الخميس، 25 سبتمبر 2008

تحقيق (( كشف الاسرار وسقوط القناع ))

قبل ما اتكلم عن التحقيق دا احب اقولكم ان الفريق القومى للعاشر من رمضان فريق النساجون الشرقيون صعد للدور النهائى ولكن لم يتم الفوز فى الدور النهائى ولكنه حصل على المركز الثانى فى الدورة الرمضانية العاشرة واخذ المركز الثانى لانه فاز وصعد للدور النهائى .


..................


ودا بقى التحقيق وياريت تقولولى رايكم بصراحة عشان دا اول تحقيق اعمله بنظام التحقيق الصح


................


عندما يرتكب شخص ما جريمة فنجده يرتدى قناع يخفى خلفه حقيقته ، ولكن يأتى يوم ويسقط هذا القناع وعند سقوطه نرى خلفه الغش والكذب والخداع والنصب ، وهذه الكلمات لم نستغرب من سماعها لأن أذاننا إعتادت على سماعهما ، والآن نرى أن هذا واضحا وبشكل كبير فى فئة من المجتمع المصرى ، وهى الفئة التى تدعى الفقر ولكنها فى الحقيقة فئة ليست فقيرة بل تكون فئة غنية ، ونجد الآن أن هذا الكلام فيه نوع من الغموض فلهذا نجد أن السؤال يطرح نفسه ، فماذا نقصد بهذا الكلام ؟ وماذا يعنى وجود فئة فى المجتمع المصرى تدعى الفقر وتقبل على نفسها هذا وهى لا تحتاج إلى الأموال ؟ ، فيمكننا ان نقول أن هؤلاء الناس يدعون الفقر ونجدهم يعيشون فى منازل غير صالحة إطلاقا للمعيشة فيها ، وأحيانا نجد اربعة أو خمسة أسر يعيشون معا فى منزل واحد ، ويقسموا المنزل إلى غرف على عددهم ، وكل أسرة منهم تعيش فى غرفة واحدة ، والمناطق التى يعيشون فيها عشوائية جدا تضم اللصوص والمتسولين وقطاعى الطرق ، وهذه المناطق تكون فى جميع محافظات جمهورية مصر العربية ، وكل هذا حتى يقنعوا الناس إنهم بالفعل فقراء ويحتاجون للمساعدة ، وأيضا نجد ان هؤلاء الناس يخرجون فى الشوارع ويتسولون ممن يمر أمامهم ، ويقنعوا الناس إنهم فقراء وراتبهم الشهرى لا يزيد مثلا عن الثلثمائة أو الربعمائة جنيها ويعولون اسرة بأكملها ويوجد أشخاص مريضة بهذه الأسرة ويحتاجون للعلاج ويريدون ان يعلموا اولادهم فى المدارس والجامعات وهم لا يستطيعون تحمل هذا ، ثم يبداون فى البكاء حتى يقتنع الناس تماما بهذا ، ثم يتفق الناس معهم بإنهم سوف يساعدونهم براتب شهرى إما بمساعدات فى المناسبات ، ولكن فى حقيقة الأمر يكون هؤلاء الناس من الطبقة الغنية أو المتوسطة ، واحيانا نجدهم اصحاب املاك وعقارات ومحلات وراتبهم الشهرى يكون مرتفع ، ولا يوجد أى شخص مريض بالأسرة ، ولهذا نصفهم بأنهم لديهم قدرة خارقة على إقناع الناس بأنهم فقراء ، ومع كل هذا نجد أن بعض الناس يغفل عنهم وجود مثل هذه الفئة فى المجتمع المصرى ، ولهذا فقد كونا فريق ونزلنا الشوارع المصرية وذهبنا الى المناطق العشوائية ، وتعايشنا مع سكان تلك المناطق واجرينا البحوث إلى ان اوضحت النتائج صدق هذا الكلام ، وأن هذه الفئة توجد بالفعل فى المجتمع المصرى ، وليست كل منطقة عشوائية نصفها بهذا ، ولكننا نقول أن هذه الفئة تعيش غالبا فى المناطق العشوائية ، وكان هذا نوع من انواع التسول ، ونوع من أنواع الفئات التى تعيش بالمجتمع المصرى .
...............................
واليكم الآن صور لنماذج من البيوت التى يعيش فيها هؤلاء الفئة من الناس ، وهذه الصور تم اخذها من شوارع مصرية لاشخاص يسكنوا فيها ويدعوا الفقر ، وإليكم الآن ان تتخيلو شكل هذه البيوت من الداخل اذا كان هذا شكلها من الخارج وكل هذا ليقنعوا الناس بانهم فقراء وليحصلوا على اكبر عدد من المساعدات .................
...........................
كان فى صور هنا صورتها من الشوارع اللى عملت عليها التحقيق بس للاسف الصور مش راضية تنزل بقالى يومين بحاول انزلها مش راضية بس هحاول تانى
..............
وكان رأى احمد محمود محمد ، 20 سنة ، طالب فى كلية هندسة ميكانيكا فى المعهد التكنولوجى بمدينة العاشر من رمضان ، فى هذه الفئة من الناس إنه ياكد هذا الكلام ويقول انها موجودة بالفعل فى مجتمعنا وسبق له التعامل مع هؤلاء الناس على انهم فقراء وكان يساعدهم كثيرا ثم اكتشف حقيقة كذبهم ، ويقول إنه توصل لهذا عندما بدأ يلاحظ عليهم تصرفات غريبة ، فعندما كان يذهب إليهم كانوا يأخذوه ويذهبوا الى مكان بعيد عن جيرانهم حتى لا يظهر كذبهم ، وطول فترة تعامله معهم لم يقولوا له المكان الاصلى الذين يعيشون فيه ، وكلامهم بدا يشعر فيه بحيرة شديدة وكانوا يحاولوا إقناعه إنهم فقراء بطريقة غريبة جدا وبعد كل هذا ذهب وسال عنهم جيدا وتاكد انهم يكذبوا عليه ، ثم قال ان السبب الذى يدفعهم الى فعل هذا فربما يكون بسبب مرض نفسى والشعور بالنقص ، إما لإنهم يصفون بالطمع ويريدوا ان يزودوا اموالهم ، إما لانهم يريدوا ان يأمنوا مستقبلهم ومستقبل اولادهم ، ويقول ان هؤلاء الناس يستخدموا التسول كنوع من الإستثمار ، واخير قال إنه من الممكن ان نقضى على هذه الظاهرة عن طريق ان الاشخاص الاغنياء يتولوا امر الاشخاص الفقراء وذلك عن طريق مؤسسة تتولى هذا الامر وتتولى جمع التبرعات وذلك بعد التاكد ان هؤلاء الناس فقراء فعلا ويحتاجون المساعدة .
.....................................................................
أما آية على جابر ، 19 سنة ، طالبة فى كلية علوم بيولوجى جامعة الزقازيق ، فايضا سبق لها التعامل مع هذه الفئة وذلك عن طريق عمل ابحاث عليهم للتاكد انهم فقراء وبعد عمل الابحاث تاكدت انهم ليسوا فقراء وقد اتضح لها هذا عن طريق كلامهم معها فكلامهم كله كان متناقض مع بعضه البعض وايضا سالت عنهم ، وترى ان السبب الذى يدفعهم لهذا هو شعورهم بالنقص ، وذلك عندما ينظروا لمن حولهم فيريدوا الحصول على اى شئ حتى يزودوا مستواهم المادى واخيرا قالت انه من الممكن القضاء على هذه الظاهرة عن طريق عمل بحث للتاكيد ان هذه الحالة تحتاج فعلا للمساعدة عن طريق التاكد من جيرانهم .
..................................
وعمرو زكريا احمد طالب فى اولى كلية هندسة جامعة عين شمس يقول ان هؤلاء الناس يظهر كذبهم من كثرة البكاء حين التحدث مع الناس ومع كثرة البكاء والاستمرار فى الحديث يقولون الحق وهم غير مدركين ، ويقول انهم يفعلون هذا لعدة اسباب اهمها الخوف من الاحتياج فى يوم من الايام بسبب الحالة المادية الغير مستقرة ، ويقول ايضا اننا لا نمكن القضاء على هذه الظاهرة ........................
اما شيماء سليمان عامر ، 20 سنة طالبة فى رابعة كلية صحافة واعلام جامعة الازهر
ان هؤلاء الناس يظهر عليهم كذبهم من طريقة كلامهم ومن هيئة المنزل من الداخل ، وتقول انهم يفعلون هذا بسبب الطمع ، واخيرا قالت اننا لا يمكن انى نقضى على هذه الظاهرة لانها لا تمثل مشكلة لنا او بمعنى آخر لا يشتكى شخص ما من هذه المشكلة .
.....................
واخيرا منيرة ايمن الرفاعى 16 سنة طالبة فى تانية ثانوى فى معهد فتيات العاشر الثانوى تقول انها تعرضت لهذا الموقف وتاكدت من كذب كلامهم بعد التحدث مع جيرانهم ، وتقول انهم يفعلوا هذا بسبب الطمع وخوفا من الحسد ، ولا تعتقد انه يوجد اقتراح للقضاء على هذه الظاهرة .
.......................
وكان راى المتخصص فى هذا الموضوع الدكتورة ، أستاذة الصحة النفسية ، وتقول إنهم يفعلون هذا بسبب الشعور الزائف الناتج عن شعورهم بالإحتياج وهى تعتبرهم شخصيات غير سوية ومبرراتهم غير سوية ، وذلك لأنهم يدعون الفقر ، وتقول ليس كل من يطلب المساعدة فقير او محتاج ، ولكنهم يدعون الإحتياج واحيانا يلجأون الى اوراق رسمية لإثبات انهم فقراء ولسلب حق ليس من حقهم ، وأخيرا قالت إننا يمكن القضاء عليها عن طريق دور الجمعيات الخيرية فى كل مكان وهذه الجمعيات عليها ان تقوم بالآتى :
اولا : تحرى الدقة عن هذه الحالات عن طريق فريق ينزل الشوارع المصرية دون تحديد معاد مع الناس ويتاكد من صحة او كذب كلامهم .
ثانيا : يجلسوا معهم فى ندوات ويعطوهم توعية ويحركوا الجانب الانسانى الخفى لديهم كى لا يدعون الفقر مرة آخرى وعدم سلب حق ليس من حقهم .
ثالثا : توفير طاقة هؤلاء الأفراد وتوظيفها فى اى عمل بدلا من التسول والفقر الذي يدعونه .
....................................
وبعد ما اخذنا الآراء وراى المتخصص فنجد أن هذه الفئة يمكن القضاء عليها بس بعد مجهود مننا وهى مسألة تحتاج الى ضمير ، وللاسف الآن نجد ان الضمير أصبح شئ معدوم فلهذا نتوقع أن هذه الفئة ستزداد مع مرور الايام وسيزداد معها النصب والتسول ولهذا فندعو الله ان يضع الضمير فى قلوب هؤلا الناس لعلهم يبعدوا عن النصب والتسول ويرضوا بما قسمه الله لهم ، ولعل هذا يتحقق ؟؟؟
.......................






هناك 41 تعليقًا:

Beram ElMasry يقول...

ابنتى ، ندا سمير
مليون شكر على الزيارة والنقد ، بسى لو قلت ماهى هذه الكلمات لكملت الفائدة ، واصلحتها او بحثت عن البديل
شكرا لك ولا تحرميننى معاودة الزيارة والتعليق

غير معرف يقول...

السلام عليكم
كان نفسى اكون اول تعليق بس مش مشكلة
يارب يا ندا بجد الضمير يصحى من تانى والفئة دى من الناس تقل
مش بس التظاهر
لأه دة كمان فى ناس فى الثلاثينات او حتى الاربعينات مش بيفكروا اصلا غير فى الموضوع دة طب انت لية متحاولش انك تتغير بنفسك
امام كل الماركتس الى فى العاشر واكيد فى كل حتة تدخلى الصبح قبل الجامعة مثلا بتجيبى حاجة تخرجى تلاقيهم ويطلبوا منك فلوس وكمان بعد الظهر وانتى بتجيبى حاجة للبيت تلاقيهم بردو هما هما لسة قاعدين
وكمان فى الفئة القادرة الزاعمة عدم القدرة فدى انا الحمدلله عارفة انهم موجودين بس لسة مقابلتهومش وبردو اعتقد ان دة فعلا خوف من الفقر فى يوم من الايام او املين فى تحسين مستوى معيشتهم
بس خلاص
سلام يا ندا
ربنا يكرمك
نيرة احمد محمود

ندا منير يقول...

beram elmasry
.........
مرسى على مرورك
وانا قلتلك على الكلمات فى مدونتك
...........

نيرة
........
ازيك يا قمر
ياريت فعلا يا نيرة الضمير يصحى
ومسيرك تقابلى ناس زى دول
وعشان كدة لو بطلعى ذكاة متديهاش لاى حد الا لما تتاكدى انه فقير بجد
ومرسى يا حبيبتى على تعليقك

Moamen Reda يقول...

علي فكرة معاكي حق في ناس بتتدعي الفقر وبتكون معاها اخر موبايل ،، وبيزنس كمان ههههههههه.

علي فكرة البوابين بتوع العمارات والفيلل ...انا شوفت فيهم بلاوي...فعلن ذي فيلم البيه البواب.واسوأ كمان.

ندا منير يقول...

flunt
........
مرسى قوى على تعليقك
وطبعا فى ناس بجد بتبان انها فقيرة جدا
وتطلع اصلا غنية جدا
وزى ما انت قلت فعلا بالخصوص البوابين
دول فعلا بيطلع فيهم البلاوى كلها

Beram ElMasry يقول...

ابنتى الذكية والمشاغبة جدا نودى الكريمة
تعالى ياستنا نشوف طلباتك
1- الم تسمعى كحيلة فى اغنية ( كحيل العين – الكحل ربانى – الكحل من بابل )
2- ( ضربو الاعور ) كلمة متداولة اجمعيها لو سمحتى
3- فلان جار على ارض فلان اذا اخذ من ارض جاره مساحة صغيرة وهى فى الريف اشهر
4- البغبغة والبكبكة الصوت الغير واضح ونحتتها العامة من صوت الببغاء
5- كلمة شين ربما ترد فى شعرى مستفبلا كلمة عامية وفصيحة
كده اوكى ولا ايه ، ارجو ان لاتحرمى مدونتى الزيارة والتعليق

ندا منير يقول...

مش عارفة اقولك ايه
بس من وجهة نظرى ان الكلمات دى مش عامية
وانت ادرى طبعا
وكلامى دا من وجهة نظرى فقط
وشايفة ان الكلمات دى مش عامية

elsha3er يقول...

موضوع 10على10 لسة كنت بتكلم فيه مع عابرة بس عندك حق الطبقة دى فعلا موجودة حتى فى الاسكندرية واتعملت معاهم بس والله انتى الموضوع دة تمام اوى بس اللى ناقص الصور حاولى تنزليها

احمد الشاعر

ندا منير يقول...

الشاعر
........
مرسى جدا جدا جدا
وكويس انى لاقيت تاييد فى كلامى لحد دلوقتى
وبالنسبة لموضوع الصور
المشكلة عندى
عشان الصور حجمها كبير قوى
اكبر من 8 ميجا وعشان انزل اى صورة لازم تكون اقل من 8 ميجا
فلازم اصغرهم وكدة وهحاول والله اصغرهم او اعمل اى حاجة عشان انزلهم
وهما صور عادية صور بيوت او عشش
تبين الحالة مش اكتر

Abd-Alrahman يقول...

ندا
حبيت بس اجي قبل الزحمة واقولك كل سنة وانتي طيبة
وعيد سعيد

وعلي فكرة كل كلامك في التحقيق صحيحة

تحياتي علي المجهود بتاعك الكبير

دومتي
بس مش الجبنة
لالالالالالالا

دمتي بخير

ندا منير يقول...

عبد الرحمن
...........
مرسى قوى يا عبدالرحمن
وكل سنة وانت طيب
ومسرى على مرورك

وخليها دومتى احسن مهى جبنة بقى
عهههههههههههههههههههه

صالح سعيد يقول...

السلام عليكم
ازيك يا ندا
تحقيقك ده فكرنى بموضوع كانت الدستور عاملاه فى شغل دماغك
بس بجد موضوعك حلو
ومجهود تشكرى عليه
تمنياتى لكى بمزيد من التوفيق

عالم ماريونت يقول...

كل سنة وانتي طيبة يا ندا
ويارب تحققي كل اللي تتمنية
رنا

ندا منير يقول...

صالح سعيد
.........
يااااااااااااااااااا
حمدلله على سلامتك
ايه الغيبة دى كلها
ومرسى قوى على اهتمامك بقراءة التحقيق
بجد نورت المدونة
وفكرتنى باستاذ ابراهيم عيسى
بجد مضايقة قوى والله
حرام الحكم دا
وبعدين هو يعنى الاقتصاد المصرى اللى كان مستنى خبر الاستاذ ابراهيم عشان يدمر
وكاتبين فى الجرنان انه خلى مصر تخصر حوالى 88 نقطة فى البورصة
واصلا دلوقتى البورصة خصرانة فى حدود 5 الاف نقطة
يعنى هو ملوش زنب فى اى حاجة
يارب الاستشكال يتقبل
وياخد شهرين مع ايقاف التنفيذ

ندا منير يقول...

يويمات نائمة فى الارياف
............
كل سنة وانتى طيبة يا قمر
واشكرك على دعوتك
ربنا يخليكى يارب

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

كـــيــــــــارا يقول...

ميه ميه ياقمر

انا عارفه اني مقصره معاكي بس والله بوستاتك مش بتظهر علي الريدر مش عارفه ليييييه

-------

البوست بصراحه زي ماقلتي محتاج ضمير لكن الضمير مغمي عليه نعمل ايه


*********

كل سنه وانتي طيبه ياقمر

عيد سعيد عليكي

احمد على نصار يقول...

هايل ياندا : ياعكروته انتي لسه صغننه وبتعملي تحقيق مايعملوش محترف آمال لما تكبري حاتعملي ايه : شوفي في مصر عاده الناس ماشيه علي المثل بتاع داري علي شمعتك تقيد ولو رجعتي لأرشيف اخبار اليوم من عشر سنين حتقري عن المتسول اللي لاقو معاه ٢ مليون جنية وياريت تراجعي فيلم الموظفون في الأرض

Beram ElMasry يقول...

ابنتى العزيزة . ندا منير
اسعد الله صباح الجميع والسلام عليكم
لو عاوزين نعدى الكبوة ، لازم نشبك الايادى
شكرا للزيارة وربنا يهون الطوابير
عاودوا الزيارة وكل عام وانتم بخير

مـجـنـووون يقول...

والله عندك حق

دلوقتي إلي بيبقي معاه فلوس مش بيقول ، ولو جاتله الفرصه أنه يأخد معاش أو فلوس زياده بيخده علي طول

رغم أن في ناس تانيه أحق بالفلس دي منه

دا عيب مش في الشعب عيب في الحكومة علشان مش بتوزع الثروات بين المحتاجين

تقبلي مروري
مجنووون

romansy يقول...

كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات

ندا منير يقول...

نهر الحب
.....
كل سنة وانتى طيبة
يا قمر
ومرسى على مرورك

ندا منير يقول...

كيارا
........
لا يا قمر
مقصرة ايه بس
ولا تشغلى بالك خالص

ههههههههههههههههه
كل سنة وانتى طيبة يا جميل
وطبعا الموضوع زى محتاج لضمير
بس هو فين

!!!!!!!!!

ندا منير يقول...

احمد على نصار
.........
مرسى قوى على كلامك الجميل دا
كتير عليا قوى بجد
ربنا يخليك يارب

وكل سنة وانت طيب

وطبعا المثال بتاعك حى جدا والناس كلها ماشية بيه دلوقتى
وياما بنكتشف ان الفقرا اللى بيخدوا غلوس مننا اغنى مننا
هههههههههههههههههه
اه بجد
فى كتير كدة

ندا منير يقول...

beram elmasry
.......
مرسى قوى زيارتك ليا
وكل سنة وانت طيب

ندا منير يقول...

مجنون
.........
انا مش معاك انك بتقول ان دا مش عيب فى الشعب
هو عيب وتقصير من الحكومة
بس برضه من الشعب
لان الشعب كله بينصب على كله
وكله بيستغل كله
ولو كل واحد اتعامل بضميره اكيد مش هيبقى فى غش ولا خداع
يعنى مثلا عندك التجار واصحاب الافران واصحاب المحلات وغيرهم
كل دول بينصبوا على الناس وبيعلوا الاسعار اضعاف اضعاف اصلها
ودا لان الناس بقت استغلالية جدا
والكل بقى بينصب على كله

يعنى مش كل حاجة هنحلمها على الحكومة لوحدها

وارجو تقبل كلامى

وكل سنة وانت طيب
ومرسى على مرورك

ندا منير يقول...

romansy
...........
كل سنة وانت طيب
اشكرك على مرورك

موناليزا يقول...

كل سنة وانتى طيبة ياجميلة ويارب يكون عيد سعيد علينا جميعا

رئيس التحرير يقول...

تحياتي ..أسجل اعجابي واحترامي للمجهود الجبار الذي قمتي به في التحقيق الي عملتيه ...وهذه الظاهره واحده من الاف الظواهر الفاسده..وقد تمرين علي ( فساد قلوب العباد ..)ستجدين معالجات كثيره لهذه الظواهر اسبابها وخطرها علي المجتمع ...تحياتي

Abdallah Hosni يقول...

كـــــــــــ عام وانتم الى الله اقرب ـــــــــــــــــــل

عيد سعيد.... :) (:


ربنا يتقبل منا الصيام والقيام وصالح الاعمال ويرزقنا حسن الختام

واحد من البلد دى يقول...

السلام عليكم
إن سبقتنى فأنتى الكريمة إبنة الكرام

و إن سبقتكى فلأنكى تستحقين الإحترام

نحن لا نرسل لمن يعيشون معنا

ولكن نرسل لمن لا نستطيع العيش بدون تواصلهم و صداقتهم

أتمنى و أدعو الله عز وجل أن يجعل أيامكى سعادة و صمتكى عبادة و خاتمتكى شهادة و يؤتيكى الحسنى و زيادة

كم أفتقدكى أختاه و جميع من أتواصل معهم فى ظل صداقة قوية و إحترام متبادل
ولكن و الحق يقال أننى لم أستطع أن أستمتع بالعيد و فرحته..
لأسباب ذكرتها فى قصيدتى الجديدة..

أتمنى أن تقرئيها

كل عام و أنتى بكل خير

elsha3er يقول...

السلام عليكم كل عام وانتى بخير
وعايز اشوف الجديد

احمد الشاعر

Hossam يقول...

سلام عليكم
وحشتينى جدا
الضميررررر عجبى
مقدرش اقول غير كده
عيد سعيد

ندا منير يقول...

موناليزا
.......
وانتى طيبة يا قمر
ربنا يخليكى

ندا منير يقول...

عبدلله حسنى
....
مرسى ليك قوى يا عبدلله
وكل سنة وانت طيب

ندا منير يقول...

رئيس التحرير
........
اشكرك على كلماتك الرائعة دى
ربنا يكرمك يارب

ندا منير يقول...

واحد من البلد دى
.........
مرسى على كلماتك دى
وعلى تعليقك
وعلى مرورك
وكل سنة وانت طيب
وان شاء الله هقرا قصيدتك

ندا منير يقول...

الشاعر
.........
وانت طيب
وان شاء الله هنزل الجديد
انا بس بدى فرصة للموضوع ياخد وقته عشان اعرف راى الناس فى اللى كتباه

ندا منير يقول...

حساااااااام
........
ازيك يا حسام
مرسى قوى على مرورك
وكل سنة وانت طيب
ومرسى على تعليقك

غير معرف يقول...

أبدأ كلامى بتحية الإسلام والسلام عليكم ورحمة الله وبركاته
وأول حاجة عاوزة أقولها ربنا يكتر من أمثالك يا ندى والمقصود هى عزيمتك القوة الى بتخلى كل أمل او حاجة نفسك فيها تتحقق ويارب كل الى تتمنيه فعلا يتحقق وقتها هنضمن ان البلد هتكون بخير على طووووووووووول
والضمير بأه الى بتتكلمى عنه الله يرحمه الفاتحه على روحه بس مش تخافى الحمدلله نسله مش أنتهى لأن لسه ليه أبناء بس هم قليلين شويه بس فى أمل انهم يتكاثروا ويكونوا ضمائر كتييييييييره ترجع مصر زى ماكانت وأحسن وساعتها نقول كلنا بصوت عالى مصر هو أمى بس دلوقتى اى فى الوقت الحالى صعب ....
ياريت يكون المقصود من كلامى وصل
وكتر خيرك يا نودا على الموضوعات الجميله الى بتكتبيها بتخلى الواحد يقول بصوت عالى لسه الدنيا بخير
وسلام يا جميل ...أشوفك عن قريب
أختك فى الله:منةالله

ندا منير يقول...

منة
.........
ميرسى ليكى يا قمر
على دخولك ومتابعتك
وفرحانة ان الموضوع عجبك

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...