الثلاثاء، 1 مارس 2011

لو نعلم مردودها لم نطلبها

عذرا للتاخير على فتح المدونة ...............
...............



لو نعلم مردودها لم نطلبها

.............



ينام المرأ ولا يعلم ما يخفيه له الصباح ، يتغير حالنا فى لحظات من عمرنا ، السليم يصبح



مريض ، والمريض يشفيه الله ، والحبيب يفقد حبيبه ، والابن يفقد والده ، وهكذا تدور الحياة



وهكذا نعيش معها ، فالحياة قاسية ولكن الآخرة راحة لنا ।



فمنا من يختار الدنيا ومنا من يختار الآخرة .



فيقول رسولنا الكريم فى حديث فيما معنا ( لو علم مؤمن مدى مردود دعوته فى الآخرة لتمنى



عدم استجابتها فى الدنيا ) ।




فلو نعلم ان الله احيانا لم يستجيب لدعواتنا لانه سيحقق لنا افضل منها بمراحل فى آخرتنا فلم



نتمنى استجابة دعواتنا ।




ولكن هل نستطيع تقبل هذا ؟



هل يستطيع الانسان ان يعيش فى معاناة قاسية فى انتظار الراحة فى الآخرة ؟



هل يستطيع الانسان ان يعانى من مرض شديد ويتقبل هذا فى انتظار ان يشفيه الله فى



الآخرة ؟



فيا لعجب هذه الحياة !!



تارة نعيش فى راحة وامان وتارة اخرى نعيش فى عذاب وخوف .



فاننى ارى اننا لابد ان نتقبل المرض نتقبل البؤس نتقبل كل الصدمات نتقبل كل شئ لان هذا



يخفى لنا سعادة اكبر وياتى وراه فائدة حقيقية لنا



فنعلم اذا لم يستجيب الله لدعواتنا فالخير قادم ولكن لا نعلم متى ؟



فمن خلال تجارب شخصية لى ولمن حولى تيقنت من هذا ، فكلما كان يحدث لى موقف سئ



جدا او افقد اعز من لى فى الحياة كل ما كان ياتى يوم بعدها سواء بشهر او عام او اثنان



واكتشف اننى احقق نجاح اكثر وسعادة اكثر والله يوفقنى فى كل كبيرة وصغيرة وايضا



اكتشف ان ما تعرضت له هذا منع عنى مصائب اكبر بكثير ।




فاخيرا اقول اننا يجب علينا ان نتقبل كل ما يحدث لنا فى الحياة ونقول الحمدلله على كل حال



ونتيقن ان السعادة قادمة وان هذا خير لنا ।



هناك 44 تعليقًا:

غير معرف يقول...

عالم التدوين نور يا انسه ندا
:D
يعنى بجد بجد بجد
التدوين من غيرك كان عادى جدا
ههههههههههههههه
بهزر طبعا
ماعلينا
همممم
والله كلامك جميل يا ندا
ودى حقيقه ساعات بنبقى عايزين حاجه اوى كمان ونعد ندعى ربنا كتير يارب عايزنها يارب منقدرش انها مش تبقى معانا
واول ماتبقى فى ايدينا كمان تطلع اصلا حاجه وحشه
وياريتنا ما دعينا

بس طبعا بنقول الحمدلله فى الاخر
بس بر\و منسخطش على الحاجات الى مجتش
والى جت وراحت
ونقول الحمدلله انها راحت
والى جاى اكيد ربنا هيخليه احسن

غير معرف يقول...

From the day we arrive on the planet
And blinking, step into the sun
There's more to see than can ever be seen
More to do than can ever be done
There's far too much to take in here
More to find than can ever be found
But the sun rolling high
Through the sapphire sky
Keeps great and small on the endless round

It's the Circle of Life

الازهرى يقول...

لله الحمد من قبل ومن بعد

اللهم أرزقنا حيث كان وارضنا به

ندا منير يقول...

غير معرف
........
من الآخر محدش بياخد كل حاجة
الحلو لما يجيله يطمع فى اكتر وميبقاش مبسوط
والوحش برضه لما يجيله يزعل

والحمدلله على كل حال

ندا منير يقول...

غير معرف
.......
من يوم ما بنتولد على الارض لحد منموت مبنقدرش نعرف بكرة فى ايه وهنقدر نعمل ايه فى حياتنا

ندا منير يقول...

الازهرى
.....
طبعا الحمدلله على كل حال

بس كام واحد يقدر يقول دا فى لحظة الصدمات اللى بتواجهنا ؟

مدونه ما كفايه بقى يقول...

دى سنه ربنا فى الأرض ودوام الحال من المحال

سعيده بزيارتك لمدونتى يا ندا

أنا أسمى أمل صاحبه مدونه مصر حره (ما كفايه بقى سابقا)

تقبلينى صديقه لمدونتك

تحياتى لكى

ندا منير يقول...

مدونة ما كفاية بقى
........
انا اسعد يا امل ميرسى ليكى يا قمر

وطبعا محدش يقدر يعترض على سنة الله وحكمه علينا

ندا منير يقول...

مدونة ما كفاية بقى
........
وطبعا تنورينى صديقة للمدونة

ابراهيم رزق يقول...

اولا حمد على السلامة

و لسوف يعطيك ربك فترضى

الرضا هو السعادة

سعيد بمرورى و انشاء الله اتابع

وردة الجنة يقول...

جمييل جداااااا يا ندا ماشاء الله وبجد موضوع جه فى وقته بالنسبة ليا رغم انى برضه مريت بحاجات كتيير جدا اتعلمت منها

ان ربنا دايما الحمد لله لو حسيت ان فى سوء فى شئ فبيكون اللى بعديه احسن

ربنا يوفقك ويجازيكى كل خير حبيبتى

..........

ندا منير يقول...

ابراهيم رزق
.......
ميرسى والله يسلمك


كل ما زاد الرضا عندنا اكيد كل ما زادت السعادة

بس هل نقدر نتحكم فى مستوى رضانا عن كل حاجة بتحصل لينا بسهولة ؟

ندا منير يقول...

وردة الجنة
.........

اهم حاجة اننا نتعلم من اللى فات ومنكرروش تانى ونعلمه لاخواتنا ولولادنا

الحياة محتاجة بس عقل واعى قوى عشان يقدر يعيش فيها عقل بيشغل عقله قبل قلبه ويعرف يحكم صح ويقدر الحاجة

شكرا ليكى يا قمر

♥نبع الغرام♥♪≈ يقول...

ازيك يا حبيبتى

كلامك جميل اوى

تعايشت معه


لا يسعنى غير قول اللهم لك الحمد والشكر على كل حال


دوام الحال من المحال

ندا منير يقول...

نبع الغرام
...
انا تمام يا قمر الحمدلله

والحمدلله على كل حال وكل حاجة تمر علينا

esraa يقول...

السلام عليكم
قل لن يصيبنا إلا ما كتب الله لنا
كلام موزون يا نودا
بس المشكلة اننا بنكتشف كده متأخر
ما بنصبرش عند الصدمة الاولى زى ما أمرنا الرسول الكريم عليه أفضل الصلاة و التسليم

ندا منير يقول...

esraa
......
اه يا اسراء مهى دى بقى المشكلة ودى اللى بتفرق الناس عن بعضها فى درجة الايمان بربنا وقضاؤه

سكن الليل يقول...

ياربي لك الحمد كما ينبغي لجلال وجهك وعظيم سلطانك
ربنا سبحانه وتعالى جعل سنة الكون التغيير .. لا شيء ثابت
وسبحان من يغير ولا يتتغير
أهم شيء الإنسان يرضى بما قسم الله له
لأن ربنا سبحانه وتعالى كل قضائه خير
قال رسول الله صلى الله عليه وسلم:
عجبا لأمر المؤمن ..إنه أمره كله خير
وليس ذلك إلا للمؤمن
إذا أصابته سراء شكر فكان خيرا له
وإن أصابته ضراء صبر فكان خيرا له
كمان ربنا سبحانه وتعالى بيبتلينا بالنعمة والنقمة
قال تعالى:"ونبلوكم بالحسنات والسيئات"...
وزي ما ربنا بيثيبنا على الصبر على البلاء
كمان بيجازينا خيرا حين يبتلينا بالنعمة فنؤدي شكرها حق الأداء

وكمان مافيش مانع الإنسان يدعو ربنا ويطلب منه القوة والسند والعافية

لأن المؤمن القوي خير وأحب إلى الله من المؤمن الضعيف..وفي كل خير

أهم شيء النفوس تكون صافية ونقية
مشبعة بحب الله وطاعته

،،

عودة حميدة يا نودا
تسلمي يا بنوتة

ندا منير يقول...

سكن الليل
......
ربنا يكرمك ميرسى

والدعاء احسن حاجة لتفريج الهموم

ثـــوره الــغضب يقول...

ندا

اجمل حاجه فى الحياه الصدمات لأنها بتخلينا نرجع وناخد بلنا بسرعه ولو كنا غفلنا عن المخلوق مينفعش نغفل عن الخالق

الحزن شيئ مرعب بس احساسو جميل لأنو بيدينا فرصه نبكى نبكى من الألم نبكى من الى جى ولى راح نبكى من خشيه الله خلى عنك امل ببكرا لانو هيكون احسن واحسن

ندا منير يقول...

ثورة الغضب
....
ممكن اختلف بس معاك فى مسمى انها احسن حاجة فى الحياة الصدمات

هى شئ كويس بنتعلم منه بس فكرة اى صدمة بتكون قاسية علينا وفى صدمات بتبقى مؤلمة جدا بس صعب يبقى احسن حاجة فى الدنيا
بس الاحسن فعلا ان الواحد ميقعش ويعرف يقوم على طول

اشكرك على رايك
واكيد طبعا بكرة احسن

للوش يقول...

,’

وتظل الحياه ذلك المسرح الكبير الذي
نتعلم منه الكثير لنستفيد...
,’

ندا منير ..

كلمات رائعه .. ومقطفات ذات فائده
لها كبير الأثر .. وتتحمل المعنى الجميل
سلمت الأيآدي على مآ آمتعتينآ به ..
في إنتظآر جديدكــِ ..!


’,

لكـِـ ِ بسآتين ودي ...

باحث عن حب يقول...

اولا انتى غايبه من زمااااااااااااان قوى لعل الغيبه فيها خير لكى
وسعداء برجوعك من تانى

كلامك جميل جدا وكلنا نمر بتلك الحاله
نصحى نلاقى نفسنا حد تانى بس المهم قبل فوات الاوان
متغبيش تانى

momken يقول...

صدق رسول الله صلى الله عليه وسلم
قال (كل امر المؤمن خير فان اعطى شكر وان منع صبر)
والشاكر والصابر فى الجنه

سيدتى ما عند الله ابقى واجمل

فنحن بعقولنا المحدون والتى تطغى عليها الماده ندعوا احيانا بما فيه الضرر وليس يه السعادع

والدعاء له تلت طرق للاجابه

ايما الاجابه بنص الدعاء ووراً
ايما بمنع مصيبه كادت تقع على صاحب الدعاء
او ادخار الدعاء ليوم القيامه ويكون اكبر الاف المرات مما نتوقع لاننا ببساطه ندعوا الكريم


استمتعت بحديثك المريح والراقى جدا

دمتى فى رضا الله



تحياتى

ندا منير يقول...

للوش
.......
تشبيه جميل الحياة مسرح

فعلا بنتعلم فيها كل حاجة

ندا منير يقول...

محمود(باحث عن حب)
........
اشكرك جدا وفى الحقيقة غيابى دا كان غصب عنى كنت بمر بظروف كتيرة قوى قوى وكنت محتاجة فترة عشان اقدر ارجع تانى اكتب وافتح المدونة وكنت هاخد فترة اكبر من كدة بس فى الحقيقة مقدرتش كلكم وحشتونى وعالم التدوين والكتابة مقدرتش ابعد عنه

بس اهم حاجة لما نصحى ونلاقى نفسنا حد تانى نحاول بسرعة نرجع تانى للحالة اللى كنا عليها عشان مينفعش نسمح لاى حد ولاى ظروف ولاى حاجة تخلينا حد تانى غيرنا احنا

ميرسى لرايك

وهحاول ان شاء الله ان دى تكون اخر مرة اقفل فيها المدونة

ندا منير يقول...

momken
....
سبحان الله ربنا هو اللى غالم الغيب

ممكن انا ادعى بحاجة وافضل ادعى بيها انها تتحقق ولما متتحققش ازعل جدا واكتشف بعد فترة انها لو كانت اتحققت انى كنت هقع فى مشكلة كبيرة جدا

سبحان الله

ربنا مبيعملش ابدا حاجة وحشة للانسان
حتى اللى بيمرض مرض شديد وبيعانى منه او اللى بيعيش مش لاقى ياكل دول لو بصوا لنفسهم يحزنوا قوى
لكن فعلا دول ربنا بيبقى عامل كدة خير ليهم
وشايل ليهم كل حاجة فى اخرتهم او فى وقت قادم من حياتهم ولاولادهم

اشكرك على تعليقك

سندباد يقول...

بسم الله ماشاء الله ربنا يجعله في ميزان حسناتك كلنا فعلا محتاجين لمثل هذه الكلمات احيانا
اللهم رضنا بما ترضي واعطنا القدرة علي التحمل
تقديري واحترامي

ندا منير يقول...

سندباد
.....
اشكرك جدا جدا على الدعوات الجميلة دى

ميرسى

دعاء العطار يقول...

" وعسى أن تكرهوا شيئاً وهو خير لكم "

احنا مانعرفش الخير فين لينا

وفيه حاجات نحسها خير تطلع شر

وحاجات نحسها شر يبقى جواها خير

ربنا بس هو اللى يعلم ايه الشر وايسه الخير

اللهم اختارلنا ولا تخيرنا

دمتى بكلللللل ود

(:

ندا منير يقول...

دعاء العطار
............
الحمدلله على كل حال وربنا دايما يعمل الصالح لينا بيكون فعلا الصالح لينا

شكرا ليكى يا قمر

elsha3er يقول...

ياة المدونة دى ما دخلتهاش من زمان والله ليكى وحشة يا ندا وحماتك بتحبك احنا لسة عاملين جروب على الفيس بيضم المدونين كلهم ياريت تنضمى معانا وتعلنى عن الجروب فى صفحتك عشان المدونين اللى لسة معرفوش اللينك http://www.facebook.com/#!/home.php?sk=group_150308615029590

ندا منير يقول...

elsha3er
........
ههههههههه

بس بلاش حماتك بتحبك دى ونبى

كدة انا حلوة

هههههههههههه

بلاش حموات ربنا يكفينا بلاويهم

تمام هنضم ليكم ان شاء الله

وميرسى جدا ليك

ندا منير يقول...

elsha3er
....
و وكان والله على عينى انى اسيب المدونة كدة مقفولة فترة طويلة

بس ظروف بقى كانت غصب عنى مش عارفة ادخل واكتب

نورت

elsha3er يقول...

انتى نورتى مدونتك والجروب وان شاء الله ترجعى تكتبى زى الاول
صحيح بالله عليكى ابقى سلميلى على نيرة كتير وقوليلها احمد بيسأل عليكى وابقى طمنينى عليها أمانة عشان برده بقالى كتير ما اعرف عنها حاجة

ندا منير يقول...

elsha3er
........
حاضر من عنيا

الله يسلمك وهى الحمدلله تمام

وميرسى والجروب منور بيكم

وبحاول اهو استرجع نفسى تانى واكتب من تانى

Emtiaz Zourob يقول...

اختي ندا ..
كثير الواحد بيدعي ربه في امور ولا تتحقق في الحياة فيحزن .. ولكنه لا يعرف ماذا يخبي الله له في الاخرة ، كل دعوة لم تستجب في الدنيا يقابلها نعيم وسعادة في الاخرة .. ربنا يعدي ايامنا على خير في هذه الدنيا الفانية ويجعل الفردوس الاعلى مثوانا جميعا .. يسعدني المرور والتعليق.

ندا منير يقول...

وجع البنفسج
........
الحمدلله على كل حال

وبالتاكيد ربنا دايما شايل لينا الافضل

الموسوعة الحرة يقول...

تحية طيبة...
عودة ميمونة للتدوين من جديد...سررت كثيرا بزيارة المدونة...

ندا منير يقول...

OPENBOOK
........
شكرا جدا

Unknown يقول...

الاخت الفاضلة ندا
أولا اشكرك علي تشريفك مدونتي
وارجوا استمرار فتح مدونتك بأستمرار لان التواصل مع الاصدقاء شيئ عظيم
تحياتي لك

ندا منير يقول...

ali younes
.........
ميرسى على مرورك عندى

وباذن الله مقفلش المدونة تانى
الا بسس عند ايام الامتحانات

Unknown يقول...


افضل شركة تنظيف منازل بالرياض شركة مكافحة النمل الابيض بالرياض افضل شركة مكافحة النمل الابيض بالرياض شركة تنظيف بالرياض افضل شركة تنظيف بالرياض شركة نقل اثاث بالرياض افضل شركة نقل اثاث بالرياض




Unknown يقول...

شركة كشف تسربات المياه بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة عزل اسطح بالخبر

شركة عزل خزانات بالخبر

شركة نظافة بالخبر

شركة تسليك مجارى بالخبر

شركة مكافحة حشرات بالخبر

شركة رش مبيدات بالخبر

شركة تنظيف شقق بالخبر

شركة تنظيف بالخبر

شركة تنظيف سجاد بالخبر

شركة تنظيف بيارات بالخبر

شركة تنظيف كنب بالخبر

شركة تنظيف بيوت بالخبر

شركة تنظيف مسابح بالخبر

شركة تنظيف مجالس بالخبر

شركة تنظيف موكيت بالخبر

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...