الجمعة، 26 يونيو 2009

لماذا لا يتحمل الرجل مسئولية البيت مع زوجته

الموضوع دا كتبته فى اماكن كتيرة عشان عايزة اعرف رايكم فيه ونتحاور فيه
حين اجلس مع نفسى واتعمق فى التفكير فهناك موضوع يراودنى دائما ويشغل تفكيرى وهو عادات وتقاليد الشعب المصرى ، واكثر ما يميز الشعب المصرى هو تمسكه بعادات وتقاليد تتوارث عبر الاجيال ولكن ما يشغلنى هو إنسياق الشعب المصرى وراء عادات وتقاليد ليس لها اى اهمية او ليس لها منطق معين او ليس لها اساس بنيت عليه فينساقوا وراءها لمجرد إنها عادات وتقاليد ورثوها عن اجدادهم وهذا ليس دعوة للتخلى عن عاداتنا وتقاليدنا فنحن مصريين وشرقيين ويجب علينا ان نلتزم ببعض العادات والتقاليد ولكن كلامى يعنى إنه توجد عادات وتقاليد نريد التخلص منها ، واكثر عادة توارثها الشعب المصرى ونريد التخلص منها هى :
ان عادة الشعب المصرى ان المرأة بعد زواجها تكون هى المسئولة الأولى والأخيرة عن المنزل وعن نظافته وعن عملها وعن تربية الأبناء والرجل مسئول فقط عن شغله ، فنجد الآن أن المرأة عليها عبء اكبر من الرجل بكثير ؛ فهى تعمل وتربى الأبناء وعليها مسئولية نظافة البيت باكمله ومتطلبات المنزل كله ، ولكن الرجل مهامه شغله فقط وهذا فيه ظلم كبير للمراة ، فمن هنا ومن منطلق هذا فإننا نطلب المساواة ، وليس قصدنا هنا ان الرجل يتحول لربة منزل ويترك شغله والمراة تترك مهامها فى المنزل وتعمل فى اى وظيفة ولكننا نقصد ان اعباء المنزل يجب ان تنقسم بين الرجل والمراة فكل منهما يجب ان يتحمل جزءا من الاعمال فى المنزل ، لان لا يوجد نص فى قانون ولا آية فى قرآن تلزم المراة بان يكون عليها كل اعباء المنزل ، فمثلا يوجد لدينا زوج وزوجة وكلا منهما يعملان فالزوجة عند انتهائها من عملها تعود الى المنزل لاستكمال باقى اعمالها فى المنزل ، ولكن الرجل عندما يعود من عمله فلا يعمل اى شئ ويترك زوجته لتعمل كل شئ ، فهذا يعتبر ظلم للمراة فهى تتعب مثله فى العمل فلماذا تتحمل هى العمل واعمال المنزل وهو لا يتحمل معها ولا يشاركها فلهذا نحن نطلب المساواة وان يتحمل الرجل مسئولية المنزل مع زوجته وان يساعدها ويخفف عنها الحمل فاى مراة من حقها ان تذهب للعمل وان يكون لها راتبها الشخصى وشخصيتها المستقلة ومن حقها ايضا ان يشاركها زوجها فى اعمال المنزل ولا تكون مجرد ربة منزل كل مهامها منزلها وزوجها واولادها فقط ، فمن حقها ان تعمل فى اى عمل مناسب لها ، ومن هنا نجد ان الزوج والزوجة كلا منهما يعملان فاعمال المنزل يجب ان تنقسم بينهما ، وكما راينا هذا زوج يعمل وزوجة تعمل ، واذا تحدثنا عن زوج يعمل وزوجة لا تعمل فايضا سنقول نفس الكلام وليس معنى ان الزوجة لا تعمل ان تتحمل اعمال المنزل كلها حتى لو كان عمل زوجها جاد وشاق فيجب ايضا ان يشاركها فى اعمال المنزل وتربية الابناء ، فالمرأة لم تخلق لكى تكون ربة منزل فقط او لتتحمل كل اعباء المنزل وحدها ، فمن هنا يمكن تلخيص كلامنا ونقول اننا نطلب المساواة وان يشارك الزوج زوجته فى اعمال المنزل سواء كانت المراة تعمل او لا تعمل ، فهذه كانت عادة سيئة توارثها الشعب المصرى من اجداده السابقين ، واجداده هنا لا نقصد بها الفراعنة لان الفراعنة كانت حياتهم بسيطة وجميلة جدا وكان كلا من الرجل والمراة يشارك بعضهم الآخر فإذا فرغت وانتهت المراة من عملها فى المنزل فتذهب لتساعد زوجها فى اعماله والعكس ايضا فاذا انتهى زوجها من عمله اولا قبل ان تنتهى هى فيذهب للمنزل ويساعدها ولكننا نقصد بالاجداد هنا هم الاجداد الذين جاءوا بعدهم فتوارث الشعب المصرى عاداتهم فى ان تكون المراة هى المسئولة عن اعمال المنزل والرجل لا يفعل شئ وتمر سنة بعد سنة ونجد ان هذه العادة مازالت موجودة الى عصرنا هذا ولكننا نريد التخلص منها حتى تصبح الحياة الزوجية كلها تعاون ومشاركة وحب ، ولعلنا نقتدى برسولنا الكريم صلى الله عليه وسلم فارسولنا ( صلى الله عليه وسلم) كان يعمل بايديه بعض الاشياء وكان زوج مثالى يجب ان نتبعه ونقتدى به .
ولعل هذا يتحقق !!!!!!!!!
والحوار دا لان وضع المراة دلوقتى مبقاش زى زمان وبقى ليها دور تانى فى المجتمع ودور مهم جدا ولازم يكون ليها حقها فى شغلها بعد زواجها وكمان زوجها يخفف عنها مسئولية البيت
منتدى جمعية نهر الحياة

هناك 35 تعليقًا:

ادم المصرى يقول...

بجد انا مستغرب لطريقت سردك لموضوع انا حسيت ان المتطلبات دى شخصيه وليكى انتى بتحديد لئنك بدأتى كلامك متحمسه جدا وانا تحمست معكى وفى الاخر اكتشفت ان كل الكلام ده على اشياء من وجه نظرى بسيطه جدا وقليله جدا انا افتكرت ان الموضوع كبير بس هرد عليكى

مصر فيها اكثر من طبقه الطبقه الاولى اكيد المسوا بين الرجل والمراه موجوده
لئنى هتلاقى كل واحد منهم ليه اعمالو ومشريعو والاولاد ليهم مربيه وطباخ وكد
يعنى الطبقه الثانيه هتلاقيها شبيه لطبقه الاولى ولكن فى بعض التعديلات ولكن شبه بعض جدا

بس دا مش عشان هما متعلمين ومثقفين وعندهم مشريع وكدا لا ولكن لئن اغلبيتهم مش بيتبع اسلوب ولا حياه رسول الله صلى الله عليه وسلم بين زوجاتو وبيسموها جهل واحنا بقينا فى 2009

ولكن باقى الاحياء والطبقات عندهم الموضوع يختلف وبزات الشباب الشباب دلوقتى الحب غطا على كل شيئ وكان ليهم ساتر من كل ده اولو البنت تشوف الولد بعد حب دام سنه او سنتين هوا يقول ياحبيبى انا مش هخليكى تعوزى شيئ هتقعدى فى البيت معززه مكرمه وانا هخدمك وهجبلك حجات من السوق وكمان هروق البيت وكدا هيه تقولو لا يا حبيبى انتا مش تعمل كده امال انا رحت فين انا اغدمك بى عنيا انتا تنزل شغلك يا حبيبى وترجع تلاقى الاكل مستنيك وتنام فى حضنى وتستريح من تعب اليوم وقرفو ربنا يخليكى ليا يا حببتى انا مليش غيرك ولا انا كمان حبيبى ملش غيرك

.....
ده الى بيحصل بين الشباب وبتكون مشاعرهم صدقه لئن فعلا البنت لو بتحب الراجل الى معاها بجد حب بجد مش هتفرق معاها كل ده

وانا عن نفسى انا اتمنى شريكه حياتى انى اغدمها فى كل شيئ لئن دا مش عيب دا تعاون وبساطه بين الطرفين ومفيش نص يحرم الراجل انو يساعد المرأه فى اى شيئ دا واجب علينا لئن هيه دى الرجوله ولكن مش فرد على الراجل انو يرجع من شغلو ينضف مع مراتو او يعمل طبيخ معاها مثلا مفيش عقل بيقول كده امال هيه بتعمل اى طول اليوم

اما بنزبا عن الاطفال دى مسؤليه الرجل قبل المرأه ولكن بنظريه ان المرأه بتكون اطول فتره فى البيت مع الاطفال فهيه بتكون المدرسه رقم واحد والرجل لشغلو بيكون حياتو فى البيت طفيفه وخلى بالك ان فى ناش ذى الصنيعيه بيكون شغلها من الصبح لحد بليل يعنى طول اليوم برا مش ذى الموظفين

فيارت ننظر لموضوع بنظره اكثر وضوح وتكون مطالب السيدات شيئ يكون ليه اهميه

انا سعيد ان قرأت كلامك وعلقت عليه

لو عندك رد يعجبنى تعالى مدونتى اطلبينى وانا تحت امرك فى اى وقت

ندا منير يقول...

اشكرك على تعليقك جدا

ولو طريقة سردى للموضوع مش عاجباك فدا شئ مقدرش اتكلم عليه ابدا ومش شرط يكون الموضوع كبير المه مفكرة الموضوع ايه هى

وحتى لو مووضع صغير وشايفه صغير وملوش اهمية فمن حقك متردش عليه

mohamed ghalia يقول...

معاكى حق طبعا ياندى
المشاركة شىء مطلوب فى كل حياتنا
وزى مقولتى النبى صلى الله عليه وسلم كان بيساعد زوجاته
دمتِ فى سعادة
سلم لكِ قلمك

ندا منير يقول...

mohamed ghalia
........
اشكرك على تعليقك نورت

حلم بيعافر يقول...

والله حكاية التعاون مطلوبة
بس فيه حدود
يعنى الست اللى قاعدة فى البيت وجوزها مهدود من الشغل طول النهار هيرجع بيته يرتاح مش يساعد مراته فى الطبيخ ولا ف اى حاجة
فيه حاجات الواحد يبقى لطيف فيها ويعتمد على نفسه فيها
مقلناش حاجة
بس بحدود
وبعدين يعنى ست ايه اللى هتخرج تشتغل دللوقتى؟
اذا كنا احنا ياشباب مش لاقيين شغل ومرزوعين ع القهاوى ليل نهار
خلاصة الكلام
الراجل له دوره
والست ليها دورها اللى مبيقلش تماما عن دور الراجل
الاتنين بيكملوا بعضهم

ندا منير يقول...

حلم بيعافر
......
اشكرك جدا على رايك
وكلامك

جحا المصرى يقول...

متهيألى الحياة كلها قائمة على المشاركة
مش الزواج بس
أتمنى دوام التواصل

MISS\GH يقول...

ممتازه وفكرتك ممتازه
انا معاكى فى تفكيرك ده وموضوع حقيقى مطلوب خصوصا فى مجتمع الانفتاح اللى بنعيشه دلوقتى

طبعا كل شاب دلوقتى زكر هيرفض الفكره دى وهيقولوا لك وظائف الرجل محدوده وبتقتصر على شغله خارج البيت وده كفايه عليه اوى لكن طبعا ده غلط جدا كده يبقى زى البنك تاخدى منه الفلوس وبس

بحييكى يا استاذه

beautiful mind يقول...

السلام عليكم يا ندا ورحمة اللع

هذه هي اول زياراتي لمدونتك الجميله واللي عجبتي فعلا وبصراحه اسلوبك اكثر من رائع

وبالنسبه لموضوعك فانا رايي من رايك فعلا ودا اللي بؤمن بيه وهي المشاركه

يعني كل واحد لازم يشارك الاخر في كل كبيرة وصغيره في حياتنا

علشان المركب تمشي بسلام

تقبلي تحياتي

وان شاء الله هضيف مدونتك للمفضلات عندي

المهاجر يقول...

البوست جميل يا ندا
وبالنسبة للرجال إللى مبيتحملوش مسؤلية فده فى لغة الشباب الجديدة تنفيض وعلشان ميبقاش عليه غلط

ندا منير يقول...

جحا المصرى
.....
تمام كلامك الحياة كلها مشاركة

اشكرك على رايك

ندا منير يقول...

MISS\GH
.....
معاكى فى كلامك يا قمر ميرسى على رايك

واللى يقول كدة يبقى كلامه مش صحيح

ندا منير يقول...

beautiful mind
.......
مبسوطة جدا برايك وبمشاركتك فى الموضوع

ميرسى جدا

ندا منير يقول...

المهاجر
...
اه اكيد طبعا

اشكرك على رايك

Beram ElMasry يقول...

ابنتي العزيزة ندي ارجو ان تكون الامتحانات انتهت علي خير حتي نسعد بنجاحك وحتي تعودي لمتابعة مدونتي

ويسعديني تعليقاتك وتعليقات اقرانك من الشباب الذكي الطيب الذي يسعد اب مثلي بهم

لك تحياتي

مدونة حكومتى ملاك يقول...

السلام عليكم ...

طبعا الأسرة هى عبارة عن شركة بين الزوجين قائمة على المودة والرحمة زى ماقال القرآن
مفيش مشكلة ان الراجل يساعد الزوجة

الرسول صلى الله عليه وسلم كان بيساعد زجاته
فكان يخسف نعليه ويغسل ثيابه

وكذلك الزوجة تساعد زوجها

فالسيدة فاطمة ابنة الرسول (ص) كانت تساعد زوجها سيدنا على فى أعماله

المهم أن يكون ذلك عن رضا وسعادة

وشكرا ...

غير معرف يقول...

براااااااااافو
موضوع كويس
المشاركة مطلوبة مادامت هاتوصل البيت لانه يكون فى سعاده
انا صحيح كنت فاكر انك هاترفعى شعارات المساواة والكلام التانى اللى بنسمعه كتير
لكن لو على الكلام اللى قلتيه كلام جميل ومفيش فيه اى مشكله
بس نفتكر ان الرجال قوامون على النساء
طبعا بما انفقو وكمان بما فضل الله بعضهم على بعض
فياريت ماننساش ان دى الطبيعه اللى ربنا خلقنا عليها اننا كرجالة قوامون على النساء
وان النساء خلقن من ضلع اعوج ان حاولنا تقويمه انكسر
انا موافقك فى الكلام اللى قلتيه طالما هانوصل فى الاخر لبيت سعيد وراضى
واحسن حاجه بقه فى الموضوع كله على بعضه كده
انه اللغه العربيه فيه اتحسنت كتير
على

ندا منير يقول...

Beram ElMasry
........
اشكرك على سؤالك والحمدلله الامتحانات كانت تمام قوى

واشكرك على زيارتك

ندا منير يقول...

مدونة حكومتى ملاك
.....
سيعدة جدا برايك وتعليقك

ندا منير يقول...

غير معرف
.......
ميرسى على رايك

والحمدلله ان اللغة بتتصلح يعنى فى امل
ههههههههههههه

ندا منير يقول...

غير معرف
.......
ميرسى على رايك

والحمدلله ان اللغة بتتصلح يعنى فى امل
ههههههههههههه

elsha3er يقول...

السلام عليكم


ازيك يا ندا انا اسف على قلة السؤال بس والله غصب عنى عشان الامتحانات


اسلوبك مازال مميز تسلم يمينك


تحباتى


احمد الشاعر

موناليزا يقول...

لان ببساطة المرأة اللى بتطالب بالمساواة هى نفسها الام اللى بتربى ابنها انه يعتمد عليها وعلى اخته وبالمقابل على زوجته فيما بعد
صدقينى الخطأ من المرأة منذ البداية
==
ملحوظة: لى رجاء ارجو ان تتقبليه
بعد اسم رسولنا الحبيب صلوات الله وسلامه عليه ياريت تحذفى حرف الصاد(ص) وتكتبى (صلى الله عليه وسلم)كاملة عشان تاخدى ثواب كل من يقرأها

ندا منير يقول...

elsha3er
......

لا يا احمد انا مقدرة طبعا ويارب تكون حليت كويس فى الامتحانات

واشكرك على تعليقك

ندا منير يقول...

موناليزا
......

معاكى حق فى كلامك

واشكرك على النصيحة

Hossam يقول...

صديقتى الجميلة
موضوعك بجد موجود فى كل بيت مصرى
انا معك تماما فى موضوع التوارث ولكن دائما الاب الشرقى يربى ابنائة الولاد على انه دائما الاوقى من المراة وهو الموقف القوى وهى الضعيف التى يمكن الضحك عليها باساليب تختلف من امراة الى اخرى ولكن الحمد لله ابى ربانى على المشاركة فى جميع الاحوال ولو ماركة بسيطة ليس للعما فقط ولكن حتى اتذوق طعم التعب لاحافظ على ما فعلة اخوتى البنات وامى سواء فى تنظيف البيت او عمل الطعام
موضوع جميل جدا
تحياتى لكى

ندا منير يقول...

Hossam
......

سعيدة قوى بتعليقك

ميرسى قوى يا حسام على تعليقك

الازهرى يقول...

كنت اشتركت فى مناقشة بالصدفة فى المجلس القومى للمرأة
المشكلة هى عدم وضوح الرؤية
فى البداية ومما اراه فى المجتمع الريفى فالمشاركة شبه كاملة بينهم وتستمر الحياة على اكتاف الطرفين
اما فى حياة المدن وبين محدثى الثقافة والمغالين فالامر اصبح يختلف
لا انكر ان عمل المرأة مهم ومهم للغاية وهناك من التخصصات ما لو قامت بها المرأة لكان فى ذلك الفائدة العظمى ولها الحق فى ان تعمل
ولكن
مهما كانت مشاركة الرجل فى اعمال المنزل فهناك من الامور ما لا بد من المرأة لتقوم بها
وهنا مربط الخلاف فالمرأة الان تريد ان تتقاسم كل شىء وبدون طوابط وهو ما ولد ما نراه فى العصر لحيث من تفكك اسرى وضياع للشباب وانحلال الكثير من القيم فمهما كان المطلوب من الحضانة او المربية او دور الرعاية المختلفة فلا يغنى بأى حال من الأحوال عن الأم ومدرستها التى تخرج اجيال ذات فعالية وقائمة على اسس راسخة
وهو ما تخرج عليه الكثير من العظماء والمفكرين

وهو ما ينادى به ديننا الحنيف
وما اوصى به الرسول صلى الله عليه وسلم من العناية بالام بشدة لعظم دورها واختيار الزجة لانها من تعلم الابناء وتلقنهم مبادئها التى ستكون لهم سندا فى الحياة
وهو ايضا ما اشار اليه توينبى وديورانت فى كتبهم عن اسباب التفكك المجتمعى عبر التاريخ ورؤيتهم لما ساد من انحلال فى القرن الاخير

الام هى الاساس وحين نفقد الاساس يكون الانهيار

تحياتى دوما

ندا منير يقول...

الازهرى
...........

اشكرك جدا على رايك

ودى مش دعوة

ليصبح الرجل ست بيت

دعوة فقط لمشاركة الرجل المراة

dina يقول...

بصى يا ندا....الرسول عليه افضل الصلاة و السلام كان فعلا بيساعد زوجاته من وقت للتانى فى شغل البيت و الحاجات دى....انا شايفة الموضوع بشكل مختلف شوية...هى مش عادة قديمة و احنا محافظين عليها على اد ما هى مسئولية دايما المرأة هى اللى بتشيلها و مش عشان اى حاجة غير انها حتقوم بيها افضل من الراجل...زى ما للراجل مسئوليات بردو فى البيت و برا البيت هو اجدر بيها....و الله الراجل اللى حيساعد زوجته دا فعلا راجل جنتل و حنون و حاسس بالضغوط اللى عليها و كل دا و بردو اللى مش بيساعدها هو كمان منقدرش نلومة عشان كل ميسر لما خلق له.....تبقى حاجة حلوة اوى لو مبادرة زى دى جت منه هو و حتدى لمسة رومانسية عالبيت و لو مجتش فدى اصلا مسئولية الزوجة و اكيد الافضل انه يساعدها

elsha3er يقول...

انا جيت تانى بس بعد قراية الموضوع بتمعن

انا بس حطلب طلب بالله عليكى ابقى كبرى الخط


ثانيا اى مساواة تطلبها المرأة الان يجب ان تكون هناك منظمة لحقوق الرجل


المرأة اللى انتى عايزا الراجل يساعدها فى البيت بتعمل اية لو مش بتشتغل بتغسل صحنين الصبح وتحضر الفطار وتعمل مثلا الغدا فى ساعة يا فرحتى

الورأة لو مش شغالة شغل البيت دة يبقى حاجة قليلة جدا

تعالى بقى لمشاركة الراجل للست او الزوجة لراجل اللى ممكن يكون بينزل من بيته 7 الصبح ويرجع 9 بليل بالله عليكى يساعد اية بس
هو حمار فى ساقية ما حدش دلوقتى فى الظروف دى بيشتغل شغلة واحدة يعنى ممكن يكون بيطلع من شغل لشغل

بجد حرم عليكى ظلمتى الراجل فى الحالة دى


نيجى بقى للست الشغالة والراجل الشغال هنا بقى ممكن يكونوا بيساعدو بعض فى الحياة الاقتصادية فهنا لازم يساعدو بعض جوة البيت

انا والله من غير تعصب ولا تحيز لجنسى بس ان لامس الواقع واشتغلت وعارف يعنى اية شغل والله انا اشتغلت مع رجالة فاتحة بيوت بينزلو الساعة 12 الضهر الشغل ويروحو الساعة 3 الفجر يبقى مساعدة اية اللى فى البيت

دة مجرد رأى


تحياتى


احمد الشاعر

ندا منير يقول...

dina
.......
انا معاكى انه هيبقى تكرم منه بس برده مش مطلوب من الست انها تعمل كل حاجة ودا تعود زى ما انتى قلتى

ميرسى يا قمر على ردك

ندا منير يقول...

الشاعر
.....

اولا اشكرك على تعليقك

ثانيا انا مظلمتش الراجل ولا تحيزت للمراة ودى مجرد دعوة من حق اى حد يتقبلها او يرفضها

ثالثا اعتقد اننا فى النهاية وصلنا لنفس نقطة التفكير ان لو هى بتشتغل وهو بيشتغل يبقى لازم يساعدوا بعض صح ولا ايه يا احمد

اشككر على رايك

ehab يقول...

اعتقد الوضع صعب فى الموضوع ده
انتى بتطلبى المساواة :- طيب دلوقتى لو الزوج بيعمل والزوجة بتعمل
الزوجة بتخرج بدرى من الشغل ده الطبيعى لكن الزوج بيجى متاخر وبيتعب نفسه فى الشغل وبيحاول ياخد ساعات عمل اضافية علشان يقدر يعيش بيته براتب كويس. طيب ازاى بعد التعب ده كله هتنقسم المسئوليه بينه وبين زوجته
ممكن تتقسم وده المفروض عن طريق مزاكرة الاولاد وممكن يساعدها فى اعمال البيت البسيطة زى نظافة الشقة لكن طبعا مشاركة المراة هى الاكبر فى مسئولية البيت
ولو الست شايفة ان شغلها هياثر بالسلب على بيتها وجوزها يبقى المفروض تسيب الشغل حفاظا على علشان بيتها وجوزها لان ده الاساس بالنسبة ليها مش الشغل طيب هى عاوزة تشتغل يبقى تستحمل والزوج هيقدر ده وانه هيساعدها لكن متجيش تشتكى وتقول انها تعبانة من شغل البيت ومش لقيه وقت علشان تعمل شغل البيت.

ندا منير يقول...

ehab
....
يبقى احنا كدة مختلفناش فى الراى
وراينا واحد
واكيد لو دا هياثر على البيت يبقى لازم تسيب الشغل
لكن دا مش معناه انها المسئولة الوحيدة عن شغل البيت لكن هى المسئولة الاولى لكن مش الوحيدة
اشكرك ايهاب على رايك

من انا

صورتي
الفيس بوك الخاص بى http://www.facebook.com/nada.mounir.313?ref=tn_tnmn