الخميس، 25 ديسمبر 2008

بسطاء يحاربون البطالة

بجد وحشتونى جدا جدا جدا وكنت مفتقداكم جدا وبعتذر على المدة الطويلة دى بس كان لظروف كتيرة قوى
وحشتنى مواضيعكم وان شاء الله هدخل المدونات كلها واقرا الجديد فيها
وميرسى قوى على تشجيعكم ليا
بسطاء يحاربون البطالة
.................
كثيرا ما نظلم ونظلم ؛ فكثيرا ما تظلمنا الحكومة وكثيرا ما نظلمها ، ومع ذلك فنجد ان هناك شئ مشترك نكون فيه فى موقف الظالمين والمظلومين ، فالبطالة التى يعيش فيها عدد كبير من الشعب المصرى مسئول عنها الحكومة والشعب نفسه ، فدائما يلقى الشعب اللوم على الحكومة وحدها دون النظر الى جميع الاسباب التى تؤدى الى البطالة ، فنجد ان عدد سكان مصر يزيد عن السبعين مليون فكيف توفر الحكومة وظائف لهذا الكم المهول ؟؟؟
واغلب الذين يريدون وظائف يريدونها فى مجال تخصصهم فكيف يحدث هذا ؟
فهنا نجد ان الشعب المصرى يصر حتى الآن على عدم تنظيم الاسرة وانجاب عدد كبير من الاطفال وهذا يؤدى الى عدم توافر وظائف لجميع خريجى الجامعات فى تخصصهم ومع هذا نجد ان اول ما يفعله الشعب المصرى هو ذم الحكومة دون النظر الى جميع الاسباب او دون المحاولة الى حل هذه المشكلة بالعمل فى اى وظيفة كبائع مثلا فهذا الظلم الذى قد يكون واقع على الحكومة ، اما ظلم الحكومة لنا هو عدم ترك البائعة الجائرين يبحثون عن وظيفة للمعيشة فدائما شرطة البلدية تهاجمهم فهذا ظلم كبير لهم لان هذا سيترتب عليه زيادة الفقر والبطالة وحدوث سرقات والموت جوعا ، ولهذا نجد ان مشكلة البطالة اسبابها متفرعة ربما يكون من اسبابها زيادة عدد السكان ، رغبة خريجى الجامعات العمل فى مجالهم فقط ، بعض الاشخاص يستحيون من العمل فى الوظائف البسيطة كبائع مثلا ، وربما توجد اسباب اخرى .

وكان راى محمد عبدلله 40 سنة بائع لكروت الشحن ولتحويل رصيد و يحضر عدة موبايلات ليتحدث الطلاب فيهم ، ان الحكومة ليست مسئولة عن كل شئ ، والوظيفة التى يعمل بها الان لم تكن وظيفته الاساسية ولحدوث اصابة له فى عمله حيث كان يعمل فى المعمار فلجأ لهذه الوظيفة وبذل مجهود فى البداية الى ان تمكن من تحديد مكان للوقف فيه ويقول ان هذه الوظيفة تمكنه من ان يكفى مصاريف معيشته وانها وظيفة للحد من البطالة واضاف اخيرا ان اى شاب يسعى للبحث عن عمل فسيحصل على اى وظيفة تكفى مصاريفه وهذا يحتاج فقط صبر .













اما راى نجاح محمد على 35 سنة بائعة فطائر عند بعض محطات المترو تقول ان وظيفتها هذه وظيفة للحد من البطالة وافضل من التسول ولكنها تبحث عن وظيفة اخرى لان هذه الوظيفة لم تمكنها من ان تكفى مصاريف معيشتها .

اما راى سامح علاء عمرو 23 سنة بائع ادوات واقلام وكتب وكراسات مدرسية عند احد محطات المترو ويقول انه لم يجد وظيفة افضل من هذه لانه يستطيع ان يكفى مصاريف معيشتها منها ويتبقى منها جزء من المال وانه لم يحصل على هذه المبلغ من اى وظيفة اخرى ويقول انها وسيلة للحد من البطالة واخيرا قال انه لم يبحث عن وظيفة اخرى .













واخيرا كريم محمد على 25 سنة بائع اكسسوارات ونظارات شمس وغيره فى احدى محطات المترو يقول يقول ان هذه الوظيفة افضل من الوظيفة فى مجاله وانها تكفى مصاريفه وانها وسيلة للحد من البطالة ولكن بشرط ان شرطة البلدية يتركوهم فى حالهم وانه لم يبحث عن اى وظيفة اخرى



اما راى الدكتور ابراهيم نصار اليمانى استاذ الاقتصاد المساعد بكلية التجارة جامعة عين شمس ، ان هناك بالفعل بطالة فى مصر وان معدلات البطالة مرتفعة بالقياس الى وضعها فى الكثير من الدول كما توجد بطالة مقنعة فى القطاع الحكومى والزراعى ، ويقول ان اسباب البطالة ترجع الى سياسة التعليم وسياسات التوظيف والسياسة السكانية ففى التعليم يتم التركيز على الجانب النظرى واهمال الجانب العملى مما ادى الى وجود بطالة بين خريجى الجامعة وفى التوظيف توسعت الحكومة سابقا فى تشغيل العديد من الافراد دون الحاجة لهم وظهرت البطالة المقنعة كما يقول ان الزيادة الكبيرة فى معدلات المواليد ادت الى وجود زيادة كبيرة فى البطالة ، ويرى ان الشعب المصرى شعب مستهلك جدا وهناك مظاهر كبيرة جدا فى الاسراف الاستهلاكى وتظهر فى المناسبات المختلفة وذلك بعكس الدول المتقدمة وبهذا نجد ان معدلات الادخار ضعيفة واقل من معدلات الاستثمار وبالتالى تاخر عملية التنمية ، ويقول ان الشخص الذى يعانى من البطالة عليه ان يبحث على اى عمل ، واخيرا يرى انه يمكن القضاء على البطالة عن طريق زيادة التوظيف والاستثمار وتشجيع الشباب على ممارسة العمل الحر والقيام بالمشروعات الصغيرة.

واخيرا نطلب من الحكومة المصرية ان يضعوا حل لمطاردة شرطة البلدية للبائعة الجائرين وان يتركوهم يعملوا مقابل مثلا تاجير المكان اللذين يعملون فيه بمبلغ قليل من المال
.

هناك 65 تعليقًا:

arsenalwy يقول...

الله الله عالتحقيقات

فينك يابنتى؟؟؟

والله وحشانى ووحشانى بوستاتك

هقرى واجيلك

arsenalwy يقول...

والله الناس دى الواحد بيحترمها انها بتجيب لقمتها بتعبها مش بتستنى حسنة من حد

بس ايه الجمال ده هو غيابك بيعمل كده الصراحة تحقيق رائع واكيد تعبتى كتير فيه

طمنينى على اخر اخبارك واخبار الشغل والجمعية؟؟؟؟

ندا منير يقول...

انا تمام قوى
وميرسى على كلامك الجميل دا

والجمعية تمام
وانا رديت عليك فى التعليق اللى فات
زى ما قلتلك الجمعيى هتاخد وضع تانى خالص
ولو عايز تيجى كل فترة مفيش مشكلة ولو عايز تنضم فبرده مفيش مشكلة
هى هتبقى لابناء العاشر
بس الرئيس بتاعها قال لو حد من برة العاشر عايز ينضم
ممكن عادى بس هيبقى اسمه عضو شرف
بس هتبقى كانك عضو عادى معانا
وان شاء الله فى شباب هيدوا كورسات
فلو عايز تدى اى كورس فى اى حاجة عادى برده
وهيبقى مرة فى الشهر
يعنى ممكن تبقى تيجى الجمعية مرة فى الشهر
شوف كدة ورد عليا
واميلى عندك ممكن تبقى تسبلى رسالة عليه

arsenalwy يقول...

ندا

سورى مخدتش بالى من التعليق فى البوست اللى فات

تمام بس انتى زى ما عارفه انا من السويس فعايزك تتاكديلى فى فرع عندنا هنا علشان انا سمعت انه فى فاتكديلى

وانتى قولتى فلو عايز تدى اى كورس فى اى حاجة فهتبقى امتى ومواضيعها ايه

وايه اخبار اداب عين شمى واخبار شغلك؟؟

وطمنيمنى هتغيبى تانى ولا؟

الازهرى يقول...

الصحفية النشطة ندى
وحشتينا جدا

موضوع جميل للغاية للرجوع
اتفق معك فى الموضوع على العموم واعتقد اننى فى مدونتى اناقش حاليا نفس المشكلة
كما اتفق مع الدكتور منصار فى رأيه حوا البطالة المقنعة وهى اخطر من البطالة الواضحة

تحياتى دوما

blue-wave يقول...

والله وحشتينا
ووحشتنا موضوعاتك الجامدة
والتحقيق دا بالذات تحفه بجد
حمدالله على السلامه

ندا منير يقول...

arsenalwy
...........
طب هتاكد من اللى بتقوله دا وهرد عليك

وبالنسبة للكورسات ففى شباب هيدوا كورسات مجانى
فى هيدى اسعافات اولية وقوافل طبية فى انجليزى فى المانى فى كمبيوتر فى تركى فى محاسبة عربى وانجليزى وفى تنمية بشرية
وفى فصول محو امية للاطفال
ومتابعة اطفال الابتدائى فى المذاكرة
فلو عايز تدى حاجة من دى
شوف ايه اللى يسناسبك
وممكن تديها مرة واحدة فى الشهر
وهيكون معاك ناس بتدى نفس الحاجة
او لو عندك
فرصة انك تدى فى تخصصك
انت هندسة بترول
شوف مثلا لو فى حاجة فى تخصصك
انا مفهمش

وطبعا هى مسافة كبيرة وسفر بس زى ما قلتلك هتبقى مرة فى الشهر
ولو فى فرع فى السويس فمش هيبقى بنفس الشغل دا
او ممكن يبقى بنفسه انا معرفش
وبرده هبقى ارد عليك
وانت رد عليا
تقدر تدى ايه

ندا منير يقول...

اه الكلية تمام
بس شغلى مش تمام قوى
فى شوية لخبطة وكدة

وهحاول ادخل تانى قبل الامتحانات
ولو مخلتش هرجع فى اخر 1 بعد ما اخلص

ندا منير يقول...

الازهرى
........
ربنا يخليك قوى
على كلامك الجميل دا
وكويس انك تتفق معايا فى الراى

ندا منير يقول...

blu_wave
.......
ميرسى قوى يا دكتور

والله يسلمك

بجد مبسوطة بتعليقك دا

رئيس التحرير يقول...

السلام عليكم ورحمه الله وبركاته
حمدا لله علي سلامتك...
وعلي الله تكون عوده طيبه ...والله يا ندا يا بنتي كل ما افتح اشوف انت نزلتي حاجه جديده ولا لأ..واقول ربنا يرجعها بالسلامه ...أكيد الامتحانات هي الي حرمتنا منك ربنا يوفقك...انا دخلت اسلم الاول ..واروح اقرأ الموضوع سلام مؤقت ...

ندا منير يقول...

رئيس التحرير
................
اشكرك جدا على اهتمامك دا
والدراسة شغلانى جدا

ومستنية اعرف رايك فى التحقيق

رئيس التحرير يقول...

السلام عليكم ورحمه الله وبركاته
------ أعمل نفسي رئيس تحرير بجد...
ايه دا يا استاذه ...الكلام دا ما ينفعش الحكومه مسئوله عن كل حاجه من أ....الي ي ...ما بعرفش امثل ...طبعا شيئ سخيف ان نلقي بكل اعبائنا علي الحكومه ...وتبقي هي الشماعه الي نعلق عليها عجزنا ...وحقيقي لا نحن محكومين كويسين ولا هي حكومه زينه...كلنا مقصرين .وبالنسبه للبطاله...الشباب كسلان ومش عايز يشتغل ويقول مافيش شغل
الي عايز يشتغل ما بيقولش الشغل دا عيب ...انا عن نفسي بشتغل حاجات كتير ومش لاقي حد يشتغل معايا ...لاني بشتغل في مجال صعب شويه (الزراعه)لكن بدونه لا يمكن نلاقي ناكل ...ومن غير شغل نبقي من غير قيمه ...لكن هنلاقي شغل لو انتظرنا دا من الحكومه لا اظن!!!

romansy يقول...

عزيزتى

فينك الفتره الكبيره دى
يارب تكونى بخير
المشكله بس محتاجه لتنظيم من الحكومه للشباب اكيد فيه فرص كبيره للتجاره واتجاره دايما مربحه
بس تبقى بقى الحكومه تنظم مكان للباعه علشان يحافظوا على المظهر العام اللى بيقولوا عليه

arsenalwy يقول...

ندى

انا اللى افهم فيه الاقتصاد والبورصة والبترول وعلاقتة بالقتصاد والازنة العالمية

بس هما اكيد عندكوا جايبين ناس جامدة علشان الكورسات دى

ندا منير يقول...

رئيس التحرير
...........
بجد بشكرك قوى على رايك وفرحانة انك بتايدنى فى رايى
وربنا يقويك

ندا منير يقول...

romansy
...........
معلش بقى والله كان غصبن عنى كان عندى ضغط فى الكلية
وشغل للجرايد
وحاجات تانية
وبجد كانت المدونة وحشانى وكلكم كنت واحشنى
وطبعا الموضوع محتاج تنظيم
وان شاء الله هقدم طلب لعضو مجلس الشعب اللى عندنا فى العاشر ويناقش الموضوع دا فى مجلس الشعب
يعنى ممككن شرطة البلدية تاجر للناس دى المكان اللى بيقفوا فيه
وبكدة الحكومة هتكسب ومش هتخصر حاجة
والناس دى هتكسب وهتعرف تعيش
اشكرك على ردك

ندا منير يقول...

arsenalwy
...........
لالالالا
خالص مين قالك كدة
اللى هيدى الكورسات دى شباب
لسة بيدرسوا
بس كل واحد فى تخصصه
يعنى اللى هيدى المانى فى السن المانى
والللى هتدى تركى فى اداب لغات شرقية قسم تركى
واللى هيدى تنمية بشرية واخد كورسات تنمية بشرية
واللى هيدى اسعافات اولية فى صيدلة
واللى هيدى كمبيوتر واخد كورسات كمبيوتر واللى هيدى انجلش واخد كورسات انجلش
واللى هيدى محاسبة واحد خريج تاجرة والتانى لسى بيدس تجارة
يعنى اصلا مش حد من برة الجمعية دول الاعضاء اللى فى الجمعية
يعنى عادى وطالما هيبقى عندك قدرة تدى تعالى ادى بس شوف ايه اللى مممكن يفيد الناس
او الشباب
فى تخصصك
شوف ممكن نعمل اختراع ايه مثلا او مشروع صغير يفيد الشباب وممكن تدرس المشروع دا
وهكذا
والللى قلته دا اللى هو الاقتصاد والبترول والازمة المالية فهو كويس جدا
وممكن تيجى يوم بعد ما تخلص امتحاناتك وتشوف الوضع
واول ما اسالك على موضوع فرع فى قناة السويس هرد عليك

momken يقول...

الحقيقه انا متفق معاكى جداً

بس الجميع لازم يتحرك

الحكومه مش امنا ومش هى الى مربيانا بس هى متحمله مسئوليه كبيره فى توفير فرص عمل مناسبه للجميع

ولكن على الجميع اخذ اجرائات فى حاله فشل الحكومه فى تدبير هذا الامر

مش لازم كل شخص يشتغل فى مجاله او تخصصه

المهم يبداء واكيد هينج وهيحتقر الوظيفه الى ممكن الحكومه توفرها

واهو كلنا شفين كل المصالح بتعمل معاش مبكر للجميع

التحقيق جميلل وواقعى
احيكى جداً

تحياتى

Beram ElMasry يقول...

ندا منير

فى مستهل العام الهجرى الجديد ادعو الله لكم وللاهل ، ان يجعله عام خير ورغد ، وان يحفظكم وجميع العرب من كل سوء ومكروه ، وان يسبغ علينا نعمة الامن والامان وكل عام وانتم بخير
بيرم المصري

احساس لسه حى يقول...

عزيزتى
انا اختلف معاكى انك بتربطى العمل بعدد السكان لان مش مشكلة بلدنا فيها اد ايه سكان الاهم ازاى تعرف قيمتهم ونعرف نستخدمهم ونوظفهم توظيف صح

واللى مش عرفاه ان قيمة مصر وثقلها عدد سكانه ومن اهم العوامل اللى مدية مصر قوة فى المنطقه

وكمان عمر ما التطور بيوقفه عدد سكان وفى بلد اسمها الصين طبعا عارفها عارفيين يستخدموا العدد الهائل من السكان بطريقه صح

واخر حاجه مصر مش زى ليبيا

مصر فيها خير كتير يكفينا ويكفى اضعاف اعددنا بس المشكلة فى الناس اللى بتدير البلد

وموضوع ان الشعب مسئول عن البطاله
صدقينى محدش فى مصر بيلاقى شغل يعلى من دخله ويرفضه والمشكلة مش فى البطاله

المشكلة ان الناس طالع عينها وروحها ومش بيخدوا على اد ما بيعملوا

الموضوع كبير وطويل ولينا كلام تانى

كل سنه وانت طيبه

تحياتى

سلام

ندا منير يقول...

momken
........
اشكرك جدا على تعليقك
وفعلا مش مهم اننا نشتغل فى مجالنا
ولو دورنا هنلاقى شغل

ندا منير يقول...

beram elmasry
.........

اشكرك على التهنئة
وكل سنة وانت طيب
وميرسى على مرورك

ندا منير يقول...

احساس لسة حى
...........
اولا بشكرك جدا على ردك
وثانيا مع احترامى الشديد لرايك واللى انا متفقة جدا معاك فيه
بس انت رديت رد انا مقصدهوش فى التحقيق دا
انا بقول ان صعب على الدولة توفر وظيفة لجميع السكان فى مجالهم
وان فى شباب مش بيرضوا يشغلوا عشان عايزين وظيفة فى مجالهم بس
وفى بيخجل من انه يشتغل فى اى وظيفة
وبقول صعب على الدولة انها توفر وظائف لجميع خريجى الجامعات فى مجالهم لان عدد السكان كبير جدا
فمثلا كلية تجارة
شوف انت بيتخرج كل سنة كام الف على مستوى جمهورية مصر العربية
وليكن مثلا 70 او 80 الف
كل دول عايزين يشتغلوا محاسبين طب تيجى ازاى
فمثلا اللى هتقدر توفره الحكومة ليهم وظائف ل 30 الف مثلا
والباقى يشتغلوا فى اى حاجة تانية
بس دا اللى انا اقصده
ودا مش معناه انى معارضة رايك بالعكس متفقة جدا معاك فى الرايى
وبجد احنا اللى مش بنحاول نعمل حاجة
هديك مثال بسيط جدا
الجمعية اللى انا عضوة فيها
كنا بنعمل شغل ليها ونزلنا نعمل بحث حالات عشان نساعد الناس
لقيت واحد مش بيشتغل سالته طب لو وفرتلك وظيفة تشتغل قال لا
قال انا عايز افضل كدة من غير وظيفة
ولما ببقى جعان اطلع اشحت واجيب اكل وادخل تانى
ولما احتاج علبة سجاير اطلع اشحت تمنها واجيبها وارجع البيت تانى
وكتير قوى كان رد فعلهم كدة كتير مرضيوش لما قلنالهم لو فرنالكم وظائف شغل يدوى ترضوا قالوا لا
بس
فاللى بقوله ان مش الحكومة السبب فى كل حاجة
ومش بقول انها برضه بريئة من كل حاجة
لكن هى عليها جزء واحنا علينا جزء

اتمنى انك تكون فهمتنى

arsenalwy يقول...

ندا

تمام شوفى انتى اللى انا قلتلك عليه وربنا يقدم اللى فيه الخير

شوفى وردى عليا

arsenalwy يقول...

ندا

شكرا لاهتمامك بالموضوع

بس انا سمعت من فترة ان جمعية الفجر الجديد جابت مصطفى حسنى السويس وشفت ليهم ورق ومقر بس تقريبا طلع المقر مش موجود

عالعموم انا نازل القاهرة فى اجازة نص السنة بس موضوع ان انا اجى كتير ده صعب ممكن ابقى عضو شرفى واقدر اعمل حاجات بس من مكانى او ممكن فى القاهرة نفسها لكن العاشر صعب وزى منا قلتلك عالحاجات اللى انا اقدر افيدكوا فيها شوفى ووافينى باخر التفاصيل

وبالنسبة لايميلك فانا مبتعملش مع الهوت ميل يسترخمه لو فى وسيلة للاتصال تنيه يبقى احسن

على فكرة انا ليا ايميل عالياهو

غير معرف يقول...

hhhhhhhhhhhhhhhhhhhhhhi
wa7shannnnnnnnnnnnnnnnnnnnnnne moooooooooooooooooooooooooot
wa7astne talatk el 7elwa 3ala el blog
ya a7la blogarya shoftha fe 7ayate
b7ebk awe
(K)
ya3ne kiss
(F)
flowers
(H)
2albeeeeeeeee
i really miss you ya kokeee
rabena ma3akee
era

amnesia يقول...

كلامك صح جدا .. واراء زمايلك حقيقى

عشان كده انا من ضمن الناس الى مش هستنى رزقى من الحكومه.. كفايه عليها انها جايبالى العيش المسمم الى مش باكله طبعا.. وشوية حرقة الاعصاب الى بتجيلى كل ما افتكرها....

مش لازم طبعا اعمل فى مجالى .. ويمكن ده سبب ضعيف للبطاله
باالعكس الشباب مبقتش بتتجه لمجال تخصصها عشان تشتغل فيه .. وبرده فيه بطاله !!!

بس نصيحه من كل حد هيقرا تعليقى

"متنتظرش حاجه من الحكومه"

موناليزا يقول...

عودا احمدا
وطرح مميز لموضوع هام فعلا
تمنياتى بعام سعيد علينا جميعا

ندا منير يقول...

غير معرف
..........
ايرة
ازيك يا باشا وحشتينى يا قمر
قوى قوى قوى
ثانكس على زيارتك

ندا منير يقول...

amensea
...........
اشكرك جدا على زيارتك وعلى ردك الجميل
وطبعا انا معاكى فى ردك
وموافقة عليه جدا جدا
وبرده هو بيايد كلامى فى التحقيق

ندا منير يقول...

موناليزا
.........
اشكرك جدا على تعليقك وعلى مرورك

غير معرف يقول...

معلش بقى اسمحيلى اتطفل هنا واقول رايى بصراحه فى مسالة البطالة.
احنا شبابنا المحروس بالصلاة عالنبى كده نوعين :
- اول نوع عايش فى الاحلام يعنى خريج كليات قمة ( تجارة طبعا بس كان فى الدور السادس ) و بيتكلم لغات (صعيدى - شرقاوى - فاقوسى - اسكندرانى ) وبسم الله ما شاء الله جامد فى الكمبيوتر ( بيقعد يعمل شات للصبح ) وطبعا الباشا لازم يشتغل مدير ولا لو صاحب شركة يبقى احسن

- النوع التانى ده نوع عملى جدا قرر انه ما يدورش على شغل بالعكس هيقعد على القهوة والشغل هو اللى هيجيله لحد عنده و فى تاكسى كمان طبعا تجيبله شغل ب 450 ولا 500 جنيه يحط رجل على رجل بالاطه ويقولك " هما دول يعملو ايه ؟! انا هستنى لحد ما الحكومه تعيينى )

طبعا دول مش كل الشباب فيه بسم الله ما شاء الله نماذج مشرفه بجد بس دول قليل اوى

شكرا انكم استحملتونى
سلام

ندا منير يقول...

bone
........
اول ميرسى جدا على زيارتك ليا

ثانيا رايك مش تطفل اطلاقا
وانا بحب اعرف جميع الاراء حتى لو نقد ليا شخصيا

واقدر اقول انك مايدنى فى كلامى
بس وصلت كلامك باسلوب مختلف عن اللى كتباه
وبرده انا شايفة زيك
ومعاك فى كلامك
ان فى شباب كتير بيجيلهم شغل بمرتب يكفيهم لكن مش بيرضوا وفى بيضيعوا حياتهم على القهاوى فعلا
ومع ذلك فبرده مش هنقدر نقول ان مفيش ناس مظلومة ومفيش بطالة
لا فى ومحدش يقدر ينكر دا
بس مش بالصورة اللى الناس بتتكلم عنها

غير معرف يقول...

ميرسى يا افندم على ذوقك
انا طبعا مأيدك فى كل كلمه انتى قولتيها
بس حبيت ابص للموضوع بنظرة تانية

ندا منير يقول...

العفو على ايه
نورتنى

Beram ElMasry يقول...

ابنتى العزيزة . ندا منير
حمدا لله على السلامة ، وعود حميد
اسعدتنى زيارتك على ان نعود للمذاكرة ونفرح بالنجاح ثم نمارس ما نهوى بعد ذلك ،
لك تحياتى وتمنياتى بالتفوق
عمو بيرم

ندا منير يقول...

beram el maery
..........
ميرسى قوى واشكرك عل زيارتك

Brave Heart يقول...

السلام عليكم يا ندا
موضوع جميل
وربنا يوفقهم امين
وكل االعاطلين يتعلموا منهم
موضوع حميل
شدى حيلك انتى بس فى المزاكرة
ربنا معاكى

ندا منير يقول...

brave heart
...........
ميرسى يا جميل
على زيارتك وتعليقك
نورتينى

وربنا يوفقك انتى كمان

Moamen Reda يقول...

الله ينور ،، ايه الشغل الجامد ده

كل ده وانتي في سنة اولي

عازينك بأه لما تكوني في سنة رابعة ،، تكون في الجزيرة .

ليه لأ يعني .

وعلي فكرة اسمك متناسق ،، هيلمع جدا في عالم الصحافة والاعلام

ندا منير

ربنا معاكي

لكل مجتهد نصيب

م/ الحسيني لزومي يقول...

حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

ندا منير يقول...

flunt
..........
لالالالا
كتير قوى عليا الكلام دا
بجد ميرسى قوى قوى على كلامك
نورتنى

Brave Heart يقول...

أرجوكم ، أستحلفكم بالله

أستحلفكم بما بقى فى نفوسنا من عزة وكرامة وكبرياء عربية

كفانا ذلا وهوانا

قاطعوا منتجات اليهود

كفانا قتلا فى ابرياء فلسطين

التبرعات ما أكثرها بالبلايين يوميا لاسرائيل حتى تنتصر عليهم

ومن الظالم ومن المظلوم

ذهب العدل والشرف ودفننا الكرامة بأيدينا

الم يأن للعرب ان يتحدوا

كفانا هوانا وذلا وضعفا

ملحوظة:

سيأتى اليوم الذى يسألنا فيه اولادنا

ماذا فعلتم لفلسطين ؟

ولا اعلم بما سأرد على ابنائى

وسيسألنا الله يوم القيامة

ماذا فعلتم لتوقفوا الزل والظلم والهوان

ماذا فعلتم ؟

أأنت متحرك أم انك ستظل تقرأ فى رسائل الدعوة للمقاطعة وتعود وتساند اسرائيل بشرائك منجاتها

انت على القدر الكافى من العقلانية فى اتخاذ قراراتك

فلتحدد سريعا

هل تبقت داخلك دماء الكرامة والحياء والشرف

أم انها تلاشت كما تلاشى كل ما هو صحيح فى حياتنا



انا عربى

daktara يقول...

الموضوع بحثي رائع احييكط عليه
والصور قوية ومناسبة جدا
تحياتي لكي

انظر حولك
د. خالد عزب

daktara يقول...

شارك في حملة الطرطرة علي اسرائيل
من هنا
www.daktara.blogspot.com

ندا منير يقول...

daktara
..........
اشكرك جدا
على زيارتك
وعلى تعليقك
نورتنى

العراف يقول...

معلش على تاخيرى بس انت عارفه الامتحانات بقى على العموم وحشتينى ووحشنى مواضيعك قوى موضوع كالعاده جميل بس حلو قوى التحقيق انت يا عينى شكلك لفيتى وتعبتى كتييييير فيه ربنا يوفقك
تحياتى
العراف

ندا منير يقول...

العراف
.......

ميرسى قوى على تعليقك

وهو متعبتش ولا حاجة
هو بس المشكلة حصلى مشاكل بسببه

وربنا يوفقك فى الامتحانات ييارب

Unknown يقول...

انت بقالك فترة طويلة غايبة عن مدونتك ليه مشغولة في الإمتحانات زي حلاتي
يلا ربنا يوفقك ويسرلك أمرك
مودتي وكل أما تفتحي المدونة ابقي عدي عليا وشكرا قوي ع التعليق..بقلك عدي عليا عشان أنا بحترم تفكيرك وشخصك جدا جدا خاصة لإنك زي حلاتي صحفية
مودتي

ندا منير يقول...

كاتب مصرى
...........
ميرسى على تعليقك قوى
وعلى فكرة انا رجعت المدونة من فترة
ورديت على كذا موضوع عندك

واه مشغولة شوية فى الامتحانات

dina يقول...

لااااااا دا انتى عاملة شغل جامد اوى بقى....بجد الموضوع يجنن و انا معاكى ان البطالة حكومة و شعب.....و انا مقتنعة فى موضوع الوظايف دا انها قليلة انما لسا موجودة للى يستاهلوا

غير معرف يقول...

هااااااااااااااى نوداااااااااا
انا هناااااااااا
انا جييييييييييت
واحشانىىىىىىىى من الألف للياء
اجازتنا خلصت يا نودا وهنبدأ يوم السبت إيهئ إيهئ وااااااااااء:(:(:(

يلا يا عم وانتى لسه هتاخدى الأجازة
ربنا يوفقك يا جميل ويا يبارك فيكى يا نودا يا احلى ندى فى الدنيا
وسورى كتير على عدم وجودى بجانب هنا لفتره طويله بجد معلشى بس ادينا رجعناتانى لعيون وحشانى

وتحياتى
منةالله....

ندا منير يقول...

dina
.......
اهلا يا دينا نورتينى ايه الغيبة دى كلها

وميرسى قوى على تعليقك
وشئ يبسطنى انك تبقى معايا فى كلامى

ندا منير يقول...

غير معرف
........
هاااااااى منة
وحشانى موووووت
موووووت
معلش كلنا لها يا قمر
وميرسى على زيارتك

ريمان يقول...

الله الله

ده انتى صحفيه ناجحه اهو

بجد برافو عليكى

ندا منير يقول...

ريمان
........
ميرسى يا جميل على التعليق الجميل دا ربنا يخليكى
نورتى

ريمان يقول...

ممكن يا قمر اضيف مدونتك للمدونات المفضله اللى عندى؟

ندا منير يقول...

طبعا يا جميل

Hossam يقول...

ندوووووووو
ازيك ووحشتينى جدا
الموضوغ لذيذ والجميل اللى فيه انه حقيقى مش كلام
كل سنة وانتى طيبة
سلام

مـجـنـووون يقول...

حمدالله علي السلامه


المشكله مش في عدد السكان
لأن زيادة عدد السكان بيزيد الأيدي العامله وبتزيد التنميه البشرية وبالتالي بتزيد معاها حاجات كتيره

محلوظة صغيره

دخل قناة السويس لو اتقسم علي الشعب المصري كل فرد هياخد 1000 جنيه شهريا
ولكن دخلها بيروح لناس تانيه خالص ساكنين في المريخ علي ما أعتقد

تقبلي مروري
مجنووون

elsha3er يقول...

اهلا بيكى مرة اخرى بعد غياب مازال كتاباتك متميزة

تحياتى


احمد الشاعر

ندا منير يقول...

hossam
.......
هاى حسام ازيك
نورتنى
ميرسى على تعليقك

ندا منير يقول...

مجنون
.......
طبعا انا معاك فى رايك بس مين يسمع
هو فعلا دخل القناة عالى قوى بس هو فين
!!!!!!!

نورتنى

ندا منير يقول...

الشاعر
.........
ميرسى قوى على تعليقك
نورتنى

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...