الجمعة، 12 فبراير 2010

خمور على ارض مسلمة ….

عذرا للتاخير ولغلق المدونة هذه الفترة
خمور على ارض مسلمة
فهى خمور على ارض مسلمة ، ارض دينها الاسلام ، ارض مصر !!!! فهل هى واقع ام خيال ؟ حقيقة ام كذب ؟ خمور محرمة ام محلل شربها ؟؟

فهى اسئلة تدور فى اذهاننا وتطرح نفسها ، فالخمور محرم شربها ولكن نجد ان مصر بلد التناقضات ، فهى محرمة ولكن تسمح الحكومة بفتح محلات خمور فى مصر او بيع الخمور فى اماكن معينة وتقبض على اى شخص متلبس بشربه للخمور وتصبح قضية كبيرة وفيها محاكمة ، ونجد عدد كبير من الممثلين فى اغلب الافلام المصرية منذ القدم وحتى الآن يشربون خمور سواء كانت خمور او اى شئ اخر فالفكرة الظاهرة امام جميع الناس هى ان المصريين يشربون خمور دائما إما لان عادتهم شرب الخمور إما للخروج من اى ضيق ، فنجد ان اغلب افلام الابيض والاسود كان يظهر فيها اغلب الابطال يشربون الخمور ليس فقط فى اوقات الضيق ولكن طول اليوم وكان منزلهم يتصف بعدة صفات اهمها وجود بار فى المنزل وعليه انواع مختلفة من الخمور ، ففى البداية وخارج منظور الدين نجد ان تكلفة الخمور عالية جدا وهؤلاء الممثلين يكون ادوارهم ممثلة ناس بسطاء فهذا كان تناقد كبير ، فكيف يكون مستواهم المادى منخفض ويعيشون على الخمور دائما ، كما ان هذا يعكس صورة ان الشعب المصرى يعيش دائما على الخمور ، ومن منظور الدين فهى محرمة وعندما يشربها الممثلين يشجعون الاخرين بتقليدهم ، وهذا هو ما نراه الآن فى الافلام وفى الواقع .

فالشباب فى الافلام اول ما يلجأوا اليه عند الضيق او الهروب هى الخمور او السجائر وغيرها ، اعتقادا منهم انها ستحل لهم الازمة ، وهذا ادى بالطبع الى تقليد الشباب لهؤلاء الممثلين ، فنجد ان نسبة تعاطى الشباب للمخدرات وللسجائر وللخمور زادت اضعاف اضعاف ما كانت عليه قديما ، فيبدا الشباب وحتى الاطفال بحب التقليد والتجربة وبعد ذلك يصبح ادمان لانه يعتقد دائما ان شربه للمخدرات ستساعده على الخروج من ضيقه ووتشعره بساعدة ومتعة وفى اى موقف يشعر بضيق يلجا فى الحال الى المخدرات، واخيرا يبدا يسرق ويلجا الى طرق غير مشروعة ليحصل على كافة انواع المخدرات ومن ثم يزداد معدل الجرائم فى المجتمع بسبب هذا ، لان الشخص يكون غير واع بما يفعل بسبب شربه للمخدرات .

فهما نتساءل هل الخطأ من الحكومة لانها تسمح بفتح محلات خمور ، ام خطأ من الرقابة الاعلامية لسماحها عرض افلام بها تحريض على شرب الخمور ، ام خطأ من الاهالى لعدم الرقابة على ابنائهم .

فما ارائكم .........

........

هناك 26 تعليقًا:

>>> يقول...

أهلاً ندا

كل الأسباب التي ذكرتيها مجتمعة ، في نهاية مقالك ، أسباب صحيحة ..

ومن واقع تجربتي الشخصية السابقة في الاختلاط ببيئة المدمنين ، فأخبرك أنّ عددهم بالفعل قد زاد لدرجة كبيرة !

وأسباب اتجاه الشباب للإدمان كثيرة .. منها الفراغ الروحي والأزمة الاقتصادية الحالية وغياب الوازع الديني .. وغيرها

وانتشار المخدرات ، ووجود محلات الخمور المرخصة في مصر ، هو فعل مدبر قصداً - وليس دون قصد - من قِبَل الحكومة ، التي تتعمد ذلك من أجل إلهاء الشباب (عصب الأمة) عن أزمة البلد الحالية ..

فتجدين الشاب من هؤلاء طوال اليوم غائباً عن الوعي ، ولا يشغله سوى الحصول على جرعته اليومية من تلك السموم ، حتى ينسى همه ! ولا يكاد يفيق حتى يذهب في غيبوبة أخرى .. وهكذا !

كل هذا مقصود ، كما أوضحتُ من قبل ..

في نظري فإنّ الحل يكمن في الانتباه إلى خطورة المشكلة أولاً .. ثم العمل على توعية الشباب ومساندتهم إيمانياً ونفسياً واجتماعياً ..

حملات التوعية موجودة فعلاً .. لكنها ما زالتْ قليلة مقارنةً بما تواجهه من أزمات ..

ولابد أنْ يكون رد الفعل في نفس قوة الفعل ، على الاتجاه المضاد .. لكن هذه القوة يلزمها الحكمة والذكاء في التعامل مع المدمنين ..

أتمنى أن أكون ساهمتُ بقدر من الإفادة .. بهذه التوصيات العامة

تحياتي لكِ

بَرَاء

elsha3er يقول...

السلام عليكم

ازيك يا ندا عاملة اية يارب تكونى بخير

والله ياندا المفروض لو حنتكلم فى الخمور يبقى لازم نراعى ان الاخوة المسيحين محللة عندهم الخمرة وثانيا قضية الخمور تقضى لاقل من 21 سنة اما بالنسبة لبيعها فزيها زى السجاير فممكن ارجع دة للتربية


تحياتى

احمد الشاعر

غير معرف يقول...

كالاسباب يا ندا
لان اصلا اى خطأ بيكون غالبا السبب فيه الكل والى بيصلحه سويا الكل
الا اذا جه حد نضيف فى الحكومه بجد واعلنها وقال لا
بس مفيش
فعلى ذلك
لازم اننا نوعى الحاكم ان ده غلط
ولو وعينا الحاكم
اعتقد النتيجه معروفه
فبالتالى الاهل والاعلام
والاعلام بياخد فلوس من ورا افساد المجتمع من افلام خليعه الى اخره
فبتالى قليل من ينوى نفع المجتمع
فبتالى هتكون الاسره
والاسره غالبا بتسعى نحو المال
من اجل مستوى معيشه افضل
وراكنين الدين على جمب شويه
فبتالى المجتمع كله بايظ
من هنا بأه هتبدأ فكره
انا انا ليا دماغ افكر بيها
عارف الصح من الغلط
وعندى عنين اشوف بيها
الى جرا للى قبلى من الى شربو واسائو لروحهم
فبتالى هقدر اصحح من حالى بنفسى
بس اولا واخيرا لازم طبعا كله يتكاتف مع بعضه
بس انا بوضحلك ان كلنا مساهمين فى ان ده بيحصل
مش اكتر
مبروك الخطوبه
D:
بالمناسبه تليفون البيت بايظ ومش بعد على النت كتير عشان كده مش عارفه اتكلم
نيرة

ايهاب يقول...

السلام عليكم ورحمة الله وبركاته

كلامك مؤثر يا ندا وعندك حق فعلا بس عاوز اقولك ان ده بالاضافة الى الاسباب بتاعتك كمان غياب الدين والمبادىء فعلا احنا بجد محتاجين ليهم جدا
لان مثلا اللى بيسيب الافلام دى تطلع فى التليفزيون ومش بيعملوا عليها رقابة دول بيعملوا ايه دول بيخدوا رشوة وبيعدوا الحاجات دى واحنا واطفلنا بنتفرج عليها طيب احنا ممكن يكون مقدور علينا لو تمسكنا بدينا ومبادئنا انما الاطفال يعملوا ايه هيقلدوا طيب لو اتربوا تربيه صحيحة بس بيشوفوا الحاجات دى ممكن يقلدوا او يعملوا الحاجات دى ساعت ميكونوا فى ضيق ودى طبعا اسباب غير مقنعه بالمره لان الحاجات دى لا بتنسى وله حاجة دى مجرد ازهاب للعقل بس بعد متبدا تفوق من تاثيرها هتلقى نفسك رجعت تانى لمشاكلك يعنى مفيش فيدة لازم تحل مشاكلك بطريقة صحيحة من الاول لاتشرب ده وله ده

اما بقى عندنا المفروض يكون الحكومة ليها دور فى الموضوع ده عن طريق غلق المحلات دى ليه؟؟؟؟ لاننا دولة مسلمة والحاجات دى متحرمة علينا فملهاش داعى اننا ننزلها حتى المسيحيين بردوا مينفعش يشربوها احنا عاوزين ننمى جيلنا ونوعيه بجد احنا مستهدفين من الدول التانية لازم مننحرفش وله نقلد تقليد اعمى .

علفكره يا ندا اسلوبك فى الكلام بجد حلو جدااااااااااا وانا مش بجامل علشان خطيبك لكن بجد كلامك وصيغة كتابتك للموضوع حلوة وكمان مواضيعك هادفة فعلا ربنا يزيدك اكتر يا رب

خطيبك ايهاب

ندا منير يقول...

براء
......
اكيد طبعا رايك وردك مفيد
والانتباه للمشكلة هو الاساس
وبعده بيجى خطوة حملات التوعية زى ما قلت

ميرسى لتعليقك

ندا منير يقول...

elsha3er
.......
طبعا التربية ليها دور كبير جدا بس احيانا المجتمع بياثر على التربية والناس بياثروا على الشخص

ميرسى على رايك

ندا منير يقول...

نيرة
.....
الله يبارك فيكى يا حبيبتى عقبالك يارب

واكيد الكل مساهم فى الغلط دا الاسرة والمجتمع والناس والحكومة

ونامل ان الحكومة ينصلح حالها

ندا منير يقول...

ايهاب
......
ميرسى يا ايهاب جدا
واكيد عارفة انك مبتجاملشى

والدين جزء مهم جدا زى ما قلت فى المشكلة دى
وياريت لو الحكومة فعلا تقفل محلات الخمور

بس امل مستحيل

ميرسى يا ايهاب على تعليقك

Unknown يقول...

ندا
ازيك وحمدلله على السلامة
فرحت جدا بعودتك تانى نورتى التدوين من جديد
بصى يا قمر دا لترسيخ الفكر العلمانى زى تركيا كدة

ولغسل عقول الشباب بأن هذا عادى جدا ولا عيب ولا حرام دى خطة للتوية ولاغابة الشباب عن الوعى

تحياتى وحبى وموضوع مهم جداا

ندا منير يقول...

نهر الحب
......
الله يسلمك ميرسى قوى

ونقدر نقول اكتر ما هى عادة هى حب تقليد وبعد التقليد اصبح عادة
ومن الفكر السئ والخاطئ ان لو شاب ترك العادة دى هيصنف من ضمن الناس المتخلفة و المتاخر حضاريا

mohamed ghalia يقول...

ربنا يستر علينا بجد

ندا منير يقول...

mohamed ghalia
......
يارب ويستر علينا جميعا

لؤلؤة الاسلام يقول...

السلام عليكم ورحمة الله و بركاته

فعلا عندك حق و الله

انا بردو اتصدمت لما عرفت ان احنا عندنا اكبر مصنع خمور فى الشرق الاوسط

ده كله من تقليدنا للغرب و نسينا اسلامنا

و بوست راائع

و تحيااتى

Hossam يقول...

heyyyyyyyyyy
relaly miss u soooooo much
I loved this topic so much
cuz u really talk in it serioulsy and frankly
I bloster ur prespective ma frind
keep going on
c ya
bye

Beram ElMasry يقول...

ابنتي المهندسة ندي منير

هذة هي طبيعة الحياه واسلوبالدنيا الذي لا ولن يتغير

تحياتي والسلام ولا سلام مع بني اسرائيل

ندا منير يقول...

لؤلؤة الاسلام
....
دى معلومة اول مرة اعرفها وطبعا هى صدمة بجد

ندا منير يقول...

Hossam
....
ميرسى ليك يا حسام جدا وميرسى لتعليقك

ندا منير يقول...

Beram ElMasry
.......
ليه ممكن يتغير
بس مين اللى هيغيره واللى هيسعى للتغيير دا ؟

عايش... ولكن !!!! يقول...

اعداد المدمنين بجد فى تزايد مستمر
وتقدرى تقيسى ده بالمدخنين
ربنا يسترها علينا

Abd-Alrahman يقول...

والله يا ندي محدش بقي عارف للبلد دي مله
كل حاجة غلط تلاقيها بتتعمل
وكل حاجة صح تلاقيها بتتنسي
كل الاخلاق راحت
والحياء راح من قلوب الناس
وضاع قبله خوفهم من ربهم
اكيد لازم تتنتشر حاجات زي كدة واكتر من كدة

وكل الي سهل حاجة للناس دي ذابه هيكون اليم واخرته هتكون عبرة
ولو هوة فكر دقيقة واحدة بس انه هيموت وان مش هتدوم له
مكان عمل كدة بس للاسف الناس نسيت الموت وسيت اخرتها

تحياتي
موضوعك جميل اوي
بس خافي علي نفسك بقي
ههههههههههه

شكرا علي زيارتك الي منورة مدونتي
ومتابعتك

في تدوينة جديدة
يلا الحقي احجزي اول كومنت


دومتي بود

الصيدلي المطحون

ندا منير يقول...

عايش... ولكن !!!!
.......
فعلا عدد المدخنين زاد جدا جدا
ونسبته بين الاطفال زاد جدا

ندا منير يقول...

Abd-Alrahman
......
مش بس فى الموضوع دا
لو كل واحد فكر ان اللى بيعمله غلط او فكر فى عواقب الموضوع اكيد محدش هيعمل حاجة غلط

والمشكلة ان المخدرات والسجاير بتجيب مصايب وبتعمل اضرار كبيرة قوى بس مين بقى يسمع ؟؟

ميرسى لذوقك جدا

ومتقلقش هخاف على نفسى هههههه

momken يقول...

حمدالله على السلامه
وعودا احمد

موضوع جميل
بس يعنى هو الخمر بس الى على ارض مسلمه

مش بس الخمر الى حرام يا ندا

ماهو القتل حرام موجود على ارض مسلمه
والظلم حرام وموجود عل ارض مسلمه
والسرقه حرام وموجوده على ارض مسلمه
والنفاق حرام وموجود على ارض مسلمه
والزنا رام وموجود على ارض مسلمه
كل الحجات الحرام انا متاكد انها موجوده

انتى بقى متاكده انهاا ارض مسلمه؟؟

بوست جميل


تحياتى

ندا منير يقول...

momken
.....

للاسف هى بلد مسلمة
بس كل اللى بيحصل عليها عكس دا

Unknown يقول...


افضل شركة تنظيف منازل بالرياض شركة مكافحة النمل الابيض بالرياض افضل شركة مكافحة النمل الابيض بالرياض شركة تنظيف بالرياض افضل شركة تنظيف بالرياض شركة نقل اثاث بالرياض افضل شركة نقل اثاث بالرياض




Unknown يقول...

شركة كشف تسربات المياه بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة عزل اسطح بالخبر

شركة عزل خزانات بالخبر

شركة نظافة بالخبر

شركة تسليك مجارى بالخبر

شركة مكافحة حشرات بالخبر

شركة رش مبيدات بالخبر

شركة تنظيف شقق بالخبر

شركة تنظيف بالخبر

شركة تنظيف سجاد بالخبر

شركة تنظيف بيارات بالخبر

شركة تنظيف كنب بالخبر

شركة تنظيف بيوت بالخبر

شركة تنظيف مسابح بالخبر

شركة تنظيف مجالس بالخبر

شركة تنظيف موكيت بالخبر

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...