الجمعة، 22 أغسطس 2008

الجامعات المصرية أصبحت صالات ديسكو

نحن الآن نعيش فى حسرة لا حدود لها ، نعيش فى حسرة على أحوالنا واوضاع مجتمعنا نعم فهى الحسرة التى لم نشعر بمعناها الحقيقى إلا الآن بسبب ما يحدث لنا ، ولذلك قررت أن انزل الشوارع المصرية كل فترة من الوقت لاتحدث مع المصريين كى اعرف احوالهم واوضاعهم وما الذى يحزنهم ويأرق نومهم وبالفعل قرارى هذا قمت بتنفيذه ، واول ما جاء فى خاطرى كى انفذ قرارى هو إننى اذهب لاى جامعة فى مصر كى اشاهد الطلاب واعرف تفكيرهم وتخطيطهم لمستقبلهم ولكى اعرف ايضا نظرتهم للحياة الآن وما الإستعدادات الى يفكروا فيها للنهوض بمصر ولتحسين احوالها ، وبالفعل ذهبت لجامعة فى القاهرة وبعد ذهابى لهذه الجامعة ندمت ندم شديد جدا لان حزنى على مصر زاد وبشدة وشعرت بحسرة شديدة جدا لم شعر بمثلها قط ، فبعد دخولى هذه الجامعة جلست بعيدا عن الطلاب وبدات اتابع بعضهم لاشاهد تصرفاتهم ومن هنا وجدت ابشع التصرفات التى لا يستطيع اى شخص ان يتخيل ان تحدث مثل هذه التصرفات فى جامعة ، فوجدت الاولاد والبنات يضحكون ويمزحون مع بعضهم البعض بطريقة غريبة جدا لا تليق بجامعة ولا باى دين سواء كان دين إسلامى او مسيحى ، والمثير فى هذا الموضوع ان من وسط هؤلاء البنات بنات ترتدى النقاب ومعنى هذا ان الدين الإسلامى بدا ينهار وبعد ان شاهدت هذا فتركت مكانى وذهبت وجلست فى مكان آخر والذى شاهدته فى هذا المكان كان اصعب واشد مما شاهدته من قبل ، فيوجد فى هذا المكان اماكن عديدة للجلوس وفى كل مكان منهم يجلس ولد بجوار بنت بمفردهم الى ان اصبح هذا المكان مكان تجمع للحبيبة على حد القول وكإنهم لا يجلسون فى جامعة ولكنهم يجلسون فى صالة ديسكو وذلك بسبب ضحكاتهم الغريبة ومزحهم الشديد وملابس البنات الغريبة التى يرتدونها ، ومن هنا وجدت نفسى فى حالة شديدة جدا من الحزن لذلك قررت ان انتقل من مكانى واذهب لمكان آخر ، والمكان الآخر الذى ذهبت إليه هو مكتبة الجامعة وكانت هى آخر امل لى وكنت اعتقد إننى سوف اجد طلاب بداخلها يتصفحون الكتب ويهتمون بالقراءة ولكن الواقع الذى وجدته غير هذا تماما ؛ فلم اجد اى طالب او طالبة داخل المكتبة وسالت المسئولة عن المكتبة عن دفتر تسجيل اسامى الطلاب الذين دخلوا المكتبة فوجدت ان عدد قليل جدا من الطلاب يدخلون المكتبة وتكون فى فترات متباعدة ، وبعد ان رايت كل هذا قررت ان اخرج فورا من الجامعة لان اصابتنى حالة غريبة من الحزن واليأس وبدأ يدور فى ذهنى عدة اسئلة عما رايته فبدأت أسأل نفسى وأنا فى حسرة لا حدود لها وأقول هل هؤلاء الطلاب هم الذين سوف يصبحون رجال ونساء مصر ؟ وهل هم الذين سيكونون جيل المستقبل على حد القول ؟ وهل الجامعات المصرية الآن اصبحت مكان للعلم ام مكان للضحك والمزاح وشغل اوقات الفراغ ؟ فكيف كل هذا ؟ كيف تتحول الجامعة من مكان للعلم الى مكان شبيه بصالة الديسكو ولم اجد غير هذا الوصف كى اصفه عن حال الجامعات الآن ، فمصر ستنهار قريبا والى الابد ، فلا يوجد فيها حكومة لديها ضمير ولا شعب يحاول ان يغير من اوضاعه ولا يوجد فيها شباب يخططون لمستقبلهم ويهتمون بالنجاح ، فيا ايها الاخوة بعد فترة من الزمن قد تطول او تقصر ستنهار مصر الى الابد إذا لم يهتموا الطلاب بمستقبلهم وبنجاحهم وتفوقهم ، فنرجوا من الله ان يساعد هؤلاء الطلاب ليغيروا من تفكيرهم ويهتموا بمستقبلهم ..................

هناك 28 تعليقًا:

dina يقول...

اول تعليق
بصى الفكرة بتاعة انك تلفى فى الشوارع المصرية فعلا فكرة حلوة..و كويس انك بدأتى بالجامعات لان الطبقة بتاعة الكليات دى فعلا تستحق الدراسة..انما زى ما بقولك هى دراسة و مش للتعميم..انا معاكى ان كل السلبيات اللى اتكلمتى فيها موجودة للاسف انما بردو فى بنات زى الفل و فى شباب زى الورد ممكن يكون محدش منهم صادفك فى اليوم اللى نزلتى فيه...للاسف فعلا فى شباب مش بتبقى فاهمة الفرق بين مكان لتلقى العلم و بين الديسكوهات زى ما قلتى..انما النوع التانى موجود بردو
اسلوبك حلو اوى
تحياتى

ندا منير يقول...

اهلا بيكى يا دينا نورتى المدونة
واشكرك على مرورك
وانا لما بقول كدة على شباب الجامعة مش بعمم ومش بقول ان كل الولاد والبنات فيهم الصفات دى
لكن الاغلبية كدة فعلا ومش فى الجامعة وبس دا فى كل مكان فى مصر وطبعا انا معاكى ان فى بنات وولاد زى الفل بس بجد قليلين قوى وخصوصا فى الوقت الحالى

غير معرف يقول...

السلام عليكم
كويس يا ندا انك فكرتى بالطريقة دى بس ياريت لو تنزلى كمان مع حد وتتكلموا مع الشباب والبنات دول وتكتبوا تقرير عن فكر الجيل فى الجامعة.

ندا منير يقول...

اشكرك يا نيرة
وطبعا اقتراحك جميل جدا وانا فكرت اعمل الموضوع دا تحقيق بدل ما يكون موضوع بس
لكن صعب دلوقتى يا نيرة انزل الشارع واعمل تحقيقات مع الناس لانى لحد دلوقتى معيش اثبات او كرنيه يثبت انى بدرب فى جرنان انا بس بدرب بالمراسلة ولازم يكون معايا اثبات عشان متعرضش لمشاكل وعشان كمان الناس ترضى تتكلم معايا لكن ممكن اعمل التحقيق دا عن طريق النت بس المشكلة مش بيبقى فيه مصداقية قوى والبيانات ميتكونش صح
بس باذن الله اول ما هيكون معايا اثبات هنزل فعلا وهعمل التحقيق وانا قدمت فى كذا مكان ولسة مستنية الرد

mregypt7 يقول...

اولا السلام عليكم ورحمه الله وبركاته
ثانيا يا استاذه ندا الجامعات المصريه بالفعل بدات فى عصر الانحلال
دلوقتى مثلا الشباب داخل الكليه مش عشان يتعلم هو داخل وكل تفكيره ازاى اعلق ديه والفت نظر ديه وافرقع ديه
هو ده تفكير الشباب دلوقتى
وللاسف معظم البنات اصبحت تسير على نفس الخطى انا عاوزه اكلم واد روش ومخلص يعنى مقطع السمكه وديلها
وده فى الغالب راجع لان الطالب نفسه ممكن يكون داخل كليه مش على هواه يعنى مش حاببها فحاسس انه خلاص كده انتهى دوره وهيطلع يقعد فى القهوه ويستنى الطابور
وبرضه مش هقولك ان ده مش هتلاقيه فى طلبه كليات القمه لا موجود وممكن يكون اكتر
بس صراحه اللى بيعمل كده ومش واخد باله من دراسته
هيعيش اربع او خمس سنين حلوين فى الكليه وبعد كده هيندم وياريت اللى جرى ماكان
وعن البنات المنقبات يا ريت ترحمونا شويه يا اما تحترمى نفسك وتحترمى اللى انتى لبساه وتعرفى ايه حدوده يا اما ما تلسيهوش خالص لانك كده بتسوئى سمعه الدين الاسلامى والرسول (ص) سايبه امانه فى ايدينا فياريت نقويه مش نضعفه
اخر كلامىربنا يستر على مصر وعلى مستقبلها
تحياتى هندس

ندا منير يقول...

الباشا المهندس احمد
...........
اشكرك يا احمد على كلامك الجميل دا واللى بيلخص الوضع الحالى لشباب الجامعة
وربنا يهدى الجميع انت عارف اهم سبب ان مصر متاخرة هو ان شباب مصر مش مهتمين لا بالتعليم ولا بالثقافة ولا بالدين وكل همهم الهزار واللعب زى ما انت قلت لكن لو كان عندنا شباب واخدين الحياة بجد اكيد كان حالنا هيبقى احسن من كدة بكتير

غير معرف يقول...

للاسف الجامعات المصرية في وضع يندي له الجبين وضع متردي لا ابعد الحدود نتكلم عن ايه ولا ايه اتكلم المسخرة ايو المسخرة اللي بتحصل في الجامعة بين الاولاد والبنات ولا اتكلم عن السرقة والميزانية اللي بتتسرق ولا اتكلم تزوير الانتخابات بتاعت اتحاد اطلاب للاسف يعني وضع مؤسف بس احنا طبعا مش هانعد نقول علي السلبيات لازم يكون في وقفة للاصلاح وكل شخص ممكن يصلح من من مكانه الطالب لو في مكانه ملتزم متفوق ناجح والمهندس هكاذ وايضا الدكتور وحتي العامل البسيط مخلص في شغله كله يتصلح

جزاكي الله خيرا الاخت ندا علي هذا الموضوع

ندا منير يقول...

اشكرك يا احمد على تعليقك
وياريت كل واحد فعلا يحاول يصلح من نفسه ويغير من سلبياته

لؤلؤة الاسلام يقول...

جزاك الله خيرا اختى على طرحك هذا الموضوع
و ما شاء الله المدونة جميلة و مميزة

و تقبلىىىى مروريييييييي

ندا منير يقول...

اشكرك يا خديجة ونورتى المدونة وطبعا اقبل مرورك وسعيدة بزيارتك

صالح سعيد يقول...

هو ده الكلام
ازيك يا ندا
تسلم ايدك بجد
الموضوع جميل جدا بصراحه
واتفق معك فى كلامك
ربنا يزيدك ويوفقك
وعلى الرغم من صغر سنك الا انه واضح ان كلامك كبير اوى
تحياتى يا جميل

ندا منير يقول...

ايه النور دا
صالح بنفسه هنا
انا فرحانة انك المرة دى دخلت المدونة وانا كاتبة موضوع مش دينى عشان تغير فكرتك عن المدونة
واشكرك على كلامك وانك متفق معايا

elsha3er يقول...

السلام عليكم ان طالب فى كلية اداب وما ادراك ما كلية اداب بس ما بيحصلش تجاوزات جامدة احنا لنا زمايل بنات داخل صور الجامعة وبنقعد مع بعض لكن مافيش ديسكو ولا ماشابهة ولمن فى قلة بيعملوا اللى هم عايزينو ودول اللى مشوهين صورة الكلية لكن نرجع ونقول لكل قاعدة شواز

احمد الشاعر

ندا منير يقول...

اشكرك على تعليقك
ونفس الرد اللى قلته لدينا بقلهولك برده ان انا نقصدش الجامعة كلها ويمكن كليتك مبيحصلش فيها تجاوزات قوى لكن دا شئ بقى معروف عن الجامعة انها بقى كلها تجاوزات
وعموما اشكرك على مرورك

موناليزا يقول...

ربنا يعزك ويثبتك يارب
جميل الموضوع والاجمل انه من واحدة سنها صغير

ندا منير يقول...

اشكرك يا موناليزا
ومرسى على كلامك الجميل دا اللى دايما بتقوليهولى ومرسى على مرورك

غير معرف يقول...

راح أبدأ كلامى بخير الكلام وهو تحية الإسلام:فالسلام عليكم ورحمة الله وبركاته
كلامك يا نودى يدل على مستقبل ....
بل لا يدل على مستقبل فباى طاقه تدفعنا للأمام بأى جهد نحقق به إنجازآ ونستحق أن نرفع رأسنا بين الشعوب والأمر بأى وجه سنقابل الحبيب المطصفى صلوات الله وسلامه عليه ونتقدم كى نشرب من يده الكريمتين شربه لن نظمأ بعدها أبدا بأى وحق نأمل أن نكون من من يقوف فى ظل الرحمن يوم لا ظل إلا ظله....
عن جد واااااااااااااه حسرتاه..إسلاماه..شبابنا..بناتنا
ولكن هل البكاء يكفى..يفيد لا والله لن يجدى نفعآ،لهذا أشكرك يا ندى على موضوعك هذا وأنك الى حدما تفتحى أعين من لايعلم وأذن من يعلم ويجهل...
ولعل الله يجعله فى صحيفتك وأرجو ألا أكون ضغط على جرح أو أغضبت حدى.... والسلام عليكم،أختك:منةالله:)

ندا منير يقول...

ايه يا منة الكلام الجامد قوى دا انتى بتكتبى اشعار من ورايا اه يا ندلة ههههههههه بجد كلامك ريحنى كتير قوى قوى لان لقيت واحدة لسة بتفكر فى اننا ازاى هنقابل ربنا والرسول ( ص ) وهنقوله ايه على اللى كنا بنعمله بجد ربنا يكرمك ويهدى جميع الناس
واشكرك على كلامك

Abd-Alrahman يقول...

جيت بس عشان اقولك كل سنة وانتي طيبه ويارب دايماتممر علينا الايام بسلام وحب
ورمضان كريم

ربنامعاكي

ندا منير يقول...
أزال المؤلف هذا التعليق.
ندا منير يقول...

وانت طيب يا عبد الرحمن
مرسى قوى
وحمدلله على السلامة
وكل سنة والمسلمين كلهم طيبين

نوسه وريمان فى هاكونا مطاطا يقول...

السلام عليكم


دى اول زياره ليا فى مدونتك

بجد عجبتنى جدا

ومدونه هادفه جدا

والموضوع جميل

تقبلى مرورى

ندا منير يقول...

طبعا اقبل مرورك
واشكرك كمان
ومرسى على الكلام الجميل دا

Moamen Reda يقول...
أزال المؤلف هذا التعليق.
Moamen Reda يقول...

الموضوع ده ملفه مفتوح من زمان ،، سواء جرائد أو مجلات او فضائيات ..الخ

*ابحثي عن حلول يا ندا

،، عن تفاصيل معينه وأكتبي فيها ،،

*اكتبي طريق النجاح شكله ممكن يكون ازاي واحنا في الجامعة .

،،عن وجهات نظرك ليه الشباب ده كده

،،عن موقف معين واحهتي وانتي في الجاممعة واتركي الاستنتاج لعقل القارئ .

ده رأي الشخصي ، لعله ينفعك ،، وربما تطنشيه .

ندا منير يقول...

على فكرة انا عمرى ما اطنش حد
او اطنش كلام حد وخصوصا اذا كان نصيحة ليا
بس عايزة اوضحلك حاجة
دلوقتى انا كتبت موضوع عشان اوضح حاجة معينة
يعنى الموضوع دا كنت عايزة اوضح حال الجامعات المصرية دلوقتى بقى ازاى

لكن اللى انت بتتكلم عليه دا انى اكتب ليه حال الجامعات وصل لكدة
دا بقى موضوع تانى لازم هكتب عنه بس لما اتمكن شوية فى الجرنان اللى بكتب فيه ولما اتعرف على ناس كتير فى الكلية لان دى اول سنة ليا

يعنى عايزة اقولك
انك عايزنى اكتب عن موضوع غير اللى انا كاتباه
وباذن الله هكتب عنه
ولو كان قصدك انى مكنش المفروض اكتب عنه عشان ناس كتير كتبت عنه
فاكيد معاك حق
بس فى مواضيع كتير قوى بتتناقش مرة واتنين وعشرة
ولكل واحد اسلوبه
وانا حبيت اناقشه عشان موضوع هعيش فيه 4 سننين

واخيرا احب اشكرك على نصيحتك

Moamen Reda يقول...

ندا،، انا أقصد ان الموضوع يكون في تميز وتفرد .لانك جديرة بذلك .

ندا منير يقول...

اه منا فاهمة قصدك
وانا فى افكار كتير فى دماغى نفسى اعملها بس اللى معطلنى انى لسة صغيرة وان لسة مليش اثبات انى بدرب فى جرنان
صحيح الحمدلله رئيس تحرير جريدة اخبار العاشر قبلنى انى ادرب معاه بس الكلام دا من فترة صغيرة قوى فلسة معنديش اللى يثبت انى بدرب
وعشان اعرف الاسبباب اللى تدفع الطلاب لكدة
يبقى لازم اتكلم مع الطلاب نفسهم ومع دكاترة الجامعة
وعشان دلوقتى اروح اتكلم مع دكتور جامعة او اى طالب فعمر ما حد هيرضى يدينى كلمة الا لما اطلعله اثبتا نى بدرب فى جرنان
بس فدا اللى كنت عايزة اوضحهولك
وبجد انا بشكرك جدا على الثقة انى اقدر على كدة
وبشكرك على النصيحة
وعلى فكرة الموضوع دا

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...