الخميس، 13 نوفمبر 2008

ياريت تعذرونى

الاول انا بتاسف ليكم انى مقدرتش ادخل الاسبوع اللى فات لانى كنت مشغولة جدا
لكن الاسبوع دا
مخنوقة جدا
ومش قادرة اعمل اى حاجة ومش عارفة افكر ولا عارفة اخد قرار وعليا ضغط كبير قوى فى الشغل يمكن لما الناس اللى براسلها عرفت انى جادة جدا فى الصحافة وانى نفسى اوصل لمركز كويس فانتهزت الفرصة بس برده مش كل الناس
فبيطلبوا منى حاجات فوق طاقتى وفوق قدراتى ومش بيراعوا انى لسة فى اولى وحاجات مش مسموحلى عشان سنى انى اعملها
يعنى ابسط حاجة امبارح كنت بعمل تحقيق وصورت و اتبهدلت فى التحيقيق دا وكنت هضرب وفى ناس اتلمت عليا وظابط لمحنى وجالى وكانت شغلانة
بجد مش عارفة اعمل ايه
استمر ولا لاة
هو كل اللى يهمنى فى حياتى ان دا ميجيش على حساب دراستى والحمدلله لحد دلوقتى انا كويسة فى الدراسة لكن بالاسلوب دا وبكتر الشغل اللى بيطلب منى
حاسة انه هيجى على دراستى
مش عارفة ابعد عن شغل الصحافة دلوقتى
ولا لاة
بس انا مقدرش ابعد دلوقتى
ولا بعد كدة
فعلا مش عارفة اعمل ايه
مطلوب منى دلوقتى شغل صعب جدا ولما هينزل باسمى ممكن يعملى مصيبة والمفروض اسلم الشغل دا الاسبوع الجاى
مش عارفة اعمل ايه
اعمل الشغل دا
ولا لاة
ومش عارفة هل هقدر اتحمل المشاكل اللى ممكن تحصلى بسببه ولو معملتهوش يبقى كدة انا بديهم فى الجرنان صورة غلط عنى
لانى لسة داخلة فى الجرنان ودا هيبقى اول حاجة هتنزل
يعنى لازم اعمله
عشان استمر فى الجرنان
بجد مش عارفة اوصل لحل

وغير كدة ورايا شغل عملى كتير مطلوب منى فى الكلية ، وبرده بنظم حاليا مع مجموعة من الناس اسرة هنعملها فى العاشر عشان هنضمها للجمعية فبرده هى شغلانى جدا لاننا عايزين نجهز كل حاجة قبل نصف السنة عشان نشاطها هيبدا ان شاء الله فى نصف السنة فمشغولة قوى
والمفروض كنت انزل التحقيق اللى عملته وان شاء الله هنزله
بس عشان لسة مكتبتهوش على الكمبيوتر فان شاء الله اول ما هدخل المدونة تانى هنزله عشان انتم عارفين بحب اخد رايكم فى اللى بكتبه
ومعلش انا دوشتكم بس حبيت اوضح سبب انى مش هقدر ادخل المدونة شوية لحد ما هعرف انا هعمل ايه بالظبط
وبجد انا اسفة جدا
ونفسى ادخل مدوناتكم اشوف اخر مواضيعكم
بس فعلا مش قادرة
لانى مش عارفة اركز فى حاجة خالص
لكن مش هتاخر عليكم اسبوع اتنين بالكتير قوى
وهتلاقونى تانى معاكم
بس ادعولى


هناك 43 تعليقًا:

Moamen Reda يقول...

التحدي ماهو الا اكبر دليل علي اثبات ذاتنا ......

الحية مغامرة جريئة ،، ربنا معاك

،،واصنعي لك اسم في هذا العالم .

elsha3er يقول...

ندا منير

انا اسف جدا على تأخيرى

بصى انا شايف انك تعملى الشغل دة وتنزلية وما تخافيش من حاجة طالما ان مذاكرتك تمام يبقى خلاص كملى وما تبعديش

تحياتى وابقى طمنينى عليكى

سلام


احمد الشاعر

arsenalwy يقول...

ندا

أزيك وحشتنى كتاباتك ومدونتك بجد أسف جدا على تأخيرى اللى وصل تقريبا لشهرين بس ظروف والله وربنا يكرمك على أفادتى بنشاطات الجمعية

عايز أقولك حاجه سيرى على بركة الله وخليها على الله لو أنتى مقتنعه بالتحقيق اللى عملاه نزليه ولا يهمك وأحنا معاكى متقلقيش من أى حاجه

وربنا يقويكى فى كليتك وفى الجمعيه أنتى أجدع منى بكتير أنا نفسى أنضم لجمعية وأفيد وأستفيد بس للأسف لسه ماأقدمتش عالخطوه دى

فمتخليش حاجه تضعفك ولا تهزك

تحياتى

غير معرف يقول...

ندا
وحشااااااااااااااااااااااانى اوى
هموت واشوفك بجد
الكمبيوتر لسة متصلح قريب عشان كدة اسفة بجد مكنتش بتابعك
ومعلش هتأخر تانى عشان الامتحانات
ادعيلى يا بوسى
اوكى بااااااااااااااااااااااااااااى
مووووووووووووووووووووا
مواووووووووواااااااووووووا

Hossam يقول...

اقرى اسم مدونتك وهتلاقى الرد فيها
بس لو على حساب دراستك يبقى دراستك اولا
وحشتينى جدا
انا بس كنت جاى ابلغك باخر score ليا
سلام صديقتى

إنسان يقول...

هاى يا ندا
ربنا معاكى
اول زيارة من مدونتى
اتنى التواصل

elsha3er يقول...

ما زلنا ننتظرك يا ندا وربنا يقويكى

يارب وابقى طمنينا عليكى من وقت لتانى

ربنا يوفقك

تحياتى



احمد الشاعر

غير معرف يقول...

ندا احبارك ايه ربنا معاكي

اعمللي الصح ياندا

اعمللي اللي يرضي ربنا

وتأكدي ان لو سبتي الصحافة علشان خاطر ايمانك بالله ربنا بيعوض

لكن خوف من عباد الله يبقي خلاص مش مستاهلة

مواطن مصرى نايم يقول...

ندا
===
و الله يا ندا انا حاسس ان ربنا حيوفقك و الله و حتبقى صحفية كبيرة بجد
ربنا يكرمك
و احنا مستنينك و يا رب يبعد عنك المشاكل ان شاء الله

مـجـنـووون يقول...

حمدالله علي السلامه


أعملي بس الحاجه إلي مقتنعه بيكي ،، ويا ريت تراعي شعور اهلك واختواك قبل كل حاجه

تقبلي مروري
مجنووون

semsem يقول...

فى البداية ميرسي على زيارتك لاحد مدوناتي اللي بقالي فترة مش بكتب فيها وعلى تركك تعليق جميل ذيك
ثانيا انا عاوز اقولك حاجة غريبة اوي
مش عارف حاسس اني سمعت اسم ندى منير ده كتير جدا واني اعرفك وعارف المدونة بتاعتك ودايما بشوفها مع ان دي اول زيارة ليه هنا
مش عارف ايه الاحساس ده
بس حابب اقولك حاجة بخصوص البوست اللي انتي كتباه
ارجوكي قرري اللي انتي شيفاه صح
بالنسبة ليه انا وجهة نظري انك لازم تخاطري فى البداية حتى لو غلطتي مش مشكلة
المهم انك فى النهاية تقدري تجمعي بعد فترة داتا كتير تعملي منها شخصية ندى منير اللي هتكمل بيها بقية حياتها

الازهرى يقول...

العزيزة ندا

اعيش ما يشبه مشكلتك هذه الايام
وادعوك الى ان تجلسى لدقائق مع نفسك لتحديد الاولويات مما سيترتب عليه ايقاف بعض الانشطة او تأجيلها الى موعد اخر تكونين متفرغة فيه
واقول انه لا شىء فى العالم لا يمكن تداركه اذا امتلكنا الاصرار والعزم اللازمين

تحياتى ودعواتى

Beram ElMasry يقول...

ابنتى . ندا منير
السلام عليكم ورحمة الله وبركاته اجمل التهانى بمناسبة عيد الاضحى المبارك اعاده الله عليكم وجميع الاهل بالخير والبركة ، وجعلنا واياكم من الملبين فى العام القادم
والسلام عليكم ورحمة الله

الازهرى يقول...

كل سنة وانت والاسرة الكريمة بخير

semsem يقول...

كل سنة وانتي طيبة

غير معرف يقول...

كل سنة وانتي طيبة

Hossam يقول...

صديقتى
كنت اامل على ان اجد موضوع جديد لكى
واتمنى ان اخر موضوع لكى لم يوثر على شخصيتك كمدونة انا شخصيا انتظر منها كل موضوع جديد لانى اقدرك كانسانة ومدونة تندرج تحت اسم محترمة
عيد سعيد عليكى
سلام

العراف يقول...

فعلا انا راى من راى فلوانت التحدى ما هو الا دليل على اثبات الذات والحياه مغامره ولاكن مش كلها حلو قوى الموضوع ربنا يوفقك

YaQeeN يقول...

والله يا ندى امشى فى الموضوع واعملى اللى عهليكى وسيبيها لله..

انتى بتقولى ان ده اول تعامل معاكى مع الجرنال..فطبعا لازم ياخدوا انطباع كويس عنك..

تعالى على نفسك شويه واعملى الشغل اللى طالبينه منك الاسبوع ده..
واعملى لنفسك جدول وحاولى توفقى مابين دراستك وشغلك ياندى ان شاء الله ربنا معاكى ويقويكى..

لكن نصيحه كمان ليكى متحاوليش تنهكى نفسك على حساب دراستك وحياتك وصحتك..

تعاملى واعملى بالمعقول..وكل حاجه بالمعقول كويسه مش وحشه..

اسفه يا ندى انى مزرتكيش بقالى فتره..كنت مشغوله شويه فى شغل الكليه..


توكلى على الله وعاوزه اسمع عنك كل خير..

بالحق انا اضفت ايميلك..اوك؟

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا
م/ الحسيني لزومي
مدونة /مواطنون ضد الشعب

خالد كامل يقول...

ازيك يا ندا
كل سنة و انتى طيبة رغم انها متأخرة شوية بس انتى عارفة الظروف

بصى
انا قولتلك من الأول انك انسانة موهوبة و اللى أكتر من كدة بتعجبنى دماغك قوى
و واثق جداً انك قد الكلام ده كله و تقدرى تعدى كل ده علشان توصلى للى فى دماغك
بس أهم حاجة متجيش على حساب دراستك

يللا سلام

مختار الجندى يقول...

ندا لم نتعود منك التوقف ، فاستمرى كما تعودنا من تدويناتك ولا تيأسى وتخيبى توقعاتنا فيكى بأن تتميزى فى عملك

Unknown يقول...

ربنا يعينك كمان أنا في آداب إعلام بس مش عين شمس لأ المنصورة وف سنة تانية وبتدرب أنا كمان صحيح والله الصحافة تعب بس متعة ربنا يعينك ويقويكي
متشوفيلي حد من الي بتشتغلي معاه ده يشغلني معاه بدل ما أنا يوم آه وعشرة لأ
أبقى ممنون لك أوي
مودتي

ندا منير يقول...

fluent
..........
اشكرك على ردك وعلى تشجيعك
واكيد التحدى مطلوب
لكن احيانا بنضطر نقف فى حتة معينة بنبقى مش عارفين نعمل ايه

ندا منير يقول...

الشاعر
..........
انا كمان بعتذر على تاخير الرد
وبشكرك جدا جدا
على نصيحتك الجميلة

ندا منير يقول...

arsenalwy
..........
حمدلله على السلامة يا محمد
هو لما انا اغيب انت تيجى
ولما انت تغيب انا اجى
وميرسى قوى على كلامك

وان شاء الله مفيش حاجة ابدا ممكن تهزنى
وربنا يستر


وعلى فكرة الجمعية خدت شكل تانى خالص
ووهتبقى احسن بكتير
لان النظام الجديد هيخليها احسن
ولو عايز تنضم لينا
فتنور فى اى وقت
وبالنسبة لانك مش من ابناء العاشر
فهتبقى عضو شرف بس عادى ممكن تنضم للجمية لان دا نظام الجمعية الجديد
وبرده هستنى ردك

ندا منير يقول...

غير معرف
.........
وانتى كمان وحشانى موت
وربنا معاكى يارب

ندا منير يقول...

hossam
.........
ميرسى على النصيحة يا حسام
وبرده زى ما قلت لفلينت
ان ساعات مبتقدرش انك تتحدى اللى قدامك او تتحدى نفسك

ندا منير يقول...

era
......
ميرسى ليكى يا نيرة على الزيارة

ندا منير يقول...

afew good men
.................
اه انا الحمدلله بقي اى حاجة بتحصلى بقول الحمدلله عليها وببقى عارفة انها الخير ليا
وربنا يستر

ميرسى على نصيحتك

ندا منير يقول...

مواطن مصرى نايم
....................

مش عارفة اشكرك ازاى يا اسلام على كلامك الجميل دا
وربنا يسمع منك

وميرسى على تشجيعك

ندا منير يقول...

مجنون
.........

ميرسى على النصيحة
واكيد طبعا لازم اراعى شعورهم
بس صعب برده يبقى هما مقتنعين باللى بعمله

ندا منير يقول...

semsem
.......
ايوة انت دخلت عندى مرة قبل كدة

واشكرك على نصيحتك
وطبعا الواحد لازم يغامر
بس فى مغامرة منقدرش اننا نخاطر ونعملها

ندا منير يقول...

الازهرى
..........
منا بعدت الفترة دى عشان اقدر اقرر صح
وميرسى قوى كلامك جميل جدا

ندا منير يقول...

سمسم
....
وانت طيب

ندا منير يقول...

afew good men
..............
وانت طيب

ندا منير يقول...

beram elmasry
..........
ميرسى قوى قوى
وانت طيب

ندا منير يقول...

hossam
.........
ميرسى قوى على كلامك الحلو دا
وانت طيب

ندا منير يقول...

العراف
.........
شكرا على النصيحة

ندا منير يقول...

ميادة
.....

ميرسى ليكى قوى
يا ميادة

واشكرك على نصيحتك

وحمدلله على السلامة

ندا منير يقول...

مهيج الجماهير
.....
يااااااااا
ازيك يا خالد
حمدلله على السلامة
ميرسى ليك قوى وميرسى لكلامك

ندا منير يقول...

مختار الجندى
.............

لالا ان شاء الله توقعاتكم مش هتخيب ابدا
وميرسى ليك

ندا منير يقول...

كاتب مصرى
.........
والله هو انت فى اداب اعلام
صدفة جميلة جدا
انا برده فاكرة انى قرات ليك موضوع وقلت فيه انك مرة تشتغل فى صحافة ومرة تشتغل فى دعاية

وبالنسبة للى بكلمهم ففى واحد هو بيرحب باى حد وممكن تراسله
وعادى ادخل عندى فى المدونة
وانزل عند المدونات اللى مسجلاها انزل فى اخر مدونة
هتلاقى مدونة صحفى اسمه ماجد ابراهيم
وهو غير مدونته بس ممكن تاخد الاميل منها
وتكلمه وتبقى تاخد منه لينك المدونة الجديد

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...