الخميس، 4 سبتمبر 2008

كشف بعض من اسرارى

دول تاجين كانوا مبعوتيلى من زمان قوى وتاخير الرد غصبن عنى جدا وارجو تقبل الاعتذار ويمكن انا مش اهديته لحد عشان اولا منساش حد وثانيا لان فى ناس بتتخنق من التاج فمحبتش اضايق حد
.....................................
دا تاج من زينب صاحبة مدونة زنوبة
.................................................
س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟
.....................................
1 – طبعا كان نفسى اجيب مجموع اعلى من اللى جبته فى الثانوية العامة وانا جبت 92 % هو مش وحش قوى بس كنت اتمنى لو اجيب اكتر .
2 _ كان نفسى ادخل كلية مضمون مستقبلها ولو اتخرجت منها يبقى مسموحلى اشتغل فى كذا مكان وطبعا الكلية اللى كنت عايزة ادخلها السن وبما انى مش لحقتها قلت هدخل كلية لغات وترجمة وهى بتتساوى مع السن وشغلها كتير جدا بس طبعا منفعش ادخلها عشان انا درست المانى فى الثانوية العامة وهى شرطها انى اكون درست فرنساوى مع ان مجموعى اعلى من مجموعها ب 7 % وطبعا دا غباء حكومى واستفزاز حكومى جدا .
3 _ كان نفسى اعيش طفولتى فى مصر وسط اصحابى وانا كنت عايشاها فى السعودية ودا طبعا كونلى تفكير وشخصية مختلفة شوية عن الاطفال فى مصر وكان شئ صعب عليا قوى لانى مكنتش لاقية حد نفس تفكيرى عشان يفهمنى ولحد دلوقتى مش لايقة .
4 _ كان نفسى اكون صداقات كتير قوى بس لحد دلوقتى معنديش غير 4 اصحاب بس اصحاب بجد وبحبهم قوى ( ريهام ، نيرة ، منة ، رنا ) وبتهيالى انى صعب الاقى حد تانى زيهم وكويس زيهم .
5 _ بحاول دايما وبفكر ازاى ارضى ربنا وازاى اكون قريبة منه .
...................................................................................................
س 2-أذكر 5 أحلام على الأقل تخص مستقبلك ؟
.......................
1 - بحلم انى اكون شخصية ناجحة ومحبوبة ومشهورة ومحدش يكرهنى ابدا والكل يحبنى ويثق فيا وميكنش ليا اعداء والحمدلله فى احلام من دى اتحققت فاضل حاجة واحدة منهم او اتنين .
2 _ نفسى انجح فى كلية اداب اعلام واجيب تقدير عالى واتعين معيدة .
3 _ بتمنى من ربنا انه يوفقنى فى الصحافة والكتابة واكتب فى جرنان كبير له اسمه ووضعه .
4 _ بتمنى على طول انى اكون فى طاعة ربنا ويكون راضى عنى دايما وبرده بابا وماما نفسى مزعلهومش ابدا .
5 _ بتمنى انى بعد الجامعة اطلع بعثة واسافر اى مكان برة مصر .
6 _ يارب ودا اكتر حاجة بتمناها انى متجوزش صغيرة ،ههههههههههه ، بجد دا حلم من احلامى يعنى عايزة كدة مرتبطش بحد خالص لحد لما اعدى ،ممممممم ، مممممممممم ، 24 او 25 .
................................................................................................

س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟
..........................................
1 _ استاذى اللى كان بيدرسلى لغة عربية فى اعدادى ، بجد كنت اتمنى انه يظهر فى حياتى قبل فترة اعدادى ، والاستاذ دا انا مديوناله بكل حاجة وصلتلها لحد دلوقتى واللى لسة هوصلها .
2 _ الصحفى استاذ ماجد ابراهيم كنت اتمنى انى اتعرف عليه من بدرى شوية لانى من زمان بكتب وبحب الكتابة بس مكنتش لايقة الى يساعدنى ويشجعنى وهو صحفى جدع قوى قوى قوى وبجد هو اللى بيساعدنى انى اكتب وعلمنى حاجات كتير قوى فى الكتابة وبجد مش عارفة اشكره ازاى على كل حاجة عملهالى . وبتمناله كل توفيق فى حياته .
.............................................................................
س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟
......
.11_ طبعا رسول الله صلى الله عليه وسلم عشان هو مثال جميل قوى للاسلام ودلوقتى احنا بقينا فى زمن لا يعلم به غير الله بجد محتاجين حد يصلحه ..
22_ سيدنا ابو بكر الصديق.
3 _ سيدنا عمر بن الخطاب ....................................
4 _ جمال عبد الناصر او انور السادات رحمهم الله وهما اللى يمسكوا مصر .

......................................................................................


التاج التانى ::
من ارسله لك
اذكر قوانين الواجباذكر ست اسرار لا يعرفها من يقابلك للمرة الاولياهدي الواجب لمن تحب 6 اشخاص
اذكر 16 صفة
.................
اولا ارسله لى صاحب مدونة afew good men
ثانيا : الست اسرار هم :
1 – عندى ثقة فى نفسى جامدة قوى .
2 _ متفائلة لحياتى العملية جدا .
3 _ طموحة وبحاول اعمل المستحيل عشان احقق احلامى .
4 _ قريبة من ربنا وبحاول دايما اكون فى طاعته وابعد عن ارتكاب الذنوب .
5 _ مبثقش فى اى حد ودا من قريب مش من زمان .
6 _ جادة قوى فى دراستى وحياتى العملية بمعنى آخر ببقى جادة فى اوقات الجد وببقى مجنونة وطفلة جدا فى اوقات الهزار .
....................
ثالثا : ال 16 صفة هم :
1 – عصبية جدا ومحبش اللى بيستفزنى وخلقى ضيق .
2 _ اغلب الاوقات ببقى متسرعة جدا فى القرارات اللى بقررها .
3 _ بحب التعاون ومساعدة الناس .
4 _ بحب الاشتراك فى الانشطة الخيرية والاجتماعية .
5 _ بيضحك عليا كتير قوى .
6 _ بحب الشهرة والنجاح .
7 _ مش بزعل من اى حد الا فى 3 حالات بزعل فيهم قوى وصعب انى اسامح بسرعة اللى هما الخيانة والكدب وحد ياذينى ويضرنى .
8 _ بهتم بمظهرى جدا .
9 _ مش بسمع اغانى ولا بتفرج على التليفزيون الا كل فين وفين .
10 _ بحب المذاكرة قوى والقراءة .
11 _ بقدر اتوقع واتخيل باللى هيحصل يعنى زى ما بيقولوا قلبى دليلى وعمر ماا حساسى خيبنى .
12 _ اجتماعية وبتحب بسرعة .
13 _ عاقلة واحيانا الناس بتتخنق من كدة ولانى كدة فبيكون ليا المقدرة انى احل كل مشاكلى دون اللجوء لشخص ما الا فى الضرورة او شدة الموقف .
14 _ مش بحب زن الاطفال خالص ومش بحب حد يزن عليا خالص.
15 _ بحب لما اصحى من النوم مكلمش حد خالص الا بعد ساعة كدة وياويل اللى يجى يكلمنى قبل كدة ، ههههههههه ، خوفتى منى صح هو بس كل الموضوع انى ببقى لسة مفقتش فببقى مهنجة ومش بحب اكلم حد وانا مهنجة ونفس الموضوع برده قبل ما انام .
16 _ مش بحب التفاهات ولا المخ الصغير ومش بعرف اتعامل مع حد فيه الصفات دى ومش مهتم بمستقبله خالص
.................................
يا اخيرااااااااااااااااااااااا خلصت الواجب اللى كان عليا
.............

هناك 35 تعليقًا:

غير معرف يقول...

هوووووووووووووووووو

هيه هيه هيه اية دة يا بنتى انا ومنة ورنا وريهام اتشهرنا الحمدلله
ربنا يخليكى لينا يا دودو يا رب وينولك النجاح والشهرة الى بتتمنيهم ويثبتك على طاعتة......................
نيرة احمد محمود

غير معرف يقول...

اتمنا انك مش تستعيلينى بعد الهيصة الى عملتها يعنى انا كنت مبسوطة بالاعتراف التحفة دةرغم انى عارفاة من زمان وكمان انا اول تعليق .......اية حقى افرح

ندا منير يقول...

لا يا حبيبتى مش هستعيلك ابدا مش تخافى
ههههههههههههههه
ومرسى على تعليقك

كيارا يقول...

انا كيييييييييييييييييييييت

ايه ده جيت علي واجب كده

بس اجابات متميزه وربنا يحققلك كل احلامك يارب

كل سنه وانتي طيبه

ندا منير يقول...

نورتى يا قمر
وكل سنة وانتى طيبة

,.-~*'¨¯¨'*•~mr ,.-~*'¨¯¨'*•~monshed يقول...

روعة روعة روعة يا ندا اجابات جميلة جد اوبوست هايل وبتمني للك المزيد من الرقي
كل سنه وانتى طيبة ورمضان كريم

ندا منير يقول...

اشكرك جدا على دعوتك الجميلة
وكل سنة وانت طيب

mregypt7 يقول...

السلام عليكم
الاول كل سنه وانتى طيبه وبالصحه والسلامه
اجاباتك نموزجيه انتى كنتى ماسكه كراسه الاجابات
اه هو العيب من المراقب اللى كان عليكى صحيح بلد ماشيه بالكوسه
وعلى راى المثل لوالنيل صلصه ماكنش هيكفى الكوسه اللى فى البلد ههههههههههههههههههه
بوست جامد
تحياتى
بيبــــــــــــــــــــــــو

انى احبكم فى الله يقول...

المدونه جميله وتصميمها جميل وعلى فكرة شكل قرع العسل لايق جدا وبجد اسلوب كتابتك رائع ورمضان كريم

afew good men يقول...

انا مشحتكلم عن صفاتك

لاني ممكن حسيت وانا بقري البوست

اني عارفها كلها

انسانة طموحة

بحيكي جدا
\
كان نفسي اكون او واحد اعلق علي التاج

بس المفروض كنتي رحتي

وقولتيلي

وبعدين انا زعلان منك

المفرض تقولي

جالي الواجب من

afew good men صاحب مدونة الاجنحة المكسورة

بس عموما مشمهم

اشكريللي صاحبتك نيرة

لانها علقت عندي
وبحب اقولها انا اتشرفت بتعليقها جدا

رمضان كريم
علسنا كلنا

والواجب دا بيتعمل كل 3 شهور
بدام اتحل اول مرة

لان بيكون في صفات جديدة طبعا
عموما
اهي تدبيسة وخلاص

كاتب مصري يقول...

سعدت جدا عندما علت أنك ستتابعين روايتي ولكن لا أعرف سر غيابك عن الحلقة الثانية
أرجو أن يكون خير كل ودي وأنتظرك سيدتي دوما

ندا منير يقول...

بيبو
........
ههههههههه ، احلى حاجة انى مش فاهمة اى حاجة من اللى انت قلتها مش عارفة مالى كدة اليومين دول حاسة انى هصيب بالغباء ، ههههههه
وعلى فكرة انا مش بغش خالص وعمرى ما غشيت عشان مش تظلمنى
وشكرا على تعليقك اللى مش فهماه دا

ندا منير يقول...

انى احبكم فى الله
......
مرسى يا قمر على كلامك ونورتينى
.....


صاحب مدونة الاجنة المكسورة
.............
اولا انا معرفتش اقولك لانى نزلته واختفيت على طول لانى كنت مشغولة جدا اليومين اللى فاتوا مكنتشع عارفة افتح النت عشان اقولك
ثانيا انا كتبت ان التاج دا جيه منك وهتلاقينى كاتبة كدة ابقى اقراه تانى بعد اذنك
ثالثا مرسى على التاج وعلى مرورك
وبالتاكيد هوصلك شكرك لنيرة
..........

ندا منير يقول...

كاتب مصرى
..............
مرسى اوى على مرورك على مدونتى
وبتاسف عن تاخيرى على قراءة الجزء التانى بس اليومين اللى فاتوا كنت مشغولة موووووووت وكان ورايا ميت حاجة ولحد اخر الاسبوع برده لكن بالتاكيد هاجى واقرا الجزء التانى لانى معجبة بيها جدا

مهيج الجماهير يقول...

ازيك يا ندا
و الله انا لسة واخد بالى من البوست ده دلوقت .. اعذرينى
واضح جداً من اجاباتك انك انسانة عاقلة كدة و هادية و راسية و متدينة
برافو عليكى بجد
ربنا يوفقك و تحققى كل أحلامك
انتى تستاهلى كل خير
مع السلامة

ندا منير يقول...

مرسى قوى يا خالد على كلامك الجميل دا
ومفيش اى عذر خالص عادى يعنى مش تعتذر خالص
ومرسى على مرورك

Bob يقول...

رمضان كريم ياندى
الحقيقة مش عارف ليه اسلوب الواجبات ده مابيعجبنيش
ممكن تشخصينى او بمعنى اصح اعمل ايه عشان التفت اليه
على فكرة دى اول زيارة ليكى واتمنى الا تكون الاخيرة
نرجو التواصل
بهاء

ندا منير يقول...

هاى بهاء كل سنة وانت طيب
وسعيدة بمرورك
بص انا هقولك على حاجة
هى فكرة التاج انه بيخلى المدونين يعرفوا بعض اكتر
ويعرفوا شخصية بعض اكتر
ودا بيشجع المدونين على التواصل اكتر
لكن مقدرش اقولك تعمل ايه عشان تلفت نظرك
هى تلفت نظرك فى حاجة واحدة بس
لو انت بتحب تتكلم عن نفسك او تعرف نفسك على المدونين بس هى دى الفكر كلها

mregypt7 يقول...

معلش يا ندا نسيت اضع الترجمه بتاعه الكلام الغريب الى انا كاتبه ده
وجل من لا يسهو
اما بالنسبه للغباء فانتى مش اصيبتى بيه
انتى اللى اصبتى الغباء ههههههههههههه
وعلى راى المثل
الغبى هيفضل طول عمره ايييييييه؟؟؟؟؟
...........
ما تخافيش فى حالتك ديه بيرجع عادى وطبيعى جدا
يالا عشان ماطولش عليكى وكمان عشان اقوم اتسحر
وهابى رمضان

Hossam يقول...

hi nada
مدونتك جميلة اوى
التاج كمان لذيذ
على فكرة انا اه من طنطا بس مدريتى فى العاشر من رمضان
El-Masria American College
اكيد عارفاها
اتمنى نكون اصدقاء
سلام

arsenalwy يقول...

كل سنة وانتى بخير

وربنا يسعدك ويعملك كل اللى بتحلمى بيه

ندا منير يقول...

بيببو
.........
ربنا يسامحك يا بيبو
كدة تتريق عليا بدل ما تساعدنى اتعالج
اوكى يا بيبو
مرسى قوى
وانا برده اللى اصبت الغباء ماشى برده ربنا يسامحك احنا فى رمضان وهطلع احسن منك ومش هرد عليك
.....................

حسام
.......
اهلا بيك يا حسام وطبعا عرفاها ومنور العاشر
يا حسام
ومرسى على كلامك ومرورك
................

arsenalwy
..........

مرسى قوى على التعليق الجميل دا
ومرسى على المرور

مواطن مصرى نايم يقول...

جميلة اجاباتك يا ندا
و التاجات كمان اللى جت لك جميلة
بس عندى تعليق على حتة انتى مش واخده بالك منها

1 _ جمال عبد الناصر او انور السادات رحمهم الله وهما اللى يمسكوا مصر .
2 _ طبعا الرسول صلى الله عليه وسلم عشان هو كان مثال جميل قوى للاسلام ودلوقتى احنا بقينا فى زمن لا يعلم بيه غير ربنا بجد محتاجين حد يصلحه .
3 _ سيدنا ابو بكر الصديق .
4 _ سيدنا عمر بن الخطاب .


اعتقد ان الترتيبب بتاع الشخصيات غلط
حتى لو انتى كاتباهم دون ترتيب ممكن تتفهم غلط

تحياتى

اسلام

المبرمج المحترف يقول...

اول زيارة ليا........


بجد مدونتك جميلة اوووى

يارب يحققلك كل احلامك ..

كل سنه وانتى طيبة

تحياتى

elsha3er يقول...

يارب ينولك كل اللى بتحلمى بيه

احمد الشاعر

ندا منير يقول...

اسلام
.........
مرسى قوى يا اسلام دايما كدة بتلفت نظرى لحاجات مش باخد بالى منها
بس بجد انا اليومين اللى فاتو كنت مشغولة جدا وكنت متسربعة وانا برد على التاج
ومرسى مرة تانية
...............

المبرمج المحترف
...........
نورتنى ونورت المدونة
ومرسى على مرورك
...........

احمد الشاعر
...........
ربنا يخليك يارب ومرسى على مرورك
على فكرة انا بدخل كتير مدونتك وببقى عايزة ارد بس مش بعرف فى عندك او عندى حاجة غلط كل ما اجى ارد مش بيتكتب رد خالص مش عارفة ايه السبب
..............

غير معرف يقول...

السلام عليكم أولا يا نودا
وثانيآ سورى بجد انى مش كنت زى نيرة من الأوائل فى شكرك واتمنى النجاح لكى بسى معلشى أعزرينى بجد....
بس ملحوقه ربنا يا رب وإحنا فى رمضان يستجاب دعوتى ليكى من كل قلبى بالنجاخ الباهر والتفوق فى الكليه
والوصول لأعلى امنياتك بإذن الواحد الأحد.....أمييييييين

أختك فى الله:منةالله

عاشــــــ النقاب ـقــــة"نونو" يقول...

السلام عليكم
اول زيارة ومتابعة باذن الله
اسرارك لم تعد اسرارلكن شخصية جميلة جديرة بالاحترام
يسعدني التواصل
على فكرة احناجيران
رمضان كريم
تحياتي

miada ref3at.. يقول...

كل سنه وانتى طيبه يا ندا..
يارب دايماً تكونى طيبه وتكون ايام مباركه عليكى ان شاء الله..

طبعاً فاكرانى ..انا وعدتك انى هزورك تانى..
اسفه اكيد لغيابى الايام اللى فاتت دى بس ده كان لظروف طارئه جداً جدااااااا..

انا بحييكى على الواجب اللى جاوبتى عليه..
لحسن الحظ انتى جاوبتى على التاجين بجداره..
شخصيتك جميله ومحبوبه بالفعل وربنا لو موفقكيش فى اللى كان نفسك فيه زمان..

اكيد هيوفقك فى اللى جاى..

سلامى ليكى..

ندا منير يقول...

منة حبيبتى
........
مرسى ليكى يا قمر
ربنا يخليكى
ومرسى على مرورك
..........

عاشقة النقاب
......
ادا هو انتى ساكنة جمبى
معقولة احنا جيران
طيب متعرفينى بنفسك او قوليلى انتى فين
ومرسى قوى على مرورك
..........

ميادة
......
نورتى يا قمر
مرسى على اهتمامك قوى
وعلى تعليقك
.....

عبرات الكلمة يقول...

مررت هاهنا وتركت بصمتي
وأملي أن تكون بصماتك العشره في مدونتي
ولكِ كل الشكر.........

fluent يقول...

كما يفكر المرء في اعماق قلبه هكذا يكون ...

ندا منير يقول...

flunt
.........
مرسى على مرورك هنا

.....
عبرات الكلمات
مرسى على مرورك
.....ز

قمم التميز يقول...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام

شركة جلى بلاط بالدمام

شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

شركة تنظيف كنب بالدمام

شركة تنظيف مسابح بالدمام

قمم التميز يقول...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

من انا

صورتي
الفيس بوك الخاص بى http://www.facebook.com/nada.mounir.313?ref=tn_tnmn