الخميس، 24 مارس 2011

لـــــيــــــــه ؟؟؟؟ ................................... بنقول ونفكر !!! ..............

لـــــيــــــــه ؟؟؟؟

................................... بنقول ونفكر !!!
..............

مقالى هذا نقد لبعض الافكار التى الاحظها فى نسبة عالية مننا ، وكلنها لاتمس الشعب المصرى بسوء فهو من اعظم شعوب العالم ومقالى السابق فى المدونة يتحدث عنهم الكثير ، ولكنها مجرد ملحوظات احب ان اتناقش معكم فيها .

لماذا هى موجودة فينا ؟

هل هى عادات سيئة ام كوميدية ؟

من منا لم يرض عنها ؟

.....................

فين الدبلة

........

ولد يسير مع بنت ، يبدأ الناس ينظرون لهم ، ثم تنظر فى ايديهم ، اذا وجدوا دبلة فاحتمال يصمتون عن الكلام ، ولكن تاتى الكارثة اذا لم يجدوها ، يبدأ كل واحد منهم يهمس فى اذن الآخر ( انا شوفتهم قبل كدة مع بعض ، دول اصحاب بس والله ، دول بيحبوا بعض موت ، دى عاملة زى اللزقة مش راضية تسيبه ، دا هيموت وتقوله بحبك وهى تقلانة عليه ، طبعا اهلهم ميعرفوش انهم بيتقابلوا ، اسكت دول بعد الكلية بيخرجوا هنا وهنا وبيبقوا لوحدهم ، ................. الخ ) .

ثم يبدا من حولهم ينقلون هذه الاشاعات وتبدأ فى انحرافات خطيرة فى صياغتها الى ان تجد البنت فى ايام تكونت حولها سمعة سئية وهى مظلومة

..............................

هو مات ازاى ؟

...........

يكون فى بيتك حالة وفاة ، وتكون فى حالة انهيار عالية ومستمر فى بكاء شديد جدا ، وفجاة تجد شخص يهمس فى اذنك ويقول ( هو مات ازاى ، يعنى طبيعى كدة ولا كان عيان ؟ )

فالانسان فضولى بطبعه ويحب ان يعرف كل ما حوله ولكن لا بد ان يعرف ما يريد فى الوقت المناسب ، ووقت العذاء صعب للغاية كى يتحدث احد .

..............

اصطادتى عريس انهاردة ؟

.........

البنات المدعويين من العريس والعروسة فى الافراح ، تاتى البنت وهى ترتدى فستان فخم بحذاء كعب عالى وتضع ميكب وهنا يبدأ عواجيز الفرح ( هى عاملة فى نفسها كدة ليه كانها هى العروسة ، هى اكيد جاية تصطاد عريس ، هى بترقص كدة ليه مع العروسة ، لالا لبسها مش حلو انا احلى منها بكتير ، مش عارفة يعنى الولاد بيبصولها على ايه، وبعدين العروسة فستانها ليه عامل كدة ، ايه القرف دا حتى الحاجة الساقعة سخنة ومقرفة ، ايه دا دا اكل يقدموه فى الفرح ، هو العريس ماله فرحان كدة على ايه يعنى ، هما بيرقصوا ليه كدة ...... الخ ) .

فماذا تفعل البنت كى تذهب للفرح تذهب بملابس عادية بدون ميكب حتى لا يتحدث الناس عنها ؟

.................

بيحبنى ولا لاة ؟

.................

زملاء فى الجامعة ، يتعامل شاب جنتل مع زميلاته بكل احترام وطبيعى من يتسم بهذه الصفة فيكون جنتل مع الجميع ، ( تلاقى الولد مرة اتهبل فى عقله وفتح باب التاكسى لزميلته ، اوبا ترجى البنت وتحكى لاصحابها ياااااااا اخيرا دا بيحبنى يا بنات دا فتحلى باب التاكسى اووووو ، وهو ولا بيحبها ولا حاجة ، او تلاقى بنت بتتعامل بكل احترام مع زملائها الولاد يجى ولد يطلع من النص ويقول اسكتوا يا جماعة مش اخيرا بصتلى وضحكتلى وهى مبتعملش كدة خالص مع حد يبقى اكيد بتحبنى ) .

فهل يتعامل كل طرف مع الاخر بشدة ؟

....................

جبتى كام نجفة

..................

تيجى حماة البنت وربنا يكفينا شر الحموات ( قوليلى بقى جبتى طقم صينى ، اركوبال ، بايركس ، 30 فوطة ، 30 ملاية ، طقم جيلى ، طقم ايس كريم ، 3 طقم كاسات ، 3 طقم قهوة ، 3 طقم شاى ، كام سجادة ، كام نجفة وفخمة ولا لاة ، كام ستارة وبرقع ولا ماسورة ، والتلاجة يا ترى بقى ماركة ايه هى والغسالة والفرن والمكنسة والسخان ........ الخ )

والبنت تلاقى اسئلة نازلها فوق دماغها وهى هتموت وتضحك ولو البنت لم تحضر هذا كله واكثر فى جهازها فالاخرين يقولون ان عيلتها بخيلة اما دول عيلة مبيفهموش فى الذوق .

فمن ناحية الدين هذا حرام فمن المفروض ان تهجز البنت بما تحتاجه فقط ولا تجهز بالكثير بسبب المظاهر .

.....................

اووو لسة متخطبتيش ؟

.............

اول ما البنت تقابل صاحبتها قبل ما تقولها ازيك وتسلم عليها ، ها لسة مفيش حاجة ، مفيش عريس كدة ولا كدة ؟

ولو كانت مخطوبة ها هتتجوزى امتى بقى ؟ وبعد الجواز ها لسة مفيش نونو وبعد ما النونو يجى ، يا بنتى هتجيبى النونو التانى امتى بقى ؟
.....................

منخيره فى السما .

.................

من يحاول تطبيق بعض من فن الاتيكيت فى ملابسه وتعامله وطريقة كلامه فجأة الناس تقول عليه ايه دا دا مغرور قوى كدة ليه ، ولم يعرف هؤلاء ان فن الاتيكيت فهو من ارقى الاشياء التى ممكن ان نتعلمها وتؤدى الى احترام عالى جدا بين الناس .

.............

ضل راجل ولا ضل حيطة

...................

اول عريس يجى لنسبة من البنات ، تفرح قووووووى وتقول اخيرا وضل راجل ولا ضل حيطة يا حاجة انا موافقة على بركة الله ، وهى بالتالى تكون ظلمت نفسها لاانها حصرت قلبها على اول شخص يتقدم لها دون ان تعرفه ، وفجاة تكتشف عيوب فيه وتخشى ان تفسخ الخطوبة او تصبح مطلقة خوفا من السنة الناس ، ولماذا من الاساس يتحدث الناس ولا يرحموا من تفسخ خطوبتها او تكون مطلقة ، اما بالفعل تفسخ خطوبتها ويكون جزء كبير من حياتها ادمر ، او التجربة تنجح ، بس السؤال ليه البنت تتسرع عشان متبقاش اقل من صاحبتها ولا عشان تتجوز وخلاص ، فهؤلاء بالطبع لا يفهمون ولا يقدرون مسئولية الزواج فيما بعد .

................

هو احلى منها

................

يجى ناس تقول ايه دا دى وحشة خالص هو احلى منها بكتير قوى ودا بيكون على المخطوبين او المتجوزين ، فما معنى هذه الكلمة

وهل ممكن ان نقارن بين ولد وبنت

ممكن نقول هى وحشة بس هو حلو

لو هو وحش وهى زى القمر

لكن كيف اقارن بين ولد وبنت واقول هو احلى او هى احلى .

........................

دى حاجات نفسى اعرف رايكم فيها بجد ، وكتبتها لانى كل يوم بشوف حاجة منها او حاجتين ومستغربة جدا من طريقة التفكير دى

وبجد بتخنق جدااااااا .

........................

هناك 54 تعليقًا:

♥نبع الغرام♥♪≈ يقول...

حبيبتى

حبيبتى


الله عليكى بجد

البوست شامل سلبيات من واقع مرير بنتعايش فيه

♥نبع الغرام♥♪≈ يقول...

للاسف عمر الفكرة دى ما هتتغير ابدآآآآآآآآآآآآآآآآ

هما خلاص اتعودوا على كده
ومن شاب على شىء شاب عليه

♥نبع الغرام♥♪≈ يقول...

تعرفى ان انا ساعات كمان بتناقض على الناس

اة والله

مش عارفه هو دا ليه

او بمعنى اصح لانى تعايشت لاقيت الكل بيقول كده

احتمال تكون عاده

همس الحنين يقول...

صياحك ورد ندا
موضوعك فعلا مهم للمناقشة بحييكي عليه بس تصدقي ده مش بيحصل في مصر بس دا حتى عند اخواتك السعزديين عارفة حكاية هي وحشة وهو حلو واللهي دايما بيقولوها يعني لما تبقى الست عادية والراجل وسيم لازم عبارة هو عجبه ايه فيها دا احلى منها مافيش تفكير انه دا احساسه ماهو اكيد لقى فيها حاجات اكبر من الجمال والحكاية مش ست جميلة بدون احساس وممكن تكون الانسانة دي بيشوفها بعيون قلبه اجمل ست في الدنيا ..
وكمان السؤال عن الوفاة اصلا قبل عظم الله اجرك بيبقى السؤال هو كم عمرة يااه صغير يبقى مات ازاي طبيعي الفضول لكن الاعمار بيد الله كمان انه لا المكان ولا الزمان يسمح لتلك الاسئلة
سعيدة جداً بمروري على ركنك الراقي
وسوري على الاطالة

دمتِ بسعادة
وربنا يكفيكي شر الاسئلة دي
هههههه
تحياتي

مدونه ما كفايه بقى يقول...

هههههههههههههههه

بجد بوست جميل أوى

دايما بسمع الكلام ده من اللى حواليا

موقف آخر :- فى حاجه جايه فى السكه؟؟؟؟

ده لما يبقى اتنين لسه متجوزين وبعيدا بأسبوعين بالظبط تلاقى الناس بدأت تسأل بقى ها فيه أخبار جديده؟ طيب روحى أكشفى شوفى العطله جايه منين

الموقف ده انا حاساه أوى بقى

عارفه لو عد سألأنى السؤال ده ( فى المستقبل يعنى)

هحرجه جامد لأن من تدخل فيما لا يعنيه سمع ما لا يرضيه انا بقى هسمعهم كلام زى السم ويبقوا يزعلوا بقى :)

بجد البوست جاى فى الجووووووووووون

تحياتى لكى

باحث عن حب يقول...

السلام عليكم
تلك هى طبيعه الانسان وخصوصا الانسان المصرى
وتلك الاشياء البديهيه التى تتدخل فى حياه كل بنى ادام بالنظره بالقول بالفعل
وانا شايف ان التدخل ده نابع من ايه اقولك انا نابع من ان الناس فى مصر عيله واحده لهم خايفين على بعض بيسالوا بعض السؤال يجر سؤال لغايه ما الخنقه تكتمل وتطور الامر لغايه ما اصبح غلاسه وتلامه من بعض البنى ادمين لخلوا الواحد شد فى شعره وبس ربنا يقنا شر تلك الكلمات يارب

esraa يقول...

السلام عليكم
استاذة يا نودا من يومك
ربنا يكفينا شر الغيبة و النميمة

دعاء العطار يقول...

هههههههههههههههه

والله انتى عسل

ضحكتينى بجد

انا كمان ع فكره بتفرس من كده أوووووووى

وكل الحاجات اللى قولتيها دى بتنقطنى

بس عارفه فيه مقوله مشهوره كده بتقول :

" ماذا سأستفيد ان كسبت الناس جميعاً وخسرت نفسى "

انا شايفه ان كل حد يعمل اللى يرضى ربنا اولاً ثم نفسه ثانياه ويسيبه من الناس خالص

لانه مش هيقدر يرضيهم

لو اتصرفنا كده هتختفى كتييييير من سلبيات المجتمع ده

دمتى بكلللل ود

(:

غير معرف يقول...

الي الكاتبة:

1- يرجى مراجعة المقال املائيا ,, حيث انني وجدت صعوبة في معرفة اصل كلمة "كلنها" في بداية المقال ألا و هو " لكنها"

2- بالنسبة لأول أسئلتك فهي بالتأكيد ليست عن الدبلة أو سمعة البنت و لكنها بسبب عرق النميمة الموجود في كل شعوب العالم و لكنه يزداد عند المصريين

3- من الطبيعي جدا أن يسأل الاشخاص عن سبب الوفاة ,, و أكيد مش هيجي الواحد بعد شهر و يسأل عن سبب الوفاة أكيد لازم يسأل في ساعتها

4- روحي الفرح باللي انت عايزاه و متسمعيش لكلام الناس , اللي يمشي ورا كلام الناس يموت مجنون

5- مافيش حاجة اقدر اتكلم عنها في موضوع " بيحبني ولا لأ" غير اني أقول حاجة واحدة بس " ناس طيبين قوي"

6- أتفق معك تماما في موضوع الحماة ده

7- أبسط حاجة ممكن تعمليها للشخص اللي بيسأل الأسئلة دي تقوليله " ملكش دعوة بحياتي الشخصية "

8- في 3 شخصيات بيتقال عليهم منخيرهم في السما المتكبر ( التنك ) و المُحدث ( اللي لسه غني جديد ) و المحترم جداً
يعني مثلا لو جه ولد يسلم على بنت و مرضيتش تمد ايدها هي كمان عشان تسلم عليه ,,, لكن الاتيكيت ؟؟ معتقدش ان ليه علاقة

9,10 - لا تعليق

ابراهيم رزق يقول...

من راقب الناس مات كمدا
تلك عيوب مجتمعية تورث من جيل الى جيل
و لكى نقضى عليها يجب ان نبدء بانفسنا ثم تربية الاطفال على مبادىء سليمة

Casper يقول...

هيا مواقف كوميدية اكثر منها تطفلية واعتقد من وجهة نظري ان مثل هذه المواقف مترسخة في اذهاننا جميعا اقصد الشعب المصري وصعب تغييرها لانها اصبحت موروثات وتقاليد وربما عرف سائد

_______

خالص تقديري لفكرك وقلمك
تقبلي مروري

Casper

ندا منير يقول...

نبع الغرام
...........
اكيد يا قمر هى عادات فعلا واتعودنا عليها

بس ليه منغيرهاش ؟

لانها بجد بتمثل مشاكل كتيرة جدا وخنقة عالية جدا

يعنى انا مثلا بنت اهو بس عمرى ما بقول الحاجات دى اطلاقا ولا بعملها

مع انى اتربيت وسطها بس عشان مش مقتنعة بيها ومبحبهاش فمبرضاش ابقى كدة

فاعتقد الموضوع سهل اننا نغيره

ندا منير يقول...

همس الحنين
.........
ههههههههههههه

انا بدعى ربنا يكفينى شرها بس للاسف مبتقابلنى دايما حاجة تخنق

واكيد هى مش فى مصر وبس

بس حاجات اعتقد سهل اننا نغيرها فينا

وفعلا الوقت مش مناسب خالص وقت الوفاة عشان اسال اسئلة مستفزة زى السؤال دا
هو مات ازاى
هههههههههههه

مش عارفة هيفرق ايه عند الناس
واول ما حد يفسخ خطوبته سواء ولد او بنت
طب ليه فسخوها
ومش عشان هما بيبقوا متعاطفين
لالالالالالا
عشان يعرفوا السبب وبس

حاجة رزلة

ميرسى يا قمر على تعليقك

ندا منير يقول...

مدونة ما كفاية بقى
.........
هههههههههههههه

اه معاكى حق فعلا اللى يدخل فى حياتك وريه بقى الوش التانى

اه لازم لو اتاخرتى بس شهرا و اتنين بعد الجواز

ياااااا معقولة كل دا مفيش حمل

لالالالالالا

اكيد فى مشكلة

لازم تروحوا شوفها

والناس دى متعرفش اصلا ان فى ناس بتقعد بالسنين مبتخلفش ومبيكنش فى اى مشكلة بس بيكون ربنا مقدر ليهم خير ان البيبى يتاجل لوقت معين

بس مين بقى يفهم الكلام دا !!!!

شكرا ليكى حبيبتى

ندا منير يقول...

محمود(باحث عن حب)
...........

هههههههههههههه

نشد احنا فى شعرنا لحد ما نلاقى نفسنا مبقاش فى شعر خالص
وهما فرحانين المهم بس عندهم يسالوا اللى عاييزن يسالوه ويلاقوا اجابة عن الاسئلة دى

وحاجة حلوة ان الروح تبقى كدة بين الشعب بس مش بالطريقة دى

شكرا لرايك

ندا منير يقول...

esraa
........

لالالالالالالالالالالالالالا يا قمر

دا انتى الاس والاساس يا باشا

واستاذة الاستاذة ومنكم نستفيد طبعا

وربنا يسمع منك يا سوسو بجد

نورتينى يا قمر

ندا منير يقول...

دعاء العطار
..........

ميرسى يا قمر ربنا يخليكى

بصى هقولك على حاجة
الانسان بطبعه اصلا متمرد وعمره ما بيرضى ابدا باى حال

بس فى نفس الوقت لو فى شئ سلبى ونعرف نغيره يبقى ايه المانع

شكرا لرايك

ندا منير يقول...

غير معرف
.......
ميرسى لكل الملحوظات دى ونظرا لضيق وقتى فمقدرش اراجع كل كلمة ودى مش غلطة املائية كل الموضوع عشان بتكتب بسرعة حرفين اتبدلوا مكان بعض

وميرسى لرايك فى كل النقاط دى
بس اختلف معاك فى نقطة الاتيكيت
فن الاتيكيت واسع جدا وانا لو التزمت بيه هيتقال عليا منخيرى فى السما

يعنى اديك امثلة

المفوض انى مسلمش على حد بالبوس المفروض يكون بينا مسافة اكتر من متر وبالايد بس اكيد لو عملت كدة هيتقال عليا مغرورة جداااااااا ومش طايقة نفسى

مثلا لكل موقف له طريقة قاعدة معينة منهم انى احط رجل على رجل
ثقافة المصرى شايفة ان الرجل على رجل عيب جدا واللى بيعملها الانسان اللى حاسس بنفسه قوى

ونفس الكلام نزول السلم له طريقة معينة

وغيره

ثانيا
بالنسبة لموضوع العزاء
فمش معاك ان المفروض الواحد يسالع ن سبب الوفاة وممك نيعرف دا من طرف بعيد شوية وفى وقت مناسب واصلا ملوش لزمة يعرف سبب الوفاة لانها مش هتفرق معاه

ميرسى لرايك وليك مطلق الحرية فى معارضة كلامى

بس بعد اذنك

فى نهاية التعليقك عايزة توضيح مين الغير معرف اللى كاتب التعليق عشان اعرف ولد ولا بنت عشان اعرف اتكلم ازاى اقول انت ولا انتى

ندا منير يقول...

ابراهيم رزق
......
تمام

معاك جدا جدا

ودى بداية حلوة فعلا اننا نبداها مع اطفالنا

ميرسى لرايك

ندا منير يقول...

Casper
..........
احيانا بتبقى كوميدية واحيانا بتخنق جدا لما تيجى فى وقت مش مناسب ليها

ومش معاك اننا صعب اننا نغيرها

لان ممكن نغير نفسنا ونغير اصحابنا ونغير ولادنا يعنى شايفة ان الموضوع سهل بشكل كبير

ميرسى لرايك

وبالتاكيد اقبل مرورك

نورتنى

الاحلام يقول...

لابد ان نعترف على ان الحياه ليست على وتيره واحده فهناك الاتجاه الايجابى الجميل وهناك الاتجاه السىء فكلماتك توضح حقا جزء من الاتجاه السىء الذى لابد ان نعترف به ونرضى عنه ولو غصب عنا لانه لن ينتهى ولن يزول
موضوع مؤثر وممتع ومطلوب معالجه له من داخل الناس انفسهم
سعدت بوجودى تقبلى تحياتى الاحـلام

غير معرف يقول...

في البداية احب ان اذكر انني ذكر

سيدتي انا لا اختلف معك في نقطة الاتيكيت و لكنني اقصد انها نقطة فرعية وليست اساسية فكثير من الناس في مجتمعنا تعرف و لو القلبل عن الاتيكيت

ثم انا لا اتفق معي سيدتي في نقطة العزاء لأسباب اولها انه عند السؤال عن كيفية موت الشخص بعد فترة ف أنتِ بذلك تعيدين ذكرى اليمة الي الشخص القريب من المتوفى

و الاختلاف في الرأي لا يفسد للود قضية

و شكراً على ردك سيدتي

MTMA89 يقول...

ندا منير..

مجتمعنا فيه كتير من العادات و الأفكار السلبية.. و مش معلوم أصلها إيه.. لكن بيحصل نوع من التكيف منها.. كل واحد و إمكانياته..

لكن انتشار تلك الأفكار بين الناس.. هو راجع معظمه لحب الفضول عندهم.. ربنا يهدي :)


تحياتي..

محمد
:)

غير معرف يقول...

ندا
ههههههههههههه
انتى مسخرة
الموضوع ابن لذينا
تحفة بجد
بس عندى قليل من التعليقات
بصى يا سيتى
اولا البنت الى بتمشى مع ولد
بيبان دول حبيبة ولا زمايل اخوات فى الله طبعا مش قصدى حاجه
او بيبان ان دول وراهم شغل وبيخلصوة

ثانيا
هومات ازاى دى بصراحه الى فعلا غبية
وملهاش لازمة لا دلوقت ولا بعدين
ياحبذا لو اتعرفت لوحدها من غير ماتسالى انتى خالص لانها سخيفه زى مابتقولى

ثالثا
اصطادتى عريس انهارده
والله بنسبالى فانتى عارفه ان من اول البنات وبلا فخر او انزحه بروح بلبس عادى جدا
وبيجو بردو
هههه
فالبنت يعنى مش لازم تروح بجزمة كعب او فستان شفتشى وميكب عشان تعجب

هى الى نصيبها فيه هيجى لو لابسه عادى او حتى لو سواريه ومهتمه بنفسها
ده نصيب ولازم الناس كلها تفهم ده
بس هتقولى ايه
لا مفر من عواجيز الفرح
:)

خامسا
بالنسبه للجنتله
انا بحترم الولد الجنتل جدا من ناحية انه جنتل
وبتنرفز منه جدا من ناحية ان فى ولاد بيوصلو لمرحلة انه يفتح التاكسى
وانا بدايق من الحاجات الى زى دى بصراحه
عادى يعنى
:)

نيجى بقى لسادسا
بالنسبه للحمى فدى حظوظ والله اعلم
ولا مفر من وجود واحده من تلك الحماوات فى احدى العائلات

ثامنا بقى
على اووووووة لسه متخطبتيش
فدى ممكن تبقى حلوة ووحشه
حلوة مثلا لو واحده زيك بتتطمن على واحده زيي فمش قصدها حاجه
لاننا كده كده فاهمين بعض وبنحب بعض وكده على باقى الحته دى

وحشه بقى من ناحيه الناس الى مش صحابك اوى ولا حتى بينكو كلام وتيجى هى تحسسك بالذنب لانك لسه قاعده او مخلفتيش او مجبتيش العيل التانى
ههههههه

تاسعا
ضل راجل ولا ضل حيطه
انا معاكى جدا
نار ابويا ولا جنة جوزى
:)
هههههههه
طبعا مش بنفس المعنى الحرفى
بس اعد عند بابا حسن ماتجوز واتسرع

عاشرا
فانا من الناس دول
:$
ههههههههه
اه والله
بس مش دايما
قليل اما بعمل كده
بس مش بيبقى قصدى حاجه والله
وعارفه كمان ان ده غلط
بس انتى عارفه الكلام والتعلقات على كل حاجه فى الفرح هى الى بتوصلنا للنقطه دى
مش اكتر

حادى عشر
ودى الاهم
انا اول مره فى حياتى اكتب كومينت بالطول ده يا ندا الله يسامحك
ههههههه
ومتشكرين
:)

ندا منير يقول...

الاحلام
........
انا سعيدة بوجودك

وميرسى لرايك
واكيد طبعا صعب جدا اننا نبقى ملايكة

بس فى حاجات صغيرة ممكن نغيرها

ندا منير يقول...

غير معرف
..........
اوكى تمام

بس برده الفكرة فى العزاء ان ليه من اصلا نسال الشخص دا مات ازاى ؟

يعنى مثلا واحدة او واحد فسخوا الخطوبة ممكن اسال عشان اكتسب خبرات واعرف اخد بالى من حاجات معينة

لكن فى العزا هاخد بالى من ايه واحد مات فجاة طب دا هيفرق معايا فى ايه لما اعرف انه مات فجاة او بمرض او حادثة

هو دا قصدى

وميرسى لرايك

ندا منير يقول...

MTMA89
.........

تمام يا محمد انت تقريبا لخصت الحوار كله فى كلمة واحدة

وهو حب الفضول

ميرسى

ندا منير يقول...

غير معرف
.......
لالالا يا قمر اكتبى زى ما انتى عايزة براحتك خالص خالص

هو لو انا مستحملتكيش مين يعنى هيستحملك
هههههههههههههه

بصى يا ستى فى بس نقطة انتى مخدتيش بالك منها او فهمتيها غلط

حتة ان فى ناس بتقول ان البنات بتروح الفرح عشان تصطاد عريس انا مقصدش انى لازم اروح فرح صاحبتى بفستان ومكيب

اللى قصدته ان لو مثلا واحدة عزمتنى فى فرحها وكانت قريبة منى قوى طبيعى مش هلبس لبس عادى اللى بخرج بيه خصوصا انى بهتم بمظهرى وكل مناسبة وليها لبسها فلما هروح الفرح دا وهبقى لابسة شيك وكدة ممكن الناس تقول اه دى جاية كدة عشان تصطاد عريس

فهمانى
؟

لكن انا مش هلبس لبس شيك عشان اعجب الناس لكن هى دى طبيعتى

ثانيا
.......
بالنسبة ان ولد يفتح باب العربية ليكى فدى مش هتحصل مع اى ولد يعنى هيكون اكيد زميلك او صديق ليكى ثانيا انا شايفة ان دى شياكة جدا
حتى المتجوزين دى بجد شياكة جدااااااااااا
المفروض يفتحلك باب العربية عشان تركبى ولما يوقف العربية متنزليش هو ينزلو يفتحلك دى بجد فى منتهى الروعة وكمان باب اى سوبر ماركت لازم يفتحوا وتعدى انتى الاول

هو دا بقى الاتيكيت
معلش استحملينى اصلى بقيت تنكة اوى اكتر من الاول وبحب التناكة
هههههههههههه

وبالنسبة بقى انك بتروحى الفرح بلبس عادى وهما بيجوا برده فدا عشان انتى قمر اصلا ومحدش يطول اصلا يرتبط بيكى

منا قلتلك لو حد فينا كان ولد كنت خطبتك
اموووووووووووووووه

ذاكرى بقى حلو

أقدم عاصمه فى الحب يقول...

السلام عليكم

يااااااااااا
أخيرا وصلت للتعليقات
حمد الله على سلامتى
انا اول مره أدخل هنا
بس تعرفى .. على أد ما عينى بأبأت فى الشاشه .. (( أصل انا شاشتى بايظه وبستعين بشاشه صغنطوطه على قدها ))
على أد ما انا أنبهرت بالافكار اللى بنشوفها كل يوم ومش بتيجى على بالنا نعلق عليها لانها تقريبا عادات سيئه زى التدخين كده
برافو عليكِ
سعدت بالمرور من هنا
.
.
أقبلينى صديق لصفحاتك التى أعجبتنى هنا فى صرحك الجميل
ودى وإحترامى :)

وردة الجنة يقول...

بوست حلو اوى وفعلا الحاجات دى كلها بتحصل وبقعد اسال نفسى كتيير اوى ليه الناس كده وليه ميظنوش ظن كويس ببعض بدل الظن الوحش ده فى بعض المواقف

تحياتى لك وتقبلى مرورى

ندا منير يقول...

أقدم عاصمه فى الحب
............

لالا الف سلامة

ونورت المدونة

ميرسى لتعليقك

ندا منير يقول...

وردة الجنة
............
ياريت الناس فعلا تظن الاول الظن الحلو لحد لما يثبت ليها العكس وبعدين تفكر فى الوحش

شكرا ليكى يا قمر

همس الاحباب يقول...

مقال رائع وملم بكثير من افات المجتمع وعاداته واعرافه الاجتماعية
البعض منها سىء جدا والبعض منها مقبول احيانا
ولكن ببساطة الكمال لله وحده والبشر به مميزاته وعيوبه
لو كل منا اهتم بعلاج عيوبه وترك شأن الاخرين اكيد هنتغير للاحسن دائما
تحياتى

ندا منير يقول...

همس الاحباب
............
فعلا الكمال لله وحده

ومفيش ابدا انسان كامل

لكن فى عيوب بسيطة فينا نقدر نغيرها

ميرسى لتعليقك

Unknown يقول...

أحسنت ....طرح هااام وقيم
تقبلى مرورى وتقديرى واحترامى
وبارك الله فيك وأعزك

Tamer Nabil Moussa يقول...

اتفق معاكى فى ما اشرت الية


دى سلبيات موجودة ومنتشرة

ربنايصلح الحال


مع خالص تحياتى

كاتب الأنثى يقول...

مرحبا

بصراحة موضوعك رايق و اختيار موفق

بس اكثر شي اعجبني هي فقرة الاتيكيت لأنهم قله من يفهمون الأتيكيت و كثير من لا يفقهون شيئاً ابداً .

راقتني كثيراً
:
عبدالله

نور الهدى يقول...

هههههههههههه
بجد اكثر من رائع كانه كتاب ساخر اعجبني كثيرا نقدك به واقعية وسخرية غير مبتذلة بجد احييكي عليها

الموسوعة الحرة يقول...

تحية طيبة...
سررت لزيارة المدونة وقراءة متون الادراجات الجميلة فيها...
دمتي بخير...

ذو النون المصري يقول...

محتاجين ثورة نتخلص بيها من هذه الافكار كما خلصتنا ثورة 25 يناير من نظام مبارك

فشكووول يقول...

السلام عليكم
تحياتى
سرد جميل لبعض العادات السيئه التى فينا .. لكن العادات فى ملاحظاتها سيئه ولكنها تنم عن تصرفات فى الثقافه الشعبيه والمصريه عموما .. فمثلا هذا المثل (اصطادتى عريس انهاردة ؟) طبيعى ان كل بنت ترغب فى الزواج وطبيعى ان تبحث كل بنت عن الشاب المناسب لها وايضا طبيعا بالنسبه للشاب ان يفعل هذا .. اعتقد ان هذا لو تم بطريقه محترمه فلا مانع لان الفرع يحن الى اصله والاصل يبحث دائما عن الفرع .. اما عادات الجهاز و1500 نوع من الكاسات و1500 نوع من الاطباق دا صينى ودا بياركس ودا اركوبال ودا برازيلى ومش عارف ايه وايه وايه ( اسألينى انا طلع روحى فى جهاز بنتى)
تعرفى انى مثلا اتجوزت يا دوب باوضه نوم واوضة صالون وبعدين كل حاجه كملتها انا بعد الجواز .. يعنى اشتريت تليفزيون بالتقسيط وتلاجه كمان حجزتها فى فرع عماد الدين بتاع اديال واستلمتها بعد سنتين والغساله عملتها على ايدى وكل حاجه خطوه خطوه وحبه حبه .. والحمد لله لما جوزت بنتى وابنى كانوا داخلين كاملين مكملين مش ناقصهم اى حاجه حتى العربيه .. ايامكم حلوه لكن ايامنا كانت صعبه .. ودى سنة الحياه وعادات المجتمع وعلينا ان نتقبلها .. جاتنا نيله فى حظنا الهباب.
تحياتى

ندا منير يقول...

محمد الجرايحى
..........
ميرسى جدا على الدعوة الحلوة دى

نورتنى

ندا منير يقول...

تامر نبيل موسى
..........

شكرا لتعليقك

وربنا يصلح كل الاحوال السيئة يارب

ندا منير يقول...

كاتب الانثى
.........
فعلا يا عبدلله دى مشكلة ان فى كتير مبيعرفوش حتى اسسس الاتيكيت

ودا بيعمل مشكلة فى اللى متعود يتلزم باسسه لاان الناس بتفهمه بصورة غلط

شكرا لتعليقك

ندا منير يقول...

نور الهدى
........
ميرسى جدا جدا

ويارب دايما تعجبك مقالاتى

ندا منير يقول...

الموسوعة الحرة
.........
وانا اكثر سرورا للمرور بمدونتى

ميرسى

ندا منير يقول...

ذو النون المصرى
.........
ياريت والله نتمنى جميعا

بس المشكلة ان فى عادات وتقاليد راسخة فى اذهان الناس يستحيل نقدر نغيرها

ندا منير يقول...

فشكول
........
ربنا يخليهملك يارب وتفرح باولادهم

ولو كان لسة فى تانين متجوزوش ربنا يقدرك يارب على جهازهم

ويخليك ليهم وتجيبلهم دايما كل اللى يتمنوه

وزمان فعلا كان مش شرط ان العرسان يجيبوا كل حاجة لكن دلوقتى مينفعش لو حد دخل ناقصه حاجة يطلعوا عليه مليون كلمة

بالنسبة لفكرة اصطادتى عريس
اكيد طبعا كل واحد ولان دى نسة الحياة بيبحث عن طرف اخر يكمل معاه حياته
بس المشكلة ان فى ناس كتير فى اعتقادها ان كل بنت تروح الفرح متشيكة عشان تصطاد عريس
او كون انها بتتكلم برقة او لبسها شيك عشان تلفت النظر فدا اسلوب مستفز جدا فى التفكير
ودا بيحصل معايا كتير جدا
والاول كنت بتخنق دلوقتى بيتقلب معايا بضحك


ميرسى جدا جدا جدا لتعليقك

ونورتنى

كلمات من نور يقول...

سلبيات كتيرة وبالفعل موجودة في كل بيت

بس مين يفهم ويعي؟

يارب نفهم بقى

ندا منير يقول...

كلمات من نور
...........
ياريت

ربنا يهدى الجميع

ميرسى عل مرور

Unknown يقول...

شركة الصفرات للتنظيف بالرياض
شركة الصفرات لمكافحة الحشرات بالرياض
شركة الصفرات لنقل الااثاث بالرياض

شركة الصفرات لتنظيف الخزانات
شركة الصفرات لتنظيف الشقق
شركة الصفرات لتنظيف الفلل

Unknown يقول...


افضل شركة تنظيف منازل بالرياض شركة مكافحة النمل الابيض بالرياض افضل شركة مكافحة النمل الابيض بالرياض شركة تنظيف بالرياض افضل شركة تنظيف بالرياض شركة نقل اثاث بالرياض افضل شركة نقل اثاث بالرياض




Unknown يقول...

شركة كشف تسربات المياه بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة عزل اسطح بالخبر

شركة عزل خزانات بالخبر

شركة نظافة بالخبر

شركة تسليك مجارى بالخبر

شركة مكافحة حشرات بالخبر

شركة رش مبيدات بالخبر

شركة تنظيف شقق بالخبر

شركة تنظيف بالخبر

شركة تنظيف سجاد بالخبر

شركة تنظيف بيارات بالخبر

شركة تنظيف كنب بالخبر

شركة تنظيف بيوت بالخبر

شركة تنظيف مسابح بالخبر

شركة تنظيف مجالس بالخبر

شركة تنظيف موكيت بالخبر

Unknown يقول...

شركة تخزين اثاث بالرياض
شركة كشف تسربات المياة بالرياض
شركة مكافحة حشرات بالرياض
شركة مكافحة النمل الابيض بالرياض
شركة رش مبيدات بالرياض
شركة جلي بلاط بالرياض





صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...