الجمعة، 3 أكتوبر، 2008

المصريون يصرخون

قبل ما اتكلم عن الموضوع عايزة بس اقولكم ان الدراسة خلاص بدات ومش هقدر افتح الا مرة فى الاسبوع عشان معطلش نفسى فى المذاكرة
لكن باذن الله اول ما هدخل هرد على كل تعليقاتكم وهدخل على كل المدونات اللى متسجلة عندى وهقرا الجديد اللى نازل فيها
وبرده هدخل على اى مدونة جديدة
وادعولى بقى دى اول سنة ليا فى الجامعة ادعولى كدة اجيب امتياز
.............


المصريون يصرخون
........
الصرخة تلى الصرخة والبكاء مستمر وحالة الحزن تسود العديد من المنازل المصرية ، فالآن نسمع صرخات متتالية من المصريين من جميع الاعمار ومن جميع الفئات فالمصريون الآن يواجهون أزمات متتالية لا يعرفون كيف يواجهونها ، ونقصان بنزين 80 يعد من اكبر الأزامات التى يواجها المصريون ، وهذه الأزمة تعانى منها عدة محافظات بل تقريبا جميع محافظات جمهورية مصر تعانى منها ، والآن نجد ان مدينة العاشر من رمضان تعانى ايضا من هذه الأزمة ، فيوجد بمدينة العاشر محطتين بنزين 80 فقط ، فهذه هى المعاناة الحقيقية ، ففى العاشر يوجد الآلاف من السكان لديهم سيارات ويحتاجون لتموين سياراتهم بإستمرار ، ويلجأون لبنزين 80 لإنه اوفر بكثير من بنزين 90 وبنزين 92 ، فبنزين 80 بتسعين قرشا ، أما بنزين 90 بمائة وخمسة وسبعين قرشا ، وبنزين 92 بمائة وخمسة وثمانين قرشا ، فهنا نجد ان الفرق كبير جدا ولذلك فمعظم اهالى مدينة العاشر من رمضان يفضلون بنزين 80 ، ولكنهم يعانون معاناة شديدة جدا للحصول عليه بسبب وجود محطتين فقط ، ويتوافر البنزين فيهما على فترات متباعدة ، فأحيانا يتوافر مرة فى الاسبوع فقط واحيانا مرتين واحيانا ثلاثة مرات ، ولذلك عندما يتوافر البنزين فنجد زحام شديد جدا وطوابير عديدة من السيارات ، فاحيانا نجد ان عدد السيارات تصل الى خمسين او ستين سيارة واحيانا اكثر واحيانا اقل وفى كلتا الحالتين فنجد ان معاناة هؤلاء الناس كبيرة جدا ، فيخرج اى فرد من منزله لتموين سيارته يعود لمنزله بعد ساعتين او ثلاثة او اكثر بسبب الزحام الشديد على المحطة فيخرج اى فرد لعمله فى الصباح واحيانا بعد عودته يذهب لعمل آخر ليكفى احتياجاته وبعد عودته من العمل الآخر يذهب الى طابور بنزين 80 ، فهكذا نجد ان المواطن المصرى يعيش فى دائرة من المعاناة وحياته كلها تحولت لطوابير ، طابور على افران الخبز ، طابور على البنزين ، طابور فى اى مصلحة حكومية لإتمام مصلحة ما ، طابور على شراء اللبن ، وغيره من الطوابير ، فالآن نجد ان السؤال يطرح نفسه ، فإلى متى ستظل هذه المعاناة وهذه الأزمة ؟ وإلى متى ستظل حياة المصريون كلها طوابير ؟ ،
فلعل صوتنا هذا يصل الى المسئولين ، ولعلهم يهتمون بهذا الامر ويزودوا
مدينة العاشر من رمضان بمحطتين او ثلاثة او اكثر ويوفرون فيهم بنزين 80 وذلك حتى يحدوا من هذه الازمة ويخففوا عن المصريين تلك الازمة
فالآن لا أجد من الكلمات ما أقوله سوى الله معنا ..وربما نحن الآن لا نملك سوى الدعاء إلى الله ليساعدنا ويخرجنا من هذه الأزمة الخانقة لكن يجب أن نتذكر أن السماء لا تمطر ذهبا والدعاء لا يستجاب إلا بالعمل ..!!
فماذا نحن فاعلون ..؟؟
............................

هناك 43 تعليقًا:

رئيس التحرير يقول...

من رغيف العيش...للبنزين مره واحده.
البنزين ..والجاز ..والبوتجاز..وكل شيئ ربنا يكون في عون الناس..شكر زيارتك ..كنت اتمنى تعجبك العزبه ...العزبه وصاحبها ملك لك في اى وقت ...واما تزهقي اقضي وقتك فيها ....شكرا .

غير معرف يقول...

السلام عليكم
ازيك يا ندا
ربنا يوفقك وتجيبى امتيازات فى كل المواد
عموما يرب الازمات دى تتحل
بس اعتقد انها مش هتتحل يا ندا الا لما حاجات كتير اوى فى مصر تتغير والسرقة اما بالنسبة لبنزين 80 فدة ازمة كبيرة جدا لوحدة لانة فعلا نقص وكمان نزلوا 92 90 والمرتبات لسة منخفضة زى ماهى او لانة مفيش توازن الا بين المرتبات واسعار اى حاجة تانية
نيرة احمد محمود

احمد على نصار يقول...

يا تدا , ياريتها جت على البتزين بس كانت هانت طب الرز والسكر والسمن والزيت واللحوم والاسماك والفاكهة وكل حاجة اللى ارتفع سعرهاللضعف .. تقول ايه ولا ايه يا نو نو على رأى عمر طاهر شكلها باظت

موناليزا يقول...

لو لقيتى اجابة على تساؤلاتك ياريت تبلغينى

elsha3er يقول...

السلام عليكم
والله انا مش عارف انتم خايفين من الكلية اوى كدة لية والله ما فيها اى حاجة صعبة يمكن عشان حاجة جديدة عليكم والله انا بقالى 3سنين ما شفتش حاجة وحشة بس حكاية امتياز دى انا مجربتهاش حلو جيد

نيجى للبوست

والله انا مش عارف اقول اية بس حسبى الله ونعم الوكيل

احمد الشاعر

Beram ElMasry يقول...

السلام عليكم ورحمة الله
يرى الاخ الكريم الدكتور/ توكل مسعود ، صاحب المدونة
http://belawa6an.blogspot.com/
انطلافا من فلب طاهر ونفس صافية واعتمادا على ثقافته الواسعة ، يرى تغير اسم مدونتى
http://elmedahwel.blogspot.com/
المدهول ، غيرة منه على اسماء اخوانه فى مقال رائع ، ارجو مشاركته فى تجربته الرائدة ، واختيار اسم جديد
والسلام

momken يقول...

يا جماعه انتوا عملين مشكله ليه

اصلا عند الانسه ندا عربيات مصانع العاشر هى الى بتزحم محطات البنزين
ولان هناك مصانع كتير فده بيعمل ازمه

سواء على السولار او بنزين تمانين

وبعدين كلنا عارفين ان الحاجه ام الاختراع
احنا نغير عربيتنا ونخليها تمشى بعصير القصب وكل واحد يعمل كارنيه عند عم محمد الاسيوطى بتاع جنه فواكه الرحمن نروح كلنا نمون من هناك
ولا تقوليلى بنزين ولا رغيف عيش ولا رفع الدعم ولا حاجه

احنا نغير من نفسنا
وسليملى على الغاز الى بيروح اسرائيل بتراب الفلوس

تحياتى

كيارا يقول...

ندااااااااااااااا


اتصرفي في الريدر شكل المدونه عندك باظت اخر موضوع من شهريييييين

هقرا وارجع ...

كلام على بلاطة يقول...

;كل عام وانت بخير

غير معرف يقول...

السلام عليكم يا نودا
معلشى انا على طول متأخره بس انتى عارفه رأى فى كل موضوعاتك يا جميل يعنى تعليقى مجرد زواق لكن الأصل أنت يا قمر
......
بس صراحتآ أنتى دوستى على الجرح ولو قولنا للناس مش تركبوا سيارات خلوها موتوريجل هيقولوا طب والعيش والسكر وووووو......ألخ
آهههه يا بلد عايزة حاكم،والمقصود من حاكم مش رئيس لأه المقصود التوازن لو البلد أتوزنت صح من تحديد أسعار لكل طبقه على قدر استطاعتها من مأكل ومشرب ودول اهم حاجة الناس مش هتصرخ انما موضوع البنزين ممكن يعيطوا أهون من السريخ هههههه
والله المستعان فى كل شىء حيث يقول للشىء(كن فيكون)فكيف سيكون الحال لو صار إلاهنا بشر مثلنا........فأشهد أن لا اله إلا الله وأن محمد عبده ورسوله
وربنا يوفقك يا نودا على طووووول بإذن واحد أحد
سلام يا جميل
أحبك فى الله:منةالله

ندا منير يقول...

رئيس التحرير
............
طبعا بشكرك جدا على زيارتك لمدونتى
ثانيا اشكرك على تعليقك
ثالثا اشكرك جدا على دعوتك لقضاء بعض من وقتى فى عزبتك
وطبعا هزورها باستمرار

ندا منير يقول...

نيرة احمد
.......
ميرسى يا حبيبتى على دعوتك دى
ويارب اجيب امتياز ادعيلى ونبى كتير
وبالنسبة للموضوع
بقى
ففعلا هى مشكلة صعب انها تتحل
وربنا معاانا

ندا منير يقول...

احمد على نصار
..........
عندك حق والله مش عارفين نتكلم عن ايه ولا ايه
ومش عارفة الاجيال الللى جاية هتعيش ازاى
بجد ربنا معانا جميعا
ميرسى قوى على تعليقك
وعلى مرورك

ندا منير يقول...

موناليزا
..........
ازيك يا قمر
ايه اخبارك
ميرسى قوى على مرورك
وطبعا انا مش لاقية اى اجابة
بس لما هلاقى اكيد هقولك

ندا منير يقول...

احمد الشاعر
............
اولا اشكرك على دخولك المدونة
ثانيا انا مش خايفة من الكلية خالص هو بس انا نفسى اجيب امتياز

وطبعا احنا مش هنقدر نقول غير حسبى الله ونعم الوكيل

ندا منير يقول...

beram elmasry
......
اشكرك على دخولك مدونتى
واشكرك على المعلومة دى

ندا منير يقول...

ممكن
......
ههههههههههههه
ميرسى قوى على تعليقك
وفكرتك كويسة قوى
ممكن نعملها دعاية ونقول لكل الناس
ههههههههه
وعندنا فى العاشر محلات قصب بالهبل

ندا منير يقول...

كيارا
........
معرفش والله يا كيارا المشكلة فين
هى على فكرة عند ناس وناس
يعنى فى ناس بتظهر المواضيع على طول وناس لاة
انا مش عارفة اعمل ايه بس هحاول اظبط الموضوع دا

ندا منير يقول...

كلام على بلاطة
.......
ميرسى قوى
وانت طيب

ندا منير يقول...

منة
......
ازيك يا حبيبتى
ولا يهمك يا جميل ومتاخرة ايه بس
وهنعمل ايه يا منة دا حال الدنيا
ادينا صابرين لحد لما نشوف اخرتها

مـجـنـووون يقول...

ربنا يوفقك يا رب وتبقي متفوقه في دراستك

بجد الناس في مصر دلوقتي مش عارفه تعمل أيه بسبب الغلاء والحياة إلي بقت كلها طوابير ملهاش أخر


بس ارجع وأقول أن السبب في إلي بيحصل ده هو أحنا علشان مش بنرفع صوتنا ونقول ايه إلي تعبنا ونطالب بحققنا

تقبلي مروري
مجنووون

ندا منير يقول...

مجنون
..........
ميرسى على دعوتك ليا
وانا معاك اننا لازم نقول اننا نتعبنا
بس مين اللى هيرضى اننا نقول كدة
كل واحد بيخاف على نفسه
ابسطها اضراب 4 و 6 يوينو
لو كان كل الناس عملت اضراب اليوم دا وكل العمال فى المصانع والشركات
بمعنى اصح جمهورية مصر كلها
كان فى حاجات كتير قوى هتتغير
لكن كل واحد خاف عشان ممكن يترفد من شغله فلو كله عمل عمر ما المدير هيرفد الشغل كله
عارف مرة فى دبى
الاسعار ارتفعت جدا المواطنين كلهم عملوا اضراب
من ساعتها ولحد دلوقتى الاسعار نزلت ومرتفعتش تانى
ودبى دى حاجة فظيعة بجد
بس يعنى احنا اللى ناقصنا التعاون ونبعد الخوف عننا

romansy يقول...

هو دا حالنا وانكتب علينا كده
الهم والشقى والقسى
بس طالما فيه جزء من الخير هتبقى بيه الدنيا

خالد إسماعيل يقول...

ربنا يوفقك وتطلعي الأولي بمجهودك وبتوفيق الله

ندا منير يقول...

خالد اسماعيل
..........
اشكرك جدا على مرورك وعلى دعوتك

ندا منير يقول...

رومانسى
.........
اشكرك على تعليقك
وطبعا عندنا امل عشان لسة فى ناس فيها خير

Beram ElMasry يقول...

ابنتى الغالية . ندا منير
حفيدتى نودى تاخرتى كثيرا المهم ان شاء الله ستكونين من المتفوقين بالعمل الجاد فعلا ، وربنا يكفيك شر المتسلقين والوصولين والكوسجية كلاب السلطة اللى بيخلوها سلطة
مكتىب علينا طوابير ورا طولبير ورا طراطير
كنت بك سعيدا فلا تبخلى بمعاودة الزيارة وكل ثلاثاء عندى جديد وكل اكتوبر وانت بخير
المذاكرة اهم ونجاحك يجدد الامل
جدو او عمو بيرم

ندا منير يقول...

اسفة والله على تاخيرى
بس غصبن عنى عشان السفر
والجامعة
والمذاكرة
والكتابة
والجمعية
فبجد غصبن عنى
لكنى باذن الله هدخل مرة فى الاسبوع اشوف كل حاجة
وميرسى على دعوتك

Beram ElMasry يقول...

الاخوة الاعزاء
السلام عليكم ورحمة الله
بناء على رغبة الكثير من الاصدقاء المدونين ، وفى مقدمتهم الاخ الدكتور توكل مسعود ، فى تغير اصم مدونتى من ( المدهول ) الى اسم اخر يليق بمحتوى المدونة ، وانطلاقا من طبيعتة الغيورة على اصدقائه ، ومن الاسماء المعروضة ( كرباج سودانى ) وقد وقع عليه اختياؤى ، وصار هذا اسم المدونة الجديد
لااختلاف فىالمحتوى ولا تغير فى موعد كل جديد وهو يوم الثلاثاء
لكم كل الحب والاحترام

Bob يقول...

فعلا عليه العوض فى كل حاجة
بهاء

blue-wave يقول...

ربنا معاكى ويوفقك وتجيبى فوق الإمتياز كمان
اما بالنسبه للأزمات دى
فان الله لا يغير ما بقوم حتى يغيروا ما بأنفسهم
تحياتى

بنوتة يقول...

شكلها باظت يا رب تتصلح
أتمنى تبقي تزوري مدونتي أصل هي لسة جديدة ومحتاجة تشجيع

المبرمج المحترف يقول...

يااااارب تجيبى امتياز فى كل السنين مش ف السنه دى بس

حعلق ع الموضوع بعدين

سورى مضطر اقوم

سلامووز

bar2ash يقول...

السلام عليكم

زيارتك حقيقي اسعدتني ياندا

عايز اقولك علي حاجه

انتي ليه متشائمة كده وشايفه ان كل الحجات بتغلي

طيب ايه رأيك بقي في اللي يجيبلك حاجه سعرها نزل

ونزل بشدة

ولسه بينزل

وكل يوم بيرخص اكتر

هو


المواطن المصري

بجد بقي رخيص اوي علي عكس الحجات الغالية الكتير

عشان تعرفي ان في ايجابيات وحجات رخيصة


ع العموم الموضوع بتاع الغلاء ده ميئوس منه

ربنا يهديهم او يهدهم


تحياتي


د/ برقش

غير معرف يقول...

هاااااااااااااااااااااااى يا نودى
دة لينك المدونة يا ندا
شرفينااااااااااااااااااااااااااا
اوكى
سلام

نيرة و منةالله يقول...

هاااااااااااى يا ندا

ندا منير يقول...

beram elmasrey
.............
اشكرك على التوضيح وعلى دخولك

ندا منير يقول...

bob
......
اشكرك جدا على تعليقك وعلى مرورك

ندا منير يقول...

blue _ wave
...........
ميرسى اوى يا دكتور على دخولك عندى
وانا مش طماعة مش عايزة غير امتياز
يعنى مش لازم اكتر من امتياز
هههههههههه
شوفت مش طماعة خالص

وطبعا زى ما قلت ان الله لا يغير ما بقوم حتى يغيروا ما بانفسهم
طبعا معاك حق جدا ربنا عمره ما هيساعدنا الا لما احنا اللى نساعد نفسنا الاول ونحاول اننا نصلح من عيوبنا

ونورت

ندا منير يقول...

بنوتة
......
ميررسى يا جميل على تعليقك
واكيد طبعا هزورك

ندا منير يقول...

المبرمج المحترف
..........
ربنا يخليك ويسمع منك ربنا
افضل ادعيلى انت بس
ههههههههههه

خلاص مستنية تعليقك

وصحيح حمدلله على السلامة

ندا منير يقول...

دكتور برقش
........
صراحة انا اللى سعيدة جدا بزيارتك ليا وتعليقك الجميل قوى دا

وفعلا عندك حق الانسان رخص قوى قوى قوى
بس لسة فى ناس بتقاوم دا وبتحاول انها مترخصش نفسها
وفى ناس تانية هى اللى بترخص نفسها عشان توصل لهدف معين
ونوع تالت من الناس
بيبقى غصبن عنه انه بيرخص نفسه بس بيبقى عشان خاطر ناس تانية

ندا منير يقول...

نيرة ومنة
.........
هاى ازيكم يا جماعة
الف الف مبروك على المدونة
طبعا انا هاجى ازوركم
عارفين انتم بقى مشغولياتى

من انا

صورتي
الفيس بوك الخاص بى http://www.facebook.com/nada.mounir.313?ref=tn_tnmn