الجمعة، 12 سبتمبر 2008

نجاح الفريق القومى للعاشر من رمضان...

هنونا يا جماعة فريقنا القومى فاز امبارح وادعوا بقى انه يفوز انهاردة كمان
......................
قد اقيمت الدورة الرمضانية العاشرة فى إستاد القاهرة فى الصالة المغطاه فى تمام الساعة التاسعة والنصف مساءا يوم الاربعاء الموافق العاشر من سبتمبر وينظم هذه الدورة نادى جيل المستقبل برئاسة صفيد الخربوش ، وحضر فى هذا اليوم العديد من الفرق اهمهم ، فريق الفنانين ضد فريق الرياضيين وهم الذين نزلوا إلى أرض الملعب اولا والذين إفتتحوا اليوم ، وتلاهم فريق النساجون الشرقيون ضد فريق الزهور ، وفريق النساجون الشرقيون يعد الفريق القومى التابع لمدينة العاشر من رمضان ومنظم هذا الفريق العميد عبد العاطى وهو مسئول كبير فى مؤسسة محمود خميس للتنمية بمدينة العاشر من رمضان وهو مسئول عن الشباب الاعضاء فى جمعية شباب الفجر الجديد التى تعد إحدى روافد مؤسسة محمود خميس أما رئيس الفريق فهو الكابتن خالد مرزوق ، ومذيع هذا اليوم هو محسن نوح ، وبدأ اليوم أولا بعرض وتعريف للفرق الذين سيلعبون ، ثم بعد ذلك دخلت فرقة للفنون الشعبية ، وكانت رائعة للغاية وبدأوا فى الحركة والرقص الجميل الذى نحبه ونستمتع به ، وكان وسطهم رجل يغنى غناء شعبى بطريقة جذابة للغاية ثم خم اغنيته وذهبت الفرقة :

















وبعد قليل نزل فريق الفنانين والرياضيين إلى ارض الملعب ولاعبى الفريقان هم المطرب هيثم شاكر وإبراهيم عبد القادر و سامح يسرى وعصام كاريكا ، والممثل علاء معروف وصبحى خليل ورامى وحيد وشريف حلمى والمخرج هانى سلامة وايضا كان من باقى لاعبى هذان الفريقان احمد الشافعى وعمرو طاحون ، وقبل بدء المبارة غنى الفنان سامح يسرى اغنية رائعة جذب جمهوره له وشجع فريقه على اللعب ، ثم بداو اللعب وكانت المبارة جميلة جدا وزادت تشويقا فى شوطها الثانى ، وكان المطرب عصام كاريكا متألق جدا والمطرب سامح يسرى بذل اقصى جهده للفوز وكانت نتيجة الماتش خمسة اربعة لصالح فريق الفنانين ، والفنان صبحى خليل احرز هدف واحد ، وعمرو طاحون أحرز هدفين والممثل علاء معروف احرز ايضا هدفين وذلك لصالح فريق الفنانين ، اما المطرب سامح يسرى احرز هدفين ، والمطرب عصام كاريكا احرز ايضا هدفين وذلك لصالح فريق الرياضيين ،













وبعد إنتهاء الماتش نزلت فرقة شعبية آخرى اشد جذبا من الفرقة السابقة لها وكانوا يرقصون على اغنية للفنان عبد الحليم ،













ثم نزل فريق النساجون الشرقيون وبدأوا يستعدون للمبارة











واثناء هذا نزل المطرب احمد عايش وهو يغنى ومتالق جدا ويشجع الفريقين قبل الماتش













واثناء غناؤه نزل فريق الزهور وايضا بدأوا يستعدوا للماتش













وبعد انتهاء المطرب احمد عايش من الغناء بدا الماتش ، وبدا بحماس شديد من فريق الزهور ثم إزداد فريق النساجون حماسا ، واهم من حضر بفريق الزهور اللاعب سيكا ومحمد فرج واسلام محمد وشوشة ، اما اللذين حضروا من فريق النساجون الشرقيون
احمد شرف حارس المرمة ، واحمد محمود ووليد اليمانى وعادى حجازى وهانى نجيب ومحمد عبدلله ونعيم اشرف واحمد سعيد ورجب شعبان ومحمد على محمد محمود ومحمد جابر












وكان فريق النساجون الشرقيون متالقون للغاية وخاصة ووانهم وجدوا تشجيع عظيم جدا من المشجعين لهم واهم من شجعوا الفريق اعضاء جمعية شباب الفجر الجديد وكان عددهم كبير جدا وكانوا يهتفون ويهللون ويصفقون فرحا بفريقهم القومى





























































وفى بداية الماتش احرز اللاعب شوشة هدف واحد وحماس فريق الزهور زاد جدا بعد هذا الهدف ، ثم زاد حماس فريق النساجون لان اللاعب احمد محمود احرز هدف ثم احرز شوشة هدف آخر فهذا اعطى لفريق النساجون دافع اكثر وحماس اكثر للفوز ومع تشجيع شاب الفجر الجديد لهم احرز محمد محمود هدف آخر
وبعد قليل احرز رجب شعبان هدف وبعده احرز احمد سعيد هدف وذلك لصالح فريق النساجون الشرقيون












احمد سعيد ومحمد محمود ورجب شعبان الذين احرزوا الاهداف
واحمد شرف حارس المرمة















بذلك انتهى الماتش لصالح فريق النساجون وانتهى بفوز فريق النساجون الشرقيون اربعة اتنين ، وعند انتهاء الماتش فرح الفريق والمشجعين فرحا كبيرا جدا وعاد مشجعى النساجون الى العاشر من رمضان فى سعادة كبيرة جدا لفوز فريهم القومى
والآن لاعبى فريق النساجون فى انتظار ان يلعبوا ماتش آخر يوم الجمعة الموافق الاثنىعشر من سبتمبر وسوف يلعبوا ضد فريق مانشية القناطر وإذا فازوا فسيلعبوا ضد فريق الكهرباء واذا فازوا فسوف يصعدوا الى الدور قبل النهائى واذا فازوا فسوف يلعبوا الدور النهائى واذا فازوا فسوف يحصلوا على المركز الاول فى هذه الدورة وسيفوزون باربعين الف جنيه
وكم نتمنى ان يفوز فريقنا القومى لمدينة العاشر من رمضان ، فريق النساجون الشرقيون
..........................

هناك 25 تعليقًا:

غير معرف يقول...

لثانى مرة .........انا بس بحجز اول تعليق وجاية علطول
نيرة

غير معرف يقول...

اية دة كلوا يا بنتى .مايجبها الا رجالها بتوع العاشر طبعا ...هما من العاشر فعلا اصلى مشفتش حد منهم قبل كدة .وربنا معاهم ودايما يكسبوا.....
نيرة

عايش ولكن يقول...

كل سنه وانتى طيبه
ويارب العاشر يكسبوا

غير معرف يقول...

يا سلام سلم بنت العاشر بتتكلم
إيه ده يا نودا الأخبار ديه جيبتيها منين ده أنا الى والدى فى النساجون معنديش فكره عن الماتش ده خااااااالص
بجد شكرآ على الماتش....هههه،أصدى الموضوع من غيرك مش كنت هعرف عشان أشجع وأدعيلهم بالفوز إن شاء الله
وبوص شوف العاشر بتعمل إيه
هههههههههه

وميرسى تانى يا نودا
وتابعى الأحداث وإدينى خبر على طول يا قمر
سلام يا معلم;)
منة الله بتتكلم...

ندا منير يقول...

نيرة
.....
مرسى يا قمر وادعيلهم ونبى انهم يكسبوا انهاردة عشان لو خصروا هيخرجوا برة الدورة خالص
........

عايش ولكن
......
كل سنة وانت طيب
ومرسى على تشجيعك
......ز

منة
......
هاى منة ازيك
انا عرفت الابخار دى عشان انا كنت فى الاستاد معاهم فى القاهرة يوم الاربع
واعضاء الجمعية عندنا كلهم راحوا
فعرفت اننا هنروح لانى كنت الصبح فى الجمعية وقالوا بالليل احنا هنلعب
المهم ادعلنا ونبى
وبعد شوية هيجيلى خبر اذا كنا هنكمل الدورة ولا لسة
اصلى مقدرتش اروح معاهم انهاردة الماتش
......ز

elsha3er يقول...

والله ان بعد اللى شفته فى الاوليمبيات اعترفت ان مهما حصل ان مصر اكيد مافيهاش رياضة

احمد الشاعر

ندا منير يقول...

احمد الشاعر
.......
والله يا احمد انا معاك فى كلامك
ان مصر مبقاش فيها رياضة حقيقية
انا بس كتبت الخبر دا عشان يخص مدينة العاشر اللى هى انا ساكنة فيها

مختار الجندى يقول...

عجبنى جدا تصميم المدونه

وكمان عجبنى جدا كتابتك لتفاصيل طويله هكذا



ارجو لك مستقبلا صحفيه مبهره

ونجاحا لمدونتك

mregypt7 يقول...

ههههههههههههههههههههههههههههههههههههههههههههههههههههههههههههههههههههه
حلو اوى تعليقك على المباره يا عم عصام الشوالى
الا العاشر بيلعبوا البطوله ديه تبع ايه دوره رمضانيه برضه
ولا دورى مظاليم
ههههههههههههههه
طب ما تكتبى عنى وانابلعب انا كمان فى الدوره الرمضانيه اللى تبع موبينيل
ده احنا مكسرين الدنيا هناك
ربنا مع فريق العاشر ويكسب الماتش الجاى
بس يارب كده يخسر فى النهائى
ههههههههههههههههه
تحياتى
بيبـــــــــــــــو

ABOALI يقول...

جميل والله
فاكرتينى بى خميس ابو العافيه من قطاع العاشر من رمضان

تحياتى

dina يقول...

حلوة اوى بجد يا ندا انك مهتمة بالرياضة و خصوصا الدورات الرمضانية و بجد الصور حلوة اوى
تحياتى

ندا منير يقول...

مختار
........
مرسى قوى لتشجيعك الجميل دا
وشكرا لدخولك مدونتى
........

بيبو
.....
ليه كدة يا بيبو بتدعى علينا يا ساتر انت قلبك وحش قوى
احنا خلاص فضلنا ماتشين ونكسب
وان شاء الله نكسب
.......

ابو على
.....
مرسى على تعليقك
بس مين خميس ابو العافية دا
هههههههه
ولا دى تريقة
......

دينا
......
مرسى ليكى اوى يا دينا
بس على فكرة انا مش بحب الكورة خالص
انا بس كتبت عن الدورة دى
عشان تبع العاشر من رمضان
وعشان اطلب الموضوع دا منى من رئيس التحرير

مواطن مصرى نايم يقول...

يعنى رئيس التحرير مش شايفك غير فقسم الرياضة
هههههههههههههههههه

اما بقى خميس ابو العافيه
دا مراسل للتليفزيون المصرى فالارض المحتله
من اشهر المراسلين
بس تقريبا اخد منصب اكبر دلوقتى
ترقيه يعنى
فعشان كده مش بيظهر دلوقتى

بس تعليقك بجد جميل
و الصور جميلة جدا
ربنا يوفقك يا رب

و قريبا بقى ان شاء الله عندى لقاء على روتانا خليجية
لو جبنا سيرة المدونات اكيد حقول عليكى
ان شاء الله

تحياتى

اسلام

مواطن مصرى نايم يقول...

اه صحيح
بما ان هنا مقر نيرة احمد المؤقت
فكنت عاوز اقول لها الاغنية اللى فالبلوج عندى

يا نيرة الاغنية انا رفعتها من عندى عالجهاز على النت عشان احطها فالبلوج
بس انا مش منزلها من عالنت

لو عاوزها
اضغطى على الاغية عشان تدخلى عالموقع و حتلاقى مكتوب كلمة داونلود
حميلها من هناك

انتى تؤمرى
تحياتى

اسلام

مواطن مصرى نايم يقول...

لا انا جربتها لقيت انهم باين وقفوا الداونلود
حبقى اشوفهالك عالنت
ان شاء الله

انى احبكم فى الله يقول...

الموضوع جميل والمدونه جميله احب اشكرك عليها يا ندا وفينك من زمان يارب تكونى بخير تحياتى ليكى وتقبلى مرورى ورمضان كريم

ندا منير يقول...

هاى اسلام
مرسى ليك قوى
بس على فكرة
الجرنان عندنا مش مخصص انا هكتب فى ايه
المهم انى اكتب عن اى خبر بارز فى العاشر
فالدورة دى حاجة مهمة وبارزة فى العاشر
واصلا لما روحت الاستاد مكنش رئيس التحرير طلبه منى انا قلت اعمل حسابى واصور واكتب الموضوع وبعد لما كلمته
قالى اوكى انزله
وبعدين قالى تابعيلى كل اخبار الدورة
وبرده انا ببعتله اى حاجة عن العاشر
واى موضوع ببعته للدستور ببتعهولوا
يعنى زى ما قلتلك هو مقليش اكتب فى ايه

ندا منير يقول...

انى احبكم فى الله
..........
مرسى ليكى يا قمر
انا والله بس اليومين دول ورايا كذا حاجة

مواطن مصرى نايم يقول...

طيب تمام كده الله ينور
ربنا يوفقك يا رب

كلام على بلاطة يقول...

;g كل عام وانت بخير

ندا منير يقول...

وانت بخير
ومرسى على مرورك

fluent يقول...

برافو ...برافو

ندا

استمري

ندا منير يقول...

مرسى قوى على التشجيع دا
ومرسى على مرورك

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

من انا

صورتي
الفيس بوك الخاص بى http://www.facebook.com/nada.mounir.313?ref=tn_tnmn