الخميس، 18 سبتمبر 2008

مصر والروتين

منذ فترة طويلة من الزمن ونحن نعيش فى نظام روتينى سئ او بمعنى آخر نحن نعيش فى إستفزاز حكومى ، إلى ان تحولت حياتنا إلى حياة روتينية كل شئ فيها روتينى ، ولكنه نظام روتينى سئ للغاية فالحكومة المصرية فرضت وما زالت تفرض على شعبها هذا النظام ، فلا نعرف نتنفس ولا نتكلم والآن نجد أن الطلاب يعانوا من هذا الروتين ، فنظام التعليم سئ والمناهج التعليمية سيئة وغير مجدية على الإطلاق ، وبعد كل هذه المعاناة فلا يتمكنوا من الإلتحاق بالكلية التى يرغبون فى الإلتحاق بها وذلك ليس بسبب ان مجموعهم لا يناسبها ولكن شروطها لا تناسبهم ، والشروط هى اللغات التى درسها الطالب فى الثانوية ، فمعظم الكليات الادبية تكون من اهم شروطها لغة معينة من التى تدرس فى الثانوية وإذا لم يدرسها الطالب فى الثانوية فلا يمكنه الإلتحاق بهذه الكلية بالرغم إنه من الممكن ان يكون مجموع الطالب أعلى من هذه الكلية بكثير ، فهذا هو الروتين الحكومى ، فبعد المجهود الكبير الذى يبذله الطلاب فى الثانوية لا يتمكنوا من الإلتحاق بالكلية الى يتمنوها بسبب الروتين الحكومى ، ومن أمثلة هذه الكليات كلية لغات وترجمة فورية وهى كلية ازهرية وهى الكلية الازهرية الوحيدة التى مسموح لطلاب الثانوية العامة الإلتحاق بها ، وشرط الإلتحاق بها أن يكون الطالب قد درس اللغة الفرنسية فى الثانوية العامة اما إذا كان قد درس اللغة الالمانية فى الثانوية العامة فلا يستطيع الإلتحاق بها بالرغم إنه من الممكن ان يكون مجموعه اكبر من مجموع هذه الكلية ، فهذا هو الروتين والإستفزاز الحكومى على حد القول ، والذى يزيد من إستفزازنا أن الطالب الحاصل على الثانوية من مدرسة ازهرية وليست ثانوية عامة فمن حقه الإلتحاق بكلية لغات وترجمة حتى إذا كان هذا الطالب قد درس لغة المانية ولسيت فرنسية ، فالآن نتسائل لماذا وزارة التربية والتعليم تسمح للطالب الأزهرى الذى درس لغة المانية او فرنسية الإلتحاق بهذه الكلية ولا تسمح لطالب الثانوية العامة الذى درس لغة المانية الإلتحاق بها ؟ ، فلماذا هذا التعقيد ؟ ، وما ذنب طالب الثانوية العامة الذى درس لغة المانية لا يتمكن من الإلتحاق بكلية لغات وترجمة ؟ الى متى سنظل نعيش فى هذا الروتين السئ ؟ إلى متى سنظل نعانى من هذه الاحوال السيئة ؟ ، فنحن الآن لا نستطيع فعل اى شئ سوى مقولة فليصبرنا الله ويعطينا الصبر ، وايضا توجيه رسالة الى وزارة التربية والتعليم لتغير من القرارت التى تتخذها بشأن الإلتحاق بالكليات وان تتخذ القرارت التى تكون فى مصلحة الطلاب وايضا تضع المناهج الدراسية التى تكون فى مصلحة الطلاب وتساعدهم على تكوين عقولهم بطريقة صحيحة وعند إنتهائهم من المرحلة الجامعية تكون لديهم حصيلة من التعليم كافية للعمل فى مجالهم حتى نستطيع تكوين جيل ناضج يمكننا ان نطلق عليه جيل المستقبل على حد القول ، ولعل هذه القرارت تتغير !!!!!! ، ولعل صوتنا يصل إلى وزارة التربية والتعليم !!!!!!!

هناك 38 تعليقًا:

عايش... ولكن !!!! يقول...

يابنتى دى مصر
يعنى انتخه يعنى كل واحد ماشى بمزاجه يعنى وسطه يعنى من الاخر مش هيتصلح حالها الا لما الراس الكبيره تتغير
تفتكرى الناس دى ممكن تعمل اللى بتقولى عليه
معتقدش بصراحه

ندا منير يقول...

انا معاك طبعا
وعارفة انه صعب حد يسمعنى
بس انا ناقشت موضوع اتعرضت ليه
وقلت اطلع اللى فى نفسى
وبحاول انه يكون عندى امل لاخر لحظة فى عمرى واشكرك على تعليقك

elsha3er يقول...

السلام عليكم اولا احب اوضح ان روتين عن روتين يفرق لكن الروتين المصرى دة حاجة تعل وتجيب شلل الكتاكيت بس احنا لازم يبقى عندنا عدامية ايجابية وانتى حولى توصلى الكلام دة تانى وتالت حتى لو متسمعلكيش وجزاكى الله خيرا


احمد الشاعر

كـــيــــــــارا يقول...

عاااااااااااااا

انتي نزلتي البوستات دي امتي انا عندي الريدر مبين اخر بوست من شهر


اما عن البوست
مش عارفه اقولك ايه غير انه عاااااااااااااااادي جدا انك تلاقي ده

مش عارفه اقول ايه بجد

لكي تحياتي ياقطتي

مواطن مصرى نايم يقول...

لا ما هو المشكلة ان فى وزارة مغطيه على شغل وزارة تانية
مع انها اسوء بكتير منها

يعنى اللى انتى بتتكلمى عنه هنا
تبع وزارة التعليم العالى
مش التربيه و التعليم

و وزارة التعليم العالى من اسوء الوزارات على الاطلاق

منذ ان تعين السيد المبجل لا اطال الله بقاءه فى هذا المنصب
السيد هانى هلال
وزير التعليم العالى

على سبيل المثال
شئ بسيط جدا

مصاريف كلية تجارة جامعة اسكندرية
كانت 32 جنية
من ثلاث سنوات

هذا العام وصلت الى 150
يعنى الزيادة خمس اضعاف الاصل

اذا فسد الحاكم فسدت الحاشية

و عندنا الحاكم بسم الله ما شاء الله
يبقى الحاشية اكيد بسم الله ما شاء الله


تحياتى

اسلام

ندا منير يقول...

الشاعر
.........
اشكرك على تشجيعك ليا فى الوقت اللى كل الناس بضيع الامل منى
ومرسى على تعليقك
.............

كيارا
......
مرسى يا قمر
على تعليقك
..........

اسلام
.........

مرسى يا اسلام على مرورك وعلى تعليقك
وهنعمل ايه احنا عايشين فى بلد كلها فساد
بس بنحاول يكون عندنا امل

Unknown يقول...

بصراحة الخط اجهد لى عينى بشكل كبير
لكن موضوعك قوى ومثير للجدل التعليم فى مصر ؟؟
حلو بس دا بيفرض سؤال ؟!
هل هناك تعليم فى مصر وهل هناك حق للطالب فعلا وهل هناك حقوق لهيئة التدريس المبجلة بما يقضى انهم معلمى ومربى اجيال ومنمى فكر ؟؟

دا على التعليم نجى بقى على الادهى اللى هو انتى اتكلمتى فية التسيق وشروط
الالتحاق !! دى كمان مصيبة
والامر بعد التخرج والركنة على الرف
يا ندى مصر محتاجة لاعادة ترتيب وتنظيم وبناء


تحياتى لك ولفكرك


رمضان كريم

Unknown يقول...

اسفة على الاطالة

غير معرف يقول...

السلام عليكم
ازيك يا ندا
بوصى يا بنتى ممكن يكونوا عملوا كدة لان الازهرييين مش ليهم حق فى دخول الكليات بتاعتنا واحنا لينا حق فى اننا ندخل كلية بتاعتهم اصلا
ففى حدود
كل عام وانتى بخير خلاص الدراسة بكرة واكيد الى اختارهولك ربنا احسن
مع تمنياتى بعام دراسى سعيد
نيرة احمد محمود

غير معرف يقول...

اكيد مصر ام الروتين من ام النيل

Hossam يقول...

سلام عليكم
والله عندك حق
بس بالنسبة للتعليم الحمد للله ربنا كرمنى بمنحة دراسية من مدرسة امريكية كندية بريطانية مصرية بس بجد موضعك هداف
تقبلى مرورى
سلام

Moamen Reda يقول...

معلش ياجميل ،، انا قلبي معاك ،،لأني بحب اللغات اساسن !!

ولكن دي مشيئة القدر وممكن تكون في مصلحتك وتكون اعلامية جامدة قووي ،، وتفتكري الايام دي وتفضلي تضحكي ،، مين عارف !!

elsha3er يقول...

صحيح هو فريق العاشر كسب ولا لو كسب لكى قصيدة مدح فيهم هدية لو حبيتى

احمد الشاعر

ندا منير يقول...

نهر الحب
........
طبعا نورتينى ومفيش اطالة ولا اى حاجة
ومن حقك تقولى اللى انتى عايزاه حتى لو كان 10 صفحات
وطبعا لو اتكلمنا عن اللى انتى بتقوليه مش هنخلص
لان مشاكل التعليم كتير قووووووى
ومفيش تعليم اساسا
ومرسى على مرورك
...........


نيرة
....
بصى يا نيرة الموضوع المفروض منبصلهوش بالزاوية دى
لان الثانوى العام مسموحلوا كلية لغات وترجمة انه يدخلها عشان مش موجود زيها فى الجامعات العادية
لكن بالنسبة للازهر مش من حقه يدخل كلية من عند الثانوى العام عشان كل كلياته هى هى كلياتنا فليه بقى يدخل كلية الثانوى العام
بس
ومرسى يا قمر على مرورك
...........

ندا منير يقول...

خلى الدماغ صاحى
......
ممممممممم
اكيد مصر طبعا زى ما انت قلت ام الروتين
مرسى على مرورك
.......

fluent
..........
مرسى قوى على مرورك وعلى كلامك الجميل دا
وانا الحمدلله حمدت ربنا على كدة ومبسوطة دلوقتى جدا
وبدات احس ان ربنا معوضنيش فى الكلية بس عوضنى بحاجات تانية كتير قوى
.............

الشاعر
....
انا نسيت اكتب باقى الاخبار
عن الدورة الرمضانية
هى عندى على الكمبيوتر بس منزلتهاش فى المدونة
المهم هو اتصعد اخيرا للدور النهائى وكان الدور النهائى يوم السبت اللى فات
بس مكسبناش فيه
بس خدنا المركز التانى
وطبعا اتقبل الشعر دا واشكرك جدا جدا على اهتمامك ومرسى على مرورك
.........

ندا منير يقول...

حسام
.....
مرسى قوى يا حسام على متابعتك للمدونة
وعلى مرورك
وال الف الف مبروك على المنحة دى مع انها اعتقد جاية متاخر شوية منى
وربنا يوفقك دايما للاحسن
واشكرك على تعليقك

لؤلؤة الاسلام يقول...

حبيبتى ندى منير

ما شاء الله مدونة رااااااائعة
و بوست مميز
جزاكم الله خيرا

و كل عام و انتم بخير

رمضان
كريم

و تقبلى تحيااااااااااااتى
مروررررررررررى

خالد كامل يقول...

يعنى لو صوتك وصل لوزارة التربية و التعليم هيعملوا حاجة يعنى ؟؟
على فكرة انا كل يوم بتأكد ان احنا نظام تعليمنا ده فاااااااااااااااااااشل

هقولك على مثال صغير

انا بكلم واحد على النت
سافر من هنا و هو معاه دبلوم

راح أمريكا و خد كورس ست شهور تقريباً

و دلوقت هو شغال فى بنك فى وظيفة بياخد فيها 2000 دولار و أكتر كمان

و أهو كان معاه دبلوم .. يعنى هنا الدبلوم ده مايساويش حاجة .. ممكن يشتغل بيه صبى قهوجى ولا حاجة

ندا منير يقول...

خديجة
.......
اشكرك جدا يا خديجة
ومرسى على مرورك
........

مهيج الجماهير
........
كلام صح يا خالد
بس لازم نحاول مرة واتنين وعشرة
عشان دا حقنا
واهو نعمل اللى عندنا وخلاص
ومرسى قوى على مرورك وتعليقك
...........

SHAPE YOUR LIFE (ABOALI) يقول...

لو سئلنا ممكن نعرف يمكن فى سبب معين
وان لم يكن هناك سبب
يبقى السبب فينا
اى واحد راسم طريقه صح بيسئل عن طريقة ماشى ازاى
يعنى لو هو محدد انه يروح لغات
يبقى يسئل من الاول علشان يوفر المجهود
دلوقتى يا صديقتى وقت التفكير البعيد شويه
علشان نقلل من فرص الاحتمالات

وربنا يوفق ولما كلنا نفكر كده
اكيد فرج ربنا قادم و الاستعانة بالله على الظلم كلها مكاسب وتوفيق


تحياتى

ندا منير يقول...

كلام صح جدا
بس اللى عايزة اقولهولك انى سالت فعلا
والكل قالى ينفع
والكل دول مش ناس عادية دول الادارة بتاعة الازهر
يعنى انا سالتهم والله كذا مرة ينفع ادخل قالوا اه ولانى كمان مجموعى اعلى منها ب 7 %
وكمان سالت السكرترية وشئون الادارة والكل قالى ينفع
وبعد ما روحت قدمت ودفعت الفلوس وخدت الملف وكله وبعد شوية لاقتهم بيقولوا الالمانى مش هيدخل
فدا مش غلط منى لانى سالت كتير قوى
ومرسى على تعليقك

SHAPE YOUR LIFE (ABOALI) يقول...

بصى يا ندا
احنا ساعات لما نسئل بنسئل على الوش
يعنى التفاصيل لازم تذكريها لمن تسئليه
علشان تاخدى اجابة شافيه ومريحة ومطمئنه
هو ده الاسلوب اللى ماشى
يعنى كونى مثل السى ان ان
تعرفى ادق التفاصيل


ولا تحزنى
لعل فى القادم الخير الكثير
وانا حاسسس بكده
تحياتى

شموسة يقول...

(( ربما منعك ليعطيك ))

انا معاكي طبعا ان الروتين المصري ممل وكمان خطة التعليم سيئه للغاية سواء في وزارة التربية والتعليم او وزارة التعليم العالي، بس انا عايزاكي تبصي للي حصل معاكي ده من إتجاه تانى ..

أكيد ربنا منعك عشان يعطيكي شئ أفضل ،،
ربنا سبحانه وتعالي بيقول في كتابه العزيز ( وعسي أن تكرهوا شيئاً وهو خير لكم وعسي أن تحبوا شيئاً وهو شر لكم والله يعلم وأنتم لا تعـلمُون) صدق الله العظيم..

في النهايه:
تقبلي مرورى بكل الود غاليتى

شموسة

مـجـنـووون يقول...

نظام التعليم في مصر عايز يتفرمت

كل واحد بيدخل الكلية إلي مش عيزها ، وكل واحد عبقري بيدفن بالحياه

الطلاب بجد متبهدلين ، والأهالي الله يكون في عونهم

والمناهج التعليميه تافهة

تقبل جنوووني
مجنووون

arsenalwy يقول...

بعتذرلك ندا على تأخرى فى الرد عليكى معلش كنت مشغول أوى الفترة اللى فاتت وألف ألف شكر على أهتمامك وموافاتى بتفاصيل الجمعية وأجتماعها

ومنتظر منك التقرير بتاع الجمعية

علشان بفكر جديا فى الأنضمام ليكوا

مع السلامة

ندا منير يقول...

ابو على
......
على فكرة انا سالت فى التفاصيل كتير قوى
وخصوصا انى سالت اننا المانى ينفع ادخل ولا لاة كله قال اه
وقلتلك انى سالت الادارة وشؤن الطلبة والسكرتارية كلهم قالوا اه
وبعدين مش دا الموضوع اللى عايزة اوصله
انا عايزة اوصل ان دا غباء من وزراة التربية والتعليم انهم يسمحوا للازهرى الالمانى والايطالى انه يدخل لكن الثانوى العام الامانى لاة
دا اللى بتكلم فيه
وحتى لو مكنتش سالت كويس عن التفاصيل دى برده دا حقى طالما ان مجموعى ومجموع لغاتى اعلى منها بس ياريت تفهمنى بقى المرة دى
..................

شموسة
.....
مرسى قوى على تعليقك الجميل قوى دا
ومرسى على مرورك
نورتينى
والحمدلله على كل حال وطبعا رضيت باللى ربنا كاتبه من زمان قوى
.............


مجنووووووون
....
اهلا بيك ونورت المدونة وطبعا انا بحترم الحاميين جدا جدا جدا
ومرسى قوى على تعليقك
بس ليه مسمى نفسك الاسم دا
ياريت تبقى تقولى
.................


محمد
.....
نورت يا محمد
وحمدلله على سلامتك
وربنا يكون فى عونك
بجد دراستك والتدريب اكيد واخدين كل وقتك
وكنت عايزة اعرف بس ابعتلك التقرير ازاى
او فين
.......

غير معرف يقول...

السلام عليكم
ازييك يا نودا؟:)
انا بضم صوتى لصوتك يا ندى لأن مش من الزكاء ان نفرق الطلبه عن بعضهم بسواء كان ازهرى ولا ثانويه عامه لأن بهذه الطريقه هتتولد لدى الطلبه معاملات سيئه مع بعضهم البعض ونظره التميز أحيانا لاتفيد بل تضرر
لو هيتحججوا باللغه يبقى يشيلوا اللغه الألمانيه ويعمموها فرنسيه
ماهو العين بالعين والسن بالسن والبادى أظلم ههههههههه
ومش تزعلى نفسك يا قمر

وربنا يوفقك فى كليتك الحاليه
وابقى اتصلى ههههه
سلام يا جمييييييييييل
أختك فى الله:منة الله

ندا منير يقول...

انا معاكى يا منة
بس مين بقى يسمع لينا

وسورى انى مش بتصل بس الفترة اللى فاتت الجمعية كانت واخدة كل وقتى
والدراسة بدات اهو
بس صدقينى هكلمك
هههههههههه
بس امتى بقى الله اعلم
!!!!
عشان مقولش وبعدين تقولى ايه انى مش قد كلمتى
ههههههههههه

الدفاع يقول...

ده مش روتين يا ندا ده فساد وسوء اداره ويمكن يكون كمان افساد بقصد وانا معاكى فى كل كلامك وعاجبنى قوى اصرارك وانك عندك امل ربنا يوفقنا جمعيا
تحياتى

ندا منير يقول...

الدفاع
.....
اولا بشكرك جدا على مرورك عندى
وثانيا اشكرك على تعليقك الجميل دا
وطبعا هو روتين وفساد وكل شئ حوالينا فساد وروتين سئ
بس لازم يكون عندنا امل ان دا ممكن يتغير
لان لازم يتغير
واكيد هيتغير بس بعد فترة طويلة
وان اواثقة من كدة

elsha3er يقول...

اية مش قربنا نشوف حاجة جديدة ولا

احمد الشاعر

Abdallah Hosni يقول...

ياجماعة خلى ردودنا ايجابية ندا طرحت المشكلة اكيد مش كلنا نواسيها ده حال مصر وكلنا عارفينه ايه بقى المفروض نعمله ده الحل

اكيد مش بايدينا اوى الحل لكن ادينا بنعمل اى حاجة تفيد بلدنا

مـجـنـووون يقول...

والله الناس مربوطه في ساقيه ومطحونه

روتين معمول علشان الناس متفكرش في أي حاجه غير ( الأكل - الشرب - الفلوس - المدرسة ) يعني من الأخر خليكم في همكم وسبولنا البلد دي أحنا حنعمل فيها إلي عيزينه

وبالنسبة لموضوع الدراسه فبجد أفشل نظام تعليم في العالي في مصر ، وكل ما يمسك وزير جديد تلاقي قرارات جديدة وحورات جديدة أمال حيبقي وزير أزاي من غير قرارات جديدة

وطبعاً الطالب هو إلي طالع عينه وعين أهله وفي أخر مش بيدخل الكلية إلي عيزها

يعني أتخيلي أن واحد شاطر جدا في الأحياء وبيحبها موت وتلاقيها بقي مدرس جغرافيا أو تاريخ

حاجه تقهر

أنا بقولك كده علشان أيام الثانوية العامله كان طالع نظام جديد ، أنا كنت وأخد في تانيه ثانوي ( أحياء وكيمياء . ورياضه وأحد ) يعني بقيت علمي
طلع نظام جديد قالك أنك ممكن تخدي مواد أدبية وتبقي أدبي

فقولت مجموعي مش حيدخلني كليات القمة يبقي أشوف حاجه تانيه سهله فحولت النظام ده

تصدقي وتأمني بالله أنا لحد دلوقتي مش عارف أنا علمي وألا أدبي

هو أنا أتجننت من شويه

انا ماشي سلام
مجنووون

ندا منير يقول...

الشاعر
........
والله زى ما قلتلك فى مدونتك
ان الجمعية كانت الفترة اللى فاتت واخدة كل وقتى
وانهاردة او بكرة هنزل بوست جديد
نورت ومرسى على اهتمامك
...........

عبدلله
.........
مرسى ليك قوى يا عبدلله
ومرسى على مررورك
..........

مجنون
.....
هههههههههههه
معلش هو التعليم جنن الكل
بس انا لحقت نفسى
ههههههههه
مرسى قوى على تعليقك
............

semsem يقول...

كلامك فى محله
والمدونة جميلة اوي
تستحق المتابعة
وبخصوص البوست انا مش عارف اقول ايه
بس متهئ ليه هو ده اللي ماشي والعادي اليومين دول
ربنا يصبرنا على ما بلانا
حسام

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف بها المسار

ندا منير يقول...

سمسم
.....
مرسى قوى يا حسام
ربنا يخليك على تعليقك الجميل دا
ومرسى اوى على مرورك
وطبعا زى ما انت قلت ان دا الطبيعى يعنى الروتين هو الشئ الطبيعى فى مصر

ندا منير يقول...

beram elmasry
...........
مرسى قوى على مرورك
واكيد طبعا هزور مدونتك لانى بحب الشعر العاامى مووووووووت

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...