الاثنين، 13 يوليو 2009

هم يخطأون ............... ونحن نعانى !!!!!!

هم يخطأون ................. ونحن نعانى !!!!!!

.............

فهو ظلم ، إهمال ، كره نتعرض له ، فهو قتل النفس ، فهو بسبب تسرع الرجال والنساء فى الزواج وهم لا يعلمون كيف يتعاملون مع ابنائهم ، فاسئلة تطرح نفسها ،،، لماذا نجد اطفال فى الاحداث ، لماذا نجد اطفال يقتلون يسرقون يموتون من الجوع يتسولون يعاكسون يهربون من المدارس ويكرهون التعليم وغيرها من اسئلة فكلها اسئلة اجابتها تتلخص فى اخطاء يقع فيها الاباء والامهات فكثيرا يتزوج الرجال والنساء ويعتقدون فقط ان الحب الذى بينهم قادر على نجاح الحياة بينهم ، فاحيانا يفشل بعض الازواج فى حياتهم بعد الزواج فربما يكون بسبب الاخطاء التى يقعوا فيها والتى تكون إما بتسرعهم فى الارتباط دون معرفتهم لبعض جيدا ، اما لتغاضى الطرفان عن عيوب كلا منهما ، اما لصغر السن ، اما لعدم قدرتهم على التفاهم ، اما لعدم قدرتهم على تحمل مسئولية الزواج ، وغيرها من اسباب ومن هنا نجد ان هذا الامر يحتم علينا الوقوف لحظة للتفكير ،، للتفكير فى ان الجواز فى ظل هذه المشاكل اما يفشل وينفصل الزوجان اما يضطر الزوجان الاستمرار لاجل ابنائهم وفى كلتا الحالتين نجد ان هذا يسبب مشاكل عديدة ،فعندما ينفصل الزوجين اما يحدث مشاكل على الاطفال بسبب كل واحد منهم يريد اخذ الاطفال اما يعانى الاطفال بسبب فقدان الطرف الاخر ويؤثر ذلك على حياتهم العملية والشخصية اما يتزوج كل من الزوجين المنفصلين من اخرين ويعانى الاطفال من هذا ، اما زوج الام او زوجة الاب يطردون الاطفال من المنزل ويتشردون ، وربما يحدث اكثر من ذلك ، والحالة الثانية التى يضطر فيها الزوجين الاستمرار لاجل ابنائهم فهذا يؤثر على الابناء لان ينتج عن هذا خلافات بصورة مستمرة ويصل احيانا الى مرحلة يتعقد فيها الطفل ويكره والديه اما يحب طرف ويكره الاخر اما يخون احد الزوجين الاخر وينتج اهمال الاطفال اما يتزوج الرجل من امراة اخرى وينجب منها اطفال اخرين ويهمل اطفاله من زوجته الاولى ويحدث اكثر من ذلك ، اما تكون الحالة مستقرة بين الزوجين ولكن كلا منهما لا يعنيان كيفية تربية الاطفال جيدا فهذا ينتج عنه اطفال ليسوا اسوياء لانهم لا يتمكنوا من الوصول لتفكيرهم ويتعاملون اما بعصبية او اهمال لهم ولاحلامهم وافكارهم وهم لا يعرفون مع من يتحدثون مع من يشتكون فيضطرون الى اللجوء للكذب حتى يفعلون ما يريدون ويتصرفون تصرفات خاطئة تسبب مشاكل فيما بعد ويكرهون التعامل مع ابائهم وذلك كله يؤثر على حياتهم فيما بعد ، فنجد ان فرق الاجيال ما بين الاباء والابناء يسبب مشاكل فى الحوار بينهم وعدم قدرة على التفاهم فى اغلب الامور وغضب الاباء من تصرفات ابنائهم وعدم الاقتناع بما يفعلون وهكذا نجد عدم التوعية الكافية للاهالى تسبب مشاكل يعانى منها الاطفال وهكذا الى ان يتم خروجهم للمجتمع الذى يدمروه ويدمرون انفسهم بسبب اخطاء الاباء والامهات ، فمسئولية الزواج مسئولية صعبة تحتاج الى فكر وتوعية وقدرة على التعامل مع الاطفال وعلى التفاهم بين الزوجين وغيره وليس فقط الحب !!!

هناك 26 تعليقًا:

mohamed ghalia يقول...

هايل بجد انتى مشروع صحفية هايلة
بالنسبة للموضوع كل ده نتيجة منظومة حياة فاشلة
حقيقى إحنا اصلا مش عارفين نعيش حياتنا صح
ولا عارفين نختار صح ولا حتى عارفين نحب يمكن التفكير فى حاجات تافههة هو الى بيحركنا محدش بيفكر انه يعمل اسرة نموذجية
ربنا يوفق االجميع
وباالتوفيق ليكى وفى حياتك القادمة

عاشقة الأحزان يقول...

السلام عليكم


بجد بسم الله ماشاء الله كلامك جميل قووى ربنا يوفقك والله


وبجد هايل هايل

تحياتى
انوسه

elsha3er يقول...

السلام عليكم

اولا قبل اى حاجة احب اهنيكى على موضوعك تاخدى فى 9 من10 اة عشان مصغرة خطك وتعابتينى فى القرأة

ثانيا انا معاكى فى كل اللى قلتى بس تعالى نبص من جهه تانية كدة اية رأيك لو قلنا ان الحكومة كمان ليها يد فى دة حتقولى الواد اتجن ولا اية مال الحكومة اصل لو كان برده التعليم كويس كان الطالب حبه من غير الاب ولام انا منكرش ان ليهم دور بس الدولة برده ليها دور لو فى رخاء اقتصادى كان الاب والام اهتمو شوية بالاطفال عان مش كان حيبقى الاب بيشتغل ميت شغلة والام بتشتغل وحاسين انهم بيعملو كل دة عشان يوفرو اللقمة للعيال انتى حسانى حاسة انا عايز اوصلك اية والله بشوف ناس اغلب من الغلب وعياله مثلا اشقية يقول طب اعمل اية انا برة البيت طول اليوم عشان أأكلهم واللى بيسافر ويسيب الاطفل عشان يوفر لهم عيشة كويسة ما لو كان شايف فى بلده شغل كان قعد

فكرى

وانا مستنى ردك

تحياتى لقلمك وابداعك


احمد الشاعر

إبن مصر يقول...

السلام عليكم

ازيك ندا اعتذر على التأخير

والله انا شايف ان موضوعك بيمس كتير من حالنا بس نسيتى حاجه مهمه اوى هى ان فى حاله تالته فى كل حاله وصفتيها لحالتين وهى ان احد الزوجين او احد ابنائهم نرى صوره له فى صحيفه فى صفحة الحوادث اما الأب قتل زوجته او ابناءه وانتحر
اما الأم قتلت زوجها او قتلت ابنها الذى خلا بها
اما الإبن الذى قتل ابويه وواصيب بحاله عصبيه وتحول على اثرها الى المصحه
بصراحه موضوع كنت كتبته من فتره ولم انشره ويمكن يكون نشره قريبه

تحياتى لكى وتمنياتى بمزيد من التقدم

غير معرف يقول...

ازيك ياندى
ماشاء الله موضوع جميل وعاقل جدا
وان كنت اختلف معاكى لان بعض
المتزوجين عن حب اسرهم بتنجح وبالعكس بتكون اكثر نجاحا
لكن انتى عندك حق
الجواز محتاج عقل فعلا مش قلب وبس
بالنسبة للغه العربية
فاعذرينى بقه على صراحتى
هههههههههههههههههههه
الموضوع ضايع ضايع بالنسة للغة
عموما مشكورة جدا ع المجهود
الموضوع فكرته رائعه
شكرا
على

ندا منير يقول...

mohamed ghalia
........
اشكرك جدا على كلامك

والتفكير بيبقى ملغى عند ناس كتيرة قوى هدفهم بس هو الزواج من غير التفكير فى ازاى يكبروا اسرة ويخلوها نموذجية

ندا منير يقول...

عاشقة الاحزان
.......

ميرسى يا انوسة

شكرا لتعليقك

ندا منير يقول...

elsha3er
......

معلش يا احمد الخط مينفعش يكبر عن كدة لو كبر بيدخل فى بعضه

ثانيا اشكرك جدا على تعليقك وعل ىفكرة انا مقلتش خالص الواد دا اتجن
ههههههههه

عشان موافقاك جدا على كلامك
بس هقولك على حاجة
لو جينا فكرنا شوية ليه التعليم بايظ وغيره
عشان اللى مسئولين عن دا ناس معندهومش ضير ولا حاسين بمسئولية طيب الناس دى جت منين مهى جت من اب وام
بس اب وام معرفوش ازاى يخلوا فى تدين عندهم ويصحوا ضميرهم ويخلوهم يراعوا ربنا فى كل حاجة وهكذا

انا معاك فى كلامك
بس بقولك ان الاساس بجد فى كل حاجة هو الاب والام لانهم هما اللى بيطلعوا الناس اللى بتخرب

ندا منير يقول...

ابن مصر
........

اشكرك جدا على التوضيح وطبعا الحالات دى بتاثر جدا على حياة الاطفال بس برده اللى بيخلى زوج يقتل زوجته او العكس او يقتل ابناءه بتبقى غالبا عشان كترة المشاكل حواليه ودا ناتج عن عدم التفكير قبل الزواج صح
وعدم توافق الفكر ومحدش فيهم قادر يسعد التانى وهكذا دا بيسبب خلافات كتيرة قوى قوى ممكن ينتج عنها القتل وطبعا دا بياثر جدا

وعشان كدة الحياة الزوجية حياة مش سهلة

بشكرك جدا على رايك

ندا منير يقول...

غير معرف
.......

انا مقلتش ان كل اللى بيتزوج عن الحب بس بيفشل لكن بقول ان الحب لوحده مش كافى وفى اولويات

بالنسبة بقى للغة العربية فهى مش ضايعة ولا حاجة وكون انك بتحب اللغة العربية قوى فدا شئ تانى خالص

وانا مش مفروض عليا اكتب بالغة عربية فصحى
المهم بس يكون مفيش اخطاء املائية
لكن كشغلى دلوقتى وبعد كدة صحفية مش مفروض عليا اطلاقا انى اكتب لغة عربية فصحى

وعلى فكرة كل الاماكن اللى كتبت فيها مبكتبش لغة فصحى

بتكون لغة بس اعلى من العامية واقل من الفصحى

ودا حقى وانا اللى بختار اكتب ازاى مش الناس اللى اللى تختار ليا

وشايفة ان كتاباتى بالغة دى ناجحة الحمدلله

لكن انت بقى بتحب اللغة العربية قوى فطبيعى تضايق فدا حقك

لكن مش حقق تقولى ان اللغة ضايعة خالص

ريمان ونوسه فى هاكونا مطاطا يقول...

انتى لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

miada ref3at.. يقول...

السلام عليكم يا اهل الدار..

ازيك يا ندى..
بصراحه يا ندى موضوعك فكرنى بكلمه كنا بنقوللها واحنا صغيرين..
يعملوها الكبار ويقعوا فيها الصغار..

وتقريبا الكلمه بتنطبق برده على الموضوع ده..
بس كمان المجتمع ككل مسئول عن اللى بيحصل لاى اسره بتعانى من المشكبه ده..
ومش هنمحى المسئوليه عن الاب والام او الزوج والزوجه لكنهم ليهم المسئوليه الكبرى...

انا مش عارفه اقول ايه يا ندى بس الموضوع ده فى قمة التعقيد بدليل ان علماء كتير حاولوا يحلوا المشكله لكنها مازالت مستمره..


وكل عام وانتى بخير..

كيــــــــــــارا يقول...

كنت نزلت بوست عن كدا لازم الاهل يفكروا كويس اوي في اختيارهم لان دا مترتب عليه اطفالهم

سناء الملك يقول...

هذة مدونتي الجديدة فزوروها وعلقوا

موناليزا يقول...

متفقة معاكِ
وأحييكِ على هذا الموضوع

ندا منير يقول...

ريمان ونوسه فى هاكونا مطاطا
........

اه مدونتك لذيذة وجميلة

ميرسى يا قمر

ندا منير يقول...

miada ref3at.
.......

معاكى يا قمر بس برده برده هرجع واقولك ان المجتمع اللى بيخلى اباء وامهات يتصرفوا غلط ان بداية المجتمع كان اباء وامهات ربوا ولادهم غلط وبالتالى طلع مجتمع غير سوى

ندا منير يقول...

كيارا
......

تمام يا قمر

نورتى

ندا منير يقول...

سناء الملك
.......

اكيد هزورك

ميرسى نورتى

ندا منير يقول...

موناليزا
......

نورتى يا جميل وكويس انك معايا فى كلامى

مهيج الجماهير يقول...

موضوع جميل يا ندا كالعادة
و ياريت الموضوع كمان بيقف لحد كدة
بس عادة الطفل اللى بيتربي فى جو زي ده
( سواء كانت مشاكل بين الأهل أو انفصال )
لما بييجى هو كمان يكون اسرة .. المشاكل دى بتأثر عليه جداً .. سواء فى تعامله مع اسرته الجديدة .. أو فى طريقة تربيته لأبنائه ..
فتلاقى ان هو بيعمل حاجة من الاتنين

- اما انه بيتعامل بالظبط زي ما كان ابوه و امه بيتعاملوا

- اما انه بيحاول يتفادى الأخطاء اللى كان بيشوفها و هو صغير (( و هو و اسلوبه بقى )) .. يا يقدر فعلاً يتفاداها .. يا يلاقى نفسه بيخلق مشاكا تانية خالص

تحياتى يا ندا على مواضيعك الجميلة
و ياريت متزعليش انى مكونتش متابع الفترة اللى فاتت
انتى عارفة اللى فيها

سلام

Hossam يقول...

صديقتى الجميلة
اشتقتلك كتير بجد
موضوع واقعى مية فى المية وفعلا الزواج مش حب فقط ولكن دى منظمة ليها قواعدها ويا اما تكون قواعد واسس سليمة يا اما المنظمة هتفشل وتقع
بيصعبوا عليا جدا الاولاد اللى انتى طرحتى امثلتهم زى المتسوليين واللى بيهربوا من المدارس واللى بيعكسوا وغيرهم كتير ومقدرش اقول غير
ربنا يتولاهم
كل سنة وانتى بخير
تحياتى

ندا منير يقول...

مهيج الجماهير
....

لالا زعل ايه بس اكيد انا مقدرة ظروفك

وميرسى على تعيلقك

ندا منير يقول...

Hossam
......

يارب يا حسام وميرسى قوى على تعيلقك

Beram ElMasry يقول...

عزيزتي الغالية ندا شكرا لمرورك وشكرا لتعليقك الذكي الظريف لك خالص مودتي وأحترامي وكل عام وانت بخير

ندا منير يقول...

Beram ElMasry
.........
ميرسى ليك جدا نورت

من انا

صورتي
الفيس بوك الخاص بى http://www.facebook.com/nada.mounir.313?ref=tn_tnmn