الخميس، 7 أبريل 2011

جوازة ولا جنازة

وحشتونى يا احلى مدونين ،،، معلش انا بنزل مقال كل اسبوعين عشان مضغوطة قوى فى المذاكرة ، وياريت بس كلنا نقرا الفاتحة على روح كل انسان من كل دولة عربية بيموت كل يوم ودعوا ليهم بالمغفرة ، وندعى ليهم ولينا بالصبر وتحقيق النصر ،،،

واحب اقولكم انى الحمدلله جبت امتياز الترم اللى فات ومحتاجة دعواتكم قوى معايا الترم دا

اه وكمان حاجة اخيرة ، انا عندى مشكلة فى المدونة مش عارفة اضيف المدونات اللى بتابعها فمعلش اعذرونى الخدمة دى مش شغالة عندى خالص كل ما اجى اشغلها واضيف فيها مدونة مبترضاش .

............................

جوازة ولا جنازة

.......................

تبقى لسة فى لفتها ويحجزها وهو برده لسة فى لفته.

قدر ونصيب ان يتجمعا ولكن هل هى جوازة ام جنازة ؟


الاقارب فى العائلة الواحدة بعد ان تلد كل ام منهن مولود تجلس كل واحدة مع الاخرى من عائلتها ويتقاسمن المواليد ......


بنت ايمان لابن محمد ، ابن كريم لبنت مريم ، ابن لؤى لبنت مروة ،

وهذا نراه فى نسبة ما من العائلات ، ولكن الاختلاف بينهم فى المراحل العمرية التى يحددوها للارتباط ، منهم من يختار الابتدائية واخرين المرحلة الثانوية واخرين الجامعة ।


وبعد ان يكبر هؤلاء يسمعون من العائلة ...( انت خلاص محجوز يا حبيبى ، لالا لا يا حبيبتى خلاص انا خدتها لابنى ، لالا استنى عندك انا اللى حطيت عينى عليها الاول ) ।


ويجدون انفسهم اصبحوا محاصريين وسط كلام من حولهم ،و يتأقلمون بان هذه هى الحياة وان هذا هو النصيب ، وبعد فترة ما سيتزوج كل طرف من الآخر ، وطوال هذه الفترة لم يفكر اى منهم فى النظر لاخر او لآخرى خارج العائلة لانه يعرف مصيره اذا فعل هذا ।


منهم من يحب الاخر وحياتهم تنجح ، ومنهم من يظن بانه يحب لمجرد الاقاويل التى تربى وسطها وتفشل حياته ، واخرين منهم لا يستطيعون الزواج من الطرف الاخر لعدم وجود قبول او ارتياح وعدم الشعور بانها الزوجة التى كانت فى خياله او الزوج التى كانت تحلم به ، وتتحول حياتهم الى عذوبية مدى الحياة ، ومن هنا تبدأ الامور تأخذ وضع اخر من الحياة ।


فبعادات وتقاليد آباء وامهات يظلمون اولادهم اما طبقا لمقولة ( اللى نعرفه احسن من اللى منعرفوش ) اما ( معندناش حد يتجوز من برة والميراث ميخرجش برة العيلة لحد غريب ) ।


فهم يسيرون على احدى هاتين المقولتين ، ولذلك يجبرون اولادهم على الزواج من نفس العائلة ومن يفعل العكس فيكون مصيره حرمانه من الميراث ومقاطعة العائلة له طوال حياته لمجرد اختياره لمن يحبها ।


فهم لا يفكرون فى ان الحياة الزوجية لابد ان تكون فى الاساس قائمة على القبول ثم الارتياح ولا يفكرون فى ان الحب شئ اساسى ، فلم يشترط ان يكونا الشخصان على خلق كى تنجح حياتهم ، ولكن الحياة الزوجية اكبر من هذا بكثير والقبول فيها شئ اساسى جدا وهو كفيل ان يولد الحب بعد الزواج ।


فيحدث اما طرفان يكتشفا قبل زواجهما انهما لا يصلحا زوجان ويكونا على صواب حينما يقرروا الانفصال ولكن تواجهم صعوبات ويحدث مشاكل وخلافات بين الاسرتين قد تصل احيانا الى مقاطعة الاسرتين لبعضهم ،

اما الخطأ يحدث حينما يستمران فى الزواج ।


اخر يجد مشاعره تذهب لآخرى ويحبها ، ولا يحب من اختارتها له العائلة اما يعلن عصاينه عن العائلة ويتزوج ممن يحب ، اما يتزوجها ولكن قلبه وعقله مع البنت التى احبها ، اما يتزوجها على زوجته ، وفى كلتا الحالتين سيقصر فى حق زوجته الكثير .

آخر بعد الزواج يشعر بان شئ ما ينقصه فى زوجته ، شئ لم يشعر باى سعادة بدونه وهو الحب الحقيقى ، فكثير لا يتمكنون من حب بعضهم البعض بعد الزواج وهذا يقوده الى البحث عن حب بالخارج ، واما يتزوجها على زوجته اما يقضى حياته معها فسح وخروج ، وفى كلتا الحالتين يظلم زوجته معه التى لم يكن لها اى ذنب وهو ايضا يكون معذور ।


اما امراة تخون زوجها بعد الزواج لعدم الارتياح معه وعدم حبه وقبوله ، والاهل يكونون رافضين الطلاق اما يعيش الاثنان كلا منهما خائن للآخر ।


اما آخران يحاولان يتأقلمان على قدرهم ويحاول كلا منهما يبحث عن كيفية سعادة الاخر ، ولكن حياتهم تكون لاجل اولادهم فقط وينقصها السعادة الحقيقية لزوج وزوجته ।


اما آخران يأخذان قرار حاسم ونهائى وهو الطلاق ، وتخسر المراة الكثير من سمعتها بسبب عادات سيئة عند الناس فى افكارهم عن المطلقة ، كما يظلمون اولادهم وكلا منهم سيكون مشتت ولا يعرف مع من سيعيش وهذا يؤثر سلبى على حياتهم ।


هذه بعض الاحتمالات التى قد تحدث فى مثلا هذه الحالات ، ولكن احيانا يشاء القدر ان يحبا الطرفان بعضهم قبل او بعد الزواج ويعيشان حياة سعيدة

ولكن لماذا نترك ابناءنا للقدر السئ ، لماذا بايدينا نظلمهم ونحكم عليهم بحياة تعيسة .

فلنترك كل طرف يختار الاخر الذى يشعر معه بحب وسعادة وقبول وارتياح ، ومن الطبيعى يتدخل الآباء فى الحكم على الشخصية بسبب خبرتهم العالية ولكن ليس من الطبيعى ولا من الدين ان يجبرا اولادهم على الزواج ।


فى ايدينا الكثير كى نجعل اولادنا سعداء فى حياتهم . ولكن بايدينا ندمرهم .

فلعل تختفى هذه الظاهرة .

هناك 33 تعليقًا:

elsha3er يقول...

السلام عليكم خلينى ابتدى حاجة حاجة

اولا موضوعك انا عندى وجهة نظر لا تعبر الا عن رأيى هو دة فعلا بيحصل لكن انا شايفه مش غلط ولا عيب لية لان انا واحد من الناس مؤمن تمام الايمان بجواز الصالونات لان دة برضه بيضطرنى انى استرسل فى ان الناس او الشباب الحب عندنا فى الزمن دة ما هواش حب زى زمان الحب اللى من القلب بقى شئ اساء استخدامه فأصبح له من سؤ السمعه مكانة والاحصائات بتقول ان نسبة نجاح الجواز عن حب ضئيلة جدا بالمقارنة مع جواز الصالونات دة يخلينى ادى تعريف او نظرتى للحب بوجه عام ان الحب ما هواش مجرد أحساس لكن الحب بييجى بالتدريج بالخطوات والمرور على المشكلات لان معظم اللى بسمعهالبنت مثلا تقول انا بحبه عشان بحس معاه بالامان طب ما دة مش مبرر لان الراجل اللى بجد دة الطبيعى بتاعه لازم تحسى بالامان دى مش ميزة والامان مش لازم عضلى انما فكرى كمان والولد يقول انا بحبها عشان برتحلها طب ما دة شئ طبيعى برده يعنى حتاخد واحدة مش بترتحلها لكن جواز الصالونات قائم على التفنيد والاولويات مش عارف دة رأيى لكن كل الاحترام للأراء الاخرى

ثانيا انا حابب انك تشاركينا فى الجروب اكتر

ثالثا احنا دلوقتى بنعمل مجلة الكترونية للمونين على ورد بريس واتمنى انك تكونى معانا واضمنلك مش حياخد وقت كبير منك حاجة بسيطة جدا

اما بالنسبة بقى للرباعية انا قلت كل واحد يفهمها بطريقته

elsha3er يقول...

طولت عليكى معلش انا اسف

Casper يقول...

اعتقد الامر اختلف بشكل أو بآخر عن زمان والمسلسلات العربية الهابطة ^_^ وضحت الجانب ده كويس

فكرة اجبار انسان انه يتجوز من قريبته او العكس لمجرد انهم قرايب او مسألة ورث او ما الى ذلك اعتقد مرفوضة بكل المقاييس

في الاول وفي الاخر الموضوع مش أكلة وهيتاخد وراها كيس فوار :D:D:D

دي حياة وعشرة وانسان هقضي معاه كل عمري فيختار صح من الاول يا اريح نفسي واستنى النصيب

_________

خالص تقديري لفكرك وقلمك
ومعذرة على استخدام العامية في التعليق

تقبلي مروري
Casper

Days and Nights يقول...

الأخت العزيزة / ندا

ضد زواج الأقارب تماما .. والمفروض أن يكون هناك توافق بين الطرفين بنسبة لا تقل عن 70 % قبل الفكير بمسألة الزواج.

شكرا على الطرح .. دمتى سعيدة

أخوك / تامر

ابراهيم رزق يقول...

اولا ربنا يوفقك و تنجحى بتفوق
من الناحية الطبية يحزر الاطباء من زواج الاقارب
يصى ياندا فى الغالب الزواج بعد حب شديد بعد الزواج يهبط فوران الحب و يحل محله العشرة فاذا كان اختيار موفق من الجانبين اشتد عوده و اصبح اكثر تماسكا اما لو اختيار سىء فمصيره الفشل و جروحه صعبة لا تندمل
اما الاختيار الصحيح من وجهة نظرى فهى اولا القبول ثانيا حسن الاختيار بالعقل فاذا احسنا الاختيار ستصبح العشرة مع الوقت اقوى من الحب
تحياتى

Unknown يقول...

السلام عليكم ورحمة الله وبركاته
أسأل الله تعالى أن ييسر لك أمورك وأن يجعلك من الناجحين المتفوقين..آمين

كلمات من نور يقول...

رحم الله الشهداء في كل مكان في بلادنا


صحيح ما تقولينه زيجة أم جنازة

داه نبينا المصطفى لم يقعل هذا ببناته ويحدد أزواجهم منذ الولاده

ندا منير يقول...

elsha3er
.........

وعليكم السلام يا احمد

اولا : انا مش ضد خالص جواز القرايب او الصالونات بالعكس ليهم مميزات كتير
لكن اللى قصدته هنا هو طريقة الجواز بالاجبار يعنى مفيش حد هيتجوز من برة العيلة وتحديد الولد دا للبنت دى بس هو دا كان قصدى لكن مش مختلفة معاك خالص

اختلافى معاك بس فى نقطة انك بتقول ان الجواز اللى بيقوم على حب نسبة نجاحه ضئية جدا مش معاك فى الجملة دى الا فى حالة اذا كان اللى بيحبوا بعض دول مبيحبوش بعض بالمعنى الصحيح ومش فاهمين اصلا يعنى ايه حب
فاكرين ان الحب هو بحبك ومقدرش استغنى عنك والحياة لونها بمبمى معاك ومقدرش اعيش من غيرك واموت من غيرك

لكن اللى بيحب بجد وفاهم يعنى ايه حب دا بيخلى الجواز اسعد بكتير من اللى مش على حب

ثانيا : اعذرنى بجد انى مبدخلش عل فيس بس بجد غصبن عنى الترم دا صعب عليا جدا

ثالثا : اكيد يسعدنى جدا انى ابقى معاكم فى المجلة بس ابقى قولى نظامها ايه معلش عبال بس ما اقدر اتابع معاكم فى الجروب

رابعا : الرباعية انا مفهمتش حاجة منها خالص

ندا منير يقول...

elsha3er
.........
لالا يا احمد مفيش اسف خالص وانت مطولتش ولا حاجة

وبراحتك خالص قول كل اللى فى نفسك

ندا منير يقول...

elsha3er
.........
لالا يا احمد مفيش اسف خالص وانت مطولتش ولا حاجة

وبراحتك خالص قول كل اللى فى نفسك

ندا منير يقول...

Casper
........
بالعكس خاصل العامية احلى بكتير من العربية

وهو الكلام دا اقل جدا ولكنه موجود فعلا فى نسبة كبيرة من اهالى الريف

وفعلا هى مش اكلة وبعدها فوار وشريك الحياة لو فعلا متمش اختياره على اسس صحيحة الواحد بيفضل يعانى بقيت حياته

ميرسى لتعليقك

ندا منير يقول...

Days and Nights
...........
ميرسى يا تامر على رايك

ولو الاتنين فى نسبة 1 % بس حاسين فيها بغلط بتاثر سلبى على الحياة الزوجية بعد كدة

ندا منير يقول...

ابراهيم رزق
...........

تمام هو دا الكلام بجد

معاك جدااااااااااااااااااااا جدا فى الراى

وانا عن نفسى مبداى فى الحياة اهم من الحب هو القبول والاحترام بين الزوجين و التفاهم بينهم ان اشايفة ان دا كفيل جدا بانه يولد بينهم اعظم قصة حب بالاضافة ان الراجل يكون قارى كتاب ربنا وفاهمه صح مش فاهمه بطريقته لا فاهمه صح والست كمان برده نفس الكلام
اعتقد لو الاتينن فاهمين كلام ربنا صح هيعرفوا يراعوا ربنا فى انفسهم صح ودا كفيل انه يولد الحب

طبعا انا نفسى قبل ما اتجوز اعيش قصة حب ولكن الاهم عندى هو وجود قبول فعلا واحترام وتفاهم لان لو دا موجود فيضمن ليا وجود حب بعد الجواز

ولو فى حب بس مفيش الكلام دا بالتاكيد الحياة هتشل بعد كدة

ميرسى على رايك احييك عليه بجد

ندا منير يقول...

ابراهيم رزق
.......
اه وميرسى قوى عل دعوة

يارب تفضل تدعيلى على طول بقى عشان اخلص السنة والنص دى على خير

ندا منير يقول...

محمد الجرايحى
........
وعليكم السلام ورحمة الله وبركاته

اشكرك جدا على الدعوة

نورتنى

ندا منير يقول...

كلمات من نور
.......

الله يرحم ويغفر لجميع موتانا

ياريت فعلا كل واحد يقرا صح سيرة الرسول صلى الله عليه وسلم ويمشى عليها عشان بجد فيها كل حاجة فيها روامنسية وفيها حب وفيها تسامح وفيها تعاطف وفيها حنية
فيها كل حاجة تخلينا نعرف كويس قوى ننتعالم مع اصحابنا مع شريك الحياة مع اولادنا مع اهالينا

ميرسى لتعليقك

غير معرف يقول...

مساء العطر ندا

موضوع في غاية الأهمية بسبب تأثيراته السلبية على المجتمع متمثلة في زيادة حالات الطلاق الناتجة من عملية حجز الأبناء لبعضهم وهم في مرحلة الطفولة متناسين أن الأطفال سيأتي هذا اليوم الذي يتفاجأوا فيه بأنهم متزوجين برسم العائلة دون أي رأي لهم في الموضوع بسبب عادات مقيتة لا أساس لها في الشرع ولا يحكمها منطق أو عقل ونبقى الضحايا دوماً ...

موضوع أكثر من رائع ندا تشكري عليه

تحياتي

الشاعر الفنان أحمد فتحى فؤاد يقول...

ندا

سعدت جدا لزيارتك الكريمة لمدونتي

و اسعدني اكثر مروري هنا

مدونة فعلا رائعة

اولا ربنا يوفقك في امتحاناتك

ثانيا جواز الأقارب. و طبقا للدراسات العلمية غير مستحب و غير امن صحيا للأجيال التالية

و الجواز بطريقة الاختيار المسبق في اغلب حالاته لا يودي الي النجاح

التفاهم و القبول و الارتياح و الحب هم الأساس الحقيقي لحياة كريمة

اتمني دوام التواصل
تحياتي لك

ذو النون المصري يقول...

نتمني لك التوفيق في الاختبارات اخر العام و ان شاء الله النهائي بامتياز

وردة الجنة يقول...

اولا ربنا يوفقك يارب ومبرووووووووووك على الامتياز يا قمر ... ويارب يكون دايما امتياز وتكونى معيدة ودكتورة فى الجامعة

...............

ثانيا : هو فعلا الموضوع ده انتشر اوى بين الاقارب لكن صدقينى النصيب واللى مكتوب للانسان هو اللى بيشوفه مهما كانت تحكمات الاهل او اى حد

( قل لو اجتمعت الانس والجن على ان ينفعوك بشئ لن بنفعوك بشئ الا قد كتبه الله عليك ولو اجتمعوا على ان يضروك بشئ لن يضروك بشئ الا قد كتبه الله عليك .. رفعت الاقلام وجفت الصحف )


لك كل التقدير
وتقبلى مرورى

♥نبع الغرام♥♪≈ يقول...

حبيبتى

وحشتينى كتير كتير
ربنا يرحم يارب شهدائنا جميعآ فى مختلف بقاع الارض

وربنا يوفقك يا حبيبتى بمذاكراتك ويكتب ليكى كل الخير
بالنسبه للموضوع رئى من رئى الشاعر الفنان احمد فتحى

تقبلى مرورى حبيبتى

ايناس
وخلى بالك من نفسك

الاحلام يقول...

كلمات الفرح والابتهاج فى وقت الوضع ووجود الاهل والاقارب تكون كلمات بلا حساب وانا لا اعتقد ان هذا الكلام محسوب علينا فالكلام يكون مليئا بالابتسامات والضحك ليس الا
اما من يعيش على هذا الكلام فقط يعيش على اوهام لان البنت والشاب هم من يختاروا حياتهم
دمتى بكل خير سعيد بوجودى هنا تقبلى تحياتى الاحـــــلام

ندا منير يقول...

ريبال بيهس
...........
مساء النور

ميرسى جدا جدا

ودى فعلا من اسباب حالات الطلاق فى مصر

ندا منير يقول...

الشاعر الفنان أحمد فتحى فؤاد
..............
اشكرك على ذوقك

والقبول والاحترام بين الزوجين كفيل جدا انه يولد اعظم واحلى قصة حب

والحب مش اساسى المه مفعلا القبول والاحترام

ميرسى لتعليقك

ندا منير يقول...

الشاعر الفنان أحمد فتحى فؤاد
...........
وميرسى جدا على دعوتك

وربنا يسمع منك يارب

ندا منير يقول...

ذو النون المصري
..................
اشكرك جدا

ومحتاجة الدعوة دى فعلا على طول

نورتنى

ندا منير يقول...

وردة الجنة
........
الله يكرمك يا قمر الله يابرك فيكى ميرسى جدا جدا

انا معاكى فعلا ان المكتوب هو اللى هنشوفه
بس الىل مكتوب لينا دا احنا مساهمين فيه بتفكيرنا
يعنى انا من وجهة نظرى ان القدر ه وفعلا قدر بس احنا اللى ساهمنا فيه بجزء كبير جدا او مساهمة كاملة
يعنى ربنا كان قبل خلق البشر سبق علمه بان فلان فى الموقف دا هيتصرف بالطريقة دى وبالتالى كتب ان قدره هيكون كذا

يعنى دا فى حد ظنى

شكرا لمرورك يا قمر

ندا منير يقول...

أخبار مصر لحظة بلحظة
.........
ميرسى ليك

شكرا للمرور

ندا منير يقول...

♥نبع الغرام♥♪≈
...............
ميرسى ليكى يا ايناس

ربنا يخليكى يا حبيبتى يارب

وانا اوافقك على رايك طبعا وراى الشاعر احم دفؤاد

ندا منير يقول...

الاحلام
..........
ميرسى لمرورك

بس اختلف معاك فى نقطة
اه احيانا بتكون مجرد فكاهات وضحك وامور بتعدى
او بتكون مجرد رمى كلام عشان يشوفوا رد الفعل ايه بدل ما يحصل حساسيات بين عائلتين

لكن احيانا بيكون فيه نوع من الاجبار

وانا معاك ان الولد والبنت دلوقتى هما اللى بيحدوا حياتهم

لكن انا فى موضوعى هنا كنت اقصد الفئة اللى اهلهم بيجبروهم على الجوزا من العيلة وبيحددوا ليهم كمان الاختيار

Unknown يقول...

شركة الصفرات للتنظيف بالرياض
شركة الصفرات لمكافحة الحشرات بالرياض
شركة الصفرات لنقل الااثاث بالرياض

شركة الصفرات لتنظيف الخزانات
شركة الصفرات لتنظيف الشقق
شركة الصفرات لتنظيف الفلل

Unknown يقول...

شركة الصفرات للتنظيف بالرياض
شركة الصفرات لمكافحة الحشرات بالرياض
شركة الصفرات لنقل الااثاث بالرياض

شركة الصفرات لتنظيف الخزانات
شركة الصفرات لتنظيف الشقق
شركة الصفرات لتنظيف الفلل

Unknown يقول...


افضل شركة تنظيف منازل بالرياض شركة مكافحة النمل الابيض بالرياض افضل شركة مكافحة النمل الابيض بالرياض شركة تنظيف بالرياض افضل شركة تنظيف بالرياض شركة نقل اثاث بالرياض افضل شركة نقل اثاث بالرياض




صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...