الخميس، 30 أكتوبر 2008

تاج متاخر قوى قوى قوى

طبعا فى البداية انا بعتذر بجد لاسلام صاحب مدونة قهوة نام يا مصرى ولخالد صاحب مدونة رقصنى يا جدع على تاخر التاج دا والتاجين كانوا واحد
وثانيا احب اعلن عن رواية رومانسية كتبها صحفى اسمه ماجد ابراهيم ودلوقتى فى اجزاء من الرواية موجودة على مدونته عشان اللى يحب ياخد فكرة عن الرواية يقراها ولو عجبته ممكن يبقى يشتريها لما تنزل السوق وهى اسمها حكايتى مع ش
وملخص الرواية كلها بدرو حول ( ش ) وحكايتها مع سمير ذلك الشاب الخجول الذى لم يستطع طوال عمره ان يكون اى علاقة ناجحة مع اى فتاة ، وكيف اوقعته ش فى حبها ثم تخلت عنه لاسباب غريبة وغير منطقية لتكن واحدة ضمن 3 فتيات تعرف عليهن سمير على فترات متلاحقة يحملن نفس الاسم الذى يبدا بحرف ال ش ووقع فى حبهن دون ان يكون له نصيب بالارتباط بهن حتى مل من هذا الاسم ومن كل من تحمله لفشل علاقته معهن ولسوء حظه مع كل الفتيات اللواتى يحملن هذا الاسم وربما لقدره الغريب من هذا الاسم .
ودا لينك المدونة
ودا الاميل عشان اللى يحب يقول رايه قبل توزيع الرواية الرسمى
معلش انا طولت عليككم جدا جدا ياريت محدش يتخنق منى
هههههههههههههه
خلاص اخر حاجة وهجاوب التاج
بجد اخر حاجة
هههههههههههههه
انا طبعا لظروف سفرى ودراستى ومراسلتى للجرايد فبجد مش بقدر ادخل غير يوم واحد بس فى الاسبوع واول ما بدخل بشوف كل التعليقات وكل المواضيع الجديدة اللى نزلت فى المدونات اللى ضيفاها عندى فاحيانا بلاقى مدونة منزلة خلال اسبوع واحد موضوعين او اكتر فطبعا انا بعتذر انى مش بقدر اقرا كل المواضيع الجديدة اللى نزلت فى المدونة دى لكن بدخل على كل المدونات وبقرا اخر موضوع بس
التاج اهو بقى
.............
س1 : بدات تدون امتى ودخلت العالم دا ازى ؟
.....
بدات التدوين من بداية شهر 7 عام 2008 ، واللى خلانى الجأ للتدوين هو انى بحب الصحافة جدا وبحب الكتابة فكنت عايزة اوصل كتباتى لناس كتير قوى عشان اعرف رايهم ونقدهم ونصايحهم واحسن من اسلوبى دايما فقررت انى اعمل مدونة عشان هى اللى هتساعدنى على كدة
.........................
س2 : ايه كان انطباعك فى البداية ؟
..........
كنت حابة جدا نظام المدونة ونظام المحاورات ونقد الناس ليا والمدونات عموما بحس انها وسيلة للتعارف على الافكار الجديدة وانى بتعلم من المدونين حاجات كتير قوى .
..................
س3 : مين اكتر واحد بتهتم بتعليقه على بوستك الجديد ؟
.............
طبعا بهتم بكل الناس وخصوصا الاشخاص اللى مدوناتهم ضيفاها عندى وطبعا اى شخص جديد يعلق عندى لانى عاملة المدونة عشان اعرف راى كل اناس حتى لو كان نقد ليا
يعنى مفيش شخص معين
...............
س4 : ايه اكتر حاجة اتعلمتها من عالم التدوين ؟..........
ثقتى فى اللى بكتبه زادت قوى لما لاقيت تشجيع من ناس كتير واتعلمت برده انى لازم اتقبل اى نقد مهما كان عشان اعرف انجح ................
س5 : ايه اكتر حاجة كرهتها ؟
......
بصراحة لحد دلوقتى مفيش حاجة كرهتها
.......
س6 : حاسس ان التدوين ليه تاثير ؟
......
طبعا له تاثير واضح جدا
ثقتى فى نفسى زادت
ومبقتش بضيع وقتى غير فى حاجات مفيدة
بقرا مواضيع كتير من المدونات بتفدنى وبتزود معلوماتى
والجو دا انا بحبه جدا
.....................
س7 : تهدى التاج لمين؟
..........
سؤال كل مرة اللى مش بحب اجاوبه عشان مضايقش حد
عموما انا بهديه لكل المدونات اللى ضيفاها عندى ولكل الناس الجديدة اللى هتعلق عندى
.......................

هناك 31 تعليقًا:

الازهرى يقول...

اول تعليق
نبقى خالصين

ومبقتش بضيع وقتى غير فى حاجات مفيدة

استفادة ليست قليلة

تحياتى على الردود الصريحة والواضحة

مواطن مصرى نايم يقول...

بجد التدوين مفيد جداااا
بس فالفترة الاخيرة بدأ ياخد مسار تانى خالص
اللى هو الكتابة لمجرد الكتابة و مش لمناقشة موضوع او قضية معينة
يعنى بقى فى مدونين كتير بيكتبوا حاجات ملهاش معنى خالص و ده اللى بدأ يجعل الاضواء تبتعد شوية عن عالم التدوين

بس حد بأسلوبك انتى يحسسنا ان فى امل فالتدوين

ربنا يحقق لك كل اللى بتتمنيه
و تبقى صحفية اد الدنيا
بس اوعى تنسينا بقى

تحياتى

اسلام

fluent يقول...

مش عارف أقؤلك ايه ،،

فأنا متأثر جدا بطموحك وشخصيتك وردودك الموزونه .

ربنا يوفقك ..انت تستاهلي .

mohamed ghalia يقول...

جميلة قوى إجاباتك
واضح إنى شخصيتك رائعة وإنك نفسك تساعدى الناس
ربنا يعينك
وبالتوفيق دايما
ويارب تحققى كل احلامك

Son of Egypt يقول...

السلام عليكم

اسعدنى جدا مرورك واتمنى كمان ويسعدنى انى اكون من اللى بتحبى تزورهم دايما

اما بالنسبه للتاج فواضح جدا الدبلوماسيه فى الأداء

وده الغالب عليه واجابات مختصره واقصر الطرق الى روما كانت اجاباتك
بس واضح انت بتعرفى تجيبى كل اللى عندك فى كلمات بسيطه
تحياتى ودوام التواصل مبتغاى
دمت بخير

Beram ElMasry يقول...

ابنتى العزيزة . ندا منير
ابنتى نودى طال غيابك لية يا قاسئ ، ان ما اكتبة هو من اجل كل الشباب من امثالك الغيور على نفسه واهله ووطنه المستباح لحفنة من لصوص ماتت ضمائرهم
اجتهدى فى دراستك فان نجاحك مبعث لسرورى

غير معرف يقول...

ندى انتى شخصيه طموحه جداااااا وربنا يوفقك واجابتك ع التاج بيدل ع انك شخصيه قويه وواثقه ف نفسك وانك كمان شخصيه صريحه واجاباتك منطقيه قوى وبجد ربنا يوفقك HodHod

mohamed ghalia يقول...

عندى تاج هدية لحضرتك
ياريت تقبليه
تحياتى
فى إنتظار إجاباتك

العراف يقول...

من غير ما تقولى احساسك واصل من كلماتك الجميله والاكيد انها مش هتختلف عندك

نهر الحب يقول...

ردوردك صريحة وجميلة
وفقك الله

نهر الحب يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

مـجـنـووون يقول...

حمدالله علي السلامه


ويا رب تحققي كل أحلامك وأمالك ، والحمد لله التاج حمل وراح من علي راسك هههههه

تقبلي مروري
مجنووون

SemSem يقول...

اجاباتك كلها جميلة اوى
وفيها ثقة متزنة
ربنا يوفقك باذن الله فى حياتك
انا لقيت المدونة بتاعتى موجوده عندك بس انا لسه مجاوب عل تاج امبارح بس
لكن باذن الله اوعدك انى اجاوب على التاج قريب

تقبلى تحياتى بكل ود

د/ رامي شهاب الدين يقول...

أول زيارة ليا لمدونتك

أخدت جولة فيها .. مدونتك ذات موضوعات هادفة ، وإن شاء الله لن تكون زيارتى الأخيرة

فى إنتظار جديدك .. تحياتى

romansy يقول...

اولا هنقرى القصه الرومانسيه واقول رائى
ثانيا بقى
ايه الاجابات العسوله ديه
يارب دايما يسعدك ويوفقك فى دراستك

تحققى كل احلامك يارب

كـــيــــــــارا يقول...

اجاباتك عسل زيك بجد

*********

نفسي اعرف مدونتك مش بتجي في الريدر ليييييييييييييييييييييييييييه

ندا منير يقول...

الازهرى
.........
ميرسى على مرورك
هى ممكن متكنش استفادة كفاية
بس هو دا اللى استفدته بس

ندا منير يقول...

مواطن مصرى
......
ربنا يكرمك يا اسلام
وميرسى قوى على تعليقك
وصدقنى انا عمرى ما بنسى حد مهما كان عمل معايا حاجة صغيرة جدا
يعنى كلكم ليكم عليا جمايل كتير قوى

ندا منير يقول...

flunt
......
ميرسى على مرورك وعلى ردك الجميل

ندا منير يقول...

mohamed ghalia
........
ربنا يخليك يارب
وان شاء الله هبقى ارد على التاج
واشكرك جدا
على مرورك

ندا منير يقول...

son of egypt
.......
مش عارفة اقولك ايه على كلماتك الجميلة دى
بجد ميرسى قوى
وخلاص انا بعتبرك من المدونات اللى بحب ادخلها

ندا منير يقول...

beram elmaery
........
اشكرك جدا على مرورك
وعلى تعليقك
وبتاسف على غيابى الفترة اللى فاتت

ندا منير يقول...

غير معرف
........
ميرسى قوى يا هدهد
ربنا يخليكى يا جميل

ندا منير يقول...

العراف
......
ربنا يخليك يارب
واشكرك على تعليقك

ندا منير يقول...

نهر الحب
.......
ربنا يخليكى يا جميل
نورتى

ندا منير يقول...

مجنون
........
اه التاج راح
بس اللى على دماغى مش ناوى يروح
اشكرك على تعليقك

ندا منير يقول...

semsem
..........
ميرسى ليك جدا
وبطعا براحتك خالص فى ردك على التاج

ندا منير يقول...

د / رامى شهاب الدين
......
ميرسى ليك يا دكتور
ونورت المدونة
واكيد هزورك

ندا منير يقول...

romansy
......
ميرسى على تعليقك
ربنا يخليك
نورت

ندا منير يقول...

كيارا
......
حمدلله على السلامة يا جميل
وحشتينى
انا جيت ادخل عندك معرفتش قالى انى مش هعرف ادخل
عشان انا مش من اللى مدعويين

وميرسى على مرورك
وبالنسبة للريدر فمعرفش ايه المشكلة هو فى ناس بتظهر عندهم مواضيعى على طول وناس لاة

كـــيــــــــارا يقول...

امتي ده

لو من 10 ايام اه كنت قافله المدونه

لكن المدونه مفتوحه جربي كدا

لكن بوستاتك مش بتظهر خالص في الريدر

انات كل اما الاقيكي غطسانه ادخل المدونه اطمن الاقي بوست بزعل اوي لاني بجد بحبك ومش عاوزه اي حاجه تفوتني

من انا

صورتي
الفيس بوك الخاص بى http://www.facebook.com/nada.mounir.313?ref=tn_tnmn