الخميس، 16 أكتوبر 2008

رجال بسطاء ولكن يستحقون العقاب

رجال بسطاء ولكنهم يستحقون العقاب .
.......................
هل كل من لا يجد وظيفة يتخذ معاكسة النساء والبنات وسيلة للتسلية بدلا من الوظيفة ؟؟؟
سؤال يطرح نفسه ويفرض علينا الاجابة عليه ،
ففى كل محافظة او مدينة يوجد فئة من الناس تعانى من البطالة ، وهى فئة بسيطة جدا
تعانى من الحياة القاسية وظروف معيشتهم المتدنية ،فرضت ظروف المجتمع عليهم هذه الحياة القاسية وهؤلاء الناس يتخذوا من ارصفة الشوارع حلا للبطالة التى يعانون منها وبحثا عن وظيفة ، ومثال على ذلك مدينة العاشر من رمضان فيوجد فيها بعض من الناس يعانون من البطالة ، فهؤلاء الناس ذهبوا إلى بعض المناطق فى المدينة ليجلسوا فيها منتظرين اى شخص ياتى لهم يحتاج لمساعدتهم ، سواء كان هذا الشخص يريد اى فرد منهم للقيام بنظافة منزله ، او لحمل اشياء ثقيلة ، او لدهان منزله ، او لاى عمل شاق ، ومقابل هذا يأخذون بعض من الاموال التى تعينهم على معيشتهم ، وفى مدينة العاشر من رمضان نخص بالذكر منطقة الاردنية او موقف العاشر وايضا المجاورة الخامسة وبالتحديد عند شبكة المياه ، ففى هاتين المنطقتين يجلس عدد كبير جدا من الرجال منتظرين تردد الناس عليهم ، وهذا ليس عيبا او حراما طالما يبحثون عن وظيفة تعينهم على معيشتهم ، ولكن ما يدعو للاسف ان اغلب هؤلاء الرجال يقضون يومهم كله فى معاكسة السيدات والبنات وذلك لعدم تردد الناس عليهم كثيرا فيكون لديهم وقت فراغ كبير وهذا هو تفسير بعضا منهم ، وايضا يبرروا معاكستهم هذه بملابس البنات وهيئتهن وطريقة سيرهن السيئة فى الطريق ، فهذا بالتاكيد تفسير ومبرر ليس له اى منطق والواقع ان هؤلاء العمال لا يتركون اى سيدة او اى بنت إلا وان يضايقوها بكلمات سيئة للغاية حتى إذا كانت هذه السيدة كبيرة فى السن او هذه البنت ترتدى النقاب او ملابس واسعة ، فهم لا يختاروا هيئة البنت او السيدة التى يعاكسونها ولكنهم يعاكسون جميع المارات امامهم ، فهذا هو العيب والحرام لانهم إذا خرجوا للبحث عن وظيفة يجب ان يراعوا هذا لكن الذى يفعلونه هذا يجب ان يعاقبوا عليه لإنهم يأذوا كل السيدات والبنات ، فنحن جميعا نتعجب من هذا فهؤلاء يحتاجون الى اى وظيفة كى يستطيعوا ان يعيشوا منها ، فلماذا يلجأون الى المعاكسة بالرغم من إنه من الممكن ان يكون الرجل الذى يعاكس رجل متزوج ولديه ابناء ،
فمن المؤسف ان نقول ان المعاكسة اصبحت مثل الوباء لا يمكننا القضاء عليها بسهولة ، والحل الذى فى ايدينا الآن هو ان نناشد المسئولين فى مدينة العاشر من رمضان حتى ينقلوا هؤلاء الرجال الى منطقة خاصة بهم بعيدا عن الناس ويتم عمل إعلانات توضح المنطقة التى سيتواجد بها هؤلاء الرجال وذلك حتى يتم معرفة مكانهم لدى الناس الذين يحتاجون لمساعدتهم وايضا لنرحم السيدات والبنات من المعاكسة ومن الإيذاء الذى يتعرضن له ،
وكلامنا هذا بناءا على كثرة شكاوى السيدات والبنات اللاتى تتعرضن لمشاكل عديدة من هؤلاء الرجال .
ولعل كلامنا هذا يصل إلى المسئولين ؟؟؟؟؟؟؟

هناك 45 تعليقًا:

كـــيــــــــارا يقول...

هييييييييييييييييه

اول تعليق ياقمر

كـــيــــــــارا يقول...

مش هيه خالص

عارفه ياريت يعرفوا ان اللي بيعملوه في بنات الناس هيترد ليهم بس في اقرب الناس بنتهم او اختهم او زوجتهم او امهم

فعلا يستحقون العقاب لانهم مش بيحافظو علي شرف اخواتهم في الله

elsha3er يقول...

ابتسمى انكى فى مصر معلش انا اختلف معاكى فى وجهة النظر ولية هم بس اللى يتعقبوا لية مش اللى وصلهم للطريق دة تعرفى ان فى اكترمن 83 فى المية من التحرشات النسائية من اول يا حلو يا مقسم لحد اللمس والاغتصاب

فى قصة كدة ومش حطول ان فى دكتور فى الجامعة كانت بنت بتناقش معاه الماجستير طلب منها اقامة علاقة جنسية مقابل الامتياز دة بقى لا عاطل ولا محتاج فلوس بس هى سيكولوجية نفسية

الكلام دة مش من عندى دة كلام اتقال فى جريدة الدستور

سلام

احمد الشاعر

ندا منير يقول...

كيارا
......
صح يا كيارا معاكى حق
بنا يرحمنا منهم يارب
ميرسى يا قمر ونورتينى

ندا منير يقول...

الشاعر
.........
انا مش بقول انهم بس هما اللى يتعاقبوا
بس الموضوع نفسه اللى بتكلم عليه بطالب فيه كدة
لان دى حاجة مضيقانا جدا فى العاشر عندنا
ومضايقة البنات كلها

وبالنسبة للكلام دا فانا قرات عنوانه انهاردة فى الدستور
بس بصراحة مفكرتش افتح صفحته واقراها عشان تعبت من القراءة فى الموضوع دا بجد

واشكرك على تعليقك

رئيس التحرير يقول...

ليس في العاشر من رمضان فقط ...بل في كل مكان..وكل ما يمكن ان يقال عن هؤلاء الا أدب ولا اخلاق لديهم ...ولا يمكن ان تكون بهم صفه واحده من صفات الرجال.الازمه ازمه اخلاق يا ندي ...

ندا منير يقول...

رئيس التحرير
........
هى فعلا مشكلة نقص اخلاق ودين وكل حاجة
ونفسى الناس يبقى عندها دين واخلاق بس تمنى ومفيش حاجة بتحصل

اشكرك جدا على تعليقك

الازهرى يقول...

صديقتى العزيزة

اتفق معك فى ان المعاكسة اصبحت مثل الوباء لا يمكننا القضاء عليها بسهولة

ولكن الحل فى رأيى مختلف لان العلاج يجب ان يأتى على اساس المشكلة والتى جزء كبير منها هو التعليم الذى لم يعد يغرز القيم والمبادىء الصحيحة فى النشء
كما ان غياب التعليم الدينى الصحيح ادى الى وجود تضارب كبير

تحياتى على الموضوع الجيد

ندا منير يقول...

الازهرى
........
نورت المدونة
واشكرك على الرور وعلى التعليق
وطبعا المعاكسة من اسبابها قلة التعليم
والجهل
وعدم التدين
والمعاكسة سلوك غير حضارى بالمرة
ومفيش انسان مثقف ومدتين بيعاكس
دايما اللى بيعاكس دا بيبقى الطبقة الغير متعلمة
او الطبقة المتعلمة وخلاص من غير ثقافة

Moamen Reda يقول...

الملف مفتوح اليومين دول في برنامج 90 دقيقة ،، وبرضوه انا سمعت عن حادثة تحرش المهندسين اللي كانت في العيد ،، ،،وفي ناس عايزة تعمل قانون يجرم التحرش الجنسي ،،الظاهر فعلا ان الموضوع زاد قووي ياندا .
وبالنسبة للناس اللي في العاشر غالبيتهم من الصعيد والفيوم والمحافظات المعدومة ،، كلهم متغربين اي ليسوا من اهل العاشر ،، يلهثوا وراء اي انثي ،، اعتقد لو في عقاب الواحد هيفكر مرتين !!

نيرة و منةالله يقول...

ندا
كان نفسى ابقى اول تعليق بس تقريبا اتاخرت اوى
عموما كويس اوى انك طرحتى الموضوع دة لانى انا نفسى اتاذيت من المنطقتين دول فعلا وخاصى المجاورة الخامسة لما كنت هناك وكل يوم تقريبا كنت بتعاكس لحد اما تعودت خلاص المعاكسة دى بات الشغل الشاغل مش هتصدقى حتى عندنا فى المعهد البنات بتتعاكس والولاد بجد اغلبهم اصبح يثير الشعور بالقىء من الكلام المؤرف الى بيقولوة دلوقتى بس فعلا البنت الى بتشتم وبتهزء الولد الى عاكسها باقى الولاد مش بيقدروا يبصوا فى وشها حتى عشان عرفين مصيرهم من وابل الشتايم الى هينزل على دماغهم
يارب يتغيروا بجد
بس فعلا بالنسبة لينا احنا مش بنعرف نرد
طب نعمل ايه
دة العيال الصغيرين بقوا بيعاكسوا
تقريبا اصبح معاكسة البنات عرف لدى الشعب المصرى
نيرة

Beram ElMasry يقول...

ابنتى . ندا منير
تحية لك واحتترام
ما تروينه عن سلوك العاطلين فى قلعة الصناعة براس المال الاجنبى ، العاشر من رمضان ، ردة فعل وانتقام من واقعهم المر والبيئة المحيطة ، ولو تعرفين كم كانت الاجور فى بدا التشغيل وما صارت عليه الان لعرفت ان مايفعله العاطلون انتقاما من مجتمع يسيره الغير شئ قليل
شكرا لزيارتك وسلام

شوية قهوة يقول...

عندك حق فعلا موضوع جميل جدا
ده اول زيارة ليا ويريت انت كمان تزوريني

احمد على نصار يقول...

اللي بيحصل ده من اسباب الكبت اللي عايشين فيه :كبت جنسي وكبت سياسي وكبت طبقي وكبت قهري لازم يكون فيه تفريغ لكل ده عندهم ومبيلقوش الا البنات يعني كائن ضعيف يحسسهم انهم عندهم القدرة علي الأذي ولو بكلمه ولو شفتي تعابير وشهم بعد المعاكسه حتلاقيها بتنطق بالسعاده

mohamed ghalia يقول...

جميل ما تكتبين
وربنا يهدى الناس دى ويشوفلهم شغلانه أحسن من المعاكسة والتجريح
تقبلى تحياتى
دمتى بود

elsha3er يقول...

اتأخرتى علينا يا ندا

احمد الشاعر

ندا منير يقول...

flunt
......
سعيدة جدا بتعليقك وفعلا يمكن سبب من الاسباب معاكستهم انهم صعايدة
وزى ما انت بتقول فعلا لو فى عقاب اكيد الوضع هيختلف
ودولقتى هما بيناقشوا موضوع العقاب دا
ويارب فعلا يبقى فى عقاب

ندا منير يقول...

نيرة ومنة
.......
ولا يهمك يا جميل بعد كدة اديكى ميسد بانى نزلت الموضوع
ههههههههههه
وبجد يا نيرة العمال دول بيضيقونى جدا جدا جدا واحنا هنحاول نناقش الموضوع دا مع استاذ محمود خميس لازم يكلم جهاز العاشر عشان كدة بجد صعب قوى

وبالنسبة للاطفال اللى بيعاكسوا فدول بقى حاجة تانية خالص
وحاجة تخليكى بجد تتحصرى
انا مش عارفة الاجيال اللى بعد كدة هيكون شكلها ايه

بس ميرسى قوى يا جميل

ندا منير يقول...

beram elmasry
............
دا مش مبرر عشان يعملوا كدة
انا حاسة وعايشة الواقع جدا وعارفة معاناة الشعب المصرى
بس البنات والسيدات ايه ذنبهم
ودا بياثر نفسيا جدا عليهم

وهما لو عاكسوا دا مش هيحل حاجة
دا بيضر مش بيحل

وميرسى قوى على تعليقك

ندا منير يقول...

مقتطفات من حياة فتاة
....
نورتى يا قمر المدونة
واشكرك جدا على الزيارة
وعلى ردك الجميل
وان شاء الله هزورك

ندا منير يقول...

احمد على نصار
.....
معجبة جدا بتعليقك
انت تقريبا حللت الموضوع صح
بس هما مش بيفكروا صح
لان دا بجد عمره ما هيفيدهم
ويارب يبقى فى عقاب وحبس ويوافقوا على كدة فى مصر

اشكرك جدا

ندا منير يقول...

mohamed ghalia
........
نورت المدونة
واشكرك على تعليقك
ويارب يشوفوا شغلانة تانية

ندا منير يقول...

الشاعر
....
والله انا مشغولة جدا جدا جدا بجد فضيت نفسى شوية قلت ارد على التعليقات واشوف المواضيع الجديدة
وكنت عايزة اعتذر انى مش هدخل الاسبوع دا بس قلت لا لازم ادخل

اشكرك على مرورك

Beram ElMasry يقول...

ابنتى . ندا منير
اسعد الله صباحك بالخير
قلت فى تعليقك ( اللسان دا هو اللى بيودى يا الجنة يا النار )
اعاذنا الله واياك يا ابنتى من النار ، انا يا ابنتى لم اخدش حياء ، ولم ادعو الى معصية ولم ادعو حتى الى اضراب ، ولكن اشهر بمن باع الارض والعرض واحوج الناس لذل المسالة
اتكون لى النار ام للغير
تحياتى لك وشكرا للنصيحة

كلام على بلاطة يقول...

المعاكسة ليست بساطة
ولكنها هيافة وعقد وقلة ادب
تحياتى

elsha3er يقول...

اتأخرتى علينا

احمد الشاعر

MISS\GH يقول...

عزيزتى ندى اولا بحييكى على مدونتك الرائعه وموضوعاتك الهادفه واتمنى من الله ان يوفقك فى اثبات ذاتك وتحقيق اهدافك
اما بالنسبه لموضوع البوست فهو قضيه اصبحت منتشره .
وادى قله التدين والتقرب الى الله الى حاجات كتير بتحصل بين الشباب والبنات زى الجواز العرفى والتحرش وحاجات كتير
مش مبرر ان البطاله موجوده بين الشباب انهم يقضوا اوقاتهم فى التسليه بين البنات والتحرش بيهم والمفروض ان دى مش صفات المجتمع الشرقى ذو العادات والتقاليد الحميده ..بجد انا كبنت مستائه جدا من المناظر الى بشوفها سواء فى الجامعه او بره الجامعه ..وكمان انتشرت الهمجيه بقى فى شباب دلوقتى بتحركهم غرائز حيوانيه جواهم ودول بيتحولوا لوحوش وكتير ما عرضت وسائل الاعلام عن القضايا دى وصورت جميع حالاتها وناقشتها وحاولت توجد حل للمهزله دى ولكن لا جدوى عزيزتى الموضوع شيق والكلام فيه كتير جدا ومهما اتكلمت مش هيكون غير نقطه فى بحر الجدال فى الموضوع ده
تقبلى مرورى.

مـجـنـووون يقول...

مش البطالة لوحدها هي السبب في موضوع المعاكسات

انتشار قلة الدب والعادات السيئة والفضائيات التي تنشر فلة الأدب

وفي جانب يقع الي البنات . زي التبرج واظهار المفاتن بشكل ملفت للنظر

والله الحل الوحيد نرجع لربنا ومتنتظريش أي حاجه من الحكومة والمسئولين لأنهم عايزن يحصل كده عايزين الناس تبقي بتفكر في الحاجات دي ومتفكرش في اي حاجه تانيه خالص

تقبلي مروري
مجنووون

إبن مصر يقول...

السلام عليكم
دى اول زياره وأعتقد مش هتكون الأخير

ومش هختلف معاكى يا ندى كتير بس أحب اسألك سؤال بسيط

تفتكرى الحل انهم يتنقلوا من المنطقه دى وطيب ولما يتنقلوا مش فيه بنات فى المنططقه اللى هيتنقلوا ليها وبرده مش هيرحموهم من الكلام السافل اياه

عارفه الحل فى ايه

طيب عارفه هما كده ليه علشان مش مع ربنا فى اى شئ صدقينى لا يغر الله ما بقوم حتى يغيروا ما بأنفسهم
عايزين ربنا يرزقنا إزاى وإحنا ونقول يارب واحنا عين فى السما والعين التانيه على بنت ماشبه فى الشارع
اقولك على حاجه ربنا يهدى جميع شباب وفتايات الإسلام لما يحب ويرضى
تقبلى تحياتى واسف طولت اوى فى اول زياره

SemSem يقول...

اول زيارة لى فى المدونة
بالنسبة للموضوع
انا شايف ان غياب القدوة هو السبب
لو كل واحد اتخذ قدوة له صح لتعغير الحال
ولكن فى وجود الفضائيات والانترنت والتكنولوجيا انتشر الفساد اكثر واستشرى فى الارض بدل من الانتفاع به اصبح يهددنا جميعا
وانا لله وانا اليه راجعون
تحياتى
اتمنى زيارتكم جميعا لمدونة حواديت

العراف يقول...

سلام عليكم احب احيكى يا ندا على المجهود الجميل ده وعلى الطموح ده انا اول مره ازور المدونه بس حلوه وكمان الموضوع اللى انت كاتبه فيه جميل قوى ويارب المسؤلين يسمعوا ومنتظر منك الجديد واكيد مش هتكون زيارتى الاخيره بدعوكى لزياره مدونتى المتواضعه

prince4ever يقول...

سلام عليكم
معلش يا ندا
من جديد يفرض نفسه سؤال السبب و النتيجة...يا ترى تدني الاخلاق نتيجة لتردي الاحوال الاقتصادية و لا الاحوال الاقتصادية تردت نتيجة لتدني الاخلاق..نوع من عقاب السماء يعني..
و من جديد نجد ان الفقر و الطيبه ليس شرطا ان يجتمعا في شخص واحد
انتي من العاشر..بلديات يعني..بس انا مالزقازيق..
تحياتي ليكي يا((بلديات؟!!))
رامي..قصاصة ورق

romansy يقول...

اهلا ندا
موضوعك جميل
المشكله فى الاول والاخر موضوع اخلاق
مش بطاله
فيه ناس كويسه كتير
بس برضه فيه ناس مش كويسه اكتر
موضوع جميل
بس مين اللى يسمع

blue-wave يقول...

هو بالفعل وباء يا ندا
يحتاج منا الى التوعيه
التوعيه الدينيه والإجتماعيه
وشغل اوقات هؤلاء الشباب
تحياتى

ندا منير يقول...

beram elmasry
..........
ايوة انا لما قلت اللسان بيودى فى داهية فدا بقوله عموما مش علشان كلامك اللى كتبته يعنى مقصدش انك بتدعو لحاجة
لكن انا بقول عموما ان اللسان هو اللى بيودينا فى داهية
واشكرك على المتابعة

ندا منير يقول...

كلام على بلاطة
......
هى فعلا المعاكسة زى ما انت قلت
واشكرك على المرور والتعليق

ندا منير يقول...

الشاعر
........
انا رديت عليك على فكرة فى تعليق قبل كدة
عموما انا بشكرك جدا على السؤال والمتابعة
وزى ما قلتلك انا والله مشغولة على طول
واليوم بيخلص ومش بلحق اخلص اللى ورايا

ندا منير يقول...

miss/gh
........
تعليقك عجبنى جدا جدا
وكلامك مظبوط
وانا نعمل اقصى ما عندنا ونطالب بوضع حل للموضوع دا ومنياسش ابدا

وبشكرك على مرورك

ندا منير يقول...

مجنون
......
الرجوع الى الله طبعا هو حل صح
بس لوحده مش كافى
لان فى ناس متعرفش اصلا ربنا فعمرها ما هتقرب منه
لكن الحكومة اللى تقدر تحد من الوضع دا
ولو صدر عقاب على اللى يعاكس يبقى اكيد الموضوع هيقل جدا جدا

واشكرك على تعليقك

ندا منير يقول...

son of egypt
..........
طبعا مطولتش خالص فى الكلام ومن حقق تقول اللى عايزه حتى لو كان صفحة ورد كاملة
ههههههههههه
بالنسبة للسؤال فهجاوبك عليه
بالنسبة للعاشر عندنا ففى اماكن كتير قوى فاضية اللى هى مناطق المصانع فدى مناطق مثلا ممكن يتنقلوا فيها وبتبقى بعيدة عن الناس خالص وعن البنات
او فى اى مكان خاص بالعمال وبره فى مناطق فى العاشر كلها ورش ممكن برده يتنقلوا فيها
يعنى عايزة اقولك ان فى اماكن كتير ممكن يتنقلوا فيها لان بيبقى فى اماكن مبيترددش عليها البنات كتير

والمشكلة انهم بيقعدوا فى العاشر فى اهم مكان بيقعدوا فى موقف العاشر يعنى كل الى جاى من السفر او اللى مسافر او او او بيضايقوه
والمكان التانى جمب مدرسة ثانوى والمنطقة كلها منطقة بيوت المدرسين اللى بياخدوا عندهم دروس يعنى هما اختاروا مكانين بجد اصعب مكانين فى العاشر

ويارب نحل الموضوع دا وان شاء الله هنعمل المستحيل ونحله


سورى بقى عشان انا اللى طولت فى الرد
ههههههههههههههه

ندا منير يقول...

semsem
.......
بشكرك يا اسامة على تعليقك الجميل دا
وطبعا غياب القدوة يعتبر سبب من المعاكسات وللاسف اغلب الشباب بيتخذوا قدوتهم مطربين وممثلين
ودا طبعا هو اللى بيوصلهم لكدة

ندا منير يقول...

العراف
........
طبعا احب اشكرك على زيارتك ليا
وان شاء الله هزورك
وربنا يسمع منك يارب

ندا منير يقول...

prince4ever
.................
هاى يا بلديات
هههههههههههههههههه
طبعا الزقازيق دى انا على طول لاجئة فيها
هههههههههههههههه
بس بقالى فترة متغيبة عنها

طبعا بشكرك على مرورك وعلى تعليقك والمعاكسة ملهاش سبب واحد دى ليها اسباب كتييييييييييييييييير قوى قوى

ندا منير يقول...

romansy
.............
لا مين اللى يسمع دا موضوع صعب جدا
واحنا فى مصر مش بنسمع لحد حتى لو لاهلنا
بنعمل الغلط وبنبقى مصريين انه صح

هو دا الشعب المصرى

اشكرك ونورت

ندا منير يقول...

blue_wave
...........
اكيد طبعا يا دكتور شغل اوقات فراغ الشباب هيحد قوى من المعاكسة دى
بس دا بقى عايز تخطيط كبير جدا فى المدارس وفى تربية الاب والام لاولادهم ودا شئ محتاج لمجهود كبير قوى
وللاسف مفيش حد عايز يعمل حاجة
كل اللى الناس بتقدر تقوله اصل البنات هما اللى بيشجعوا الشباب على كدة
واصلا عمر ما كان دا العامل الاساسى او الوحيد

بس نعمل ايه فى التفكير الصمرى

نورت يا دكتور

صحراء تضيع فيها أجمل معانى الحياة

اتعلم شعور من يسير وسط صحراء جرداء يبحث عن من يروى عطشه، يسير اميال طويلة بحثاً عن ظل شجرة، كي يستريح قليلاَ ليستكمل مسيرته التي خُلق من أ...