليا خالص.
15 _ بحب لما اصحى من النوم مكلمش حد خالص الا بعد ساعة كدة وياويل اللى يجى يكلمنى قبل كدة ، ههههههههه ، خوفتى منى صح هو بس كل الموضوع انى ببقى لسة مفقتش فببقى مهنجة ومش بحب اكلم حد وانا مهنجة ونفس الموضوع برده قبل ما انام .
16 _ مش بحب التفاهات ولا المخ الصغير ومش بعرف اتعامل مع حد فيه الصفات دى ومش مهتم بمستقبله خالص
.................................
يا اخيرااااااااااااااااااااااا خلصت الواجب اللى كان عليا
.............

الأحد، 31 أغسطس 2008

نيرة احمد تكتب (( خلونا معاه )) ........


قال تعالى :-
(( ومن الناس من يشترى لهو الحديث ليضل عن سبيل الله بغير علم ويتخذها هزوا اولئك لهم عذاب مهين )) .
صدق الله العظيم
.آية 6 سورة لقمان .....
الحياة ليست كما يظن البعض انها مجرد ايام وسنون تمشى كما تشاء اوحتى ننتظر شخص ليغير مجرى حياتنا لا فالله لا يغير ما بقوم حتى يغيروا ما بانفسهم ، حلمنا ان تكون حياتنا افضل ونكون من العتقاء من النار فى شهر رمضان ، ولكن كم تفيد الاحلام ؟؟؟ امام الإعلام ووسائله الذى اغلبه هابط وامام نفوسنا الضعيفة ؟؟ ، كما انى اتعجب من قولهم شاشتنا غير فى شهر الخير كيف هل هى خير للافضل مع عرض البرامج الدينية ام فى نظرهم ان الافضل هو المسلسلات والافلام التى تضيع الوقت الذى هو فى رمضان اثمن ما يكون انه الافضل للدنيا ؟؟ ، ويدر عليهم المال لكنه اسوا لنا ولهم فى الدنيا ممكن يفيدهم ولكن اين نحن من هذا فقد خاب من باع دنياه بدنيا غيره ،
فيا ايها الأخوة والاخوات اريد لنا جميعا الخير فى الدنيا والآخرة لذا حينما قرات حملة رمضان بلا افلام ومسلسلات على موقع طريق الاسلام فسألت نفسى لما لا نجعل رمضان بلا تلفاز وصومنا بامتياز
فى رمضان تكبل الشياطين وتفتح ابواب الجنة وتغلق ابواب النارويعتق فيها الرحمن رقابا من بنى الانسان ويفيض القلب ويذوب وينساب مع ايات القران فاحذروا اخوانى من ارتكاب الذنوب والمعاصى فى رمضان انتهزوا الفرصة شمروا عن سواعدكم ان الجنة تتزين الان والملائكة يبدعون فيها لمن ؟!!! للفائزين فى مسابقة رمضان انها حقا المسابقة السنوية التى يفوز فيها الجميع حيث قليل الاعمال يساوى كثير الحسنات فمن يريد ان يعتق من النار هذا العام من يريد ان يفعل الخيرات من يريد اتباع السنن وتأدية الفروض فى اوقاتها من يريد ان يفوز بهدية الرحمن التى يعرضها علينا كل عام فلنقاطع المسلسلات والافلام التى تلهى عن عبادة الرحمن فى شهر الرحمة والغفران انظروا معى قليلا كم من المسلمين كانوا معنا امام التلفاز فى رمضان الماضى ليسوا معنا الان لم يلحقوا المغفرة لحظة واحدة فيم تفكر !!! بالطبع الكثير والكثير انقذ نفسك ووفر على نفسك الكثير من الذنوب التى ستقع على كاهلك من مشاهدة تلك الافلام والمسلسلات اتجه الى لله خليك معاه ، الا تحب نفسك بالتاكيد تحبها اذن لما التردد انت مستخسر كمية المسلسلات الى هتفوت منك هتتعرض تانى بعد رمضان وبعدين مقابل الثواب التفاهات دى والا حاجة ارجوكم يا ريت نسجل اسمائنا كلنا من دلوقتى مع المتسابقين ارجو من الله ان يكون سباق جاد ونتنافس فية بقوة قال تعالى : (( وفى ذلك فليتنافس المتنافسون )) اما اذا لم تكن تحب نفسك فيا اشد ندمك يوم القيامة
والذاكرين الله كثيرا والذاكرات اعد الله لهم مغفرة واجرا عظيما .
......

قال الله تعالى :
يبنى ادم لا يفتتنكم الشيطن كما اخرج ابويكم من الجنة ينزع عنهما لباسهما ليريهما سؤاتهما انه يراكم هو و قبيله من حيث لا ترونهم انا جعلنا الشياطين اولياء للذين لا يؤمنون "صدق الله العظيم .... الاعراف(27)


واخيرا اخوانى فى الله اريدكم ان تتذكروا دائما اخر اية نزلت فى القران الكريم التى شملت المعانى فى ابسط الكلمات
"واتقوا يوما ترجعون فيه الى الله .


رفعت الاقلام وجفت الصحف والى الله ترجع الامور اللهم بلغت اللهم فاشهد....................................................



الجمعة، 22 أغسطس 2008

الجامعات المصرية أصبحت صالات ديسكو

نحن الآن نعيش فى حسرة لا حدود لها ، نعيش فى حسرة على أحوالنا واوضاع مجتمعنا نعم فهى الحسرة التى لم نشعر بمعناها الحقيقى إلا الآن بسبب ما يحدث لنا ، ولذلك قررت أن انزل الشوارع المصرية كل فترة من الوقت لاتحدث مع المصريين كى اعرف احوالهم واوضاعهم وما الذى يحزنهم ويأرق نومهم وبالفعل قرارى هذا قمت بتنفيذه ، واول ما جاء فى خاطرى كى انفذ قرارى هو إننى اذهب لاى جامعة فى مصر كى اشاهد الطلاب واعرف تفكيرهم وتخطيطهم لمستقبلهم ولكى اعرف ايضا نظرتهم للحياة الآن وما الإستعدادات الى يفكروا فيها للنهوض بمصر ولتحسين احوالها ، وبالفعل ذهبت لجامعة فى القاهرة وبعد ذهابى لهذه الجامعة ندمت ندم شديد جدا لان حزنى على مصر زاد وبشدة وشعرت بحسرة شديدة جدا لم شعر بمثلها قط ، فبعد دخولى هذه الجامعة جلست بعيدا عن الطلاب وبدات اتابع بعضهم لاشاهد تصرفاتهم ومن هنا وجدت ابشع التصرفات التى لا يستطيع اى شخص ان يتخيل ان تحدث مثل هذه التصرفات فى جامعة ، فوجدت الاولاد والبنات يضحكون ويمزحون مع بعضهم البعض بطريقة غريبة جدا لا تليق بجامعة ولا باى دين سواء كان دين إسلامى او مسيحى ، والمثير فى هذا الموضوع ان من وسط هؤلاء البنات بنات ترتدى النقاب ومعنى هذا ان الدين الإسلامى بدا ينهار وبعد ان شاهدت هذا فتركت مكانى وذهبت وجلست فى مكان آخر والذى شاهدته فى هذا المكان كان اصعب واشد مما شاهدته من قبل ، فيوجد فى هذا المكان اماكن عديدة للجلوس وفى كل مكان منهم يجلس ولد بجوار بنت بمفردهم الى ان اصبح هذا المكان مكان تجمع للحبيبة على حد القول وكإنهم لا يجلسون فى جامعة ولكنهم يجلسون فى صالة ديسكو وذلك بسبب ضحكاتهم الغريبة ومزحهم الشديد وملابس البنات الغريبة التى يرتدونها ، ومن هنا وجدت نفسى فى حالة شديدة جدا من الحزن لذلك قررت ان انتقل من مكانى واذهب لمكان آخر ، والمكان الآخر الذى ذهبت إليه هو مكتبة الجامعة وكانت هى آخر امل لى وكنت اعتقد إننى سوف اجد طلاب بداخلها يتصفحون الكتب ويهتمون بالقراءة ولكن الواقع الذى وجدته غير هذا تماما ؛ فلم اجد اى طالب او طالبة داخل المكتبة وسالت المسئولة عن المكتبة عن دفتر تسجيل اسامى الطلاب الذين دخلوا المكتبة فوجدت ان عدد قليل جدا من الطلاب يدخلون المكتبة وتكون فى فترات متباعدة ، وبعد ان رايت كل هذا قررت ان اخرج فورا من الجامعة لان اصابتنى حالة غريبة من الحزن واليأس وبدأ يدور فى ذهنى عدة اسئلة عما رايته فبدأت أسأل نفسى وأنا فى حسرة لا حدود لها وأقول هل هؤلاء الطلاب هم الذين سوف يصبحون رجال ونساء مصر ؟ وهل هم الذين سيكونون جيل المستقبل على حد القول ؟ وهل الجامعات المصرية الآن اصبحت مكان للعلم ام مكان للضحك والمزاح وشغل اوقات الفراغ ؟ فكيف كل هذا ؟ كيف تتحول الجامعة من مكان للعلم الى مكان شبيه بصالة الديسكو ولم اجد غير هذا الوصف كى اصفه عن حال الجامعات الآن ، فمصر ستنهار قريبا والى الابد ، فلا يوجد فيها حكومة لديها ضمير ولا شعب يحاول ان يغير من اوضاعه ولا يوجد فيها شباب يخططون لمستقبلهم ويهتمون بالنجاح ، فيا ايها الاخوة بعد فترة من الزمن قد تطول او تقصر ستنهار مصر الى الابد إذا لم يهتموا الطلاب بمستقبلهم وبنجاحهم وتفوقهم ، فنرجوا من الله ان يساعد هؤلاء الطلاب ليغيروا من تفكيرهم ويهتموا بمستقبلهم ..................

الأربعاء، 13 أغسطس 2008

نعيم الجنة ( الحلقة الخامسة والاخيرة )

فى الاجزاء السابقة اللى تم عرضها فى المدونة تكلمنا فيها عن عذاب النار والقبر وعن المسيح الدجال وتكلمنا عن كيفية الوصول للمرحلة التى لا نخاف من عذاب القبر او النار ولكن كان هناك جزء لم نتكلم عنه وقد اشار لى بعض المعلقين لى فى المدونة ان اتكلم عن نعيم الجنة والآن وبعد ان نتكلم عن نعيم الجنة فالصورة ستكون واضحة امامنا وسيتبقى لنا الاختيار فهل سنختار الجنة والله وترك شهوات الدنيا ام سنختار النار وعذابها والانسياق وراء شهوات الدنيا فكل منا عليه الاختيار الآن ...........................
وانا حاولت على قد ما اقدر انى اجمع الكلام المختصر المفيد واتمنى ان الموضوع يكون مفيد ليكم
.............................................................
الجنة قريبة فاجتهد :
....................................
طبعا الجنة قريبة من اى حد والوصول ليها مش صعب وممكن توصلها لو :
1 _ منعت نفسك من جميع المعاصى ، واحنا اتكلمنا قبل كدة وقلنا ازاى نمنع نفسنا من المعاصى.
2 _ انك ترضى باليسير من الدنيا ، وثمن الجنة هى ترك الجنة .
3 _ انك تكون حريصا على طاعة الله ولعل تكون تلك الطاعة سببا للمغفرو ووجوب الجنة
4 _ انك تحب كل الناس والصالحين واهل الخير وتجالسهم وتساعدهم .
5 _ انك تكثر الدعاء وتسال الله ان يرزقك الجنة .
دا اهم حاجة مطلوبة منك واظن انه مش صعب وربنا رحمته واسعة جدا وبيغفر جميع الذنوب حتى الكبائر وربنا عايزنا بس ندعيه ونطيعه
وبعد لما تشوف نعيم الجنة اكيد هتحاول تعمل كدة .
فيا من حرمت نفسك من شهوات الدنيا الفانية وعشت على طاعة الله إعلم انك دخلت جنة الرحمن فإنك ستجد كل شئ تشتهيه نفسك فيمكننا وصف الجنة ونقول :
ان ارضها وتربتها هو المسك والزعفران وسقفها هو عرش الرحمن وبلاطها المسك الاذفر وحصبائها هو اللؤلؤ والجوهر وبنائها لبنة من فضة ولبنة من ذهب وسيقان اشجارها من ذهب وفضة وثمرها من الزبد واحلى من العسل وانهارها إما من لبن لم يتغير طعمه او من خمرة لذة للشاربين او انهار من عسل وطعامها فهو عبارة عن فاكهة مما يتخيرون ولحم طير مما يشتهون ( اى من يعيش فى الجنة ) وشرابها هو التسنيم والزنجبيل والكافور وهذا شراب اهل الجنة اما شارب اهل النار فهو عبارة عن اربع انواع ، الاول الحميم وهو الماء الحار الذى تناهى حره ويقطع الامعاء والثانى الغساق والثالث فهو الصديد الذى يسيل من لحم الكافر وجلد والرابع المهل وهو مهل يشوى الوجوه فتخيلوا بقى ان دا شراب اهل النار واحنا بس لو شربنا ماء ساخن بنبقى مضايقين قوى تخيلوا بقى لو الاربع انواع دول يبقوا شرابنا طول العمر فعشان كدة الجنة نعمة كبيرة قوى وفيها كل النعيم ، ونستكمل الان باقى وصف الجنة :
فإذا سالت عن سعة ابوابها فبين المصراعين مسيرة اربعين من الاعوام وان سالت عن تصفيق الرياح لاشجارها فانها تستفز بالطرب لمن يسمعها وان سالت عن ظلها ففيها شجرة واحدة يسير فيها الراكب المجد السريع فى ظلها مائة عام لا يقطعها وان سالت عن سعتها فادنى اهلها يسير فى ملكه وسرره وبساتينه الفى عام ، وان سالت عن خيامها وقبابها فالخيمة الواحدة من درة مجوفة طولها ستون ميلا فى السماء ، وان سالت عن علاليها وجواسقها فهى غرف من فوقها غرف مبنية تجرى من تحتها الانهار وان سالت عن ارتفاعها فانظر الى الكوكب الطالع او الغارب فى الافق الذى لا تكاد تناله الابصار وان سالت عن لباس اهلها فهو الحرير والذهب وان سالت عن فراشها فبطائنها من استبرق مفروشة فى اعلى الرتب وان سالت عن وجوه اهلها وحسنهم فعلى صورة القمر وان سالت عن اسنانهم فابناء ثلاث وثلاثين على صورة آدم عليه السلام ابى البشر وان سالت عن سماعهم فغناء ازواجهم من الحور العين واعلى منه سماع اصوات الملائكة والنبيين واعلى منهما خطاب رب العالمين وان سالت عن حليهم وشارتهم فاساور الذهب واللؤلؤ على الرؤوس ملابس التيجان وان سالت عن غلمانهم فولدان مخلدون كانهم لؤلؤ مكنون وان سالت عن عرائسهم وازواجهم فهن الكواعب الاتراب ، وان سالت عن السن فاتراب فى اعدل سن الشباب وان سالت عن الحسن فهل رايت الشمس والقمر وان سالت عن الحدق فاحسن سواد فى اصفى بياض فى احسن حور وان سالت عن اللون فكانه الياقوت والمرجان وان سالت عن حسن الخلق فهن الخيرات الحسان اللاتى جمع لهن الحسن والاحسان فاعطين جمال الباطن والظاهر وفى الجنة باب اسمه الريان وهو للصائمين فقط وهو باب يدخل منه الصائمون يوم القيامة ولا يدخل منه احد غيرهم وجاء فى حديث عن رسول الله صلى الله عليه وسلم عن اول وجبة ياكلها اهل الجنة وهى زيادة كبد النون _ الحوت وغذاؤهم على اثرها هو انه ينحر لهم ثور الجنة الذى كان ياكل من اطرافها وشرابهم من عين تسمى سلسبيل ..............................................
ودا كان وصف لشراب واكل ولبس ولحياة اهل الجنة ويمكن الوصف قليل شوية بس انا حاولت اختصر فى الوصف عشان الموضوع ميكبرش والقراء ميملوش وحاولت اكتب اهم الوصف بس لو اتعمقنا شوية فى الوصف دا وفكرنا فيه هنلاقى اننا هنعيش فى نعيم خالد ونسال الله ان يكتب لنا الجنة
واتركك الآن لتختار الجنة ام النار
وعليك الآن اختيار شكل مصيرك وحياتك
......................................................................

الاثنين، 11 أغسطس 2008

إنتهت حرب 73 وتحررت الأراضى المصرية والآن نعيش فى إحتلال من نوع آخر

فى حقيقة الأمر عند تحدثنا عن إحتلال الأراضى المصرية فنجد أن آخر احتلال إنتهى بالفعل عام 73 ولكننا الآن نعيش فى إحتلال من نوع آخر ،، ولكن السؤال الذى يطرح نفسه الآن ما هذا الإحتلال الذى نقصده وكيف إنتهينا بالفعل من الإحتلال عام 73 وعاد إلينا إحتلال من نوع آخر ، فالسؤال قد طرح نفسه ويمكننا الآن الرد عليه ونقول أن الإحتلال الذى نعيشه الآن هو إحتلال الشعب الأجنبى والعربى والهندى والصينى للأراضى المصرية ، فتعالى معى لنتحقق من هذا الكلام ، تعالى معى لنندب حظنا ولنبكى على حالنا ، فالآن وإذا نظرت حولك فى كل مكان فستجد هنا رجل صينى بجوارك وهناك رجل هندى وفى ناحية آخرى تجد إمراة عربية وهذه إمراة اجنبية ، فالآن وفى اى مكان تخطوه قدمك ستجد رجل او إمراة غير مصريين بجوارك وليتهم يقفوا بجوارك صامتين ويعيشون فى حالهم ولا يشاركونك ارضك بل الواقع غير ذلك تماما ، فهؤلاء الدخلاء على الأراضى المصرية يشاركونا جميعا فى مصر واصبحوا يمتلكوا شركات واراضى والشعب المصرى يعيش فى حالة فقر شديدة جدا ، فالآن وفى جميع المحافظات وفى جميع المعارض التى تفتح لعرض الملابس او الادوات المنزلية او غيره نجد ان اكثر من 50 % من البائعين غير مصريين ولكن نجدهم من الشعب الصينى فلهذا نتسائل لماذا ياتى الشعب الصينى الى مصر ويأخذوا حق الشعب المصرى والمصريين هم الاولى فى ان يبيعوا فى هذه المعارض بدلا من الصينيين ، وايضا إذا نظرنا لاحوال المصانع فسنجد ان نسبة كبيرة من العمالة بها من الهنود والصينيين وهذا ايضا نجد فيه نوع من الظلم للشعب المصرى فلماذا اصحاب المصانع يجعلوا صينيين وهنود يعملون فى املاكهم وفى الوقت نفسه يوجد نسبة كبيرة من الشباب تبحث عن العمل وتعانى من البطالة فالمصريين هم الاحق بالعمل فى المصانع بدلا من الهنود والصينيين ، ولكن المشكلة الكبرى التى تواجهنا الآن هى أن معظم العرب والاجانب عندما ياتوا إلى مصر لإستثمار اموالهم فيذهبوا لشركة ما او لمصنع ما او لمحلات ذات فروع او للمولات الضخمة او للعقارات ويقوموا بشراء اى مصنع او اى شركة او عدد كبير من الافدنة او العمارات الضخمة او المحلات الكبيرة ومرة فى مرة فى الآخرى سنجد ان جميع اراضينا ومصانعنا وشاركاتنا تسربت الى الاجانب والعرب ، فهذا هو الإحتلال الذى نعيش فيه وإذا لم نتكاتف ولم نتعاون فسيزداد الامر سوءا وبعد فترة من الوقت سنجد ان الشعب المصرى لا يمتلك اى شئ وسيضيع آخر حق لنا فى ارضنا مصر ، فجميع المصانع والاراضى والشركات والمحلات والمولات ستتسرب الى هؤلاء الدخلاء وسينتشروا فى جميع المناطق التى نذهب اليها ، فنحن الآن ليس فقط نعيش فى احوال سيئة من حكومتنا وفى إرتفاع اسعار فى كل شئ وسوء معاملة و .. و... وغيره وغيره بل جميع الممتلكات تتسرب الى اشخاص غير مصريين ، فنحن الآن نواجه ازمات شرسة واحوال سيئة ولعل المصريين يتكاتفوا ويتعاونوا لمواجهة هؤلاء الدخلاء ولعل اصحاب المصانع والشركات والمحلات والمولات يمنعوا بيع ممتلكاتهم لهؤلاء الدخلاء وان يجعلوا من يعملوا فى ممتلكاتهم مصريين فقط لانهم الاحق بهذا ، ولعل هذا يتحقق!!!
.....................................

الثلاثاء، 5 أغسطس 2008

عادات وتقاليد نريد التخلص منها

حين اجلس مع نفسى واتعمق فى التفكير فهناك موضوع يراودنى دائما ويشغل تفكيرى وهو عادات وتقاليد الشعب المصرى ، واكثر ما يميز الشعب المصرى هو تمسكه بعادات وتقاليد تتوارث عبر الاجيال ولكن ما يشغلنى هو إنسياق الشعب المصرى وراء عادات وتقاليد ليس لها اى اهمية او ليس لها منطق معين او ليس لها اساس بنيت عليه فينساقوا وراءها لمجرد إنها عادات وتقاليد ورثوها عن اجدادهم وهذا ليس دعوة للتخلى عن عاداتنا وتقاليدنا فنحن مصريين وشرقيين ويجب علينا ان نلتزم ببعض العادات والتقاليد ولكن كلامى يعنى إنه توجد عادات وتقاليد نريد التخلص منها ، واكثر عادة توارثها الشعب المصرى ونريد التخلص منها هى :
ان عادة الشعب المصرى ان المرأة بعد زواجها تكون هى المسئولة الأولى والأخيرة عن المنزل وعن نظافته وعن عملها وعن تربية الأبناء والرجل مسئول فقط عن شغله ، فنجد الآن أن المرأة عليها عبء اكبر من الرجل بكثير ؛ فهى تعمل وتربى الأبناء وعليها مسئولية نظافة البيت باكمله ومتطلبات المنزل كله ، ولكن الرجل مهامه شغله فقط وهذا فيه ظلم كبير للمراة ، فمن هنا ومن منطلق هذا فإننا نطلب المساواة ، وليس قصدنا هنا ان الرجل يتحول لربة منزل ويترك شغله والمراة تترك مهامها فى المنزل وتعمل فى اى وظيفة ولكننا نقصد ان اعباء المنزل يجب ان تنقسم بين الرجل والمراة فكل منهما يجب ان يتحمل جزءا من الاعمال فى المنزل ، لان لا يوجد نص فى قانون ولا آية فى قرآن تلزم المراة بان يكون عليها كل اعباء المنزل ، فمثلا يوجد لدينا زوج وزوجة وكلا منهما يعملان فالزوجة عند انتهائها من عملها تعود الى المنزل لاستكمال باقى اعمالها فى المنزل ، ولكن الرجل عندما يعود من عمله فلا يعمل اى شئ ويترك زوجته لتعمل كل شئ ، فهذا يعتبر ظلم للمراة فهى تتعب مثله فى العمل فلماذا تتحمل هى العمل واعمال المنزل وهو لا يتحمل معها ولا يشاركها فلهذا نحن نطلب المساواة وان يتحمل الرجل مسئولية المنزل مع زوجته وان يساعدها ويخفف عنها الحمل فاى مراة من حقها ان تذهب للعمل وان يكون لها راتبها الشخصى وشخصيتها المستقلة ومن حقها ايضا ان يشاركها زوجها فى اعمال المنزل ولا تكون مجرد ربة منزل كل مهامها منزلها وزوجها واولادها فقط ، فمن حقها ان تعمل فى اى عمل مناسب لها ، ومن هنا نجد ان الزوج والزوجة كلا منهما يعملان فاعمال المنزل يجب ان تنقسم بينهما ، وكما راينا هذا زوج يعمل وزوجة تعمل ، واذا تحدثنا عن زوج يعمل وزوجة لا تعمل فايضا سنقول نفس الكلام وليس معنى ان الزوجة لا تعمل ان تتحمل اعمال المنزل كلها حتى لو كان عمل زوجها جاد وشاق فيجب ايضا ان يشاركها فى اعمال المنزل وتربية الابناء ، فالمرأة لم تخلق لكى تكون ربة منزل فقط او لتتحمل كل اعباء المنزل وحدها ، فمن هنا يمكن تلخيص كلامنا ونقول اننا نطلب المساواة وان يشارك الزوج زوجته فى اعمال المنزل سواء كانت المراة تعمل او لا تعمل ، فهذه كانت عادة سيئة توارثها الشعب المصرى من اجداده السابقين ، واجداده هنا لا نقصد بها الفراعنة لان الفراعنة كانت حياتهم بسيطة وجميلة جدا وكان كلا من الرجل والمراة يشارك بعضهم الآخر فإذا فرغت وانتهت المراة من عملها فى المنزل فتذهب لتساعد زوجها فى اعماله والعكس ايضا فاذا انتهى زوجها من عمله اولا قبل ان تنتهى هى فيذهب للمنزل ويساعدها ولكننا نقصد بالاجداد هنا هم الاجداد الذين جاءوا بعدهم فتوارث الشعب المصرى عاداتهم فى ان تكون المراة هى المسئولة عن اعمال المنزل والرجل لا يفعل شئ وتمر سنة بعد سنة ونجد ان هذه العادة مازالت موجودة الى عصرنا هذا ولكننا نريد التخلص منها حتى تصبح الحياة الزوجية كلها تعاون ومشاركة وحب ، ولعلنا نقتدى برسولنا الكريم صلى الله عليه وسلم فارسولنا ( ص ) كان يعمل بايديه بعض الاشياء وكان زوج مثالى يجب ان نتبعه ونقتدى به .
ولعل هذا يتحقق !!!!!!!!!
................................

الاثنين، 4 أغسطس 2008

هل تعرف ما عقوبة تارك الصلاة ؟؟؟؟؟؟ ( الحلقة الرابعة )

دى الحلقة الرابعة وقبل الاخيرة اللى هى هتكون فيها نعيم الجنة ،
واكيد فينا ناس كتير مش بتصلى بس هل اللى مش بيصلى دا فكر ما هى عقوبته
تعالى معايا نشوف .........
................................................


هل نعرف ما عقوبة تارك الصلاة ؟؟؟
روي عن رسول الله صلي الله عليه وسلم :-
(من تهاون في الصلاه ,عاقبه الله بخمس عشر عقوبة ستة منها في الدنيا , وثلاثة عند الموت , وثلاثة في القبر , وثلاثة عند خروجه من القبر)
فالستة التي تصيبه في الدنيا ........هي :-
1- ينتزع الله البركة من عمره .
2- يمسح الله سيم الصالحين من وجهه .
3- مهما عمل من خير لا يحسبه الله له .
4- لا يرفع له دعاء الي السماء .
5- تمقته الخلائق في دار الدنيا .
6- ليس له حظ في دعاء الصالحين .
اما الثلاثة التي تصيبه عند الموت ........هي :-
1- يضيق الله عليه قبره ويعصره حتي تختلف ضلوعه .
2- يوقد الله قبره نارا .
3- يسلط عليه ثعبان يسمي الثعبان الشجاع الاقرع يضربه علي ترك صلاة الصبح من الصبح الي الظهر وعلي صلاة الظهر من الظهر الي العصر وهكذا , وكل ما ضربه يغوص في الارض سبعين ذراعا , فتخيل يا اخي القارئ في اليوم الواحد خمس صلوات فاحسب عدد الصلوات التي لم تصليها خلال عمرك كله , وكل صلاة تركتها تساوي ضربة من الثعبان تجعلك تغوص في الارض سبعين ذراعا ثم يخرجك ثم يضربك ثانية ...وهكذا الي ان تنتهي عدد الصلوات التي لم تصليها .
اما الثلاثة التي تصيبه يوم القيامة ......هي :-
1- يسلط الله عليه من يصحبه الي نار جهنم
2- ينظر الله تعالي اليه بعين الغضب يوم الحساب ويقع لحم وجهه .
3- يحاسبه الله عز وجل حسابا شديدا لا يمكن ان تتخيله فيظهر عليه التعب الشديد .
كيف نتوب .........؟!
ساعرض عليكم عرض بسيط , وهو :-
من يقرا تلك الوريقات وفي نفس اليوم التي يقراها فيها يسمي ذلك اليوم :-
(يوم التوبه وعبادة التواب)
وعلينا ان نعلم مهما عمل الانسان من اخطاء وذنوب يغفر الله له ويتوب عليه , فمن يقرا تلك الوريقات ويشعر بانه عمل ذنب ما حتي ولو كان صغير جدا , فاقول له ان الفرصة مازالت امامه , وباب السماء مفتوح له للتوبه , والتوبه طريقها سهل جدا وهي عن طريق :-
1- الندم .
2- وقوف الذنب .
3- عازم علي عدم العودة الي الذنب مرة اخري .
4- اعادة حقوق الناس .
5- الصلاه الدائمة وعدم انقطاعها .
6- قراءة كل يوم : -
أ- سور القران اليومية وهي : ( يس من قراها كانه قرا القران كله عشر مرات – الدخان من قراها اصبح يستغفر له سبعون الف ملك – الواقعة ومن قراها لا يصيبه فاقه ابدا – الملك ومن قراها نجته من عذاب القبر – الزلزلة – التكاثر – الكافرون – الكهف وتقرا كل يوم جمعة )
ب- عشر صفحات من المصحف خلاف الصور اليومية وفي خلال شهرين فقط تستطيع ختام المصحف , أي ان خلال سنة تسطتيع ختام المصحف 6 مرات .
جـ- قراءة بعض اذكار الصباح والمساء .
7- صيام شهر رمضان باكمله ومحاولة صيام بعض من ايام السنن مثل الايام القمرية الثلاثة من كل شهر هجري وهي يوم (13و14و15) من الشهر الهجري , او صيام يوم الاثنين والخميس , او صيام يوم واحد في سبيل الله من كل شهر فمن يصوم يوم واحد فى سبيل الله اعتقه الله من النار سبعين سنة .
8- محاولة قراءة كتب سيرة الرسول , وقصص الانبياء , وكتب عن باقي فروع الاسلام والعمل بها .

ينزل الله لنا السماء الاولي في الثلث الاخير من الليل ويقول هل من تائب فاتوب عليه , هل من مستغفر فاغفر له , هل من سائل فاعطيه , وكإنه يتحايل علينا ان نتوب له وان ندعي لان من كثرة دعائك الي الله يمكن ان يغير القدر أي يمكن ان يغير ما كتبه الله لك .
نتساءل الان لماذا يفعل الله هذا , أي لماذا يرشدنا الي التوبه .....؟؟!!
الاجابه هي :
حتي عند يوم القيامة لا يستطيع العبد ان يلوم الله ويقول له انه لم يوجهه , فالله يوجهنا الي التوبة من الان حتي نلتقي احسن الثواب في الاخرة فالله يغفر الذنوب وان كانت مثل زبد البحر , فبمجرد كلمة واحدة وهي : ( اني اتوب اليك ياربي )فتيقن يا اخي ان الله سيغفر لك كل ما تاخر من ذنب لكن بشرط ان تكون هذه التوبة صادقة ونابعة من القلب .
....................................................................................
تلك الوريقات ما هي الا دعوة للايمان بالله واليوم الاخر وتصديق ما اخبره الرسول , وهي دعوة الي التوبة قبل الندم , حيث لا ندم ولا تنفع حسرة وهي دعوة للتزود بالأعمال الصالحة التي تنجوا بها من ايام الفتن , وننجو بها من عذاب القبر .
فبادر واسرع بالتوبة حتي لا ياتي بك الله بالاجبار وفي ذلك الوقت تكون غير تائب وعليك ذنوب عديدة ولا حسر لها , فالعمر لحظة ولا احد يضمن متي هذه اللحظة , ولا احد يعلم متي سينتهي عمرة , فيجب ان نحسن انفسنا من الان منذ قراءة هذه الوريقات .


( اللهم اني اعوذ بك من الهم والحزن , واعوذ بك من العجز والكسل واعوذ بك من غلبة الدين وقهر الرجال )


فاذهب الى الله راكدا
إما سيأتى بك راكدا





السبت، 2 أغسطس 2008

هذه رسالتى ( تكتبها نيرة احمد )


أأنت هناك،أمازلت هناك!مكانك لم تتغير لم تتحرك،الى متى ستظل جالسا هائما فى أحلام اليقظة و الأمل فى التوبة والسكون بلا عمل ،الى متى ستظل تائها بين الطرقات،ألم تعرف طريقك بعد،إنه هناك من أجلك مضىء و منير،اذا أردت ان تراه فسوف تراه،أما اذا بقيت على حالك فلن تراه ابدا،فافتح عينيك حتى تراه و انتبة لنفسك،أنا هنا بجانبك أسعى للخير،أسعى لحب الله،أسعى لنشر رسالة،سأساعدك،انا هنا و هناك من اجلك ،حولك فى كل مكان،الى متى ستهجرنى،اقترب،افهم،اقرأ، لالاتذهب ،أرجوك عد من أجلى و من أجلك و من أجل الجميع ،ستجد من يساعدك للوصول للطريق السليم فيك الخير فلا تدفنة بيديك، بيدك ان تغير نفسك،ستجدالكثير ممن يحبوك ويقدروك هنا ليساعدوك ،غير نفسك ،غير العالم ،اعد اليك الصواب ،فلتغير ولتتغير،هذه رسالتى،انى احبك.



تحررت يوم :الاربعاء
الموافق :372008
نيرة أحمد محمود عبد العال

الجمعة، 1 أغسطس 2008

ماذا تعرف عن المسيح الدجال ( الحلقة الثالثة)

طبعا انا كنت وعدت اعضاء انى هتكلم عن الجنة ونعيمها وانا لسة عند وعدى وحاليا انا بجهز الموضوع وبحاول الخص المختصر المفيد
ودى الحلقة الثالثة وهى عن المسيح الدجال وانا عارفة ان الموضوع كبير بس والله فيه معلومات جيباها من مصادر موثوق فيها ومعلومات كلنا فى احتياج ليها
ارجو قراءة الموضوع دا لانى نزلته مخصوص عشان عايزة كل انسان يقراه
.................
.........................................

غروب وشروق :
هذا اسم لفيلم ويقصد به غروب عهد الملكية والظلم وشروق عهد الثورة والحرية والاستقلال اما قصدى من هذا العنوان هو غروب عهد الامان وشروق عهد الفوضى والخوف .....
والخوف شبح يهاجمنا فى الدنيا ويطاردنا فى الاخرة فهو يشبه الميكروب الذى اذا دخل العقل يصعب اخراجه الا بالايمان ....
فهذا الشبح هو المسيح الدجال وعذاب القبر والنار ..... !!!
......................................................................................
ها نحن على موعد مع علامة من علامات الساعة الكبرى الا وهى ظهور المسيح الدجال , تلك العلامة التى ظهرت تتابع ولا تنفصل واذا لم نستطيع النجاة منها والاسراع الى التوبة حتى طلوع الشمس من مغربها واغلقت باب التوبة تختم على اخر اعمالنا , اى اذا طلعت الشمس من مغربها ونحن غير تائبين فتغلق باب التوبة وهذا ذكر فى سورة الانعام اية (158) ...
...............................................................................................
سمى الدجال دجالا .... هل نعرف لماذا ؟!!
سمى بالدجال لانه يغطى الحق بالباطل ويغطى على الناس كفره بكذبه ويقول لهم انه الله , وها نحن علينا ان نعلم انه موجود بالفعل فى دير بجزيرة فى قرية اصبهان , فى مدينة خراسان , فى ايران , وسيخرج من قبل المشرق من خلة بين الشام والعراق , وهو مربوط فى هذا الدير بسلاسل تصل من عنقه الى قدمه , ويوشك ان يؤذن الله له ان يخرج .
وهذا الكلام جاء فى حديثه عن ابى بكر رضى الله عنه انه رسول الله صلى الله عليه وسلم قال "
( الدجال يخرج من ارض بالمشرق يقال لها خراسان ويتبعه اقوام كانوا وجوههم المجان المطرقة)
وهذا حديث رواه الترمذى
...........................................................................................
الدجال فتنته اعظم الفتن ..................... لماذا ؟؟
فتنته اعظم الفتن منذ خلق الله ادم الى قيام الساعة وذلك بسبب ما يخلق الله معه من الخوارق العظيمة التى تبهر العقول , والله لم يبعث نبيا الا حذر امته من الدجال , ويكون بدء ظهوره من حارة اصبهان واهلها يكونوا من اليهود ويتبعه من اهلها سبعون الف يهودى عليهم الاسلحة والتيجان وهم الطيالسة الخضر وكذلك ينصره سبعون الف من التتار وهذا جاء فى حديث عن انس ابن مالك رضى الله عنه قال الرسول صلى الله عليه وسلم : (يتبع الدجال من يهود اصبهان سبعون الفا , عليهم الطيالسة ) وهذا الحديث رواه مسلم , وعلينا ان نعلم ان الدجال خارج علينا ولا مفر من ذلك , اى انه اذا خرج علينا فتكون فرصة التوبة صغيرة جدا لانه يمشى فى الارض بسرعة كبيرة جدا وفى لحظة ما سوف تشاهده امام عينيك وبطريقة غريبة تجعلك تكفر بالله وتصدقه , فاسرعوا بالتوبة الان حتى لا يتغلب عليكم يوم ظهوره .
..............................................................................................
اعمال الدجال لا يتغلب عليها الا المؤمن ايمانا كاملا بالله من القلب لا لسانا وهى :
1- يظهر فى صورة ملك من الملوك الجبابرة .
2- ثم يدعى النبوة , اى يدعى انه نبى الله ولا نبى بعده
3- ثم يدعى الربوبية , اى يدعى انه الله .
4- يكون معه جنه ونار , فناره جنه وجنته نار اى النار التى معه ما هى الا مجرد خيال يوهم الناس بها حتى يصدقوه ويكفروا بالله وذلك خوفا من النار التى معه , ومن لا يصدق المسيح ويكفر به فيدخله النار التى معه وهذه النار فى الحقيقة هى الجنة , وهذا الكلام يؤكده كتاب الفتن واشراط الساعة وايضا جاء فى حديث اخرجه مسلم , فيقول رسول الله صلى الله عليه وسلم : ( الدجال اعور العين اليسرى جفال الشعر , معه جنه ونار فناره جنه وجنته نار ) .
5- يسير فى الكرة الارضية كلها بلدا بلدا , وحصنا حصصنا , اقليما اقليما , ولا يبقى بلد الا وطئه , ما عدا مكه والمدينة هما البلدان اللذان لا ياتى نحوهما .
6- يأمر الارض ان تنبت فتنبت .
7- يظل يصنع المعجزات حتى يصدقه الناس ويكفروا بالله
8- يأمر السماء ان تمطر فتمطر .
9- يأتى الى النساء ويجعلهن يكفرن بالله عن طريق انه يقدم لهن الكثير من الذهب ويأخذ يقول لهن انهن متخلفات لانهن ملتزمات بالحجاب
10- يأتى عند مكة والمدينة ولا يستطيع دخولهما لان الملائكة تكون واقفة عندها بالسيوف فيخاف ان يدخلها لكنه يرجهما ثلاث رجات حتى يخرج منهما كل منافق وكل كذاب .

وكل هذه الاعمال مذكورة فى حديثه عن ابى امامه الباهلى ورواه ابن ماجه وابو داوود وها علينا ان نعلم انه عند ظهور المسيح الدجال سيكون سائد فى البلاد جفاف شديد وحالة مجاعة شديدة فعندما يامر المسيح الدجال السماء ان تمطر والارض ان تنبت , ويحضر الذهب الى النساء , وغير ذلك من معجزات تبهر العقول , فيؤمن به الناس لشدة الجوع والعطش الذى سوف يسود فى هذا الوقت , لكن من كان ايمانه شديد بالله لا يصدقه , فسوف نتعذب فترة صغيرة جدا من عمرنا من شدة الجوع والجفاف لكن ثواب باقى عمرنا دخولنا الجنة , ويمكن ان نضمن ان المسيح لا يستطيع ان يتغلب علينا وذلك عن طريق توبة صادقة والايمان بالله ورسوله ..................
سأل الصحابة الرسول عن كم يوما يظهر فيه الدجال فقال : جاء فى حديث عن النواس بن سمعان رضى الله عنه فى ذكر الدجال يقول : ( اربعون يوما , يوما كسنة ويوما كشهر , ويوما كجمعة وسائر ايامه كأيامكم ) وجاء حديث اخر عن ايام الدجال , فعن عبد الله بن عمرو رضى الله عنهما ان رسول الله صلى الله عليه وسلم : ( يخرج الدجال فى أمتى فيمكث اربعين لا ادرى اربعين يوما , او اربعين شهرا او اربعين عاما , فيبعث الله عيسى ابن مريم كانه عروه ابن مسعود فيطلبه فيهلكه , ثم يمكن الناس سبع سنين ليس بين اثنين عداوة ) , ثم سأل الصحابة ما مقدار سرعته فى الأرض فقال إنه يمشى فى الأرض بسرعة عظيمة جدا مثل سرعة المطر وهذا جاء فى كتاب أشراط الساعة ليوسف الوابل فنتسنتج مما سبق إن المسيح الدجال سوف يلف العالم كله أى الكرة الأرضية بأكملها فى أربعين يوما أى سنة وشهران ونصف كما ذكر النواس بن سمعان فى حديثه , او سيلف الكرة الارضية باكملها فى اربعين يوما او اربعين شهرا او اربعين سنة كما ذكر عبد الله بن عمرو فى حديثه , اى فى كلتا الحالتين ستكون المدة قصيرة جدا فلا يستطيع احد فى هذه المدة القصيرة ان يستغفر الله ويتوب له الا فى حالة اربعين سنة ستكون المدة كبيرة جدا فحتى نضمن دخول الجنة لابد ان نستغفر الله الان حتى يتوب علينا ويحمينا من فتنة المسيح الدجال
تكلمنا كثيرا عن الدجال وها نحن الان نعرض اهم شئ عنه الا وهو العلامات التى ستظهر قبل ظهوره والتى اذا ظهرت كلها فسوف يخرج وهى :
1- سوف يظهر عندما لم يثمر نخل بيسان الموجود بين فلسطين والاردن .
2- سوف يظهر عندما يذهب وينتهى ماء البحيرة الطبرية وهى موجودة فى سوريا
3- سوف يظهر عندما يذهب وينتهى ماء عين زغر .
4- سوف يظهر عندما يعم الفساد فى الارض وازدياد الفتن وقلة الدين والعلم
5- سوف يظهر بعد ظهور 30 شخص الذين سوف يدعوا انهم انبياء ورسل
6- سوف يظهر بعد فتح القسطنطانية .
7- سوف يظهر بعد حرب اليهود .
8- سوف يظهر بعد ظهور المهد المنتظر .
9- ستمر الارض بثلاث سنوات جدب وقحط وبعدهم سوف يظهر , والثلاث سنوات التى ستمر بهم الارض بالجدبة والقحط بسبب :
1- ان الله يأمر السماء فى السنة الاولى ان تمسك 1/3 مطرها والارض ان لا تنبت 1/3 نباتها
2- ان الله يأمر السماء فى السنة الثانية ان تمسك 2/3 مطرها والارض ان لا تنبت 2/3 نباها
3- ان الله يأمر السماء فى السنة الثالثة ان لا تمطر والارض ان لا تنبت وفى هذه السنة تكون هى السنة التى يمر بها العالم بالقحط والجدب اى ان احتمال فى هذه السنة يظهر المسيح الدجال .
المسيح الدجال بالفعل قرب موعد ظهوره لان بعض العلامات التى ذكرتها ظهرت بالفعل وهى :
1- نخل بيسان اصبح لا يثمر .
2- البحيرة الطبرية بدأ ينقص ماءها .
3- بدأ فعلا حالة فساد فى الارض وقلة الدين ونسيانه .
4- نحن بالفعل فتحنا القسطنطانية .
5- العرب بالفعل بدأوا فى محاربة اليهود وهم بنى اسرائيل كما فى لبنان وفلسطين , فهما فعلا يحاربوا بنى اسرائيل الان
6- يقول بعض علماء الدين ان فعلا ظهر 28 شخص يدعوا النبوة وانهم رسل وعلى ذلك فباقى اثنين فقط .
نستنتج مما سبق انه قرب موعد ظهور المسيح الدجال لان حوالى 50% من علامات ظهوره ظهرت بالفعل , فيا اخى واختى المسلمة حاولوا التقرب الى الله والتوبة والتمسك بالدين حتى لا نقع فى ايدى المسيح الدجال
نهاية المسيح الدجال هى :
ينزل عيسى ابن مريم عليه السلام فيجتمع عليه ويلتف عليه عباد الله المتقون , فيسير بهم المسيح عيسى قاصدا نحو الدجال فيقتله بالحربة الحربية بباب لد فيكون موته هناك لعنه الله .
كيف ننجو من المسيح الدجال ؟؟
1- التعوذ من فتنته وخاصة فى الصلاة بعد ما نقول التشهد وقبل التسليم فنقول :
( اللهم انى اعوذ بك من عذاب القبر , وأعوذ بك من فتنة المسيح الدجال )
وهذا الدعاء حديث عن عائشة ورواه مسلم والبخارى .
او نقول : ( اللهم انى اعوذ بك من عذاب القبر , واعوذ بك من عذاب النار , واعوذ بك من فتنة المسيح الدجال , واعوذ بك من المحيا والممات ) وهذا الدعاء حديث عن ابى هريرة ورواه البخارى والنسائى .
2- حفظ اول عشر ايات او اخر ايات من سورة الكهف , والافضل حفظ السورة كلها وهذا جاء فى حديث شريف رواه مسلم فى كتاب الفتن باب ذكر الدجال , وقال الرسول صلى الله عليه وسلم فى هذا الموضوع ( من حفظ عشر ايات من اول سورة الكهف عصم من الدجال ) .
3- الفرار منه اما بالذهاب الى المدينة او الى مكه ويجب الفرار منه بسب ما معه من شبهات وخوارق عظيمة تؤدى بنا الى تصديقه وتكفير الله وهذا جاء فى حديث عن الرسول صلى الله عليه وسلم يقول :
( من سمع بالدجال فلينأ عنه , فوالله ان الرجل ليأتيه وهو يحسب انه مؤمن فيتبعه مما يبعث به من شبهات او مما يبعث به من الشبهات ) وهذا الحديث رواه احمد وابو داوود عن عمران بن حصين .
وينصحنا الرسول صلى الله عليه وسلم يقول : ( من ادركه منكم فليقرأ عليه فواتح سورة الكهف )

الثلاثاء، 29 يوليو 2008

صور عذاب القبر ( الحلقة الثانية )

كلمة قبر تعنى وتشمل على اصعب معنى فالقبر ما هو الا بيت الغربة والوحدة وبيت التراب وبيت الدود فلماذا ذكرت هذه الكلمة فى القرآن الكريم وما اهم صور عذابه ؟؟
ذكرت كلمة قبر فى القرآن الكريم فى حوالى ثمانية مواضيع فى سور متفرقة هى ( التوبة اية 84 , الحج اية 7 , الممتحنة اية 13 , وعبس اية 21 , الانفطار اية 4 , العاديات اية 9 , التكاثر اية 1 و 2 ) .
والعبرة من ذكر كلمة القبر فى القرآن الكريم هى تذكير المسلم بان هناك حياة بعد الموت وهذه الحياة يرى فيها الميت مقعده اما فى الجنة او فى النار , او اما يكون قبر الانسان روضة من رياض الجنة او حفرة من حفر النار , وهذا جاء فى سورة المؤمنون اية 99 و 100 .
...................................................................................................
صور عذاب القبر هى :
1- يبدأ بعد دفن الميت مباشرة سؤاله وهذا السؤال او الاسئلة تكون من ملكان اسودان ازرقان , الاول اسمه منكر والثانى اسمه نكير , ووصف الملكان جاء فى حديث عن ابى هريرة واخرجه الترمذى فيأتى هذان الملكان ويجلسا الميت فيقولان له من ربك , فالمسلم يقول الله والكافر يقول لا ادرى ثم يقولان ما دينك , فالمسلم يقول الاسلام والكافر يقول لا ادرى , ثم يقولان ما هذا الرجل , فالمسلم يقول هو رسول الله والكافر يقول لا ادرى , ثم يقولان ما دليلك فالمسلم يقول القرآن الكريم فأمنت به وصدقته والكافر يقول لا ادرى , فيامر الله للمسلم ان يذهب الى الجنة وسيأمر الكافر ان يذهب الى النار .
2- القبر سوف يضغط من فيه ولا نجاة لاحد منها , فعن ابن عباس رضى الله عنهما قال , قال رسول الله صلى الله عليه وسلم : ( لو نجى احد من ضمة القبر لنجى سعد بن معاذ , لقد ضم ضمه , ثم روخى عنه ) وهذا الحديث موجود فى صحيح الجامع .
3- ترد العقول على الموتى فى القبر حتى يجعلنا نشعر بكل الالام , فعن عبد الله بن عمرو رضى الله عنهما ان رسول الله صلى الله عليه وسلم ذكر فى فتان القبر فقال عمر ( اترد علينا عقولنا يارسول الله ؟ فقال رسول الله صلى الله عليه وسلم : نعم كهيئتك اليوم , فقال عمر بفيه الحجر ) وهذا الحديث موجود فى صحيح الترغيب والترهيب
4- يوجد شخص فى القبر يضرب بصخرة على راس الميت فيشقها , وتصير ترابا , فيامر الله بان ترجع راسه كما كانت , ثم يعود هذا الرجل ويضربه على راسه مرة اخرى ثم يامر الله ان تصح راسه مرة اخرى , وهكذا حتى يوم القيامة وبعض من العلماء يقولون يظل عمل هذا حتى تنتهى ذنوب الميت , وهذا العذاب يتعذب به من لا يصلى , ومن لا يعمل بالقران وهذا جاء فى جزء من حديث يقول : ( اما الرجل الذى اتيت عليه يثلغ راسه بالحجر فانه الرجل ياخذ القران فيرفضه وينام عن الصلاة المكتوبة )
5- يوجد رجل يقطع شدق الميت الى اخره والشدق هو المسافة من الفم الى الاذن , ويقطع منخره الى اخرها , ويقطع عينه الى اخرها ثم يتحول على الجانب الاخر من الوجه ويفعل به مثل ما فعل بالجانب الاول , فعندما ينتهى من الجانب الثانى يكون الجانب الاول صح ورجع كما كان , وهكذا يظل يصنع الرجل هذا الى يوم القيامة او الى ما تنتهى ذنوب الميت وهذا العذاب يتعذب به كل كذاب , حتى لو كانت الكذبة صغيرة جدا , وهذا جاء فى حديث يقول : ( واما الرجل الذى اتيت عليه يشرشر شدقه الى قفاه فانه الرجل يعدوا من بيته فيكذب الكذبة تبلغ الافاق ) وهذا جاء فى جزء من حديث وليس فى حديث كامل
6- يوجد فى القبر نهر احمر مثل الدم يسبح فيه الميت وعلى شط هذا النهر رجل معه حجار , فيسبح السابح اى الميت الى اخر النهر ثم يعود الى هذا الرجل الذى معه الحجار فيفتح له فمه فيلقمه حجرا , اى يدخل هذا الرجل داخل فم الميت حجرا , ويفعل هذا كلما يذهب او يسبح الى اخر النهر وعاد اليه , وهذا العذاب يتعذب به من ياكل الربا , وهذا جاء فى حديث يقول : ( واما الرجل الذى اتيت عليه يسبح فى النهر ويلقم الحجارة , فانه اكل الربا ) وهذا جاء فى جزء من حديث وليس حديث كامل
7- الميت يزداد عذابه فى القبر كلما زاد الصراخ عليه , وكلما زاد بكاء الاهل عليه , وكلما زاد كلام الناس عليه سواء كان بالخير او بالشر .
8- الميت يزداد عذابه اذا كان يمشى بالنميمة فى حياته , وعذاب النميمة شديد جدا وهذا العذاب يساوى عذاب من لا يستبرى من البول وهذا جاء فى حديث عن ابن عباس يقول : ( ان رسول الله صلى الله عليه وسلم مر بقبرين فقال , انهما يعذبان وما يعذبان فى كبير بل انه كبير , اما احدهما فكان يمشى بالنميمة , واما الاخر فكان لا يستتر من بوله ) وهذا الحديث رواه الترمذى
9- من ترك صلاة او صلى بغير وضوء او من لا ينصر مظلوم فيعذب بالجلد فعن كل صلاة تركها جلده
10- تاتى دابه فى القبر ومعها عمود من حديد تضرب الكافر بين كتفيه فيظل يصيح ولا يسمع صوته احد .
11- سوف يلتهب وجه الميت وتشتعل راسه نارا .
12- من كان يتجسس على الجيران وينقل ما يقولونه ويترك الصلاة ويصلى بدون وضوء فيشتعل قبره نارا .
13- من كان يسرق او يشرب خمر يضع الله فى قبره ثعبانين ينهشان فى قبره ويضربوه وينزلوه 70 زراعا تحت الارض ثم يخرجوه ثم يضربوه مرة اخرى وهكذا .
14- من كان يسرق الطعام او يغشه فسيجد ثعبان اسود ينتظره فى قبره .
15- من كان فى الدنيا لا يصلى فسوف يصلى فى قبره وسيتوضأ من قاع جهنم .
هذا كان بعض من صور العذاب فى القبر , ويوجد صور اخرى مجهولة حتى الان لسبب لا يعلمه الا الله , وباقى صور العذاب المجهولة تكون فى وقت معين وهى الحياة البرزخية , اى انها فترة ما بعد الموت الى يوم البعث .
فيا اخى المسلم تذكر دائما العذاب فى القبر فقد علمت ان كل صلاة تتركها سوف تجلد عليها جلدة واحدة وسوف يشتعل قبرك نارا وسوف تتحطم راسك وتعود مرة اخرى وكل هذا لتركك للصلاة , وقد علمت ايضا ان كل كذبة تكذبها سوف تتعذب عليها عن طريق قطع شدقك ومنخرك وعينك والجانب الايمن والايسر من الوجه , فتذكروا كم كذبة تكذبوها خلال ساعة , خلال يوم وحددوا علي ذلك كم مرة سيقطع فيها وجهك كله فاسرعوا بالتوبة لتنجوا بانفسكم من عذاب شديد عذاب لا تشعر به ولا حتي نفكر فيه . من عذاب اليم .

الاثنين، 28 يوليو 2008

إزاى توصل للمرحلة اللى متخافش فيها من الموت ولا من عذاب القبر ولا من عذاب النار ؟؟؟؟؟؟؟؟!!!!!!!!

عايزين نفكر مع بعض شوية ازاى نوصل للمرحلة اللى منخافش فيها من الموت ولا من عذاب القبر والنار ، اكيد مرحلة صعبة بس ممكن نوصلها ومش سهل اننا نوصلها بس مش مستحيل يعنى نقدر نوصلها بس اهم حاجة النية تكون موجودة وربنا هيساعدنا ..........

دلوقتى ممكن نعمل مع بعض حاجة بسيطة قوى وممكن نلخصها فى خطوات او مراحل نعملها:

اولا : عشان تعرف تفكر فى الموضوع دا لازم تشوف اى مكان منعزل عن الناس وعن الدوشة وتروح تقعد فيه عشان تعرف تفكر بهدوء.
ثانيا : غمض عينيك وفضى دماغك من اى حاجة شغلاك ومتفكرش فيها خالص يعنى متفكرش فى اى حاجة الا الموضوع دا بس.
ثالثا : ابدا فكر فى كل حاجة غلط عملتها ومستمر فى عملها يعنى متوبتش ومبطلتش انك تعملها .
رابعا : من هنا بقى عايزين نبدا التخيل بس عايزين يبقى خيالنا واسع شوية يعنى نفترض أن هناك شخص ما يترك الصلاة ولا يصليها ابدا عايزة الشخص دا يتخيل مع نفسه انه مات وجاء موعد عذاب القبر ويتخيل مع نفسه شكل عذاب القبر الذى سيلقاه بسبب تركه للصلاة وبعد ذلك عذاب النار ويتخيل شكل عذاب النار وان كل صلاة لم يصليها فسوف يصليها على سجادة من نار ، وبعد كل هذه التخيلات يفكر فى الرد الذى سوف يرد به امام الله عند سؤاله عن سبب تركه للصلاة ويفكر بماذا سيجيب ، يفكر ويقرا عن عقوبة تارك الصلاة فى الدنيا والآخرة ، وأكيد لو فكر الشخص دا بجدية هيلتزم دائما بالصلاة ، وطبعا وهو بيفكر الشيطان هيفضل يزن على دماغه ويقوله سيبك مفيش حاجة اسمها نار ولا عذاب فى القبر ويفضل يقوله طنش ، بس لازم الشخص دا يكون اقوى من الشيطان واقوى من اى حاجة وميخليش الشيطان يتغلب عليه ، ودا كان شخص تارك للصلاة وطبعا ترك الصلاة مش الذنب الوحيد او المعصية الوحيدة الذى نرتكبها ولكن هناك اخطاء عديدة نرتكبها سواء بقصد منا او بغير قصد ،
يعنى خلاصة كلامى اللى قلته واللى عايزة اقوله ان اى حد فينا بيعمل اخطاء وذنوب فى حياته يقعد ويفكر مع نفسه ان ربنا شايفه ويفكر هيرد على ربنا ويقوله ايه لما يساله عن ارتكابه مثل هذه الذنوب ، ويفكر فى عذاب القبر والنار اللى عذابهم هيكون اشد عذاب واقوى عذاب وهيكون حساب على كل كبيرة وصغيرة ويفكر فى لهيب النار وشدتها ويفكر انه ممكن عمره كله يعيش فى النار وبعد كل دا يفكر فى الجنة ونعيمها ويشوف مين الاحسن النار ام الجنة ويفكر هل الافضل ان يرتكب الاخطاء والذنوب ويكون مصيره عذاب شديد فى النار والقبر او يكون مصيره الجنة ونعيمها ،
ولو كل واحد فينا فكر فى ان كل ذنب مهما كان صغير هيتحاسب عليه ، أكيد محدش هيرتكب ذنوب والحلقات اللى هتتعرض هنا فى المدونة واللى اتعرض منها حلقة واحدة بتشمل عقوبة تارك الصلاة وعذاب القبر والنار
يالا كلنا دلوقتى نقعد من نفسنا ونشوف ايه هى اخطائنا وايه اللى بنعمله ممكن يغضب ربنا ونحاول نصلح اخطائنا ونبعد عنها ، يالا نفكر كويس فى كل حاجة غلط بنعملها ونفكر اننا هنتحاسب عليها اشد حساب ، ولو مثلا حد فينا ايديه اتلسعت من حلة كانت على النار شوفوا بقى ايه اللى ممكن يحصل فما بالك ايها الاخ والاخت المسلمة لو جسمنا كله اتحرق بالنار ،
ها شوفتوا الموضوع عايز اننا نفكر فيه كويس
يالا يا جماعة فكروا فى كل كبيرة وصغيرة بتعملوها واذا فكرتهم بجد وتركتم وبعدتم عن المعاصى والذنوب فسوف يكون ثوابكم الجنة ونعيمها
ونتمنى من الله ان يرزقنا حسن الخاتمة وان يقينا من عذاب النار والقبر ويخفف عنا اهوال يوم القيامة

اللهم آمين
.................................................

الأربعاء، 23 يوليو 2008

الحقيبة الحقيبة يالا نعمل الحقيبة

الحكومة المصرية مهنية الشعب المصرى وتحرص دائما على سعادة الشعب المصرى وتلبية جميع مطالبهم ، لا ومش كدة وبس دى كمان بتحرص على مصلحة الشعب وتوفير الأمن والامان له والدليل على كدة حقيبة الإسعافات الاولية اللى الحكومة عايزة كل واحد معاه سيارة تكون معاه واللى مش هتكون معاه هياخد غرامة ، شوفتوا بقى ان الحكومة خايفة على مصلحتنا ، وبكدة لو اى حد جراله اى حاجة يلاقى حاجة تسعفه فى حقيبة الاسعافات الاولية لانها مش حقيبة عادية دى حقيبة جامدة وليها مواصفات خاصة كانك داخل تعمل عملية يعنى اى حاجة هتحتاجها لاى اصابة هتلاقيها موجودة في الحقيبة دى
اظن بقى محدش يقدر يتكلم ...............
والحكومة عملت كل حاجة للشعب وفاضل بس الحقيبة هى دى اللى هتحل كل الازامات ، يمكن تكون هى اللى هتحل كل مشاكلنا او هتكون هى البداية لحل المشاكل هنخلى عندنا امل ، ويمكن هى اللى تحل لينا مشكلة رغيف العيش اللى ضيعت معنى الانسانية الى هى ابسط حقوقنا ، وضيعت كرامة الشعب بسبب سوء المعاملة التى يتعرض لها الشعب
من اصحاب افران العيش ومش كدة وبس دا اى حد دلوقتى يروح يشترى عيش يقف بالساعات عشان يعرف يشترى كام رغيف يقدر يعيش بيهم يومين او تلاتة مش اكتر من كدة وبعد كل المجهود دا بيبقى عيش غير صالح ابدا للاستخدام ،
بس استنوا بقى حقيبة الاسعافات الاولية هى اللى هتحل لينا المشكلة دى ومش المشكلة دى وبس دى كمان هتحل لينا مشكلة البنزين اللى بيخلى الناس تقف طوابير عشان يأخذوا
بنزين لسياراتهم وطبعا دا بنزين 80 والناس بدوا يلجاوا اليه بسبب ارتفاع سعر بنزين 90 والفرق بينهم 95 قرش ودا طبعا بيفرق جدا لأن المرتبات منخفضة جدا يعنى دلوقتى اى فرد مرتبه منخفض ولديه سيارة وياخذ بنزين 90 اللى هو ب 175 قرش فجاة هيلاقى مرتبه كله ضاع فى البنزين ، فماذا يفعل الشعب رضى بالهم والهم مش راضى بيه ، رضى بهم الحكومة والحكومة مصرة على زيادة الهم به ، يعنى من الآخر حياتنا كلها هتتحول لطوابير اولها طوابير العيش وتانى حاجة طوابير البنزين ، ومش عارفين هنقف على طوابير ايه تانى ؟؟؟؟؟؟؟؟؟؟ بس برده عشان منظلمش الحكومة هى خلاص اعلنت ان بنزين 80 هيبقى متوفر ومش هيبقى عليه ضغط وكمان سعره مش هيعلى ايه بقى فى كرم اكتر من كدة
بس احنا هنفضل عندنا امل ان الحقيبة هتحل المشاكل دى ، ويمكن كمان تحل مشاكل المزلقانات اللى خاصة بالقطارات اللى سببها بيحدث حوادث عديدة جدا يموت فيها اشخاص لا حصر لهم وآخرهم حادثة مطروح وعدد كبير جدا مات فيها ، ويمكن كمان تحل مشكلة ارتفاع الاسعار سواء اسعار السكن او الطعام او العلاج ومشكلة خفض المرتبات ومشكلة الفقر و .... و...... و.......
مشاكل كتير جدا حوالينا نتمنى انها تتحل ، ويمكن الحكومة لما تفضى من موضوع حقيبة الاسعافات الاولية تفضى لحل مشاكلنا ، هى بس الايام اللى فاتت كانت مشغولة فى ترتيب الحقيبة دى ونظامها هيكون ايه عشان بس لو حد جراله حاجة فى الطريق يقدر يسعف نفسه
بس اكيد هتحل كل مشاكلنا اللى بتواجهنا ، لانها طالما مهتمة قوى بعمل حقيبة الاسعافات يعنى بتخاف علينا وطالما بتخاف علينا يبقى هتحل كل مشاكلنا.................
يالا احنا بقى ندعى للحكومة اللى مخلية بالها مننا ونروح نعمل حقيبة الاسعافات بسرعة عشان منخدش غرامة وعشان لما الحكومة تلاقينا كلنا عملناها تفضى بقى عشان تحل مشاكلنا التانية ..................................
ونتمنى الآن ان ننتهى سريعا من عمل حقيبة الاسعافات الاولية
الحقيبة الحقيبة يالا نعمل الحقيبة ......................
ندا منير
17 سنة
العاشر من رمضان
Nada_mounir_attia@hotmail.com

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...